Full Post Style

កាលពីថ្ងៃព្រហស្បតិ៍ម្សិលមិញនេះ គណបក្សភឿថៃ (PTP) បានប្តេជ្ញាបន្តចំណាត់ការផ្លូវច្បាប់ប្រឆាំងនឹងលោក Sonthiya Sawasdee សមាជិកនៃគណបក្ស United Thai Nation (UTN) ដែលបានដាក់ញត្តិមិនពិតទៅគណៈកម្មាធិការរៀបចំការបោះឆ្នោត (EC) ដោយចោទប្រកាន់មកលើគណបក្សភឿថៃពីបទទាក់ទាញទឹកចិត្តអ្នកបោះឆ្នោតជាមួយ ការសន្យាយុទ្ធនាការចែកចាយតាមរយៈឌីជីថលជាទឹកប្រាក់ចំនួន 10,000 បាត។

លោក Sonthiya Sawasdee សមាជិកនៃគណបក្ស United Thai Nation (UTN) បាននិយាយថា កាលពីរដូវកាលយុទ្ធនាការឃោសនានៃការបោះឆ្នោត គណបក្សភឿកថៃបានសន្យាថា នឹងផ្តល់ប្រាក់ចំនួន 10,000 បាតក្នុងប័ណ្ណឌីជីថលដល់មនុស្សដែលមានអាយុលើសពី 16 ឆ្នាំ ដើម្បីជួយបង្កើនសេដ្ឋកិច្ច នេះគឺជាទង្វើមួយដែលទទួលរងនូវការរិះគន់ជាច្រើនពីអ្នកនយោបាយ។

លោកស្រី Treechada Srithada អ្នកនាំពាក្យរងរបស់គណបក្សភឿថៃ កាលពីថ្ងៃព្រហស្បតិ៍បាននិយាយថា EC បានច្រានចោលរាល់ការដាក់ញត្តិរួចរាល់ ហើយការដាក់សំណើរមួយនេះ គឺត្រូវបានគេពិនិត្យមើលសិនថា តើគោលនយោបាយនេះមានគោលបំណងបោកប្រាស់អ្នកបោះឆ្នោតដែរឬទេ។

ការចោទប្រកាន់​របស់ (UTN) រួមមានទាំងញត្តិដែលដាក់ដោយ Srisuwan Janya អគ្គលេខាធិការសមាគមការពាររដ្ឋធម្មនុញ្ញ និងលោកស្រី Ruangkrai Leekitwattana អតីតបេក្ខជនបោះឆ្នោតនៃគណបក្ស Palang Pracharath  ថែមទៀតផង។

លោកស្រីបាននិយាយថា គោលនយោបាយចែកចាយតាមរយៈឌីជីថល ក្នុងពេលឥឡូវនេះកំពុងត្រូវបានពិភាក្សាក្នុងចំណោមដៃគូសម្ព័ន្ធដ៏មានសក្តានុពលរបស់គណបក្សភឿថៃផងដែរ។

ដូច្នេះហើយ អ្នកស្រីបានចោទប្រកាន់លោក Sonthiya Sawasdee ថាមានចេតនាប្រើញត្តិរបស់គាត់ ដើម្បីបង្ខូចគោលនយោបាយរបស់គណបក្សភឿថៃ ពីព្រោះគាត់មិនដាក់ញត្តិទៅ EC ជុំវិញការសន្យាឃោសនាបោះឆ្នោតរបស់គណបក្សនយោបាយផ្សេងទៀតនោះទេ។

ជាឧទាហរណ៍ គណបក្ស Palang Pracharath ដែលចែករំលែកប្រវត្តិសាស្រ្តជាមួយ UTN បានបរាជ័យក្នុងការដំឡើងប្រាក់ឈ្នួលអប្បបរមាប្រចាំថ្ងៃដល់ចន្លោះពី 400 ទៅ 425 បាត ដូចដែលខ្លួនបានសន្យាក្នុងឆ្នាំ 2019នោះទេ ។

នេះបង្ហាញយ៉ាងច្បាស់ថា លោក Sonthiya Sawasdee មានចេតនាបរិហារកេរ្តិ៍គណបក្សភឿថៃ ដើម្បីបំភ័ន្តសាធារណជន ដែលជាការរំលោភលើមាត្រា ១០១ នៃច្បាប់សរីរាង្គឆ្នាំ​ ២០១៧ ស្តីពីគណបក្សនយោបាយ។

នាង​បាន​និយាយ​ថា​៖ «​ភឿ​ថៃ​នឹង​មិន​មាន​ការ​ប៉ុនប៉ង​ប្រព្រឹត្ត​អាក្រក់​បែប​នេះ​ទេ​»​ “សម្រាប់គណបក្សភឿកថៃគឺគ្មានការសូមទោសទៀតទេ គាត់សមនឹងទទួលបានលទ្ធផលសម្រាប់អ្វីដែលគាត់បានធ្វើ” តាមផ្លូវច្បាប់ជាមិនខាន។

នាយកដ្ឋានកែតម្រូវបានបំភ្លឺថា បទប្បញ្ញត្តិថ្មីដែលខ្លួនបានចេញ គឺមិនមានគោលបំណងត្រួសត្រាយផ្លូវសម្រាប់អតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត្រា ទទួលទោសនៅក្រៅពន្ធនាគារ ប្រសិនបើលោកវិលត្រឡប់មកប្រទេសថៃវិញនោះទេ។

ឧបនាយករដ្ឋមន្ត្រី Wissanu Krea-ngam អ្នកជំនាញច្បាប់របស់រដ្ឋាភិបាលនៃព្រះរាជណាចក្រថៃ បាននិយាយកាលពីថ្ងៃព្រហស្បតិ៍ថា បទប្បញ្ញត្តិនេះមិនផ្តល់អំណាចដល់អគ្គនាយកនៃនាយកដ្ឋានកែតម្រូវក្នុងការផ្លាស់ទីទណ្ឌិតចេញពីពន្ធនាគារទៅឃុំខ្លួននៅកន្លែងផ្សេង ដូចដែលពាក្យចចាមអារ៉ាមបាននិយាយនោះទេ។

លោក ថាក់ស៊ីន ស៊ីណាវ៉ាត្រា  ដែលបានរស់នៅនិរទេសខ្លួនឯងនៅក្នុងទីក្រុងឌូបៃ តាំងពីឆ្នាំ ២០០៨ បាននិយាយម្តងហើយម្តងទៀតថា លោកបានប្តេជ្ញាចិត្តវិលត្រឡប់ទៅកាន់ប្រទេសថៃវិញ នៅខែក្រោយ ព្រមទាំងចូលដំណើរការផ្លូវច្បាប់ធម្មតា។ លោក ថាក់ស៊ីន ដែលត្រូវបានកាត់ទោសកំបាំងមុខឱ្យជាប់ពន្ធនាគារសរុបចំនួន 12 ឆ្នាំ ក្នុងសំណុំរឿងពុករលួយចំនួន 4 ដោយនាយកដ្ឋានព្រហ្មទណ្ឌនៃតុលាការកំពូលសម្រាប់អ្នកកាន់មុខតំណែងនយោបាយ។

ដោយឡែកសម្រាប់បទប្បញ្ញត្តិថ្មីដែលបានចេញផ្សាយនៅក្នុង Royal Gazette គឺចង់បង្ហាញពី នីតិវិធីសម្រាប់អ្នកទោសមួយចំនួន ដែលបានបម្រើពេលវេលាផ្ទាល់ខ្លួនរបស់ពួកគេហើយជិតនឹងត្រូវបានគេដោះលែង។ 

លោក Sithi Sutheewong អគ្គនាយករងនៃនាយកដ្ឋានកែតម្រូវបាននិយាយថា វានឹងអនុញ្ញាតឱ្យពួកគេត្រូវឃុំខ្លួនបន្ថែមទៀត ប្រសិនបើតុលាការពិចារណាថាពួកគេទំនងជាប្រព្រឹត្តបទឧក្រិដ្ឋម្តងទៀត។

បទប្បញ្ញត្តិនេះត្រូវបានចេញនៅក្រោមផ្នែកទី 5 នៃក្រមនីតិវិធីនៃការឃុំខ្លួនដែលផ្អែកលើផ្នែកទី 40, 41 និង 42 នៃក្រមព្រហ្មទណ្ឌ។

លោក សិទ្ធី បាននិយាយថា បទប្បញ្ញត្តិនេះអាចបណ្តាលឱ្យមនុស្សមួយចំនួនយល់ច្រលំថា វាត្រូវបានបង្កើតឡើងជាពិសេសដើម្បីផ្តល់អំណាចដល់អគ្គនាយកនៃនាយកដ្ឋាន ក្នុងការអនុញ្ញាតិឱ្យអ្នកទោសមួយចំនួនបម្រើពេលវេលារបស់ពួកគេនៅកន្លែងផ្សេង។

លោកបានអំពាវនាវឲ្យសាធារណជនកុំជឿលើពាក្យចចាមអារ៉ាម និងព័ត៌មានបំភ្លៃណាមួយ សូមទទួលយកតែព័ត៌មានត្រឹមត្រូវពីគេហទំព័រទំនាក់ទំនងសាធារណៈរបស់នាយកដ្ឋានកែតម្រូវតែមួយគត់។                                           លោក​បាន​បន្ត​ថា នាយកដ្ឋាន​ឥឡូវ​នេះ​មាន​មនុស្ស ៥៧ នាក់ ក្នុង​នោះ​បុរស ៥១ នាក់ និង​ស្ត្រី ៦ នាក់ កំពុង​ត្រូវ​បាន​ឃុំ​ខ្លួន ដែល​ច្បាប់​អាច​នឹង​អនុវត្ត។ ពួកគេភាគច្រើនជាជនអនាថា ដែលមានប្រវត្តិធ្លាប់ប្រព្រឹត្តអំពើចោរកម្មតិចតួចម្តងហើយម្តងទៀត។                                                                                                                                                              យោងតាមតួលេខផ្លូវការរបស់ DoC ចាប់ពីខែធ្នូ ឆ្នាំ 2022 កន្លងមក មានមនុស្សសរុបចំនួន 261,919 នាក់ត្រូវបានឃុំឃាំងនៅក្នុងកន្លែងរបស់ខ្លួន។ សមត្ថភាពជាក់ស្តែងនៃប្រព័ន្ធគឺ 232,165 នេះបើយោងតាម សហព័ន្ធអន្តរជាតិសម្រាប់សិទ្ធិមនុស្ស ។

ប៉ូលីសកេនយ៉ាបានបាញ់ឧស្ម័នបង្ហូរទឹកភ្នែកទៅលើមនុស្សរាប់រយនាក់ ដែលតវ៉ានៅជិតសភាកាលពីថ្ងៃអង្គារ ដោយមនុស្សមួយក្រុមនេះ បានធ្វើការប្រឆាំងនឹងច្បាប់ហិរញ្ញវត្ថុដែលបានស្នើឡើងដោយរដ្ឋាភិបាល ដែលចង់ដំឡើងពន្ធលើប្រេងឥន្ធនៈ និងលំនៅដ្ឋាន។

កាលពីប៉ុន្មានថ្ងៃថ្មីៗនេះមានផ្ទុះការតវ៉ាមួយនៅក្នុងប្រទេសកេនយ៉ា បន្ទាប់ពីមានការចេញច្បាប់ថ្មីមួយស្តីពីការ​ដំឡើង​ពន្ធ​លើ​មាតិកា​ឌីជីថល​ ហើយវាត្រូវ​បាន​គេ​រំពឹង​ថា​នឹង​ត្រូវ​បោះឆ្នោត​នៅ​សប្តាហ៍​ក្រោយ។ ប្រធានាធិបតី លោក William Ruto បាននិយាយការពារច្បាប់នេះដោយលើកឡើងថា ការផ្តល់ជូនរបស់ខ្លួននាពេលនេះ គឺចាំបាច់ដើម្បីធានាស្ថិរភាពហិរញ្ញវត្ថុ និងបង្កើតការងារសម្រាប់មនុស្សវ័យក្មេងតាមរយៈការសាងសង់ផ្ទះថ្មីដែលផ្តល់ហិរញ្ញប្បទានតាមរយៈពន្ធលើលំនៅឋាន។ 

ប្រធានាធិបតី លោក William Ruto ដែលបានឈ្នះការបោះឆ្នោតកាលពីខែសីហា រូបនេះបានធ្វើសេចក្តីថ្លែងការណ៍មួយនៅលើវេទិកា បាននិយាយទៀតថាច្បាប់មួយនេះអាចជួយដល់ជនក្រីក្រ  ដែលរស់ក្នុងសម្ពាធរបស់មហាអំណាចសេដ្ឋកិច្ចនៅអាហ្រ្វិកខាងកើត ក្នុងកំឡុងពេលដែលយើងកំពុងប្រឈមមុខ នឹងការកើនឡើងនៃការសងបំណុលរបស់រដ្ឋាភិបាលផង  ដែរ។

ប៉ុន្តែ​សំណើ​របស់ប្រធានាធិបតីរូបនេះ បានទទួលនូវ​ការ​រិះគន់​យ៉ាង​ខ្លាំង​ពី​មន្ត្រី​រាជការ និង​អ្នក​ប្រឆាំង​នយោបាយ​ដែល​និយាយ​ថា វាជាហេតុដែលនាំឲ្យមានការចំណាយសម្រាប់ការរស់នៅក្នុងកម្រឹត​ខ្ពស់​ពេក​ហើយ។

បន្ទាប់ពីនោះមក ក៏មានក្រុមបាតុករប្រហែល 500 នាក់ដែលបានដើរដង្ហែទៅកាន់សភាដើម្បីបង្ហាញញត្តិប្រឆាំងនឹងច្បាប់នេះ ហើយក្រុមប៉ូលិសបានបាញ់ឧស្ម័នបង្ហូរទឹកភ្នែកដើម្បីបំបែកក្រុមអ្នកបាតុកម្ម។

នៅក្នុងនោះមានបាតុករ​ចំនួន១១​នាក់​ត្រូវ​បាន​ប៉ូលិស​ចាប់​ខ្លួន នៅកណ្តាលទីក្រុងណៃរ៉ូប៊ី គេបានសង្កេតឃើញថាមានប៉ូលីសម្នាក់ស្លៀកពាក់ធម្មតា ហើយបានលើកដាមួយឡើង ដោយសរសេរថា “របបអាណានិគមកើតឡើងមិនចេះចប់”។

គណបក្សប្រឆាំង Azimio La Umoja (សេចក្តីប្រកាសនៃការរួបរួម) ​ ចាប់តាំងពីខែមីនាកន្លងមកនេះ ការដឹកនាំការតវ៉ាប្រឆាំងនឹងរដ្ឋាភិបាលជុំវិញការចំណាយខ្ពស់នៃការរស់នៅ និងការក្លែងបន្លំនៅក្នុងការបោះឆ្នោតកាលពីឆ្នាំមុន បាននិយាយថា ច្បាប់នេះនឹងនាំប្រទេសត្រលប់ទៅទសវត្សរ៍ឆ្នាំ 1980 នៅពេលដែលសេដ្ឋកិច្ច បានចាប់ផ្តើមឈានទៅរកការយ៉ាប់យ៉ឺនកាន់តែខ្លាំងឡើង។

ដោយកាល​ពី​សប្តាហ៍​មុន គណបក្ស​ប្រឆាំងមួយនេះ​បាន​ផ្អាក​ការ​ចរចា​ទ្វេភាគី​ក្នុង​សភា​ក្នុង​គោល​បំណង​បញ្ចប់​ជម្លោះ​ជាមួយ​រដ្ឋាភិបាល។ 

ចំនែកមេដឹកនាំរបស់ពួកគេ Raila Odinga បានគំរាមធ្វើបាតុកម្មបន្ថែមទៀត ប្រសិនបើច្បាប់មួយនេះនៅតែបន្តរ ហើយសហជីព​កម្មករ រួម​ទាំង​តំណាង​បុគ្គលិក​សុខាភិបាល​ ក៏​បាន​ចូលរួមតវ៉ា​ប្រឆាំង​នឹង​ច្បាប់​នេះផងដែរ។

អគ្គីភ័យដ៏ធំមួយបានផ្ទុះឡើងកាលពីថ្ងៃពុធម្សិលមិញនេះ នៅជិតបរិវេណយោធាដែលមានរោងចក្រផលិតអាវុធនៅភាគខាងត្បូងទីក្រុង Khartoum។ ការប្រយុទ្ធដ៏ខ្លាំងក្លាបំផុតជាច្រើនសប្តាហ៍កន្លងមកនេះ គឺនៅពេលដែលកងទ័ពរបស់ប្រទេសស៊ូដង់បានប្រយុទ្ធដើម្បីការពាររោងចក្រអាវុធពីដៃគូរជម្លោះរបស់ខ្លួន នោះគឺកងកម្លាំងគាំទ្ររហ័ស RSF។

សាក្សីបាននិយាយថា កងកម្លាំងគាំទ្ររហ័សប៉ារ៉ាយោធា (RSF) នៅក្នុងសប្តាហ៍ទីប្រាំបីនៃការតស៊ូអំណាចជាមួយកងទ័ពស៊ូដុង បានវាយប្រហារលើបរិវេណ Yarmouk ដែលត្រូវបានការពារយ៉ាងខ្លាំងក្លាកាលពីថ្ងៃអង្គារ។ ដោយឡែកកាលពីថ្ងៃពុធ ក្រុម (RSF) បានបង្ហោះវីដេអូមួយ ដោយខ្លួនអះអាងថា(RSF) បានកាន់កាប់ឃ្លាំងផ្ទុកអាវុធ និងគ្រាប់រំសេវ ព្រមទាំងចំណុចជាច្រើនក្នុងទីតាំងមួយនោះ។

សាក្សីបាននិយាយទៀតថា កងទ័ពស៊ូដុងបានប្រើការវាយប្រហារតាមអាកាស ដើម្បីព្យាយាមរារាំងការរីកចំរើនរបស់កងកម្លាំងគាំទ្ររហ័ស (RSF) ។

ការប្រយុទ្ធគ្នានៅទូទាំងទីក្រុងចំនួនបី ដែលជាតំបន់រដ្ឋធានីធំជាងគេរបស់ប្រទេសស៊ូដង់គឺ Khartoum, Bahri និង Omdurman។ ការប្រយុទ្ធបានកើតមានឡើង ចាប់តាំងពីបទបញ្ឈប់នូវការបាញ់រយៈពេល 12 ថ្ងៃ រវាងកងទ័ពស៊ូដុង និង RSF បានផុតកំណត់ជាផ្លូវការនៅថ្ងៃទី 3 ខែមិថុនា បន្ទាប់ពីមានការរំលោភបំពានម្តងហើយម្តងទៀត។

លោក Nader Youssef អ្នកស្រុកដែលរស់នៅក្បែរក្រុង Yarmouk បានប្រាប់រ៉យទ័រតាមទូរស័ព្ទថា “ចាប់តាំងពីម្សិលមិញមកមានការប្រយុទ្ធគ្នាដោយហិង្សា ព្រមទាំងមានការប្រើយន្តហោះ និងកាំភ្លើងធំ ហើយក៏មានការប៉ះទង្គិចគ្នានៅលើដីថែមទៀតផង។

លោក​បាន​បន្ត​ថា តំបន់ដែល​នៅ​ជិត​ឃ្លាំង​ប្រេងឥន្ធនៈ និង​ឧស្ម័ន «មានការ​ផ្ទុះឡើង ហើយវាបាន​បំផ្លាញផ្ទះ​អ្នកស្រុក និង​តំបន់ក្បែរនោះ​ទាំងមូល»។

អ្នកស្រុកម្នាក់ទៀតដែលរស់នៅជិតដេប៉ូបាននិយាយថា ភ្លើងដែលបានចាប់ផ្តើមនៅពេលព្រឹកស្រាប់តែវាមានការកើនឡើងនៅមុនពេលថ្ងៃលិចកាលពីថ្ងៃពុធ ខណៈនោះអ្នកស្រុកក៏បានឮការផ្ទុះចេញពីដេប៉ូប្រេង។

សកម្មជនក្នុងតំបន់បាននិយាយថា អគ្គិភ័យនេះបណ្តាលមកពីការទម្លាក់គ្រាប់បែកលើដេប៉ូលក់ប្រេងឥន្ធនៈ និងហ្គាស ហើយផ្ទះនៅតំបន់នោះត្រូវរងការវាយប្រហារដោយគ្រាប់ផ្លោង និងគ្រាប់កាំភ្លើងថែមទៀតផង។

អ្នកស្រុកនៅ Omdurman និង Bahri ចម្ងាយប្រហែល 15 គីឡូម៉ែត្រ (9 ម៉ាយល៍) បានរាយការណ៍ថាអណ្តាតភ្លើងដ៏ខ្លាំងត្រូវបានគេមើលឃើញ បន្ទាប់ពីមានភ្លៀងធ្លាក់ពី Yarmouk ។

កងកម្លាំងគាំទ្ររហ័ស (RSF) បានដណ្ដើមកាន់កាប់រដ្ឋធានីភ្លាមៗ បន្ទាប់ពីសង្គ្រាមបានផ្ទុះឡើងនៅទីក្រុង Khartoum កាលពីថ្ងៃទី 15 ខែមេសា។ ការវាយប្រហារតាមអាកាសរបស់កងទ័ព និងការបាញ់កាំភ្លើងធំមិនបានធ្វើឱ្យពួកគេបាត់បង់ជីវិតនោះទេ ប៉ុន្តែ (RSF) អាចនឹងប្រឈមមុខនឹងបញ្ហានៃការស្តុកគ្រាប់រំសេវ និងឥន្ធនៈ  ខណៈដែលជម្លោះ និងការវាយប្រហារតាមផ្លូវអាកាសនៅតែបន្ត។

អំពើហឹង្សាបានបង្អាក់ការចាប់ផ្តើមនៃការផ្លាស់ប្តូរឆ្ពោះទៅកាន់ការគ្រប់គ្រងស៊ីវិលរយៈពេល 4 ឆ្នាំ បន្ទាប់ពីការបះបោរដ៏ពេញនិយមមួយដែលត្រូវបានបណ្តេញប្រធានាធិបតីលោក Omar al-Bashir ។ កងទ័ព និង RSF ដែលរួមគ្នាធ្វើរដ្ឋប្រហារក្នុងឆ្នាំ 2021 បានធ្លាក់ចេញពីខ្សែសង្វាក់នៃបញ្ជាការ និងផែនការរៀបចំរចនាសម្ព័ន្ធយោធាឡើងវិញនៅក្រោមការផ្លាស់ប្តូរ។