Full Post Style

គណបក្សចលនាឆ្ពោះទៅមុខ (MFP) និងគណបក្សភឿថៃ បានព្រមព្រៀងគ្នា ក្នុងការជ្រើសរើសមេដឹកនាំគណបក្ស Prachachat គឺលោក Wan Muhammad Nor Matha ជាប្រធានសភា ខណៈដែល MFP និងគណបក្សភឿថៃ នឹងមានអាសនៈអនុប្រធានម្នាក់ៗនៅក្នុងនោះ។

មេដឹកនាំ MFP លោក Pita Limjaroenrat បានប្រាប់សន្និសីទសារព័ត៌មានមួយកាលពីយប់ថ្ងៃច័ន្ទថា ភាគីទាំងពីរបានយល់ព្រមជ្រើសរើស លោក Wan Muhammad ឲ្យធ្វើជាប្រធានសភា ហើយចំនែក MFP នឹង​មាន​អាសនៈអនុ​ប្រធាន​សភា​​ទី​មួយ និង​បក្ស​ភឿ​ថៃ​ជា​អនុប្រធាន​ទី​ពីរ។

លោក​បាន​បន្ត​ថា សម្ព័ន្ធ​មិត្ត​ចម្រុះ​ចំនួន ៦ ផ្សេង​ទៀត​បាន​គាំទ្រ​ការ​សម្រេច​ចិត្ត​នេះ ដោយក្នុងនោះផងដែរគណបក្ស Prachachat ក៏ស្ថិតក្នុងចំណោមសម្ព័ន្ធមិត្តនោះផងដែរ។

លោក Pita បាននិយាយថា “កិច្ចព្រមព្រៀងនេះគឺដើម្បីឯកភាពគ្នាក្នុងចំណោមគណបក្សនយោបាយទាំងប្រាំបី ដែលនឹងប្រឹងប្រែងឱ្យអស់ពីសមត្ថភាព ដើម្បីតែងតាំងរូបលោកឲ្យក្លាយជានាយករដ្ឋមន្ត្រីបន្ទាប់”។

លោក​បាន​និយាយ​ថា សម្ព័ន្ធមិត្ត​ចម្រុះ​ទាំង ៨ នឹង​គាំទ្រ​លោក​ជា​បេក្ខជន​នាយករដ្ឋមន្ត្រី​តែ​ម្នាក់​របស់​ពួកគេ។

លោកក៏បាននិយាយផងដែរថា MFP និងបក្សភឿថៃ នឹងធ្វើវិសោធនកម្មច្បាប់ដើម្បីលើកលែងទោសមនុស្សដែលត្រូវបានកាត់ទោស ចំពោះការសំដែងមតិនយោបាយរបស់ពួកគេ និងការធ្វើកំណែទម្រង់ច្បាប់ទាក់ទងនឹងកងកម្លាំងប្រដាប់អាវុធ រួមទាំងច្បាប់អាជ្ញាសឹក និងសន្តិសុខផ្ទៃក្នុងថែមទៀតផង។

មេដឹកនាំរងរបស់បក្សភឿថៃ លោក Phumtham Wechayachai បាននិយាយថា លោកបានស្នើឲ្យលោក Wan Muhammad Nor ជាប្រធានសភា ដោយសារតែមេដឹកនាំ Prachachat គឺមនុស្សដែលរក្សាបាននូវអព្យាក្រឹត ហើយសំណើនេះ គឺជាមធ្យោបាយតែមួយគត់ដើម្បីឲ្យសម្ព័ន្ធមិត្ត ចូលរួមក្នុងការបង្កើតរដ្ឋាភិបាលរបស់ពួកគេ។

មេដឹកនាំគណបក្សភឿថៃ លោក Cholnan Srikaew បាននិយាយថា គណបក្សរបស់លោកនឹងមិនតែងតាំងសមាជិកណាមួយរបស់ខ្លួនដើម្បីប្រកួតប្រជែងសម្រាប់កៅអីប្រធានសភានោះទេ ហើយគណបក្សចម្រុះផ្សេងទៀត ក៏មិនមានសិទ្ធិតែងតាំងសមាជិកបក្សភឿថៃណាមួយសម្រាប់ការងារនោះដែរ។

ដោយកាលពីមុន MFP បានផ្សព្វផ្សាយយ៉ាងសកម្មសមាជិកសភា Phitsanulok លោក Padipat Sunthiphada ជាបេក្ខជនប្រធានសភារបស់ខ្លួន។  MFP និងគណបក្សភឿថៃបានបរាជ័យក្នុងការឈានដល់កិច្ចព្រមព្រៀងលើមុខតំណែងរបស់ប្រធានសភាកាលពីថ្ងៃអាទិត្យ គឺចំពេលដែលមានពាក្យចចាមអារ៉ាមថា Pheu Thai ចង់បានសមាជិកជើងចាស់របស់ខ្លួនគឺលោក Suchart Tancharoen ឲ្យក្នុងតំណែងនេះ។

ក្នុង​ប៉ុន្មាន​ថ្ងៃ​ថ្មីៗ​នេះ ភឿ​ថៃ​បាន​ប្រកាន់​ជំហរ​ថា ខ្លួន​សម​នឹង​ទទួល​បាន​កៅអីជាប្រធានសភា ព្រោះ MFP មាន​តំណែង​នាយក​រដ្ឋមន្ត្រី​រួច​ហើយ ចំនែកឯគណបក្សនីមួយៗត្រូវមានគណៈរដ្ឋមន្ត្រីចំនួន ១៤រូប។

MFP បានឈ្នះអាសនៈសភាចំនួន 151 នៅក្នុងការបោះឆ្នោតសកលថ្ងៃទី 14 ខែឧសភា ខណៈដែលគណបក្សភឿថៃមាន 141 អាសនៈ។

ប៉ុន្តែនៅព្រឹកថ្ងៃច័ន្ទ លោក Wan Muhammad Nor បាននិយាយថា លោកមិនចង់បានតំណែងប្រធានសភានោះទេ តែបើសិនវាជាការសន្មត់នូវតំណែងមួយនេះរបស់លោក អាចធានាដល់ការបង្កើតរដ្ឋាភិបាលថ្មីបាននោះ លោកនឹងសុខចិត្តទទួលយកវា។

តាមទីភ្នាក់ងារសារព័ត៌មាន (Reuters) ថ្ងៃទី 3 ខែកក្កដា បានឲ្យដឹងថា នៅភាគខាងជើងនៃដងទន្លេTORNIO នៃប្រទេសហ្វាំងឡង់ និង ស៊ុយអែត គឺនិងមានស្ពានព្រមទាំងផ្លូវដែក ដែលលាតសន្ធឹងតាមដងទន្លេដែលហូរចេញមកក្រៅរង្វង់អាកទិក ដែលវិស្វ័ករសំណង់របស់ហ្វាំងឡង់ គ្រោងនឹងតភ្ជាប់ពីឆ្នេរសមុទ្រអាត្លង់ទិករបស់អង្គការណាតូ ក្នុងប្រទេសន័រវេស រហូតដល់ព្រំដែនថ្មីរបស់ខ្លួនជាមួយប្រទេសរុស្ស៊ី ការធ្វើបែបនេះ គឺជាការការពារ​មួយ បន្ទាប់ពីមានការឈ្លានពានពីប្រទេសរុស្ស៊ី ទៅកាន់ប្រទេសអ៊ុយក្រែននោះ។

បើគិតត្រឹមខែកុម្ភៈ ឆ្នាំ 2022 ការចំនាយលើផ្លូវដែកប្រវែងខ្លីនេះ ដែលជាផ្លូវដែកតែមួយគត់ដែលតភ្ជាប់រវាងស៊ុយអែត និងហ្វាំងឡង់  បើគិតជាទឹកប្រាក់គឺមានចំនួនប្រាមាណ 37 លានអឺរ៉ូ (41លានដុល្លារ) នេះគ្រាន់តែជាការសន្យាចំពោះអ្នកស្រុក ដើម្បីឲ្យមានរថភ្លើងពេលយប់ ព្រមទាំងការបំភ្លឺនៃទីក្រុង Stockholm តែប៉ុណ្ណោះ ។

ឥឡូវនេះប្រទេសហ្វាំងឡង់ បានក្លាយទៅជាផ្នែកមួយនៃអង្គការណាតូ ហើយស៊ុយអែតក៏សង្ឃឹមថាខ្លួននឹងបានចូលរួមក្នុងពេលឆាប់ៗនេះផងដែរ។

បើយោតាមអ្នកការទូតជិតដប់នាក់ និង ព្រមទាំងអ្នកជំនាញខាងយោធា និងសន្តិសុខបានប្រាប់រ៉យទ័រថា  នៅពេលដែលសម្ព័ន្ធភាពនៃអង្គការណាតូ បានផ្លាស់ប្តូរយុទ្ធសាស្ត្ររបស់ខ្លួន វាក៏ជាការឆ្លើយតបទៅនឹងយុទ្ធនាការរបស់រុស្ស៊ី ក្នុងការចូលទៅកាន់ទឹកដីថ្មីទាំងនេះ និងហេដ្ឋារចនាសម្ព័ន្ធរបស់ពួកគេ ក្នុងការបើកផ្លូវសម្រាប់សម្ព័ន្ធមិត្តណាតូទាំងអស់អាចឃ្លាំមើល និងជាឱកាសដែលមិនធ្លាប់មានពីមុនមក ដើម្បីចាត់ទុកអឺរ៉ុបនៃភាគពាយព្យទាំងមូលឲ្យក្លាយជាប្លុកតែមួយ។ 

ការកែលម្អផ្លូវដែកនៃប្រទេសហ្វាំងឡង់ជុំវិញ Tornio នៅតាមព្រំដែនស៊ុយអែត គឺជាឧទាហរណ៍មួយ ដែលគ្រោងនឹងបញ្ចប់នៅឆ្នាំក្រោយ ពួកគេនឹងធ្វើឱ្យវាកាន់តែងាយស្រួលសម្រាប់សម្ព័ន្ធមិត្តក្នុងការបញ្ជូនការពង្រឹង និងឧបករណ៍ផ្សេងៗក្នុងការឆ្លងកាត់មហាសមុទ្រអាត្លង់ទិកទៅកាន់ Kemijarvi ដោយធ្វើដំណើរត្រឹមតែមួយម៉ោង ទៅព្រំដែនរុស្ស៊ី និងប្រាំពីរម៉ោងពីបន្ទាយនុយក្លេអ៊ែរ និងមូលដ្ឋានយោធារបស់រុស្ស៊ីនៅជិត Murmansk ក្នុងឧបទ្វីបកូឡា។

ក្នុងចំណោមកងកម្លាំងដែលមានមូលដ្ឋាននៅទីនោះ វាក៏មានកងនាវាភាគខាងជើងរបស់រុស្ស៊ីដែលនៅប្រចាំការផងដែរ រួមមាន នាវាមុជទឹក ២៧ គ្រឿង នាវាចម្បាំងជាង ៤០ គ្រឿង យន្តហោះចម្បាំងប្រមាណ ៨០ គ្រឿង និងស្តុកក្បាលគ្រាប់នុយក្លេអ៊ែរ និងមីស៊ីល ទិន្នន័យទាំងនេះ គឺបានប្រមូលដោយវិទ្យាស្ថានកិច្ចការអន្តរជាតិហ្វាំងឡង់ (FIIA) បានបង្ហាញ។

សម្រាប់ភារកិច្ចជាចម្បងរបស់យោធាអង្គការណាតូនៃគម្រោងមួយនេះ ដែលត្រូវធ្វើនោះ គឺដើម្បីធានាការគ្រប់គ្រងលើសមុទ្រ Barents និងការបញ្ឈប់ប្រើនាវាដើម្បីនាំយកការពង្រឹងពីអាមេរិកខាងជើងទៅកាន់អឺរ៉ុបតាមរយៈដែនទឹករវាង Greenland អ៊ីស្លង់ និងចក្រភពអង់គ្លេស។ នោះជាអ្វីដែលហ្វាំងឡង់អាចជួយណាតូទប់ទល់បាន។ លោក Gordon B. Davis Jr. ឧត្តមសេនីយ៍ចូលនិវត្តន៍របស់សហរដ្ឋអាមេរិកបានប្រាប់រ៉យទ័រថា “អ្វីទាំងអស់នោះ គឺសុទ្ធសឹងជាការផ្ទុកនូវសមត្ថភាពសម្រាប់តំបន់ភាគខាងជើង” ។

នាវាមុជទឹកដែលអាចបាញ់ស៊ីល (Ballistic missile) ដែលដើរដោយថាមពលនុយក្លេអ៊ែររបស់សហរដ្ឋអាមេរិក (SSBN) អាចនឹងមកដល់កូរ៉េខាងត្បូងនៅចុងខែនេះ។

យើងសូមបញ្ជាក់ ប្រភេទនេះ គឺជា នាវាមុជទឹក ដែលមានសមត្ថភាពដាក់ពង្រាយ កាំជ្រួចផ្លោងចេញពីនាវាមុជទឹក (SLBMs) ​​ជាមួយនឹង ក្បាលគ្រាប់នុយក្លេអ៊ែរ ។ និមិត្តសញ្ញាចំណាត់ថ្នាក់នៃនាវា របស់ កងទ័ពជើងទឹក សហរដ្ឋអាមេរិក សម្រាប់នាវាមុជទឹកបាញ់មីស៊ីលគឺអក្សរកាត់ថា  SSB និង SSBN – SS តំណាងឱ្យនាវាមុជទឹក B តំណាងឱ្យ មីស៊ីលបាញ់ផ្លោងគ្រាប់ ហើយ N តំណាងឱ្យនាវាមុជទឹក ដើរដោយថាមពលនុយក្លេអ៊ែរ ។

នាវាមុជទឹក(Ballistic missile) មួយនេះនឹងក្លាយជាការបញ្ជូន SSBN លើកដំបូងទៅកាន់ប្រទេសនៅក្នុងតំបន់អាស៊ី ក្នុងរយៈពេល 42 ឆ្នាំចុងក្រោយនេះ ក្នុង​ការ​បង្ហាញ​ពីកម្លាំង​ដ៏​ធំ​មួយ​ដើម្បីប្រឆាំង​នឹង​ការ​កើន​ឡើង​នៃ​ការ​គំរាម​កំហែង​នុយក្លេអ៊ែរ​របស់​កូរ៉េ​ខាង​ជើង។

នាវាមុជទឹកប្រភេទ Ohio-class គឺជានាវាមួយដែលមានទម្ងន់រហូតដល់ទៅ  8,000 តោន ហើយវាបានបំពាក់ដោយ Submarine-launched ballistic missile (SLBMs) នៅក្នុងនាវាមុជទឹកនេះចំនួន 20 គ្រាប់ ហើយវា​​ត្រូវបានគេរំពឹងថានឹងត្រូវបញ្ជូននៅថ្ងៃទី 27 ខែកក្កដា ដើម្បីរំលឹកខួបលើកទី 70 នៃកិច្ចព្រមព្រៀងឈប់បាញ់នៃសង្គ្រាមកូរ៉េ ដែលបានផ្អាកការប្រយុទ្ធក្នុងឆ្នាំ 1950-១៩៥៣។   

ចំនែកឯ SSBNs គឺជាទ្រព្យសកម្មនុយក្លេអ៊ែរដ៏សម្ងាត់បំផុតមួយរបស់សហរដ្ឋអាមេរិក ហើយការធ្វើដំណើរជាសាធារណៈរបស់ពួកគេទៅកាន់កំពង់ផែបរទេស គឺវាពិតជាកម្រកើតមានណាស់។​ ប៉ុន្តែបើយោងតាមប្រវត្តនៃទឹក(SSBNs )គឺធ្លាប់បានមកដល់ច្រកដំបូងនៃកំពុងផែកូរ៉េខាងត្បូងចាប់តាំងពីឆ្នាំ 1981 មកម្ល៉េះ។

ក្នុងអំឡុងពេលសន្និសីទសារព័ត៌មានកាលពីសប្តាហ៍មុន អ្នកនាំពាក្យក្រសួងការពារជាតិសហរដ្ឋអាមេរិក គឺលោក ឧត្តមសេនីយ Pat Ryder បាននិយាយថា នាវាមុជទឹកប្រភេទ Ohio-class ដែលមានសមត្ថភាពស្មើនុយក្លេអ៊ែរ នឹងធ្វើទស្សនកិច្ចនៅកូរ៉េខាងត្បូង ដោយមិនផ្តល់ពេលវេលាជាក់លាក់ណាមួយឡើយ។
          អ្នកវិភាគរបស់ក្រសួងការពារជាតិក្នុងស្រុកយល់ថា ការមកដល់នៃនាវានោះ ប្រហែលជាមកដល់នៅថ្ងៃទី 27 ខែកក្កដា គឺជាកាលបរិច្ឆេទដែលទំនងបំផុត ព្រោះថាថ្ងៃទី 27 ខែកក្កដាគឺជាថ្ងៃដែលយើងត្រូវប្រារព្ធ “ទិវាជ័យជំនះ” នៅភាគខាងជើង ព្រោះពួកគេបានអះអាងថាខ្លួនបានកម្ចាត់ការឈ្លានពានរបស់សហរដ្ឋអាមេរិក លើទឹកដីរបស់ខ្លួននៅក្នុងសង្គ្រាមកូរ៉េ។ ទីក្រុងព្យុងយ៉ាងត្រូវបានគេរំពឹងថានឹងធ្វើព្យុហយាត្រាយោធាទ្រង់ទ្រាយធំនៅថ្ងៃឈប់សម្រាកនាពេលខាងមុខ ដោយបង្ហាញពីការបង្ហាញអាវុធនុយក្លេអ៊ែរចុងក្រោយបង្អស់របស់ខ្លួន។

ដំណើរ​ទស្សន​កិច្ច​របស់ SSBN ទៅកាន់​កូរ៉េ​ខាង​ត្បូង​នឹង​ក្លាយទៅជា​ការ​បង្ហាញ​យ៉ាង​ច្បាស់​លាស់ អំពី​ការ​ធានា​សន្តិសុខ​ដែល​បាន​ពង្រឹង​ដោយ​អាមេរិក​ក្នុង​សេចក្តី​ប្រកាស​នៃទីក្រុង​វ៉ាស៊ីនតោន​ ដែល​បាន​ចុះ​ហត្ថលេខា​ដោយ​ប្រធានាធិបតី លោក Yoon Suk Yeol និង​ប្រធានាធិបតី​អាមេរិក លោក Joe Biden កាល​ពី​ខែ​មេសានេះ។

នៅក្នុង​កិច្ចព្រមព្រៀងមួយនេះផងដែរ ប្រទេសសហរដ្ឋអាមេរិក​បាន​សន្យាថា ខ្លួននិង​ដាក់​ពង្រាយ​ជា​ប្រចាំ​នូវ​ទ្រព្យសម្បត្តិ​យុទ្ធសាស្ត្រ​របស់ខ្លួន​ទៅកាន់​ឧបទ្វីប​កូរ៉េ។
          កាលពីថ្ងៃទី 16 ខែមិថុនាថ្មីៗនេះ គឺមាននាវាមួយគ្រឿងដែលមានឈ្មោះថា USS Michigan SSGN ដែលជានាវាមុជទឹកមួយប្រភេទ បានដឹកនាំកាំជ្រួចដែលដើរដោយថាមពលនុយក្លេអ៊ែរថ្នាក់រដ្ឋ Ohio (SSGN) បានចូលចតនៅមូលដ្ឋានទ័ពជើងទឹកក្នុងទីក្រុង Busan ដើម្បីចូលរួមក្នុងសមយុទ្ធរួមគ្នាជាមួយកងទ័ពជើងទឹករបស់កូរ៉េខាងត្បូងថែមទៀតផង។  នេះគឺជាដំណើរទស្សនកិច្ចលើកដំបូងគេបង្អស់នៃ SSGN របស់សហរដ្ឋអាមេរិក ដែលបានធ្វើដំណើរទៅកាន់ឧបទ្វីបកូរ៉េចាប់តាំងពីខែតុលាឆ្នាំ 2017 មក។

ថ្ងៃទី 1 ខែកក្កដា ឆ្នាំ 2023 វេលាម៉ោង 11:53 ព្រឹក តាមទីភ្នាក់ងារសារព័ត៌មាន REUTERS បានឲ្យដឹងថាបើតាមកំណត់ហេតុមួយនៃ នាវាចម្បាំងរុស្ស៊ីដែលមានឈ្មោះថា Admiral Gorshkov ត្រូវបានគេមើលឃើញថា មុនពេលធ្វើសមយុទ្ធកងទ័ពជើងទឹករួមគ្នាមួយ ដែលបានគ្រោងទុកជាមួយកងទ័ពជើងទឹករុស្ស៊ី ចិន និងអាហ្វ្រិកខាងត្បូង នៅទីក្រុង Richards Bay ប្រទេសអាហ្វ្រិកខាងត្បូង ថ្ងៃទី 22 ខែកុម្ភៈ ឆ្នាំ 2023។

ត្រូវបាន(តូក្យូ) ក្រសួងការពារជាតិរបស់ប្រទេសជប៉ុនបាននិយាយកាលពីល្ងាចថ្ងៃសុក្រថា ខ្លួនបានប្រទះឃើញនាវាកងទ័ពជើងទឹករុស្ស៊ីពីរគ្រឿង នៅក្នុងដែនទឹកក្បែរកោះតៃវ៉ាន់ និងកោះអូគីណាវ៉ារបស់ជប៉ុនក្នុងរយៈពេលបួនថ្ងៃមុន បន្ទាប់ពីមានការប្រកាសស្រដៀងគ្នាក្នុងសប្តាហ៍នេះ ពីខាងកោះតៃវ៉ាន់ផងដែរ។               

ក្រសួងការពារជាតិតៃវ៉ាន់បាននិយាយកាលពីថ្ងៃអង្គារថា ខ្លួនបានប្រទះឃើញ នាវាចម្បាំងរុស្ស៊ី ពីរគ្រឿង ចេញពីឆ្នេរសមុទ្រភាគខាងកើតរបស់ខ្លួន បន្ទាប់មកទើបបានបញ្ជូនយន្តហោះ និងកប៉ាល់ទៅឃ្លាំរបស់ខ្លួនទៅឃ្លាំមើល។

រដ្ឋាភិបាលជប៉ុនបាននិយាយកាលពីខែមុនថា សកម្មភាពយោធារុស្ស៊ីគឺតែងតែចតក្បែរទឹកដីរបស់ខ្លួនម្តងហើយម្តងទៀត រួមទាំងសមយុទ្ធរួមគ្នាជាមួយនឹងកងកម្លាំងចិន ដែលជាហេតុបង្ករឲ្យកើតមាន “ក្តីបារម្ភយ៉ាងធ្ងន់ធ្ងរ” សម្រាប់សន្តិសុខជាតិរបស់ប្រទេសជប៉ុន។

          ប្រទេសជប៉ុន និងតៃវ៉ាន់បានចូលរួមជាមួយសហរដ្ឋអាមេរិក និងសម្ព័ន្ធមិត្តរបស់ខ្លួនជាច្រើនប្រទេសទៀតក្នុងការដាក់ទណ្ឌកម្មយ៉ាងទូលំទូលាយលើប្រទេសរុស្ស៊ី បន្ទាប់ពីមានការលុកលុយចូលអ៊ុយក្រែនកាលពីឆ្នាំមុន។

ក្រសួងការពារជាតិប្រទេសជប៉ុនបាននិយាយថា នាវាចម្បាំងប្រភេទ Steregushchy ពីរគ្រឿងដំបូងត្រូវបានគេប្រទះឃើញនៅចម្ងាយប្រហែល 70 គីឡូម៉ែត្រ (40 ម៉ាយ) ពីភាគនិរតីនៃកោះ Yonaguni ភាគខាងលិចបំផុតរបស់ប្រទេសជប៉ុនក្នុងខេត្ត Okinawa ដែលស្ថិតនៅជិតកោះតៃវ៉ាន់កាលពីព្រឹកថ្ងៃអង្គារ។

នាវាទាំងនោះបានធ្វើដំណើរទៅមកតាមដែនទឹករវាង Yonaguni និងតៃវ៉ាន់ ហើយក៏បានធ្វើដំណើរឆ្ពោះទៅទិសខាងកើត បន្ទាប់មកនាវាទាំងពីរនោះត្រូវបានគេប្រទះឃើញចុងក្រោយកាលពីថ្ងៃសុក្រ នៅក្នុងដែនទឹករវាងកោះ Miyako និងកោះ Okinawa ដោយបន្ថែមថា ប្រទេសជប៉ុនបានបញ្ជូននាវាពីរគ្រឿងដើម្បីទៅត្រួតពិនិត្យកប៉ាល់របស់រុស្ស៊ីនោះ។

បើយោងតាមទីភ្នាក់ងារព័ត៌មាន Interfax របស់រុស្ស៊ីបានរាយការណ៍កាលពីថ្ងៃអង្គារថា កងនាវានៃកងនាវាចរប៉ាស៊ីហ្វិករុស្ស៊ី គឺបានចូលផ្នែកភាគខាងត្បូងនៃសមុទ្រហ្វីលីពីន ដើម្បីបំពេញការងារមួយផ្នែកនៃផ្លូវឆ្លងកាត់សមុទ្ររយៈចម្ងាយឆ្ងាយតែប៉ុណ្ណោះ។