Full Post Style

យន្តហោះខ្នាតតូចមួយគ្រឿងបានរអិលចេញពីផ្លូវរត់ក្នុងរដ្ឋធានី Kathmandu របស់ប្រទេសនេប៉ាល់ កាលពីថ្ងៃពុធ ហើយវាក៏បានធ្វើឲ្យមនុស្សយ៉ាងតិច 18 បានបាត់បង់ជីវិត។

បើយោងតាមការចុះផ្សាយពី CNN នៅល្ងាចថ្ងៃទី ២៤ ខែកក្កដា ឆ្នាំ២០២៤ បានឲ្យបន្ថែមថា បច្ចុប្បន្នគឺមានតែអ្នកបើកយន្តហោះប៉ុណ្ណោះដែលអាចនៅរស់ ហើយគាត់ក៏កំពុងតែទទួលការព្យាបាលនៅមន្ទីរពេទ្យ។

ប្រភពមួយនេះបាននិយាយបន្តថា យន្តហោះបានធ្លាក់ក្នុងអំឡុងពេលហោះហើរពីទីក្រុង Kathmandu ទៅកាន់ទីក្រុង Pokhara នៅម៉ោងប្រហែល 11 ព្រឹក ម៉ោងក្នុងស្រុក តែជាអកុសលនៅពេលដែលយន្តហោះនោះត្រូវបើកចុះចត តែបែរជារអិលធ្លាក់ពីលើផ្លូវទៅវិញ។

គួររលឹកថា ចំពោះគ្រោះថ្នាក់នៃការធ្លាក់យន្តហោះ ក្រុមអ្នកយកព័ត៌មានបានលើកឡើងថា ជារឿយៗនៅក្នុងព្រលានយន្តហោះមួយនេះគឺតែងតែមានគ្រោះថ្នាក់បែបនេះជាញឹកញាប់ ហើយបើយោងទៅតាមអ្នកជំនាញខាងផ្នែកភូមិសាស្ត្រពួកគេបានលើកឡើងថា ដោយសារតែទីតាំងនៃព្រលានយន្តហោះគឺជាតំបន់ភ្នំ។

គួរបញ្ជាក់ថា នេប៉ាល់គឺជាប្រទេសមួយដែលមានភ្នំមួយដែលខ្ពស់ជាងគេ គឺភ្នំ​ហិម៉ាឡៃយ៉ាន​ ភ្នំមួយនេះគឺត្រូវបានគេចាត់ទុកថា វាជា​ភ្នំ​ខ្ពស់​ជាង​បំផុតក្នុងចំណោម​ភ្នំ​ទាំង​ 14 របស់​ពិភពលោក ដោយ​រួម​ទាំង​អេវឺរ៉េសថែមទៀត​ផង។ អ្នកជំនាញបាននិយាយបន្តថា ចំពោះ​​កំណត់ត្រា​នៃ​គ្រោះថ្នាក់​យន្តហោះដែលធ្លាក់ គឺវាអាចបណ្តាលមកពីកក្តាអាកាសធាតុផងដែរ។ ខ្យល់ភ្លៀង​វា​បាន​ផ្លាស់ប្តូរ​ភ្លាមៗដោយអាស្រ័យទៅតាមបរិយាសនៃជួរភ្នំ ហេតុដូច្នេះហើយទើបធ្វើឲ្យរាល់​ជើងហោះហើរខ្នាតតូចភាគច្រើនគឺមានគ្រោះថ្នាក់ញឹកញាប់បែបនេះ។

​ក្រុមការងាររបស់ CNN បានបង្ហាញបន្ថែមទៀតថា នៅក្នុងរបាយការណ៍សុវត្ថិភាពនៃប្រទេសនេប៉ាល់កាលពីក្នុងឆ្នាំ ឆ្នាំ 2019  អាជ្ញាធរអាកាសចរណ៍ស៊ីវិលរបស់ប្រទេសមួយនេះបានឱ្យដឹងថា យន្តហោះដែលមានកៅអី 19 ឬតិចជាងនេះទំនងជាមានគ្រោះថ្នាក់ដោយសារតែភាពលំបាកនៃតំបន់ដែលចោទខ្លាំងដូចនៅទីនេះ។ ហើយចំពោះកក្តាមួយផ្សេងទៀតនោះ គឺវាបណ្តាលមកពីយន្តហោះដែលយើងរត់វាចាស់ទ្រុតទ្រោមខ្លាំងពេក។

យើងខ្ញុំសូមរំលឹកសារជាថ្មីថា កាលពីឆ្នាំមុន ប្រទេសនេប៉ាល់បានឃើញការធ្លាក់យន្តហោះដ៏អាក្រក់បំផុតរបស់ខ្លួន ក្នុងរយៈពេលជាង 30 ឆ្នាំ នៅពេលដែលមានមនុស្សយ៉ាងតិច 68 នាក់បានស្លាប់ នៅពេលដែលជើងហោះហើរ Yeti Airlines បានធ្លាក់នៅជិត Pokhara ។ បន្ទាប់មកទៀតនៅខែឧសភា ឆ្នាំ 2022 ជើងហោះហើរ Tara Air ដែលចេញដំណើរពី Pokhara  ក៏បានធ្លាក់ចូលទៅក្នុងជ្រលងភ្នំដែលបង្ករឲ្យមានមនុស្សស្លាប់ប្រមាណ 22 នាក់។ នៅដើមឆ្នាំ 2018 វាក៏មានជើងហោះហើរមួយទៀតដែលមានឈ្មោះថា US-Bangla Airlines យន្តហោះនោះបានរត់ពីរដ្ឋធានី Dhaka របស់បង់ក្លាដែស ទៅកាន់ទីក្រុង Kathmandu  តែជាអកុសលវាក៏ធ្លាក់នៅពេលចុះចត  រួចក៏បង្ករជាអគ្គិសភ័ឆាបឆេះភ្លាមៗ របាយបានបង្ហាញថា ក្នុងនោះគឺមានមនុស្ស 51 នាក់បានស្លាប់។

 រដ្ឋាភិបាលប្រទេសកូរ៉េខាងត្បូងបានប្រកាសថា ខ្លួននឹងផ្គត់ផ្គង់ផ្ទះចំនួន 236,000 ខ្នង ដោយលក់ក្រោមតម្លៃទីផ្សារនៅឆ្នាំ 2029 នេះបើយោងតាមការចុះផ្សាយពីក្រសួងហិរញ្ញវត្ថុកាលពីថ្ងៃព្រហស្បតិ៍។

រដ្ឋមន្ត្រីក្រសួងហិរញ្ញវត្ថុ លោក Choi Sang-mok បាននិយាយក្នុងកិច្ចប្រជុំរដ្ឋមន្ត្រីទាក់ទងនឹងអចលនទ្រព្យនៅទីក្រុងសេអ៊ូលថា គោលនយោបាយមួយដែលស្តីពីការសាងសង់ឡើងវិញនូវផ្ទះចាស់ៗក្នុងតំបន់ក្បែរទីក្រុង វាគឺជាកិច្ចខិតខំប្រឹងប្រែងមួយបន្ថែមទៀត ដើម្បីធានាបាននូវស្ថិរភាពលំនៅដ្ឋាន និងទប់ស្កាត់ការដំឡើងថ្លៃផ្ទះកុំឲ្យជ្រុលហួសហេតុ។

លោក Choi បាននិយាយបន្តថា ចំពោះស្ថានភាពទីផ្សាអចលនទ្រនាពេលបច្ចុប្បន្ននេះ លោកបានសង្កេតឃើញថា ទីផ្សាមួយនេះវាហាក់ដូចជានូវនឹងទ្រឹង តែបើទោះជាយ៉ាងនេះក្តី ការដាក់ចេញនូវវិធានការខាងលើ ក៏ព្រោះថ្នាក់ដឹកនាំរបស់យើងចង់ជួយដល់អ្នកដែលមិនមានលទ្ធភាពទិញផ្ទះ ដោយសារតែវាមានតម្លៃខ្ពស់ ជាពិសេសគឺលោកចង់ជំរុញឲ្យមានតម្រូវការលើទីផ្សាមួយនេះឡើងវិញផងដែរ។

លោក Choi បាននិយាយបន្ថែមទៀតថា ដើម្បីឆ្លើយតបទៅនឹងការកើនឡើងនៃបំណុលគ្រួសារ រដ្ឋាភិបាលនឹងរឹតបន្តឹងបន្តិចម្តងៗនូវបទប្បញ្ញត្តិនៃការផ្តល់ប្រាក់កម្ចី គឺដើម្បីប្រាកដថារាល់ប្រាក់កម្ចីគឺកូនបំណុលត្រូវតែមានលទ្ធភាពគ្រប់គ្រាន់សងធនាគារវិញ។

យ៉ាងណាមិញ ដើម្បីឆ្លើយតបទៅនឹងប្រាក់កម្ចីទៅលើការទិញលំនៅឋានមួយដែលប្រកបដោយសុវត្តិភាព លុះត្រាផ្ទះមានតម្លៃថោកសមរម្យ។ នៅពេលដែលប្រជាជនអាចមានជម្រកមួយដ៏សមរម្យ និងមានស្ថិរភាពនោះ វាបានបង្ហាញថា ទាំងនេះគឺភាពខ្លាំងរបស់ថ្នាក់ដឹកនាំ ហេតុដូច្នេះហើយកិច្ចការគោលនយោបាយដ៏សំខាន់សម្រាប់ប្រជាជននាពេលខាងមុខនេះ រដ្ឋាភិបាលត្រូវតែខិតខំប្រឹងប្រែងអស់ពីកម្លាំងកាយចិត្តដើម្បីសម្រេចបាននៅគោលដៅដ៏ធំមួយនេះ។

ទិន្ន័យសរុបនៃចំនួនអ្នកដែលបានធ្វើដំណើរតាមអាកាសយានដ្ឋានអន្តរជាតិហាណយគឺមានច្រើនជាង 54លាននាក់ទៅទៀត ហើយលទ្ធផលមួយនេះគឺយើងត្រឹមសឆមាសទី1នៃឆ្នាំ2024 ប៉ុណ្ណោះ។

អាជ្ញាធរ អាកាសចរណ៍ស៊ីវិលវៀតណាម (CAAV) ទើបតែប្រកាសថា ចំនួនអ្នកធ្វើដំណើររបស់ខ្លួននៅក្នុងឆ្នាំនេះគឺបានកើនឡើងប្រមាណ 97 ភាគរយ ដោយយើងធៀបទៅនឹងរយៈពេលដូចគ្នាកាលពីឆ្នាំមុន។

តើមានមូលហេតុអ្វីខ្លះទើបធ្វើឲ្យផ្នែកអាកាសចរណ៍នៅក្នុងប្រទេសមួយនេះ បានកើនឡើងយ៉ាងឆាប់រហ័សបែបនេះ?

បើយោងតាមការចុះផ្សាយពី VNS កាលពីថ្ងៃទី 19 ខែកក្កដា ឆ្នាំ2024 បានឲ្យដឹងបន្ថែមថា រាល់ការលូតលាស់នីមួយៗ គឺវាត្រូវតែមានការចូលរួមពីប្រជាជនក្នុងស្រុកជាមុនសិន។ ចំនួនអ្នកទេសចរណ៍ និងអ្នកធ្វើដំណើរបានកើនឡើងលឿនបែបនេះ វាក៏ព្រោះតែប្រជាជនវៀតណាមជាច្រើនបានជ្រើសរើសការធ្វើដំណើរកំសាន្ត និងការងារ ដោយការហោះហើរ។ ជាលទ្ធផលត្រឹមតែក្នុងឆមាសដំបូង ការដឹកជញ្ជូនអ្នក​ដំណើរ​ក្នុង​ស្រុកគឺមានជាង ១៧ លាននាក់ឬស្មើ​នឹង ៨២ ភាគរយ រួចទៅហើយ។

ប្រភពដដែលបានឲ្យដឹងទៀតថា រាល់ក្រុមហ៊ុនដឹកជញ្ជូនអ្នកដំណើរទាំងអស់នៅក្នុងវៀតណាមគឺសុទ្ធតែមានការកើនឡើង ដោយក្នុងនោះមានដូចជា៖ ក្រុមហ៊ុន Vietnam Airlines មានកំណើនប្រមាណ42 ភាគរយ Vietjet Air 44 ភាគរយ Bamboo Airways 7 ភាគរយ ក្រុមហ៊ុន Vietravel Airlines 3 ភាគរយ Pacific Airlines និង Vasco 4 ភាគរយ ។

គួរបញ្ជាក់ថា ក្នុងចំណោមបណ្តាលប្រទេសនៅក្នុងអាស៊ាន វៀតណាមគឺជាប្រទេសមួយដែលមានភាពរីកចំរើនខ្លាំងជាងគេទីពីរ គឺបន្ទាប់ពីប្រទេសឥណ្ឌូនេស៊ី។ បើយោងទៅតាមការព្យាករណ៍ពីធនាគារពិភពលោក ពួកគេបានលើកឡើងថា សេដ្ឋកិច្ចវៀតណាមកំពុងបង្ហាញពីសញ្ញាវិជ្ជមានបណ្តើរៗហើយ ខណៈដែលអ្នកជំនាញរបស់ខ្លួនទស្សទាយទៀតថា សេដ្ឋកិច្ចវៀតណាមនិងមានកំណើរយ៉ាងតិចក៏ 5.5% នៅឆ្នាំ 2024 ហើយការកើនឡើងនោះវានិងបន្តរហូត 6.0% នៅឆ្នាំ 2025 ថែមទៀតផង។

យ៉ាងណាមិញអ្នកសរសេររបស់ VNS បានបន្ថែមទៀតថា ប្រសិនបើទីផ្សារក្នុងស្រុកធ្លាក់ចុះ  នាពេលនោះគឺមានតែទីផ្សារអន្តរជាតិតែមួយទេ ដែលជាចំណុចភ្លឺនៃលទ្ធផលនៃការដឹកជញ្ជូនតាមផ្លូវអាកាស។ ក្នុងរយៈពេលប្រាំមួយខែដំបូងនៃឆ្នាំនេះ អ្នកដំណើរអន្តរជាតិគឺមានច្រើនជាង 20 លាននាក់ ចំនួនមួយនេះគឺពិតជាច្រើនជាងចំនួនប្រជាជននៅក្នុងស្រុក ហើយវាក៏ជាអ្វីដែលរដ្ឋាភិបាលវៀតណាមបានរំពឹងទុកផងដែរ។   

ការកើនឡើងនៃចំនួនអ្នកហោះហើរ ពួកគេក៏បានចូលរួមក្នុងការទិញ​ទំនិញរបស់ប្រជាជនខ្លួនដែលលក់នៅ​តាម​អាកាសយានដ្ឋាន រហូតដល់ទៅ ៧២១ ០០០ តោន​ឯណោះ។ លទ្ធផលនៃការរីកចំរើនក្នុង​រយៈពេល ៦ ខែ​ដំបូងនៃឆ្នាំ 2024 គឺបានឆ្លុះបញ្ចាំងថា វៀតណាមគឺជាប្រទេសមួយដែលកំពុងតែឆ្ពោះទៅមុខ។- VNS