Full Post Style

គណបក្សចលនាឆ្ពោះទៅមុខ (MFP )បានពន្យារពេលកិច្ចប្រជុំ ដែលបានគ្រោងទុកដោយមិនមានកំណត់នៅថ្ងៃពុធ ជាមួយនិងគណបក្សភឿថៃ បន្ទាប់ពីសម្ព័ន្ធមិត្តរបស់ខ្លួនមួយនេះបានទាមទារនូវតំណែងជាប្រធានសភាជាថ្មីម្តងទៀត។ ហើយចំនែកកិច្ចប្រជុំដែលបានគ្រោងទុកនៅថ្ងៃព្រហស្បតិ៍ នៃគណបក្សចម្រុះទាំងប្រាំបី ក៏ត្រូវបានពន្យារពេលដូចគ្នាផងដែរ។ 

អ្នកនាំពាក្យរងរបស់ MFP លោកស្រី Pakamon Noon-anan បានជូនដំណឹងដល់អ្នកសារព័ត៌មានអំពីការពន្យារពេលដែលមិនមានកាលកំណត់ នៅពេលយប់ថ្ងៃអង្គារ។ ព្រោះតួអង្គសំខាន់ទាំងពីរ នៅក្នុងសម្ព័ន្ធទាំងប្រាំបីមុននេះ គ្រោងនឹងឈានដល់កិច្ចព្រមព្រៀងលើកៅអីប្រធានសភាក្នុងកិច្ចប្រជុំមួយនៅថ្ងៃពុធនេះ។

ទោះជាយ៉ាងណាក៏ដោយ កាលពីថ្ងៃអង្គារ គណបក្សភឿថៃបានទទូចម្តងហើយម្តងទៀតថា ខ្លួនត្រូវតែមានមុខតំណែងជាប្រធានសភា ស្របតាមសំណើរបស់ខ្លួន ដើម្បីឱ្យមានមុខតំណែងរដ្ឋមន្ត្រីចំនួន 14 បូករួមនឹងតំណែងប្រធានសភា ហើយ MFP នឹងមានតំណែងរដ្ឋមន្ត្រីចំនួន 14 ដូចគ្នា និងដើម្បីក្លាយជានាយករដ្ឋមន្ត្រី។

MFP បានឈ្នះអាសនៈសភាច្រើនជាងគេគឺ 151 នៅការបោះឆ្នោតទូទៅថ្ងៃទី 14 ឧសភា ហើយគណបក្សភឿថៃជាប់លេខ 2 ដោយមានត្រឹមតែ 141អាសនៈតែប៉ុណ្ណោះ ។

ប៉ុន្តែគណបក្សភឿថៃ បានឈរយ៉ាងរឹងមាំក្នុងការទទួលបានកៅអីប្រធានសភា ក្នុងនោះផងដែរ MFP បានតែងតាំងសមាជិកសភារបស់ខ្លួនឈ្មោះថា  Padipat Suntiphada ឲ្យធ្វើជាបេក្ខជន នៅក្នុងក្រុង Phitsanulok ។

មេដឹកនាំគណបក្សភឿថៃ លោក Cholnan Srikaew បាននិយាយកាលនៅថ្ងៃពុធថា គណបក្សរបស់លោកបានទទូចឱ្យមានកៅអីជាប្រធានសភា ហើយខ្លួនបានជូនដំណឹងដល់ MFP ពីរឿងនេះតាំងពីដំបូងមក។ លោកបាននិយាយថា MFP មិនបានធ្វើការឆ្លើយតបដោយផ្ទាល់ណាមួយទៅកាន់គណបក្សភឿថៃលើបញ្ហានេះទេ។

លោកបណ្ឌិត Cholnan Srikaew បានបញ្ជាក់ថា ភឿថៃ នៅតែមានបំណងក្លាយជាផ្នែកមួយនៃរដ្ឋាភិបាលបន្ទាប់ ជាមួយសម្ព័ន្ធមិត្តចំនួនប្រាំពីររបស់ខ្លួន ព្រមទាំងការគាំទ្រមេដឹកនាំ MFP លោក Pita Limjaroenrat ឲ្យក្លាយជានាយករដ្ឋមន្ត្រីបន្ទាប់ផងដែរ។

មេដឹកនាំគណបក្ស Thai Sang Thai លោក Khunying Sudarat Keyuraphan ដែលជាសម្ព័ន្ធមិត្តមួយក្នុងចំនោមសម្ព័ន្ធមិត្តបាននិយាយថា កិច្ចប្រជុំទាំងប្រាំបីភាគី ដែលបានគ្រោងទុកសម្រាប់ថ្ងៃព្រហស្បតិ៍ក៏ត្រូវបានពន្យារពេលផងដែរ ដោយរង់ចាំការចរចាបន្ថែមទៀតលើបញ្ហាប្រធានសភា រវាង MFP និងគណបក្សភឿថៃត្រូវបានបញ្ចប់។

  លោក Khunying Sudarat Keyuraphan សង្ឃឹមថា MFP និងបក្សភឿថៃ នឹងងាចឈានដល់កិច្ចព្រមព្រៀងមួយយ៉ាងរហ័ស ដើម្បីឲ្យរដ្ឋាភិបាលចម្រុះរបស់ពួកគេត្រូវបានបង្កើតឡើងទៅចុះ។

ចំនេកលោក Padipat Suntiphada បេក្ខជនតំណាងរាស្ត្រនៃក្រុង Phitsanulok របស់ MFP បាននិយាយកាលពីថ្ងៃពុធថា លោកជឿថាបញ្ហានៅតែអាចដោះស្រាយបានមុនពេលបើកសភាតំណាងរាស្រ្តនៅថ្ងៃទី 3 ខែកក្កដា។ លោកបាននិយាយទៀតថា MFP និង Pheu Thai នឹងមិនអនុញ្ញាតឱ្យបញ្ហាតែមួយគត់ដែលនាំឲ្យមានការបំបែកភាពជាដៃគូចម្រុះរបស់ពួកគេនោះទេ។

លោក Padipat បានបញ្ជាក់សារជាថ្មីអំពីចេតនារបស់ MFP ក្នុងការកាន់តំណែងទាំងនាយករដ្ឋមន្ត្រី និងជាប្រធានសភា គឺដោយសារតែគណបក្សនេះទទួលបាននូវអាសនៈសភាច្រើនជាងគេ។

ក្រសួងមហាផ្ទៃរបស់កូរ៉េខាងត្បូងបាននិយាយកាលពីថ្ងៃពុធថា ភ្លៀងធ្លាក់ខ្លាំងបានវាយលុកខេត្តភាគខាងត្បូងពេញមួយយប់ បានបណ្តាលឲ្យមានមនុស្សម្នាក់បាត់ខ្លួន ហើយចំណែកផ្ទះរាប់សិបខ្នងត្រូវគ្មានអគ្គិសនីសម្រាប់ប្រើប្រាស់ បន្ទាប់ពីមានផ្គរ រន្ទះ ហើយចំនែកផ្លូវថ្នល់ ឧទ្យានជាតិ និងផ្លូវឡើងភ្នំជាច្រើនកន្លែងត្រូវបានបិទជាបណ្តោះអាសន្ន។

ភ្លៀងធ្លាក់ខ្លាំងរហូតដល់ទៅ 68.5 មិល្លីម៉ែត្រក្នុងមួយម៉ោង វាបានធ្លាក់នៅក្នុងខេត្ត North Chungcheong, South Jeolla និង South Gyeongsang ដែលជំរុញឱ្យការិយាល័យប្រឆាំងគ្រោះមហន្តរាយក្រោមក្រសួងមហាផ្ទៃដំឡើងកម្រិតការណែនាំអំពីភ្លៀងធ្លាក់ខ្លាំងឲ្យមាន “ការប្រុងប្រយ័ត្នខ្ពស់”។ ការខូចខាតត្រូវបានប្រមូលផ្តុំនៅក្នុងទីក្រុង Gwangju ភាគនិរតី និងជុំវិញខេត្ត Jeolla ភាគខាងត្បូង។

គ្រោះធម្មជាតិមួយនេះ បានបង្ករឲ្យស្ត្រីម្នាក់ដែលមានអាយុ 60 ឆ្នាំបានបាត់ខ្លួននៅក្នុងភូមិជនបទមួយនៅក្នុងស្រុក Hampyeong បន្ទាប់ពីនាងបានចាកចេញពីផ្ទះក្នុងកំឡុងពេលមានទឹកភ្លៀងលិច។

 ចំណែកឯនៅទីក្រុង Gwangju មានផ្ទះមួយខ្នងបានរងការខូចខាត ហើយការដ្ឋានសំណង់មួយត្រូវបានជន់លិច ក្នុងនោះផងដែរក៏មានផ្ទះប្រហែល 30 គ្រួសារបានដាច់ចរន្តអគ្គិសនីដោយសារមានរន្ទះបាញ់។

នៅពេលនេះមានប្រហែលមនុស្ស 21 នាក់ត្រូវបានជម្លៀសចេញពីផ្ទះរបស់ពួកគេនៅក្នុងទីក្រុង Gwangju នៃខេត្ត South Jeolla និងខេត្ត South Gyeongsang បន្ទាប់ពីដើមឈើបានដួលរលំលើផ្ទះរបស់ពួកគេ ហើយម្យ៉ាងវិញទៀតគឺដោយសារតែការភ័យខ្លាចនៃទឹកជំនន់។  ការធ្វើចរាចរណ៍ផ្លូវគោក ត្រូវបានបិទចំនួន 15 ផ្លូវ ព្រមទាំងផ្លូវក្រោមដីចំនួន 2 ចំណតរថយន្តតាមមាត់ទន្លេចំនួន 9 និងស្ពានចំនួន 35 ខណៈដែលឧទ្យានជាតិចំនួន 10 និងផ្លូវឡើងភ្នំចំនួន 299 ត្រូវបានបិទទាំងស្រុង។

មន្ត្រីរដ្ឋាភិបាលកំពូលឥណ្ឌាមន្ត្រីរដ្ឋាភិបាលឥណ្ឌា កំពុងជំរុញភាគីថ្នាក់រដ្ឋរបស់ពួកគេនៅភាគឦសាននៃរដ្ឋ Manipur ឱ្យធ្វើសង្គ្រាមជាមួយក្រុមជនជាតិភាគតិច ខណៈដែលពួកគេព្យាយាមលុបបំបាត់អំពើហិង្សាដ៏សាហាវជាច្រើនសប្តាហ៍រវាងជនជាតិភាគតិចហិណ្ឌូ Meiteis និងកុលសម្ព័ន្ធ Kukis ។

ការផ្លាស់ប្តូរនេះកើតឡើងភ្លាមៗបន្ទាប់ពីនាយករដ្ឋមន្ត្រីឥណ្ឌាលោក Narendra Modi ធ្វើជាប្រធានកិច្ចប្រជុំនៅទីក្រុង Manipur ហើយគណបក្ស Bharatiya Janata (BJP) គឺជាអ្នកគ្រប់គ្រងកន្លែងដែលកើតមានអំពើហិង្សាវាបានបណ្តាលឱ្យមនុស្សយ៉ាងហោចណាស់ 115 នាក់ស្លាប់ និង 300 នាក់រងរបួសក្នុងរយៈពេលជិត 2 ខែកន្លងមកនេះ។

លោក Modi ដែលត្រូវបានរិះគន់ម្តងហើយម្តងទៀតចំពោះការមិនពិភាក្សាអំពីវិបត្តិអន្តរជាតិសាសន៍ ជាសាធារណៈនោះ បានកោះប្រជុំគណៈរដ្ឋមន្ត្រីកម្រិតខ្ពស់កាលពីថ្ងៃច័ន្ទត្រឹមតែប៉ុន្មានម៉ោងបន្ទាប់ ពីការត្រឡប់មកពីការធ្វើដំណើរទស្សនកិច្ចនៅប្រទេសសហរដ្ឋអាមេរិក និងអេហ្ស៊ីប។ ក្នុងជំនួបនោះ លោកត្រូវបានទេសរដ្ឋមន្ត្រី ពន្យល់យ៉ាងខ្លីអំពីវិធានការនានា ដែលត្រូវចាត់វិធានការ ដើម្បីស្តារភាពប្រក្រតីឡើងវិញនៅក្នុងរដ្ឋភាគឦសានដ៏ខៀវស្រងាត់។

បន្ទាប់ពីមានកិច្ចប្រជុំគណៈរដ្ឋមន្ត្រី មន្ត្រីរដ្ឋាភិបាលនៃរដ្ឋ Manipur ត្រូវបានស្នើឱ្យនិយាយជាមួយអ្នកពាក់ព័ន្ធទាំងអស់នៅក្នុងការបែងចែករវាងសហគមន៍ Meitei និង Kuki ។

កិច្ចប្រជុំគ្រប់ភាគីដ៏កម្រដែលបានកោះប្រជុំដោយរដ្ឋមន្ត្រីក្រសួងមហាផ្ទៃ Amit Shah ក្នុងទីក្រុង Delhi កាលពីថ្ងៃសៅរ៍ បានផ្តល់ឱ្យសមាជិកសភា BJP និងគណបក្សនយោបាយប្រឆាំងទាំងអស់នូវឱកាសដើម្បីពិភាក្សាអំពីជម្លោះ ដែលជាការទទួលស្គាល់ជាក់ស្តែងថា ស្ថានភាពនៅក្នុងទីក្រុង Manipur កំពុងតែរីករាលដាលចេញពីការគ្រប់គ្រង។

ចាប់តាំងពីថ្ងៃទី 3 ខែឧសភា ឧប្បត្តិហេតុនៃការឆេះជាង 5,000 គ្រួសារ ត្រូវបានរាយការណ៍នៅក្នុងរដ្ឋ ហើយមនុស្សរាប់ពាន់នាក់ត្រូវបានបង្ខំឱ្យភៀសខ្លួនចេញពីផ្ទះរបស់ពួកគេ។ ប្រភពជាច្រើនបានរាយការណ៍ថា ទាំងក្រុម Meitei និង Kuki បានចូលរួមនៅក្នុងអំពើហិង្សា។

បន្ទាប់ពីកិច្ចប្រជុំកាលពីថ្ងៃសៅរ៍ លោក N. Biren Singh ប្រមុខរដ្ឋ Manipur បាននិយាយថា រដ្ឋាភិបាលសហព័ន្ធបានយកចិត្តទុកដាក់យ៉ាងខ្លាំងចំពោះការលុបបំបាត់វិបត្តិ ហើយថារដ្ឋាភិបាលរដ្ឋរបស់លោកនឹងធ្វើការរួមគ្នាជាមួយមន្ត្រីសហព័ន្ធដើម្បីស្តារសន្តិភាពឡើងវិញ។

Amit Shah ក្នុងទីក្រុង Delhi កាលពីថ្ងៃសៅរ៍ បានផ្តល់ឱ្យសមាជិកសភា BJP និងគណបក្សនយោបាយប្រឆាំងទាំងអស់នូវ”បានធានា  ថារដ្ឋាភិបាលកណ្តាលនឹងចាត់វិធានការដែលអាចធ្វើទៅបានដើម្បីនាំមកនូវភាពប្រក្រតីនៅក្នុង Manipur” Singh បានសរសេរនៅលើ Twitter កាលពីថ្ងៃអាទិត្យបន្ទាប់ពីកិច្ចប្រជុំជាមួយ Shah នៅទីក្រុង Delhi ។

មេដឹកនាំគណបក្សប្រឆាំងនយោបាយដែលមានមូលដ្ឋាននៅទីក្រុង Manipur ថ្មីៗនេះបានចេញអនុស្សរណៈមួយរិះគន់លោក Singh ចំពោះការដោះស្រាយអំពើហឹង្សារបស់គាត់ និងសួរសំណួរអំពី “ភាពស្ងៀមស្ងាត់” របស់លោក Modi លើបញ្ហានេះ។

នៅក្នុងកិច្ចប្រជុំកាលពីថ្ងៃសៅរ៍ លោក Singh ក៏បាននិយាយផងដែរថា មេដឹកនាំបក្សប្រឆាំង Manipur បានបោះជំរុំនៅទីក្រុង Delhi ចាប់តាំងពីថ្ងៃទី 10 ខែមិថុនា ជាផ្នែកនៃកិច្ចខិតខំប្រឹងប្រែងដើម្បីជួបជាមួយលោក Modi ដែលមិនបានផ្តល់ការណាត់ជួប។

Shah បានប្រាប់កិច្ចប្រជុំថ្ងៃសៅរ៍ថា “មិនមានមួយថ្ងៃទេ” នៅពេលដែលគាត់មិនបានពិភាក្សាអំពីវិបត្តិ Manipur ជាមួយ Modi ដែលបាននិងកំពុងផ្តល់ការណែនាំដល់គាត់អំពីវិបត្តិ។

“យុវជនភាគច្រើន [ដែលបានចូលរួមក្នុងអំពើហឹង្សាក្នុងទីក្រុងម៉ានីពួរ] បានប្រគល់អាវុធរបស់ពួកគេទៅប៉ូលីស។ យើងបានទទួលយកការផ្ដល់យោបល់ពីគ្រប់ភាគីទាំងអស់ [ក្នុងអំឡុងពេលកិច្ចប្រជុំ] ហើយជំហានកំពុងត្រូវបានអនុវត្តក្នុងទិសដៅត្រឹមត្រូវ” Sambit Patra ដែលជាប្រធាន BJP នៅទីក្រុង Manipur បានប្រាប់អ្នកយកព័ត៌មាននៅទីក្រុង Delhi ។

ទោះបីជាកិច្ចប្រជុំកាលពីថ្ងៃសៅរ៍មិនបានបង្ហាញពីផែនការដើម្បីទប់ស្កាត់អំពើហឹង្សាក៏ដោយ យ៉ាងហោចណាស់គណបក្សប្រឆាំងពីរបានស្នើឱ្យគណៈប្រតិភូគ្រប់ភាគីធ្វើដំណើរទៅទីក្រុង Manipur ដើម្បីទាក់ទងដោយផ្ទាល់ជាមួយអ្នកដែលរងផលប៉ះពាល់ដោយអំពើហិង្សា។

សេចក្តីថ្លែងការណ៍ផ្លូវការរបស់ AITC បាននិយាយបន្ទាប់ពីកិច្ចប្រជុំនេះថា “ដើម្បីបង្កើនទំនុកចិត្តរបស់ប្រជាជន Manipur និងផ្តល់នូវការប៉ះព្យាបាល សភា All India Trinamool Congress (AITC) ទាមទារឱ្យមានការបញ្ជូនគណៈប្រតិភូគ្រប់ភាគីទៅកាន់រដ្ឋនៅសប្តាហ៍ក្រោយ” ។

“សារដែលបានចេញ [រហូតមកដល់ពេលនេះ] គឺថារដ្ឋាភិបាលសហភាពកំពុងមិនអើពើនឹងវិបត្តិម៉ានីពួរ។ នោះត្រូវការផ្លាស់ប្តូរ [ដើម្បី] ព្យាបាល ថែទាំ ស្តារសន្តិភាព និងភាពសុខដុមរមនា”។

បន្ទាប់ពីមានជំនួបរវាងរដ្ឋមន្ត្រីការពារជាតិឥណ្ឌា Rajnath Singh និងភាគីវៀតណាម គឺឧត្តមសេនីយ៍ Phan Van Gang នៅទីក្រុង New Delhi កាលពីថ្ងៃច័ន្ទសប្តាហ៍មុន ដោយទីក្រុងញូវដែលីនឹងប្រគល់ កាំជ្រួចមីស៊ីលឥណ្ឌា INS Kirpan ដល់កងទ័ពជើងទឹករបស់វៀតណាម ក្នុងគោលបំណងដើម្បីដឹកជញ្ជូន កាំជ្រួចមីស៊ីល ដែលជានាវាចម្បាំងតូចសម្រាប់ការប្រើប្រាស់ជាចម្បងក្នុងការការពារឆ្នេរសមុទ្រ។

ទទន្ទឹមនិងនោះរដ្ឋមន្ត្រីការពារជាតិរបស់ប្រទេសចិន លោក Li Shangfu បាននិយាយកាលពីថ្ងៃអង្គារ ទី 27ខែ ឧសភាថា ប្រទេសចិនមានឆន្ទៈក្នុងការធ្វើការជាមួយប្រទេសវៀតណាម ដើម្បីពង្រឹងទំនាក់ទំនង និងកិច្ចសហប្រតិបត្តិការកម្រិតខ្ពស់រវាងយោធារបស់ពួកគេ ខណៈដែលលោកបានជួបជាមួយនិងភាគីខាងប្រទេសវៀតណាម។

ក្រសួងការពារជាតិចិនបាននិយាយនៅក្នុងសេចក្តីថ្លែងការណ៍មួយថា នៅក្នុងកិច្ចប្រជុំរបស់ពួកគេនៅទីក្រុងប៉េកាំង លោក Li Shangfu បាននិយាយថា ស្ថានភាពអន្តរជាតិកំពុងតែមានភាពវឹកវរ និងជាប់ទាក់ទងគ្នា ហើយសន្តិសុខនៃតំបន់អាស៊ីប៉ាស៊ីហ្វិកក៏កំពុងប្រឈមមុខនឹងបញ្ហាផងដែរ។

លោក Li Shangfu  បាននិយាយនៅក្នុងកិច្ចពិភាក្សាជាមួយរដ្ឋមន្ត្រី Phan Van Giang នៃក្រសួងការពារជាតិវៀតណាមថា “ចិន និងវៀតណាម គួរតែបន្តធ្វើការរួមដៃគ្នា និងរួបរួមយ៉ាងជិតស្និទ្ធក្នុងដំណើរថ្មីនៃសង្គមនិយម ការពារផលប្រយោជន៍យុទ្ធសាស្ត្ររួមរបស់ប្រទេសទាំងពីរ និងរួមចំណែកជាវិជ្ជមានដល់ សន្តិភាព និងស្ថិរភាពក្នុងតំបន់។

លោក Li Shangfu បាន​ប្រាប់រដ្ឋមន្ត្រី Phan ថា ទំនាក់ទំនង​រវាង​យោធា​របស់​ពួកគេ​បាន​អភិវឌ្ឍ​យ៉ាង​ល្អ ដោយ​លោក​បាន​បន្ថែម​ថា យោធា​របស់​ចិនគឺពិតជា​មាន​ឆន្ទៈ​ក្នុង​ការ​ជំរុញ​ទំនាក់ទំនង​ទៅ​កម្រិត​ថ្មីមួយទៀត។

កិច្ចប្រជុំរបស់ពួកគេបានកើតឡើងបន្ទាប់ពីនាវា USS Ronald Reagan បានផ្ទុកយន្តហោះអាមេរិកចាប់តាំងពីចុងបញ្ចប់នៃសង្គ្រាមវៀតណាម បានឈប់នៅកំពង់ផែរបស់វៀតណាមនៃទីក្រុង Danang កាលពីថ្ងៃអាទិត្យ។ ដំណើរទស្សនកិច្ចរបស់កងទ័ពជើងទឹកអាមេរិក បានកើតឡើងចំពេលមានភាពតានតឹងរវាងចិន និងសហរដ្ឋអាមេរិកដូចគ្នាទៅនិង នៅក្នុងសមុទ្រចិនខាងត្បូង ដែលភាគច្រើន ភាគីចិនតែងតែអះអាងថា មហាអំណាចទាំងពីរកំពុងចោមរោមដណ្តើមឥទ្ធិពលនៅក្នុងតំបន់ដែលសម្បូរដោយថាមពល។

ក្នុងរយៈពេលប៉ុន្មានសប្តាហ៍កន្លងមកនេះ លោក Li បានជួបជាមួយមេបញ្ជាការកងកម្លាំងការពារប្រទេសអាហ្វ្រិកខាងត្បូង និងជាមេទ័ពរបស់ប្រទេសថៃ ប៉ុន្តែលោកមិនបានជួបពិភាក្សាជាមួយរដ្ឋមន្ត្រីការពារជាតិអាមេរិក លោក Lloyd Austin នោះទេ។

ទាំងលោក Li Shangfu និង Lloyd Austin បានចូលរួម កិច្ចប្រជុំកំពូល សន្តិសុខ នៅប្រទេសសិង្ហបុរីកាលពីដើមខែមិថុនា ប៉ុន្តែលោក Li បានបដិសេធការផ្តល់ជូននៃកិច្ចប្រជុំមួយនេះទៅវិញ។

លោក Li Shangfu ដែលត្រូវបានតែងតាំងជារដ្ឋមន្ត្រីការពារជាតិកាលពីខែមីនា គឺស្ថិតនៅក្រោមការដាក់ទណ្ឌកម្មរបស់សហរដ្ឋអាមេរិកជុំវិញតួនាទីរបស់គាត់នៅក្នុងការទិញអាវុធកាលឆ្នាំ 2017 ពីក្រុមហ៊ុននាំចេញអាវុធដ៏ធំបំផុតរបស់ប្រទេសរុស្ស៊ី។ នៅពេលនេះចិន​បាន​និយាយ​ថា ខ្លួន​ចង់​ឲ្យ​ការ​ទម្លាក់​ទណ្ឌកម្ម​នេះ​ដើម្បី​សម្រួល​ដល់​ការ​ពិភាក្សា។

នៅពេលដែលភាពតានតឹងកាន់តែក្តៅគគុកនៅក្នុងសមុទ្រចិនខាងត្បូង វាជាកន្លែងដែលប្រទេសជាច្រើនមានការទាមទារទឹកដីត្រួតស៊ីគ្នា និងការធ្វើ សមយុទ្ធ យោធា នៅក្នុងដែនទឹករបស់ខ្លួន ភាពរអាក់រអួលក្នុងទំនាក់ទំនងយោធាចិន-អាមេរិកកំពុងត្រូវបាន ពិភពលោកឃ្លាំមើលយ៉ាងដិតដល់ ។

ទីក្រុងប៉េកាំងបានលុបចោលមធ្យោបាយសំខាន់ៗ ចំនួនបីនៃការទំនាក់ទំនងយោធាជាមួយសហរដ្ឋអាមេរិកកាលពីខែសីហាឆ្នាំមុន ក្នុងការឆ្លើយតបដ៏ខឹងសម្បារមួយចំពោះដំណើរទស្សនកិច្ចរបស់ប្រធានសភាអាមេរិក លោកNancy Pelosi ទៅកាន់កោះតៃវ៉ាន់ដើម្បីគាំទ្រដល់កោះមួយនេះក្នុងការគ្រប់គ្រងដោយខ្លួនឯងនោះ។