Full Post Style

ខណៈដែលស្ទើតែគ្រប់បណ្តាលប្រទេសដែលនៅក្បែរមហាលសមុទ្រ កំពុងរងនៅការព្រមានអំពីខ្យល់ព្យុះនោះ ស្រាប់តែប្រទេសដែលនៅជាប់តំបន់ប៉ូលច្រើនជាងគេ ដូចជាប្រទេសរុស្ស៊ី បែរជាកំពុងរងនៅរលកកំដៅទៅវិញ។

បើយោងតាមការចុះផ្សាយពីទីភ្នាក់ងារសារព័ត៌មាន Reuters កាលពីថ្ងៃទី ៤ ខែកក្កដា ឆ្នាំ២០២៤ បានឲ្យដឹងថា នៅក្នុងទីក្រុងម៉ូស្គូនាពេលឥឡូវនេះបានបំបែកកំណត់ត្រារបស់ខ្លួនហើយ គឺជាមួយនឹងតុណ្ហភាពលើសពី 35 អង្សាសេទៅទៀត ។

បើយោងតាមការរៀបរាប់ពីមជ្ឈមណ្ឌលអាកាសធាតុ FOBOS បាននិយាយថា នៅទីក្រុងមូស្គូ វាគឺជាទីកន្លែងមួយដែលត្រជាក់ខ្លាំង ហើយពេលខ្លះក៏មានសីតុណ្ហភាពត្រជាក់រហូតដល់ដក 40 អង្សារសេក្នុងរដូវរងាថែមទៀតផង។ ប្រភពមួយនេះបាននិយាយទៀតថា ប្រសិនបើយើងនិយាយអំពីកំដៅដែលខ្លាំងសម្រាប់ក្នុងទីក្រុងមូស្គូនាពេលកន្លងមកវិញនោះ គឺទីក្រុងដ៏ធំមួយនេះធ្លាប់ជួបនៅស៊ីតុណ្ហភាពដែលក្តៅខ្លាំងបំផុតគឺត្រឹម 32.7 អង្សាសេប៉ុណ្ណោះ កាលពីក្នុងឆ្នាំ 1917 ។

ខាង FOBOS បាននិយាយបន្តទៀតថា បច្ចុប្បន្នអាកាសធាតុគឺប្រែក្លាយជាក្តៅខុសពីធម្មតា ដោយក្នុងនោះវាបានជំរុញឱ្យរាល់កន្លែងធ្វើការ និងនៅតាមគេហដ្ឋានមួយចំនួនត្រូវការប្រើរម៉ាស៊ីនត្រជាក់ និងកង្ហារកាន់តែច្រើន។

យ៉ាងណាមិញ​ ចំពោះការឡើងកំដៅខុសប្រក្រតីបែបនេះ ខាងអភិបាលក្រុងមូស្គូលោក Sergei Sobyanin បានអំពាវនាវឱ្យប្រជាជននៅតំបន់ទីប្រជុំជនទីក្រុងមូស្គូទាំងអស់ ដែលមានប្រជាជនលើសពី ២០លាននាក់នោះ ត្រូវតែមានការប្រុងប្រយ័ត្ន និងជៀសវាងការចេញទៅខាងក្រៅនៅពេលក្តៅបំផុតនៃពេលថ្ងៃ។

លោក Sergei Sobyanin  បាននិយាយបន្តទៀតថា “ក្នុងអំឡុងពេលថ្ងៃ សីតុណ្ហភាពនិងខ្យល់ វាអាចនឹងលើសពីបទដ្ឋានអាកាសធាតុ ហេតុដូច្នេះហើយទើបលោកស្នើរប្រជាជនរបស់ខ្លួន ទទួលទានទឹកឲ្យបានច្រើនជាងពេលពីមុនផងដែរ។

លោក​បាន​បន្ត​ថា បញ្ហាកំដៅគឺវាបានកើតឡើងស្របពេលដែលមានព្យុះ​ផ្គរ​រន្ទះ បើយោងតាមការ​ព្យាករ បានឲ្យដឹងទៀតថានៅ​ថ្ងៃ​សុក្រសប្តាហ៍នេះ នៅក្នុងទីក្រុងម៉ូស្គូន​អាច​នឹង​មាន​ព្រឹល​ធ្លាក់ថែមទៀតផង។

ព្យុះសង្ឍរាដ៏កាចសាហាវមួយដែលមានឈ្មោះថា Beryl បានបក់បោកមកលើប្រទេស Jamaica យ៉ាងខ្លាំងក្លាកាលពីរសៀលថ្ងៃពុធ បើយោងតាមការចុះផ្សាយពីទីភ្នាក់ងារ Reuters បាននិយាយថា ការមកដល់នៃព្យុះសង្ឍរា Beryl វាបានបំផ្លិចបំផ្លាញផ្ទះសម្បែងរបស់ប្រជាពលរដ្ឋរបស់ប្រទេស Jamaica រាប់ពាន់ខ្នង ហើយចំពោះដំណាំកសិផលវិញគឺបានរងនូវការខូចខាតយ៉ាងធ្ងន់ធ្ងរ។

ប្រភពដដែលបានរាយករណ៍ទៀតថា បន្ទាប់ពីព្យុះបានបោកបក់លើទឹកដីរបស់ប្រទេស Jamaica អស់រយៈពេលបីថ្ងៃកន្លងមក ក្រុមអ្នកយកការណ៍របស់ Reuters បានបញ្ជាក់ទៀតថា ក្នុងនោះគឺមានអ្នកស្លាប់ដោយសារខ្យល់ព្យុះប្រមាណជា 9 នាក់ ប៉ុន្តែវាត្រូវបានគេរំពឹងយ៉ាងទូលំទូលាយថា ចំនួននេះនឹងកើនឡើង ខណៈដែលចំនួននៃបាត់ខ្លួននៅតែមិនទាន់រកឃើញនោះ។

          គួរបញ្ជាក់ថា ចំពោះខ្យល់ព្យុះដែលបានកើតឡើងនៅក្នុប្រទេស Jamaica វាត្រូវបានមន្ត្រីឧត្តុនិយមរបស់ប្រទេសមួយនេះបានលើកឡើងថា ផលប៉ះពាល់ដែលប្រទេសខ្លួនកំពុងតែជួបប្រទះនេះ វាគ្រាន់តែជាកម្រឹតទី៤នៃកំលាំខ្យល់ព្យុះប៉ុណ្ណោះ។

          ប្រភពដដែលបាននិយាយបន្តថា ខ្យល់ព្យុះសង្ឈរា ដែលមានឈ្មោះថា Beryl វាបានថយចុះកំលាំងសម្ពាធខ្យល់អស់មួយចំនួនរួចទៅហើយគឺបន្ទាប់ពីវាបានឆ្លងកាត់កោះ Caribbean ព្រមទាំងកោះតូចៗជាច្រើនទៀតមុនពេលវាបានមកដល់ Jamaica។

          តែបើយោងតាមការសិក្សាពីអ្នកជំនាញខាងអាកាសធាតុបានឲ្យដឹងបន្ថែមថា បច្ចុប្បន្នរាល់ការព្រមានអំពីខ្យល់គឺវាហាក់ដូចជាធ្ងន់ធ្ងរឡើងពីមួយឆ្នាំទៅមួយឆ្នាំ។ យ៉ាងណាមិញប្រសិនបើយើងនិយាយពីលក្ខខណ្ឌនៃខ្យល់ព្យុះមួយនេះវិញ គឺដំបូងឡើយវាមានឈ្មោះថា ហឺរីខេន ហើយខ្យល់ព្យុះមួយប្រភេទនេះគឺវាមានកំលាំងបោកបក់ខ្លាំងលើសពីខ្យល់ព្យុះធម្មតាស្រាប់ទៅហើយ។ ដោយក្នុងនោះខាងក្រុមអ្នកវិទ្យាសាស្ត្របានអះអាងទៀតថា ល្បឿននៃខ្យល់ព្យុះដ៏កាចសាហាវក្នុងរយៈពេលប៉ុន្មានឆ្នាំចុងក្រោយនេះ គឺវាត្រូវបានជំរុញឡើង ដោយការប្រែប្រួលអាកាសធាតុ។

          ផ្ទុយទៅវិញនៅក្នុងឆ្នាំ ២០២៤ នេះ ខ្យល់ព្យុះហឺរីខេន ខាងលើនេះវាបែរជាធ្វើការបក់បោកខ្លាំងជាងការសិក្សាពីមុនទៅទៀត។  នៅក្នុងរដូវកាលដំបូងនៃឆ្នាំ២០២៤ ដដែល ព្យុះហឺរីខេនបានបំលែងខ្លួនក្លាយទៅជាព្យុះដែលមានល្បឿនលឿនជាងមុនធ្វេរដង ដែលពួកគេបានហៅវា ព្យុះ Beryl។ បើយោងទៅតាមការរៀបរាប់ពីរដ្ឋបាលមហាសមុទ្រ និងបរិយាកាសជាតិអាមេរិក (NOAA) បាន ព្យាករណ៍ពីព្យុះសង្ឃរាធំៗដែលតែងតែកើតឡើងនាពេលបច្ចុប្បន្ននេះថា ពិភពលោកកំពុងតែស្ថិតនៅក្នុងរដូវកាលមួយដែល “មិនធម្មតា” ។

          ការប្រែប្រួលនៃអាកាសធាតុវាត្រឹមតែធ្វើឲ្យភពផែនដីឡើងកំដៅតែមួយមុខនោះទេ តែវាក៏បានធ្វើឲ្យបណ្តាលប្រទេសនៅទូទាំងពិភពលោកបានទទួលរងនូវខ្យល់ព្យុះកាចសាហាវជាញឹកញាប់ គ្រោះរញ្ជួយដី ទឹកជំនន់ និងគ្រោះរាំងស្ងួតជាដើម។

សហម្ចាស់កម្មសិទ្ធរបស់ក្រុមហ៊ុន Red Bull ដែលស្ថិតនៅក្រោមការដឹកនាំដោយ លោក Chalerm Yoovidhya និងក្រុមគ្រួសាររបស់លោកនាពេលនេះ គឺបានក្លាយទៅជាមហាលសេដ្ឋីដែលមានជាងគេបំផុតនៅក្នុងប្រទេសថៃ នេះបើយោងទៅតាមការចុះផ្សាយពីទស្សនាវដ្តីដ៏ល្បីរបស់ពិភពលោក ដែលមានឈ្មោះថា Forbes។

ប្រភពមួយនេះបានសរសេររៀបរាប់ថា ខណៈដែលទ្រព្យសម្បត្តិរួមរបស់មហាសេដ្ឋី 50 រូបរបស់ប្រទេសថៃបានធ្លាក់ចុះប្រហែល 15% តែការធ្លាក់ចុះទាំងនោះ គឺបានបញ្ជាក់ឲ្យយើងដឹងថា ក្រុមគ្រួសាររបស់ Red Bull បែរជាមានការកើនឡើងនៃទ្រព្យសម្បត្តិរបស់ពួកគេទៅវិញ ដោយក្នុងនោះក្រុមការងាររបស់ Forbes បានរាយការណ៍ទៀតថា នៅក្នុងឆ្នាំ២០២៤ នេះ ក្រុមគ្រួសាររបស់លោក Chalerm Yoovidhya បានកើនឡើងទ្រព្យសម្បត្តិសុទ្ធរហូតដល់1.3 ពាន់ពាន់លានបាត (2.6 ពាន់លានដុល្លារសហរដ្ឋអាមេរិក)។

គួរបញ្ជាក់ថា ចំពោះកំណើននៃប្រាក់ចំណូលរបស់ក្រុមហ៊ុន Red Bull គឺមិនមែនជាអ្វីដែលទើបតែនឹងកើនឡើងនាពេលបច្ចុប្បន្ននោះទេ ប្រភពខាងលើបានបញ្ជាក់ទៀតថា កាលពីឆ្នាំ២០២៣ ក្រុមហ៊ុនមួយនេះគឺធ្លាប់រកបានប្រាក់ចំណូលច្រើនជាង 405.5 ពាន់លានបាត (11 ពាន់លានដុល្លារសហរដ្ឋអាមេរិក) ទៅទៀត។ ក្នុងឆ្នាំដដែលនោះខាងក្រុមហ៊ុនមួយនេះធ្លាប់បានប្រកាសថា ខ្លួនបានលក់ភេសជ្ជៈពៅកំលាំង Red Bull នៅក្រៅប្រទេសស្ទើតែពាសពេញពិភពលោក ប្រសិនបើយើងគិតជាចំនួនវិញនោះ គឺមិនតិចជាង12 ពាន់លានដប និងកំប៉ុងនោះទេ។

គួររំលឹកថា ​ Red Bull គឺជា​ម៉ាក ​ភេសជ្ជៈ​ប៉ូវ​កម្លាំង ​ដែល​មានឈ្មោះជាភាសារថៃថា Krating Daeng  ។ ភេសជ្ជៈក្រាំង​ដាន​ត្រូវ​បាន​គេបង្កើតឡើងជា​លើក​ដំបូង​ក្នុង​ឆ្នាំ​១៩៧៥ ជាមួយនឹងរសជាតិដើម ដែលមានតែ ស្ករ​អំពៅ ជាតិ​កាហ្វេ អ៊ីន តូរីន ​​អ៊ី ណូ ស៊ីតូល និង ​វីតាមីន B តែប៉ុណ្ណោះ។ ក្នុងឆ្នាំ ១៩៧៦ ភេសជ្ជៈមួយប្រភេទនេះ វាក៏ត្រូវបានគេលើកទឹកចិត្តដល់អ្នកដែលធ្វើការកំលាំង ឲ្យទទួលទាន តួរយ៉ាងដូចជា កម្មករសំណង់ កសិករនៅតាមជនបទ និងយោធាជាដើម នៅពេលនោះផងដែរ Krating Daeng វាក៏ត្រូវបានអ្នកទាំងអស់នោះបានហៅវាថា red gaur ។ ក្នុងឆ្នាំ ១៩៨២ red bull’ or ‘red gaur វាត្រូវបានខាងក្រសួងសុខាភិបាលរបស់ថៃរកឃើញថា ការទទួលទានភេសជ្ជៈមួយប្រភេទនេះវាមិនមែនគ្រាន់តែជាភេជ្ជៈដែលមានរសជាតិឆ្ងាញ់ និងជួយពៅកំលាំងរបស់មនុស្សដែលនឿយហត់ប៉ុណ្ណោះទេ តែវាក៏បានជួយព្យាបាលនូវ ភាពយឺតយ៉ាវ របស់មនុស្សថែមទៀតផង។

បច្ចុប្បន្ន Red Bull វាគឺជាភេសជ្ជៈពៅកំលាំងមួយប្រភេទ ដែលគេនិយមទទួលទានច្រើនជាងគេបំផុតនោះគឺនៅក្នុងអាស៊ីអាគ្នេយ៍ និង ខាងកើត ជាពិសេសជាងនេះទៅទៀតនោះ Red Bull ត្រូវបានគេនាំចេញទៅលក់នៅទូទាំងពិភពលោកមិនតិចជាង 165 ប្រទេសនោះឡើយ។