ក្រុមមន្ត្រីរបស់ប្រទេសឥណ្ឌាបាននិយាយកាលពីថ្ងៃអាទិត្យថា យ៉ាងហោចណាស់មានមនុស្ស 96 នាក់បានស្លាប់នៅក្នុងរដ្ឋចំនួនពីរនៃរដ្ឋដែលមានប្រជាជនច្រើនបំផុត របស់ប្រទេសឥណ្ឌាក្នុងរយៈពេលប៉ុន្មានថ្ងៃចុងក្រោយនេះ ដោយការកើនឡើងនៃរលកកំដៅដ៏ក្តៅគគុកមួយ។
ការស្លាប់នេះបានកើតឡើងនៅភាគខាងជើងរដ្ឋ Uttar Pradesh និងភាគខាងកើត Bihar ជាកន្លែងដែលអាជ្ញាធរបានព្រមានអ្នកស្រុកជាង 60គ្រួសារ និងអ្នកផ្សេងទៀតដែលទទួលរងនូវជំងឺផ្សេងៗឱ្យស្នាក់នៅក្នុងផ្ទះនៅពេលថ្ងៃ។
អ្នកស្លាប់ទាំងអស់នៅក្នុងរដ្ឋ Uttar Pradesh ជាសរុបមានចំនួន 54 នាក់ត្រូវបានរាយការណ៍នៅក្នុងស្រុក Ballia ចម្ងាយប្រហែល 300 គីឡូម៉ែត្រ (200 ម៉ាយ) ពីភាគអាគ្នេយ៍នៃទីក្រុង Lucknow ពីរដ្ឋធានី។ លោក SK Yadav មន្ត្រីពេទ្យនៅ Ballia បាននិយាយថា ក្នុងរយៈពេលបីថ្ងៃកន្លងមកនេះ អ្នកជំងឺប្រហែល 300 នាក់ត្រូវបានបញ្ជូនទៅមន្ទីរពេទ្យស្រុកសម្រាប់ជំងឺផ្សេងៗ ស្ថានភាពនៅពេលនេះគឺកាន់តែធ្ងន់ធ្ងរឡើងពីមួយថ្ងៃទៅមួយថ្ងៃដោយសាររលកកំដៅ។
ដោយសារស្ថានការណ៍កាន់តែធ្ងន់ធ្ងរ អាជ្ញាធរបានលុបចោលពាក្យសុំឈប់សម្រាករបស់បុគ្គលិកពេទ្យនៅ Ballia និងផ្តល់គ្រែជូនមន្ទីរពេទ្យបន្ថែមក្នុងបន្ទប់សង្គ្រោះបន្ទាន់ ដើម្បីសម្រួលដល់លំហូរនៃអ្នកជំងឺដែលមានការកើនឡើងនោះ។
ក្រុមមន្ត្រីបាននិយាយថា ភាគច្រើននៃអ្នកជំងឺដែលបានទទួលការព្យាបាលគឺមានអាយុចាប់ពី 60 ឆ្នាំឡើងទៅ បង្ហាញរោគសញ្ញាគ្រុនក្តៅខ្លាំង ក្អួត រាគ ពិបាកដកដង្ហើម និងបញ្ហាទាក់ទងនឹងចង្វាក់បេះដូង។
លោក RS Pathak ជាអ្នកស្រុក Ballia គាត់បាននិយាយថា “រឿងនេះមិនដែលកើតឡើងនៅ Ballia ទេ។ ប៉ុន្តែខ្ញុំក៏មិនដែលឃើញមនុស្សស្លាប់ដោយសារកំដៅក្នុងចំនួនដ៏ច្រើនបែបនេះពីមុនមកដែរ”។ “បច្ចុប្បន្នប្រជាជនពិតជាមានការភ័យខ្លាចការធ្វើដំណើរនៅតាមដងផ្លូវ។ ស្រុកBallia រួមជាមួយរដ្ឋ Uttar Pradesh ភាគកណ្តាល និងភាគខាងកើតបច្ចុប្បន្នកំពុងតែប្រឈមនឹងកម្ដៅដែលសង្កត់ធ្ងន់មកលើជីវភាពប្រជាពលរដ្ឋ។
កាលពីថ្ងៃអាទិត្យ ស្រុកមួយនេះបានជួបប្រទះនឹងសីតុណ្ហភាពអតិបរិមា៤៣អង្សាសេ ដែលលើសពីកម្រិតធម្មតា៥អង្សា។ សំណើមដែលទាក់ទងត្រូវបានកត់ត្រានៅ 25% ដែលជាការបង្កើនឥទ្ធិពលនៃកំដៅ។
លោក Atul Kumar Singh អ្នកវិទ្យាសាស្ត្រមកពីនាយកដ្ឋានឧតុនិយមឥណ្ឌា ឬ IMD បាននិយាយថា សីតុណ្ហភាពនៅទូទាំងរដ្ឋបច្ចុប្បន្ន គឺខ្ពស់ជាងធម្មតាគួរឲ្យកត់សម្គាល់។ លោកបានបន្ថែមថា “មិនមានការសង្គ្រោះត្រូវបានរំពឹងទុកក្នុងរយៈពេល 24 ម៉ោងបន្ទាប់នោះទេ”។
IMD បានចេញការប្រកាសអាសន្នដោយនិយាយថា ការកើនឡើងនៃរលកកម្ដៅនឹងបន្តរហូតដល់ថ្ងៃទី ១៩ ខែមិថុនា នៅផ្នែកខ្លះនៃរដ្ឋ Uttar Pradesh។
រដ្ឋមន្ត្រីសុខាភិបាលរបស់រដ្ឋ Brijesh Pathak បាននិយាយថា ពួកគេបានបើកការស៊ើបអង្កេតលើមូលហេតុនៃការស្លាប់របស់ “មនុស្សជាច្រើន” នៅក្នុង Ballia ។ ហើយនៅភាគខាងកើត Bihar កំដៅដ៏ក្តៅគគុកបានលេបត្របាក់រដ្ឋភាគច្រើន ដែលនាំឱ្យមនុស្សស្លាប់ចំនួន 42 នាក់ក្នុងរយៈពេលពីរថ្ងៃកន្លងមកនេះ។ ក្នុងចំណោមអ្នកស្លាប់ ៣៥ នាក់ បានកើតឡើងនៅមន្ទីរពេទ្យចំនួនពីរក្នុងរដ្ឋប៉ាតាណា ដែលមានអ្នកជំងឺជាង ២០០នាក់ ដោយសារពួកគេមានជំងឺរាគរូស និងក្អួតកំពុងត្រូវបានព្យាបាល។ នៅពេលនេះមានការកត់ត្រាសីតុណ្ហភាពអតិបរមា 44.7 អង្សាសេកាលពីថ្ងៃសៅរ៍។ នៅក្នុងរដូវក្តៅសំខាន់ៗដែលចាប់ផ្តើមពីខែ មេសា ឧសភា និងមិថុនា – ជាទូទៅគឺក្តៅបំផុតនៅក្នុងប្រទេសឥណ្ឌាភាគច្រើនមុនពេលភ្លៀងមូសុង ហើយបន្ទាប់មកក៏នាំយកនូវសីតុណ្ហភាពត្រជាក់មកវិញម្តង។
ប៉ុន្តែសីតុណ្ហភាពបានកាន់តែខ្លាំងឡើងក្នុងទសវត្សរ៍កន្លងទៅ។ ក្នុងអំឡុងពេលរលកកំដៅ ប្រទេសនេះតែងតែទទួលរងការខ្វះខាតទឹកយ៉ាងធ្ងន់ធ្ងរ ដោយមនុស្សរាប់សិបលាននាក់ក្នុងចំណោមប្រជាជនចំនួន 1.4 ពាន់លាននាក់ គឺប្រឈមនិងការខ្វះខាតទឹកសម្រាប់ប្រើប្រាស់។
ការសិក្សាមួយដោយ World Weather Attribution ដែលជាក្រុមសិក្សាដែលពិនិត្យប្រភពនៃកំដៅខ្លាំង បានរកឃើញថា រលកកំដៅដ៏ខ្លាំងមួយនៅក្នុងខែមេសា ដែលបានវាយប្រហារផ្នែកខ្លះនៃអាស៊ីខាងត្បូង ត្រូវរងការប្រែប្រួលអាកាសធាតុរហូតដល់ 30 ដង។
កាលពីខែមេសា កំដៅបានបណ្តាលឱ្យមនុស្ស 13 នាក់ស្លាប់នៅក្នុងព្រឹត្តិការណ៍រដ្ឋាភិបាលមួយនៅក្នុងរដ្ឋធានីហិរញ្ញវត្ថុរបស់ឥណ្ឌានៃទីក្រុងបុមបៃ ហើយបានជំរុញឱ្យរដ្ឋមួយចំនួនបិទសាលារៀនទាំងអស់ក្នុងរយៈពេលត្រឹមមួយសប្តាហ៍។
