អ្នកនិពន្ធរបស់ CNN បានសរសេរថា វត្តមានរបស់AI វានឹងធ្វើឲ្យមានផ្លាស់ប្តូរនូវរបៀបរស់នៅរបស់ជនជាតិអាមេរិក ។
ទន្ទឹមនឹងការរីកចម្រើនរបស់ Big Tech ទាំងប្រាំ តែក្នុងនោះភាពអត់ការងារធ្វើរបស់ប្រជាជនអាមេរិកវាក៏បានកើនឡើងដូចគ្នាដែរ។ បើយោងទៅតាមការសម្ភាសន៍ដោយផ្ទាល់ពីក្រុមការងារ CNN និងបុគ្គលិកជាច្រើននាក់ដែលបម្រើការនៅក្នុងចំណោមក្រុមហ៊ុនយក្សទាំង៥ខាងលើបានឲ្យដឹងថា កាលពីមុនពួកគេតែងតែធ្វើការមិនចេះគ្រប់គ្រាន់ព្រោះតែការងារមានច្រើន ដែលជាមូលហេតុនាំឲ្យពួកគេមានប្រាក់ចំណូលខ្ពស់។
ប៉ុន្តែបច្ចុប្បន្ន ដោយសារតែ AI ពួកយើងក៏ត្រូវប្រឈមនឹងការគំរាមកំហែងកាន់តែខ្លាំង វាក៏ព្រោះតែជីវភាពរស់នៅប្រចាំថ្ងៃរបស់ជនជាតិអាមេរិកយើង។អ្នកបង្កើតគោលនយោបាយសកល និងអ្នកដឹកនាំធុរកិច្ច ឥឡូវនេះកំពុងព្រមានកាន់តែខ្លាំងឡើងថា ការកើនឡើងនៃបញ្ញាសិប្បនិមិត្តទំនងជាមានផលប៉ះពាល់យ៉ាងខ្លាំងលើទីផ្សារការងារ ហើយវាក៏អាចធ្វើឱ្យ មនុស្សរាប់លាននាក់ឈប់ធ្វើការនៅប៉ុន្មានឆ្នាំខាងមុខជាមិនខាន (ខណៈពេលដែលក្រុមស្ថាបនិកទាំងនោះបានស្វែងរកវិធីសាស្ត្រថ្មីៗជាច្រើន ក្នុងការកាត់បន្ថយចំណាយ។
បើយោងតាមរយៈមូលនិធិរូបិយវត្ថុអន្តរជាតិវិញបានលើកឡើងថា កាលពីដើមឆ្នាំ២០២៤នេះ និកម្មភាពគឺមានប្រហែល 40% គឺទូទាំងពិភពលោក។ ចំពោះផលប៉ះពាល់មួយនេះ វាក៏អាចបណ្តាលពីការអភិវឌ្ឍនរបស់ AI ផងដែរ ហើយមួយផ្នែកទៀតគឺដោយសារតែបញ្ហាសេដ្ឋកិច្ចជាសាកល។
តែបើទោះជាយ៉ាងនេះក្តី សម្រាប់ការងាររបស់ជនជាតិអាមេរិកម្នាក់ៗ ភាគច្រើនពួកគេបានលើកឡើងថា វាគឺដោយសារតែ AI ។ ជនជាតិអាមេរិកាំងម្នាក់ លោក Tubbs បានប្រាប់ CNN ថា “យើងពិតជាមិនធ្វើការងារបានល្អក្នុងការរចនាគោលនយោបាយ ឬធ្វើអ្វីៗក្នុងគ្រាមានវិបត្តិនោះទេ” តែរឿងបន្ទាន់របស់លោកនៅពេលនេះគឺជាការចាប់ផ្តើមក្នុងការរៀបចំផែនការសម្រាប់កម្មវិធីប្រាក់ចំណូលឲ្យមានស្ថេរភាព ធ្វើយ៉ាងណាឲ្យបានមុនពេលដែលពិភពលោកប្រកាសថា និកម្មភាព 40% ជាសកលគឺដោយសារវត្តមានរបស់ AI ទៅបានហើយ ។
យ៉ាងណាមិញចំពោះអ្នកនិពន្ធបានលើកឡើថា រាល់ប្រាក់ចំណូលដែលមានការធានាវាមិនមែនជារឿងថ្មីទេសម្រាប់មនុស្សទេ។ បើយើងក្រឡែកទៅមើលទស្សនៈវិស័យរបស់លោក Samuel Harris Altman ដែលជាសហគ្រិន និង វិនិយោគិន ជនជាតិអាមេរិកម្នាក់ ដែលត្រូវបានគេស្គាល់ថាជា CEO នៃ OpenAI ចាប់តាំងពីឆ្នាំ 2019 (គាត់ត្រូវបានគេបណ្តេញចេញ តែក្នុងខែវិច្ឆិកា ឆ្នាំ 2023គាត់ក៏ត្រូវបានក្រុមហ៊ុនអញ្ជើញត្រឡប់មកវិញ)។
លោក Altman ធ្លាប់មានប្រសាសន៍ថា AI និងមានឥទ្ធិពលកាន់តែខ្លាំងនៅក្នុងពិភពលោក ហើយវាក៏បានធ្វើឲ្យមនុស្សជាច្រើនបានបាត់បង់ការងារដូចគ្នាដែរ។
តែលោក Altman បានបង្ហាញការជឿជាក់ថា បច្ចេកវិទ្យាវានិងជួយលុបបំបាត់នូវការងារបែបប្រពៃណី នៅពេលនោះហើយ យើងនឹងមើលឃើញនូវកំណែទម្រង់មួយចំនួនផ្សេងទៀតជាមិនខាន។
