Full Post Style

ក្រុមឧទ្ទាម Houthis បាននិយាយថា មានមនុស្សយ៉ាងតិច 12 នាក់បានស្លាប់ និង 30 នាក់ផ្សេងទៀតបានរងរបួស បន្ទាប់ពីការវាយប្រហារតាមអាកាសរបស់សហរដ្ឋអាមេរិកទៅលើរដ្ឋធានីនៃប្រទេសយេម៉ែន។ បើយោងតាមការចុះផ្សាយពី Euro News នៅថ្ងៃទី 21 ខែមេសា ការស្លាប់នេះ វាត្រូវបានគេចាត់ទុកថា វាជាសញ្ញាចុងក្រោយបង្អស់នៅក្នុងយុទ្ធនាការវាយប្រហាររបស់ទីក្រុងវ៉ាស៊ីនតោន ដោយសំដៅទៅលើក្រុមឧទ្ទាមដែលគាំទ្រដោយអ៊ីរ៉ង់។

មានវីដេអូ និងរូបភាពដែលចាក់ផ្សាយដោយបណ្តាញព័ត៌មានផ្កាយរណប al-Masirah របស់ក្រុម Houthis បានបង្ហាញថា ការវាយប្រហាររបស់អាមេរិកមកលើសង្កាត់ Farwa និង​សង្កាត់ Shuub នៃ​ក្រុង Sanaa វាបានបង្ករឲ្យមានការខូចខាតរថយន្តជាច្រើនគ្រឿង និងផ្ទះរបស់ប្រជាពលរដ្ឋមួយចំនួនបានរងនូវការខូចខាតជាដើម។

គួរបញ្ជាក់ថា ការវាយប្រហារលើកនេះគឺកើតឡើងបន្ទាប់ពីការវាយប្រហារតាមអាកាសរបស់សហរដ្ឋអាមេរិកទៅលើកំពង់ផែប្រេង Ras Isa កាលពីសប្តាហ៍មុន ដោយបានសម្លាប់មនុស្សយ៉ាងហោចណាស់ 74 នាក់ និងរបួស 171 នាក់ផ្សេងទៀតបានរងរបួស។

ក្រុមឧទ្ទាម Houthis បានធ្វើកំណត់សម្គាល់ទៀតថា ចាប់តាំងពីលោកប្រធានាធិបតី Donald Trump បានចាប់ផ្តើមយុទ្ធនាការយោធាថ្មីប្រឆាំងនឹងខ្លួនកាលពីខែមុនមក ការវាយឆ្មក់តាមផ្លូវអាកាសគឺចេះតែកើតឡើងបន្តបន្ទាប់។

យ៉ាងណាមិញ ការវាយប្រហារនេះ កើតស្របពេលដែលសហរដ្ឋអាមេរិក និងអ៊ីរ៉ង់ កំពុងតែបន្តកិច្ចចរចានៅទីក្រុងរ៉ូម ជុំវិញកម្មវិធីនុយក្លេអ៊ែររបស់ទីក្រុងតេអេរ៉ង់។ ដោយក្នុងនោះខាងទីក្រុងវ៉ាស៊ីនតោន បានផ្សារភ្ជាប់វាទៅនឹងការវាយប្រហាររបស់ខ្លួននៅក្នុងប្រទេសយេម៉ែន ដើម្បីកំលាចអ៊ីរ៉ុង។

ការនាំចូលប្រេងនៅក្នុងប្រទេសចិនបានកើនឡើងក្នុងដល់កម្រិតមួយដែលខ្ពស់បំផុត គឺក្នុងរយៈពេល 17 ខែចុងក្រោយនេះ។ ​ កាលពីខែមីនា ការនាំចេញប្រេងពីអ៊ីរ៉ុងទៅកាន់ប្រទេសចិនមានចំនួនសរុប្រហែល 85 ភាគរយនៃការនាំចូលប្រេងទាំងមូលរបស់ចិន ដែលបានកើនឡើងរហូតដល់ 10.6 លានបារ៉ែលក្នុងមួយថ្ងៃ។

បើយោងតាមការរៀបរាប់ពីអ្នកនាំពាក្យរបស់ក្រុមហ៊ុនប្រឹក្សាតាមដាននាវាដឹកប្រេង Vortex បាននិយាយ AGBI ថា ការដឹកជញ្ជូនប្រេងឆៅតាមនាវាគឺកាន់តែមានការកើនឡើងពីមួយថ្ងៃទៅមួយថ្ងៃ ជាពិសេសគឺដឹកទៅកាន់ប្រទេសចិន។ ពិភពលោកសុទ្ធតែបានដឹងថា អ៊ីរ៉ុងគឺជាប្រទេសមួយដែលបានរងនូវការដាក់ទណ្ឌកម្មពីសហរដ្ឋអាមេរិកជាយូរណាស់មកហើយ តែប្រទេសចិននៅតែបំពាន។ Vortex បានរកឃើញទៀតថា ប្រេងដែលដឹកចេញពីអ៊ីរ៉ុងគឺត្រូវបានគេបញ្ជូនទៅខេត្ត Shandong ហើយទីវាជាទីតាំងរបស់រោងចក្រចម្រាញ់ប្រេងឯករាជ្យមួយដ៏ធំរបស់ប្រទេសចិន ដែលស្ថិតនៅក្រោមការគ្រប់គ្រងរបស់មេដឹកនាំទីក្រុងប៉េកាំងថែមទៀតផង។

វាហាក់ដូចជាមិនមានអ្វីដែលចម្លែកនោះទេសម្រាប់ប្រទេសដែលពឹងផ្អែកលើការនាំចេញប្រេងដូចជាអ៊ីរ៉ុង ពួកគេពិតជាគ្មានជម្រើសណាផ្សេងក្រៅពីលក់ប្រេងរបស់ខ្លួនក្នុងតម្លៃមួយទាប ដើម្បីទាក់ទាញប្រទេសដែលមានសេដ្ឋកិច្ចធំជាងគេទីពីររបស់ពិភពលោកដូចជាចិនឲ្យមកជួយទិញខ្លួននោះឡើយ។ យ៉ាងណាមិញ ចំពោះការបញ្ចុះតម្លៃយ៉ាងគំហុកកន្លងមកនេះ AGBI ក៏បានសង្កេតឃើញថា កាលពីខែមីនា ក្នុងនោះក៏មានព្រះរាជាណាចក្រអារ៉ាប៊ីសាអូឌីត និងប្រទេសអ៊ីរ៉ាក់ បានប្រកាសថា ពួកគេនឹងបញ្ចុះតម្លៃប្រេងឲ្យទាបជាងក្នុងទីផ្សាទៅទៀត ហើយនៅពេលនោះពួកគេទាំងពីរខាងលើនេះក៏ទទួលបានការគាំទ្រពីប្រទេសចិនដូចគ្នា។

គួរបញ្ជាក់ថា រាល់បណ្តាលប្រទេសទាំងឡាយណាដែលរងនូវការដាក់សម្ពាធពាណិជ្ជកម្មពីសហរដ្ឋអាមេរិក ប្រាកដណាស់ពួកគេប្រាកដជាងាកទៅរកប្រទេសចិន។ ពួកលោកសេរីនឹងគោរពតាមការសម្រេចចិត្តរបស់សហរដ្ឋអាមេរិក តែទន្ទឹមនឹងនោះសម្រាប់ប្រទេសចិនវិញ ដែលជាប្រទេសដែលឆ្លៀតឪកាស ហេតុដូច្នេះហើយទើបចិននៅតែបន្តទិញប្រេងឆៅពីអ៊ីរ៉ង់ រុស្ស៊ី និងអ៊ីរ៉ាក់។

(លោក Amena Bakr អ្នកសរសេរអត្ថបទ AGBI និងជាប្រធាននៃ Middle East Energy & OPec)។

អនុប្រធានាធិបតីសហរដ្ឋអាមេរិក JD Vance នឹងចាប់ផ្តើមដំណើរ ទស្សនកិច្ចរយៈពេលបួនថ្ងៃទៅកាន់ប្រទេសឥណ្ឌា គឺនៅថ្ងៃចន្ទនេះ ខណៈដែលប្រទេសទាំងពីរនេះកំពុងតែស្វែងរកការបើកឱកាសសម្រាប់ការនាំចេញរៀងៗខ្លួន។

លោក Vance នឹងជួបជាមួយនាយករដ្ឋមន្ត្រី Narendra Modi នៅក្នុងទីក្រុង New Delhi ដើម្បីបើកកិច្ចពិភាក្សាមួយដែលស្តីអំពីសេដ្ឋកិច្ច ពាណិជ្ជកម្ម និងទំនាក់ទំនងភូមិសាស្ត្រនយោបាយ។ យ៉ាងណាមិញ ចំពោះដំណើរទស្សនកិច្ចរបស់លោក Vance លើកនេះវាត្រូវបានអ្នកជំនាញរបស់ CNBC បានគេមើលឃើញថា វាគឺជាបេសកកម្មការទូតដ៏សំខាន់មួយរបស់សហរដ្ឋអាមេរិក គឺស្របដែលសង្គ្រាមពាណិជ្ជកម្មរវាងទីក្រុងវ៉ាស៊ីនតោន និងទីក្រុងប៉េកាំងកាន់តែឡើងកំដៅ។

ដើម្បីឲ្យទំនាក់ទំនងពាណិជ្ជកម្មទ្វេរភាគីរបស់ពួកគេកាន់តែរឹងមាំ ក្នុងសហរដ្ឋអាមេរិក និងឥណ្ឌាបានកំណត់គោលដៅប្រកបដោយមហិច្ឆតា ដែលទំហំជាទឹកប្រាក់រហូតដល់ 500 ពាន់លានដុល្លារ គឺនៅក្រោមកិច្ចព្រមព្រៀងពាណិជ្ជកម្មមួយដែលលោកពួកគេរំពឹងទុកវានឹងកើតឡើងនៅឆ្នាំ 2030 ។

យ៉ាងណាមិញចំពោះការងាកមកចាប់យកដៃគូរជាមួយប្រទេសឥណ្ឌា ក្នុងនោះអ្នកជំនាញរបស់ CNBC បានមើលឃើញថា វាគឺជាជម្រើសមួយដ៏សក្តិសមបំផុតសម្រាប់សហរដ្ឋអាមេរិក ព្រោះមិនថាចំនួនប្រជាជន និងទីតាំងភូមិសាស្ត្រនយោបាយនោះឥណ្ឌានៅតែជាដៃគូរដែលយើងមិនអាចមើលរំលងបានឡើយ។ ការផ្តល់ផលប្រយោជន៍ឲ្យគ្នាទៅវិញទៅមក បានកើតឡើងនៅពេលដែលឥណ្ឌាប្រកាសថាខ្លួននឹងទិញប្រេង ថាមពល និងឧបករណ៍ការពារបន្ថែមទៀត រួមទាំងយន្តហោះចម្បាំងបំបាំងកាយជំនាន់ទីប្រាំពីសហរដ្ឋអាមេរិករួចមក។ ឥឡូវនេះ មានក្រុមហ៊ុនឈានមុខគេរបស់សហរដ្ឋអាមេរិកជាច្រើនដូចជា Apple Inc. និង Google បាននិយាយថា ពួកគេកំពុងពង្រីកប្រតិបត្តិការនៅក្នុងប្រទេសឥណ្ឌាក្នុងរយៈពេលប៉ុន្មានឆ្នាំខាងមុខនេះ។ ហើយកាលពីខែមុន Starlink របស់ Musk ក៏បានចុះកិច្ចព្រមព្រៀង ជាមួយប្រតិបត្តិករទូរគមនាគមន៍កំពូលរបស់ឥណ្ឌាផងដែរ ដើម្បីផ្តល់សេវាអ៊ីនធឺណិតតាមរយៈផ្កាយរណប។