Full Post Style

បុរសជនជាតិអង់គ្លេសម្នាក់ បានប្រើប្រាក់សន្សំរបស់ខ្លួន និងគ្រួសាររបស់ខ្លួនដើម្បីទៅទិញរថយន្ត Tesla Model Y ស៊េរីឆ្នាំ 2023 មួយគ្រឿងកាលពីខែ មីនា ឆ្នាំ២០២៣។ លោក hreyansh Jain បាននិយាយប្រាប់អ្នកយកព័ត៌មានរបស់រ៉យទ័រកាលពីថ្ងៃទី ២០ ខែធ្នូថា លោកបានប្រើភាពហឺហាជាមួយនឹងរថយន្តដ៏ប្រណិតរបស់ក្រុមហ៊ុន Tesla អស់រយៈពេលជាច្រើនខែ ។ លោកបាននិយាយបន្តទៀតថា ថ្ងៃមួយនៅពេលដែលលោកបានដឹកប្រពន្ធ និងកូនស្រីម្នាក់ដែលមានអាយុ ៣ ឆ្នាំ ក្នុងទិសដៅឆ្ពោះទៅសង្កាត់ដែលលោករស់នៅ នៅពេលដែលលោកបានបន្ថយល្បឿខណៈដែលលោកបានត្រៀមបត់ ស្រាប់តែឡានរបស់គាត់ក៏បានដាច់ចង្កូតចេញភ្លាមៗតែម្តង ដែលបង្ករឲ្យរថយន្តរបស់លោកបានខ្ទាតចេញពីផ្លូវ។ លោក hreyansh Jain បាននិយាយរៀបរាប់ទាំងភាពសោកសៅថា ប្រសិនបើលោកបានបើករថយន្តនៅលើផ្លូវហាយវេ ក្នុងល្បឿន ៧០ ម៉ាយវិញនោះ ម្ល៉េះឧបទ្ទវហេតុមួយនេះមិនដឹងក្លាយទៅជាយ៉ាងណានោះទេ។ លោកបាននិយាយរៀបរាប់ទៀតថា កាជួសជុលវាអាចត្រូវប្រើរយៈពេលជិត៤០ម៉ោង ហើយចំពោះតម្លៃវិញ ត្រូវបានជាងប៉ានស្មានថា ប្រហែលជាង $14,000។

គួរបញ្ជាក់ថា បន្ទាប់ពីមានការអះអាងពីសំណាក់បុរសជនជាតិអង់គ្លេសរូបនេះរួចមក ខាងក្រុមហ៊ុន Tesla បានបដិសេធមិនទទួលខុសត្រូវលើការជួសជុលនោះទេ ដោយខាងក្រុមហ៊ុនបាននិយាយថា វាគឺជារឿង

 ឧបទ្ទវហេតុដែលបង្កឡើងដោយអ្នកបើក ទើបធ្វើឲ្យឡានបានរងនូវការខូចខាតបែបនេះ។

          បើយោងទៅតាមការត្រួតពិនិត្យឡើងវិញដោយអ្នកជំនាញរបស់រ៉យទ័រ ទៅលើរថយន្តនិង​ឯកសារជាច្រើនច្បាប់របស់ Tesla បានធ្វើឲ្យពួកយើងយល់ថា វិសាលភាពនៃការដោះស្រាយបញ្ហា របស់ក្រុមហ៊ុន Tesla គឺនៅមានកម្រឹត។ បើយោងតាមប្រភពជាច្រើនបានឲ្យដឹងថា ក្រុមហ៊ុន Tesla មិនបានផ្តោតទៅលើការដោះស្រាយ ចំពោះអ្វីដែលជាគុណវិបត្តិ និងការបរាជ័យនោះដែរ។

          បើយោងតាមទិន្នន័យមួយចំនួន ដែលជាឯកសារកំណត់ត្រាក្នុងចន្លោះពីឆ្នាំ២០១៦ ដល់ ឆ្នាំ២០២២ បានបង្ហាញថា ក្រុមហ៊ុន Tesla បានពង្រីកមជ្ឈមណ្ឌលសេវាកម្ម នៅទូទាំងពិភពលោក។ តែក្នុងនោះគឺមានរបាយការណ៍មួយចំនួនបានសរសររៀបរាប់ថា រថយន្តគឺមានកក្តាអវិជ្ជមានច្រើនគួរសម។ ដោយក្នុងនោះវាក៏មានសេចក្តីសង្ខេបមួយដែលសរសេរដោយអ្នកបច្ចេកទេសរបស់ Tesla បាននិយាយប់ថា ឧបទ្ទវហេតុនៅក្នុងឆ្នាំ២០២១ គឺវាមានជាប់ពាក់ព័ន្ធទៅនឹងម៉ូឌែល ៣ របស់សេរីឡាន២០២០។

          ប៉ុន្តែរឿងនេះ យើងមិនអាចទទួលបានចម្លើយ ពីក្រុមហ៊ុន Tesla ឬពីនាយកប្រតិបត្តិកំពូល លោក Elon Musk នៅឡើយទេ។ លោក Elon Musk គ្រាន់តែជាស្ថបនិកម្នាក់ដែលទទួលស្គាល់ពីគុណភាពនៃការផលិតឡាននៃម៉ាក Teslas ចំពោះ ៣ ម៉ូឌែលដំបូងប៉ុណ្ណោះទេ ហើយបន្ទាប់មកទៀតរូបលោកក៏និយាយថា រថយន្តរបស់គាត់គឺមិនមានគូប្រជែងនោះទេ ព្រោះក្រុមហ៊ុនលោកបានបង្កើតរថយន្តដែលល្អជាងគេបំផុត នេះបើយោងតាមការចុះផ្សាយរបស់  New York Times កាលពីខែមុន។

          ទីភ្នាក់ងារសើបអង្កេតរបស់រ៉យទ័របានរកឃើញថា ការផ្អាកនូវពាក្យបណ្តឹង ជុំវិញចំនុចអវិជ្ជមានរបស់ Tesla វាបានឆ្លុះបញ្ចាំងឲ្យយើងឃើញថា សារជីវកម្មរបស់មហាលសេដ្ឋីលេខ១នៅក្នុងពិភពលោក Elon Musk គឺមានចេតនាចង់ច្រានចោលនៅការព្រួបារម្មណ៍ ឬក៏គ្រោះថ្នាក់ផ្សេងៗ ដែលបានលើកឡើងដោយអតិថិជន ព្រោះលោកបានផ្តោតទៅលើតែការលក់ និងការពង្រីកអាជីវកម្មតែប៉ុណ្ណោះ។

          បើយោងតាមការស៊ើបអង្កេតរបស់រ៉យទ័រ បានឲ្យដឹងទៀតថា កាលពីខែវិច្ឆិកា មានមនុស្សប្រហែល ៦០០ នាក់បានរងរបួស ក្នុងកំឡុងពេលដែលក្រុមហ៊ុនរបស់លោក Musk បានសាងសង់រ៉ុក្កែត SpaceX ដោយក្នុងនោះមានបុគ្គលិករបស់ក្រុមហ៊ុនម្នាក់បាននិយាយប្រាប់រ៉យទ័រដោយសំង៉ាត់ថា ក្រុមហ៊ុនផ្តោតទៅលើតែការសម្រេចនៃគម្រោងដែលទទួលបានតែមួយមុខ  ក្រុមហ៊ុនមិនបានខ្វល់ខ្វាយទៅលើសុវត្តិភាពរបស់កម្មករនោះឡើយ។ រ៉យទ័របានរកឃើញទៀតថា ក្រុមហ៊ុន Tesla បានលួចបង្កើតក្រុមសម្ងាត់មួយ ដើម្បីចុះបង្ក្រាបការតវារបស់អតិថិជនរបស់ខ្លួនរាប់ពាន់នាក់ ដែលនិយាយអំពីចំណុចអវិជ្ជមាននៅពេលបើកបរថែមទៀតផង។

          រ៉យទ័របានរកឃើញទៀតថាក្រុមហ៊ុន Tesla បានបំប៉ោងទិន្នន័យនៃការដោះស្រាយជូនអតិថិជន ជាបន្តបន្ទាប់។ ហើយកាលពីឆ្នាំមុននេះ លោក Musk បានព្យាយាមលាក់រឿងរ៉ាវជាច្រើនជុំវិញការបង្កើតបន្ទះឈីបខួរក្បាល Neuralink ។​ រ៉យទ័របានរកឃើញថា មានមនុស្សជាច្រើនបានស្លាប់ ហើយអ្នកដែលនៅរស់ក៏រងទុក្ខវេទនា វាក៏ព្រោះតែការពិសោធន៍ ដែលមិនការគិតគូរលើផលប៉ះពាល់ក្នុងកំឡុងពេលពិសោធន៍។

          យ៉ាងណាមិញនៅក្នុងឆ្នាំ ២០២៣ ក្រុមហ៊ុន X របស់ Elon Musk ក៏បានរងនូវការរិៈគន់ជាច្រើន គឺបន្ទាប់ពីលោក បានទិញយកក្រុមហ៊ុនមួយនេះ ក្នុងតម្លៃ ៤៤ ពាន់លានដុល្លាកាលពីមួយឆ្នាំមុន។ នៅពេលដែលក្រុមហ៊ុនមួយនេះស្ថិតនៅក្រោមការកាន់កាប់របស់លោក ប្រាក់ចំនូលរបស់ក្រុមហ៊ុនក៏បានធ្លាក់ចុះជាលំដាប់ សូម្បីតែចំនួនអ្នកប្រើប្រាស់ និងបុគ្គលិកធ្វើការ។

          តែបើទោះជាយ៉ាងណាក៏ដោយ ចំពោះមហាលសេដ្ឋីរូបនេះ ហាក់ដូចជាមិនសូវជាខ្វាយខ្វល់ចំពោះការរិៈពីមហាលជនឡើយ ម្យ៉ាងទៀតលោក Elon Musk ក៏មិនបានធ្វើអត្ថធិប្បាយជុំវិញរឿងជុំនំជំរះណាមួយនៅឡើយ។

លោកយាយអាយុ 90 ឆ្នាំម្នាក់ បានក្លាយជានិស្សិតសាកលវិទ្យាល័យ North Texas ដែលចាស់ជាងគេហើយគាត់ក៏ជាមនុស្សចាស់ម្នាក់ដែលបានព្យាយាមរហូតដល់អាចបញ្ចប់វគ្គសិក្សារបស់គាត់ដោយជោគជ័យថែមទៀតផង។

លោកយាយ Minnie Payne បាននិយាយប្រាប់មន្ត្រី UNT ក្នុងបទសម្ភាសមួយថា គាត់បានចូលរៀននៅមហាវិទ្យាល័យត្រឹមតែរយៈពេលខ្លីតែប៉ុណ្ណោះ គឺបន្ទាប់ពីលោកយាយបានបញ្ចប់ការសិក្សានៅវិទ្យាល័យកាលពីក្នុងឆ្នាំ 1950 ប៉ុន្តែបើទោះជាយ៉ាងនេះក្តី លោកយាយក៏នៅតែមានឆន្ទៈក្នុងការសម្រេចក្តីស្រម៉ៃរបស់លោកយាយដែរ។ គឺបន្ទាប់ពីលោកយាយបានចូលនិវត្តន៍ អស់រយៈពេលជិត៣០ ឆ្នាំ លោកយាយក៏សម្រចចិត្តចូលរៀនៅសាកលវិទ្យាល័យ Texas Women’s University ដោយយកថ្នាក់សារព័ត៌មាន និងថ្នាក់អាជីវកម្ម ។

លោកយាយបាននិយាយរៀបរាប់ទៀតថា ចំពោះចំណង់ចំណូលចិត្តរបស់គាត់ “លោកយាយតែងតែធ្វើការជាមួយការរៀបរៀងអត្ថបទ ហើយលោកយាយក៏ចាប់ផ្តើមចូលចិត្តការសរសេរ ហេតុដូច្នេះហើយ ទើបវាបានជម្រុញឲ្យលោកយាយស្ទើរតែត្រលប់ទៅសាលារៀនវិញភ្លាមៗ។ លោកយាយបាននិយាយបន្តទៀតថា ខ្ញុំចង់កែលម្អខ្លួនដោយខ្លួនរបស់ខ្ញុំផ្ទាល់ ដូច្នេះខ្ញុំត្រូវតែចូលសាលា។

គួរបញ្ជាក់ថាលោកយាយ Payne បានបញ្ចប់ថ្នាក់បរិញ្ញាបត្រផ្នែកសិក្សាទូទៅក្នុងឆ្នាំ 2006 ហើយបានធ្វើការជាអ្នកនិពន្ធឯករាជ្យសម្រាប់ការបោះពុម្ពផ្សាយជាច្រើននៅទូទាំងរដ្ឋតិចសាស់។ បន្ទាប់ពីបញ្ចប់ការសិក្សាក្នុងកម្រឹតបរិញ្ញាប័ត្រ លោកយាយ Payne ក៏បានផ្លាស់ទៅ College Station ដើម្បីទៅរស់នៅជាមួយក្រុមគ្រួសារ។  មិនយូប៉ុន្មាន លោកយាយក៏សម្រេចបន្តការសិក្សាថ្នាក់អនុបណ្ឌិតផ្នែកសារព័ត៌មាន ក្នុងជំនាញមួយនេះផងដែរ គឺនៅពេលជំងឺកូវីដ១៩ មានភាពធូស្បើយគេការសិក្សាពីអនឡាញមករៀនផ្ទាល់វិញ ហេតុដូច្នេះហើយលោកក៏បង្ខំចិត្តត្រូវប្តូរទៅជំនាញមួយទៀត គឺរៀនតាមអនឡាញដដែល គឺមុខជំនាញអាជីវកម្ម។

លោកយាយបានបន្តទៀតថា នៅក្នុងខួរក្បាលរបស់គាត់ តែងតែមានពាក្យមួយឃ្លាថា “អ្នកចូលចិត្តការសិក្សាគឺរមែងតែសិក្សាពេញមួយជីវិត’ ហើយវាគឺជារឿងពិតរបស់លោកយាយផ្ទាល់តែម្តង។ ការតស៊ូរបស់លោកយាយដើម្បីបញ្ចប់សញ្ញាបត្ររបស់នៅអាយុ 90 ឆ្នាំ វាបានក្លាយទៅជារឿងដ៏គួរអោយចាប់អារម្មណ៍បំផុត។ លោកយាយគឺជាមនុស្សស្រីម្នាក់ដែលមានចរិតលក្ខណៈជាក់លាក់ ក្នុងការស្វែងរកសុបិន្តរបស់ខ្លួន។

តែបើទោះជាយ៉ាងនេះក្តី លោកយាយPayne បាននិយាយថា គាត់មិនបានចាត់ទុកថា ការអប់រំមួយនេះវាមានលក្ខណៈគ្រប់គ្រាន់នោះទេ។

ដោយលោកយាយបាននិយាយថា គាត់នៅតែ​ចង់​បន្ត​ការ​សិក្សា​ដដែល គឺដើម្បីទទួលបានអត្ថប្រយោជន៍កាន់តែច្រើនពីការសិក្សា”។