Full Post Style

ធនាគារកណ្តាលរបស់ប្រទេសកូរ៉េបានលើកឡើងកាលពីថ្ងៃអង្គារនេះថា សេដ្ឋកិច្ចរបស់ប្រទេសកូរ៉េខាងត្បូងមានសន្ទុះយឺត គឺដោយសារតែអ្នកនៅលីវភាពច្រើនបានកាត់បន្ថយការចំណាយរបស់ពួកគេ ខណៈដែលអ្នកមានជីវិតឯករាជ្យទាំងអស់នោះចង់បានផ្ទះផ្ទាល់ខ្លួនតាមក្តីស្រម៉ៃ។

តម្លៃអចលនទ្រព្យនៅកូរ៉េខាងត្បូងនៅតែជាក្តីអង្វល់របស់ប្រជាពលរដ្ឋ តែការកាត់បន្ថយការចាយរបស់ពួកគេវាក៏ជាក្តីកង្វល់របស់រដ្ឋាភិបាលដូចគ្នា។ អ្នកជំនាញខាងសេដ្ឋកិច្ចដែលមានមូលដ្ឋាននៅធនាគារកណ្តាលរបស់ប្រទេសមួយនេះបានលើកឡើងថា ផលប៉ះពាល់ដ៏ធំផុតនៃការស្ទុះងើបឡើងវិញនៃការប្រើប្រាស់ឯកជន គឺបណ្តាលមកពីការកាត់បន្ថយចំណាយ។ការស្ទ ង់មតិមួយដែលត្រូវបានគេធ្វើឡើងសម្រាប់មនុស្សពេញវ័យ (អ្នកមិនទាន់រៀបការ) ទិន្នន័យបានបង្ហាញថា ពួកគេបានពន្យាពេលរៀបអាពាហ៍ពិពាហ៍ ឬបន្តរស់នៅបែបជីវិតឯករាជ្យ គឺដោយសារតែពួកគេមិនទាន់មានលទ្ធភាពគ្រប់គ្រាន់ក្នុងការទិញផ្ទះជារបស់ផ្ទាល់ខ្លួន។

យ៉ាងណាមិញ ការកាត់បន្ថយការចំណាយរបស់អ្នកនៅលីវគឺបានកើតឡើងកាន់តែច្រើនឡើងៗ រហូតធ្វើឲ្យចំនួនមនុស្សចាស់ដែលរស់នៅម្នាក់ឯងក្នុងប្រទេសកូរ៉េក៏កាន់តែកើនឡើងដូចគ្នា។ ការសន្សំសំចៃបានក្លាយទៅជាទម្លាប់របស់ពួកគេ ហើយវាក៏បានចាក់ឬសយ៉ាងជ្រៅចាប់តាំងជំងឺកូវីដ ១៩ បានវាយលុកមកម្ល៉េះ។

បើយោងទៅតាមទិន្នន័យរបស់រដ្ឋាភិបាលបានឥ្យដឹងបន្ថែមទៀតថា កាលពីឆ្នាំ 2023  70 ភាគរយនៃចំនួនអ្នកនៅលីវ គឺបានចំណាយលើការប្រើប្រាស់ប្រចាំថ្ងៃ តិចជាង (2 ម៉ឺនដុល្លារអាមេរិក) ក្នុងមួយឆ្នាំ តែប្រសិនបើយើងធៀបទៅនឹងប្រាក់ចំណូលរបស់ពួកគេប្រចាំឆ្នាំជាមធ្យមវិញគឺមានចំនួនប្រហែលជា 30,00 ដុល្លារឯណោះ។

ទីភ្នាក់ងារស្ថិតិរបស់រដ្ឋបាននិយាយថា ការចំណាយខាងលើនេះគឺវាមិនទាន់គ្រប់គ្រាន់ ដើម្បីឲ្យសេដ្ឋកិច្ចរបស់ប្រទេសមានសន្ទុះឡើងវិញលឿននោះឡើយ។

ដើម្បីឲ្យសេដ្ឋកិច្ចរបស់ប្រទេសកាន់តែមានកំណើន BOK បានអំពាវនាវឱ្យរដ្ឋាភិបាលគួរមានវិធានការគោលនយោបាយសមស្របណាមួយសម្រាប់ក្រុមអាយុនីមួយៗ ឲ្យស្របទៅតាមតម្រូវការរបស់ពួកគេ ជាឧទាហរណ៍ រដ្ឋត្រូវធានាថា តម្លៃលំនៅឋានគឺត្រូវតែសមូលជាមួយនឹងប្រាក់ចំណូល ដែលធ្វើឲ្យប្រជាជនមិនព្រួយបារម្មណ៍លើការចំណាយទិញផ្ទះ ហើយជាពិសេសជាងនេះទៅទៀតនោះគឺសន្តិសុខការងារ។​ (យ៉ុនហាប់)

ប្រទេសរៀតណាមគ្រោងនឹងចំណាយទឹកប្រាក់លើការសាងសង់ផ្លូវរថភ្លើងល្បឿនលឿន ប្រមាណជា 67 ពាន់លានដុល្លារសហរដ្ឋអាមេរិក នេះបើយោងតាមការចុះផ្សាយពីទីភ្នាក់ងារ CNN កាលពីថ្ងៃទី ០១ ខែធ្នូ ឆ្នាំ ២០២៤។

រថភ្លើងល្បឿនលឿនដែលតភ្ជាប់ពីភាគខាងជើងនៃរដ្ឋធានីហាណូយ ទៅកាន់ភាគខាងត្បូងទីក្រុងហូជីមិញគឺមានចំងាយរហូតដល់ទៅ1,541 គីឡូម៉ែត្រ ជាមួយនឹង ល្បឿនប្រហែលជា 350 គីឡូម៉ែត្រក្នុងមួយម៉ោង ដែលអាចជួយកាត់បន្ថយការធ្វើដំណើរជាទូទៅរបស់ប្រជាជនប្រមាណជា 25 ម៉ោងឯណោះ។

គួរបញ្ជាក់ថា ការសាងសង់ផ្លូវរថភ្លើងល្បឿនលឿមួយខ្សែនេះ វាត្រូវបានគេរំពឹងថា ការសាងសង់នឹងចាប់ផ្តើមនៅឆ្នាំ 2027 ហើយបញ្ចប់ទៅវិញយ៉ាងយូបំផុត្រត្រឹមឆ្នាំ 2035។

បើយោងតាមប្រភពដដែលបាននិយាយបន្ថែមទៀតថា ជុំវិញគម្រោងខាងលើរដ្ឋាភិបាលប្រទេសវៀតណាមមានគោលបំណងធំៗចំនួនពីរ៖

ទីមួយៈ រថភ្លើងដែលធ្វើដំណើរឆ្លងកាត់ខេត្ត-ក្រុងចំនួន 20 គឺវាអាចជួយសម្រួលដល់ដឹកជញ្ជូនទាំងមនុស្ស និងទំនិញ កាន់តែរហ័ស ងាយស្រួលជាងមុន និងសុវត្តិភាពខ្ពស់។

ទីពីរៈ គឺរដ្ឋាភិបាលចង់សម្រួលដល់វិស័យការពារជាតិ (ការដឹកជញ្ជូនទាហ៊ាន និងអាវុធ)។

យ៉ាងណាមិញ បើយោងទៅតាមប្រព័ន្ធផ្សព្វផ្សាយរដ្ឋរបស់វៀតណាមដោយផ្ទាល់ពួកគេបាននិយាយថា វៀតណាមនឹងផ្តល់អាទិភាពដល់ការផ្តល់មូលនិធិក្នុងស្រុកសម្រាប់គម្រោងនេះ ប៉ុន្តែអាចពិចារណាលើប្រាក់កម្ចីពីបរទេសប្រសិនបើពួកគេមានតម្លៃសមរម្យ និងមិនមានការរឹតបន្តឹងលើប្រទេសរបស់ខ្លួន។