Full Post Style

ការលក់អចលនទ្រព្យនៅក្នុងប្រទេសថៃក្នុងរយៈពេលប៉ុន្មានខែចុងក្រោយនេះ បានកើនឡើងគួរឲ្យកត់សម្គាល់។ ប្រជាជនមីយ៉ាន់ម៉ាជាច្រើនបាននាំគ្នាសម្រុកទិញខុនដូរក្នុង ទីក្រុងបាងកក ស្របពេលដែលប្រទេសរបស់ខ្លួនកំពុងផ្ទុះសង្គ្រាម។

អ្នកមានធនធានជាច្រើនក្នុងប្រទេសមីយ៉ាន់ម៉ាបានសម្រេចចិត្តចាកចេញពីប្រទេសរបស់ពួកគេ ក្នុងគោលបំណងស្វែងរកកន្លែងរស់នៅថ្មីដែលមានសន្តិភាព។ យ៉ាងណាមិញ ការហូរចូលនៃជនជាតិមីយ៉ាន់ម៉ាទៅកាន់ប្រទេសថៃ គឺមានតែអ្នកដែលមានលទ្ធភាពប៉ុណ្ណោះ។ ការបញ្ចេញផ្ទះនិងសំណង់អគារដែលជាប់គាំងដោយសារការវាយលុកនៃជំងឺកូវីដ វាហាក់ដូចជាអំណោយផលដល់ប្រទេសថៃ ពោលគឺពួកគេអាចប្រមូលប្រាក់ដោយបញ្ចេញនូវខុនដូរដែលនៅសល់ឲ្យទៅមីយ៉ាន់ម៉ាដើម្បីជាការជ្រកកោន។

បើយោងតាមការចុះផ្សាយពីការសែតបាងកកប៉ុស្តិនៅថ្ងៃទី ២០ ខែវិច្ឆិកា បានឲ្យដឹងទៀតថា ការលក់ខុនដូក្នុងទីក្រុងបាងកកទៅឱ្យជនជាតិមីយ៉ាន់ម៉ាក្នុងរយៈពេល 9 ខែដំបូងនៃឆ្នាំ 2024 វាបានកើនឡើងបីដងធៀបនឹងរយៈពេលដូចគ្នាកាលពីឆ្នាំមុន ដែលថៃលក់ទៅឲ្យចិន រហូតដល់ទៅ ៣ ដង។

ប្រភពមួយនេះបាននិយាយទៀតថា  ការលក់ខុនដូរឱ្យជនជាតិមីយ៉ាន់ម៉ាចន្លោះពីខែមករាដល់ខែកញ្ញា គឺបានច្រើនជាង 1,000 យូនីតទៅទៀត ហើយប្រសិនបើយើងគិតជាទឹកប្រាក់វិញនោះគឺមិនតិចជាង158 លានដុល្លារអាមេរិក នោះទេ។

គួរបញ្ជាក់ថា ប្រទេសមីយ៉ាន់ម៉ា គឺមានព្រំដែនជាប់ជាមួយនឹងថៃប្រហែល 2,500 គីឡូម៉ែត្រ តែដោយសារតែប្រទេសមួយនេះបានគ្រប់គ្រងដោយរដ្ឋប្រហារយោធាក្នុងឆ្នាំ 2021 មក មីយ៉ាន់ម៉ាមានការគំរាមកំហឹង អំពើហឹង្សា​ ឆក់ប្លន់ ការកៀបសង្កត់ និងសង្គ្រាមមិនចេះចប់។

នាវា Meng Xiang ដែលជានាវាខួងយករ៉ែក្នុងមហាលសមុទ្រដំបូងគេបង្អស់របស់ប្រទេសចិន។  នាវា Meng Xiang វាគឺជានាវាស្វែងរករ៉ែដែលធំបំផុតនៅក្នុងប្រទេសចិន វាមានប្រវែង179.8 ម៉ែត្រ និងទទឹង 32.8 ម៉ែត្រ វាមានសមត្ថភាពផ្ទុកទំងន់បានរហូតដល់ 42.600 តោន និងអាចខួងបាតសមុទ្រក្នុងជម្រៅរហូតដល់ទៅ 11 គីឡូម៉ែត្រ។

គួរបញ្ជាក់ថា នាវា Meng Xiang វាមិនមែនគ្រាន់តែជានាវាដែលធំជាងគេនៅក្នុងប្រទេសចិនប៉ុណ្ណោះទេ តែវាក៏ជានាវារុករករ៉ែក្នុងមហាលសមុទ្រដំបូងគេនៅក្នុងពិភពលោកផងដែរ។  Meng Xiang វាត្រូបានគេរចនាឡើងជាមួយនឹងមុខងារជាច្រើនដូចជា ការខួងតាមបែបវិទ្យាសាស្ត្រនៅមហាសមុទ្រជ្រៅ ការរុករកប្រេង និងឧស្ម័ន និងការស៊ើបអង្កេតជាតិទឹកនៃឧស្ម័នធម្មជាតិក្នុងមហាលសមុទ្រថែមទៀតផង។

បើយោងតាមបទសម្ភាសន៍ដោយផ្ទាល់ពីលោក Zhang Haibin ប្រធានផ្នែកសាងសង់នាវា Meng Xiang បាននិយាយប្រាប់សារព័ត៌មានស៊ិនហួរថា បន្ទាប់ពីការសាកល្បងលើសមុទ្រចំនួនពីរជុំ សូចនាករប្រតិបត្តិការសំខាន់ៗរបស់ Meng Xiang គឺមានច្រើនដែលលើសពីការរំពឹងទុករបស់យើងទៅទៀត។

លោកបានបន្តទៀតថា ការលេចចេញជារូបរាងនៃនាវាក៏ធំមួយនេះ វាត្រូវបានយើងបំពាក់ដោយឧបករណ៍លើកធារាសាស្ត្រដំបូងគេរបស់ពិភពលោកដែលមានសមត្ថភាពទាំងការរុករកប្រេង និងឧស្ម័ន និងការយកគំរូស្នូល ជាមួយនឹងសមត្ថភាពលើកយករ៉ែបានប្រមាណជា 907 តោន ថែមទៀតផង។

លោកបានបន្ថែមទៀតថា Meng Xiang អាចខួងក្នុងបាតសមុទ្របាន ៤ របៀប ដែលសក្តិសមបំផុតក្នុងការបំពេញតម្រូវការរបស់អ្នករុករកធនធានទាំងក្នុងសមុទ្រ និងមហាសមុទ្រ។