Full Post Style

លោកនាយករដ្ឋមន្ត្រី Prayut Chan-o-cha បានប្រកាសចូលនិវត្តន៍ពីនយោបាយ គឺបន្ទាប់ពីរូបលោកបានកាន់តំណែងជានាយករដ្ឋមន្ត្រីអស់រយៈប្រាំបួនឆ្នាំ ដែលបានមកពីការធ្វើរដ្ឋប្រហារកាលពីឆ្នាំ 2014 ។

លោក Prayut Chan-o-cha បាននិយាយនៅក្នុងសេចក្តីថ្លែងការណ៍មួយ ដែលចេញផ្សាយដោយគណបក្សកាលពីថ្ងៃអង្គារថា “ចាប់ពីពេលនេះតទៅ ខ្ញុំចង់លាឈប់ពីឆាកនយោបាយ ហើយក៏លាលែងពីមុខតំណែងជាសមាជិកគណបក្ស United Thai Nation” ថែមទៀតផង។

លោកឧត្តមសេនីយ Prayut Chan-o-cha មិនបានឈរឈ្មោះក្នុងការបោះឆ្នោតថ្ងៃទី 14 ខែឧសភា ក្នុងនាមជាសមាជិកសភាក្នុងបញ្ជីគណបក្ស ប៉ុន្តែលោកបានបម្រើការជាប្រធានទីប្រឹក្សា UTN និងជាបេក្ខជននាយករដ្ឋមន្ត្រីម្នាក់ក្នុងចំណោមបេក្ខជននាយករដ្ឋមន្ត្រីពីររូប។ លោកនឹងនៅតែជានាយករដ្ឋមន្ត្រីចាំផ្ទះរហូតដល់រដ្ឋាភិបាលថ្មីត្រូវបានបង្កើតឡើងដដែល។

សម្រាប់ការបោះឆ្នោតជ្រើសរើសនាយករដ្ឋមន្ត្រីបន្ទាប់ គ្រោងនឹងចាប់ផ្តើមនៅថ្ងៃព្រហស្បតិ៍ ទី 13 ខែ កក្កដា ប៉ុន្តែវាមិនច្បាស់ទេថា តើលោក Pita Limjaroenrat ដែលជាមេដឹកនាំនៃគណបក្សចលនាឆ្ពោះទៅមុខ  MFP ដែលជាអ្នកនាំមុខគេកាលពីថ្ងៃបោះឆ្នោតជាសកល តើនិងអាចត្រូវបានគេជ្រើសរើសនៅក្នុងជុំទីមួយឬយ៉ាងណានោះទេ។

សូមបញ្ជាក់ថា បច្ចុប្បន្ន លោកឧត្តមសេនីយ Prayut Chan-o-cha មានអាយុ 69 ឆ្នាំ ហើយលោកបាននិយាយកាលពីថ្ងៃអង្គារថា គាត់បាន “សម្រេចបានជោគជ័យជាច្រើន” ក្នុងរយៈពេលប្រាំបួនឆ្នាំនៃអាណត្តិរបស់លោក ដែលបានបំពេញនូវទួនាទីនៅក្នុងមុខតំណែងមួយនេះបានយ៉ាងល្អ។

ដោយលោកបាននិយាយថា៖ “ខ្ញុំជានាយករដ្ឋមន្ត្រីម្នាក់ ដែលបានខិតខំការពារជាតិ សាសនា និងព្រះមហាក្សត្រ ដើម្បីជាប្រយោជន៍ដល់ប្រជាពលរដ្ឋជាទីគោរពស្រឡាញ់ទាំងអស់គ្នា។ លោក​បាន​និយាយ​ក្នុង​សេចក្តី​ថ្លែងការណ៍​មួយ​ថា សម្រាប់លទ្ធផលនាពេល​បច្ចុប្បន្ន​ គឺកំពុង​បង្កើត​ជាផ្លែផ្កា​សម្រាប់​សាធារណជនផងដែរ។

«ខ្ញុំបានព្យាយាមពង្រឹងប្រទេសថៃ លើគ្រប់វិស័យឱ្យមានស្ថិរភាព និងសន្តិភាព និងបានជំនះឧបសគ្គជាច្រើនក្នុងប្រទេស និងក្រៅប្រទេស»។ 

ក្នុងរយៈពេលប្រាំបួនឆ្នាំចាប់តាំងពីរដ្ឋប្រហាររបស់គាត់ ឧត្តមសេនីយ៍ ប្រាយុទ្ធ បានរួចផុតពីបញ្ហាប្រឈមក្នុងទម្រង់ជាសំណុំរឿងរបស់តុលាការ ហើយការបោះឆ្នោតក៏មានទំនុកចិត្តពីសភាថែមទៀតផង។

សម្រាប់ការតវ៉ាតាមដងផ្លូវដោយក្រុមប្រឆាំង គឺត្រូវបានគេមើលឃើញថា លោកឧត្តមសេនីយ៍ Prayut Chan-o-cha គឺជាមនុស្សម្នាក់ដែលឆ្លៀតឱកាស ។

មន្ត្រីបាននិយាយនៅថ្ងៃអង្គារនេះថា ភ្លៀងធ្លាក់យ៉ាងគំហុកលើកោះ Kyushu ភាគនិរតីរបស់ប្រទេសជប៉ុន បានបង្កឲ្យមានទឹកជំនន់ និងការរអិលបាក់ដី ដែលបានបណ្តាលឲ្យមានមនុស្សចំនួន ៦នាក់បានបាត់បង់ ហើយក្រុមអ្នកជួយសង្គ្រោះបាននិយាយថា បន្ទាប់ពីយើងបានរកឃើញអ្នកដែលស្លាប់ យើងក៏កំពុងតែស្វែងរកអ្នកបាត់ខ្លួនចំនួន ៣ នាក់ ទៀតផងដែរ។

សម្រាប់ទីភ្នាក់ងារឧតុនិយមជប៉ុន បានព្រមានជាពិសេសសម្រាប់ភ្លៀងធ្លាក់ខ្លាំង ដែលជាការចេញផ្សាយកាលពីថ្ងៃច័ន្ទថា សម្រាប់ផ្នែកភាគខាងជើងនៃកោះ គឺមានហនិភ័យត្រឹមកម្រិតទាប តែក៏មានការបូកបន្ថែមជាមួយនិងសេចក្តីការណែនាំទៅកាន់ប្រជាពលរដ្ឋទូទាំងប្រទេសឲ្យបានដឹង និងយល់នៅពេលដែលពួកគេបានជួបនិងស្ថាភាពណាមួយ។ លើសពីនេះទៅទៀត អាជ្ញាធរបានជំរុញឱ្យអ្នកស្រុករក្សាការប្រុងប្រយ័ត្ន សម្រាប់ការរអិលបាក់ដីបន្ថែមទៀតផងដែរ។

ប្រទេសជប៉ុនគឺជាប្រទេសចុងក្រោយគេ ដែលរងគ្រោះដោយភ្លៀងធ្លាក់ខ្លាំងមិនធម្មតានៅតំបន់ផ្សេងៗ នៃពិភពលោកក្នុងរយៈពេលប៉ុន្មានថ្ងៃថ្មីៗនេះ ដែលបានបង្កើនការភ័យខ្លាចថ្មីមួយទៀត នៃល្បឿនដែលមានការប្រែប្រួលអាកាសធាតុ ដែលលបង្ករមកពីការឡើងកំដៅនៃផែនដី។

លោក Hirokazu Matsuno ប្រធានលេខាធិការខុទ្ទកាល័យ លោក បានប្រាប់សន្និសីទសារព័ត៌មាន ថា “សាលាក្រុងនៅតែធ្វើការត្រួតពិនិត្យលើជនរងគ្រោះ  ប៉ុន្តែយើងត្រូវបានគេជូនដំណឹងមកថា មានការស្លាប់ចំនួន 6 នាក់ ហើយចំនែកអ្នកផ្សេងទៀតដែលទាក់ទងនឹងគ្រោះមហន្តរាយនេះបានបាត់ខ្លួនចំនួន 3 នាក់ និង 2 នាក់ទៀតរងរបួសស្រាល” ។

អ្នកនាំពាក្យឧតុនិយមជប៉ុន បាននិយាយថា ភ្លៀងបានបង្ខំក្រុមហ៊ុនផលិតសំបកកង់ Bridgestone (5108.T) ឱ្យផ្អាកប្រតិបត្តិការនៅរោងចក្រចំនួនបួននៅលើកោះ Kyushu កាលពីថ្ងៃច័ន្ទ ប៉ុន្តែរោងចក្រទាំងនោះបានបើកដំណើរការឡើងវិញនៅព្រឹកថ្ងៃអង្គារ។

ក្រុមហ៊ុន Toyota Motor Corp បានផ្អាកការផលិតពេលយប់នៅរោងចក្រ Fukuoka ចំនួនបីកាលពីថ្ងៃច័ន្ទ ដើម្បីជាការប្រុងប្រយ័ត្នដល់សុវត្ថិភាព។ ហើយផលិតកម្មធម្មតាត្រូវបានគេរំពឹងថានឹងបន្តឡើងវិញនៅថ្ងៃអង្គារ។
បើយោងតាមប្រភពសារព័ត៌មាន AP  បានឲ្យដឹងថាភ្លៀងធ្លាក់នៅតំបន់ Kyushu និង Chugoku ចាប់តាំងពីចុងសប្តាហ៍បានបណ្តាលឱ្យមានទឹកជំនន់នៅតាមដងទន្លេជាច្រើន បង្កឱ្យមានការរអិលបាក់ដី ផ្លូវបិទផ្លូវ រំខានដល់រថភ្លើង និងកាត់ផ្តាច់ការផ្គត់ផ្គង់ទឹកនៅក្នុងតំបន់មួយចំនួនផងដែរ។

ភ្លៀងធ្លាក់ខ្លាំងនិងបន្តទៅខេត្ត Fukuoka និង Oita នៅលើកោះ Kyushu ភាគខាងត្បូង ដោយទីភ្នាក់ងារឧតុនិយមបានដាស់តឿនប្រជាជននៅតំបន់មាត់ទន្លេ និងតំបន់ភ្នំឱ្យមានការប្រុងប្រយ័ត្នខ្ពស់បំផុត។ អ្នកស្រុកជាង 1.7 លាននាក់នៅក្នុងតំបន់ងាយរងគ្រោះត្រូវបានជំរុញឱ្យទៅជ្រកកោននៅតំបន់ផ្សេង។ 

នាយករដ្ឋមន្ត្រីលោក Fumio Kishida ដែលគ្រោងនឹងចូលរួមកិច្ចប្រជុំកំពូល NATO ពីថ្ងៃទី 11-12 ខែកក្កដា នៅប្រទេសលីទុយអានី បាននិយាយថា លោកនឹងធ្វើការសម្រេចចិត្តចុងក្រោយថា តើត្រូវទៅបន្ទាប់ពីការវាយតម្លៃទំហំនៃការខូចខាតនៅព្រឹកថ្ងៃអង្គារ។ លោក​បាន​មាន​ប្រសាសន៍​ថា “ទោះ​បី​ជា​យ៉ាង​ណា​ក៏​ដោយ យើង​នឹង​ធ្វើ​ឲ្យ​អស់​ពី​សមត្ថភាព​ដើម្បី​ឆ្លើយ​តប​នឹង​គ្រោះ​មហន្តរាយ​ ដែលបានគម្រាមកំហែងដល់​អាយុ​ជីវិត​មនុស្ស​ជា​អាទិភាព”។

តាមទីភ្នាក់ងារសារព័ត៌មាន CNN នៅថ្ងៃច័ន្ទ ទី 10 ខែ​ កក្កដា ឆ្នាំ 2023 បានឲ្យដឹងថា ប្រទេសឥណ្ឌាបានរងការវាយប្រហាដោយភ្លៀងធ្លាក់ខ្លាំងក្នុងរយៈពេល 3 ថ្ងៃ នៅភាគខាងជើងប្រទេស ដែលបានបណ្តាលឱ្យមានទឹកជំនន់រីករាលដាល គ្រោះធម្មជាតិមួយនេះផងដែរ បាននាំឲ្យមានមនុស្សបានបង់ជីវិតចំនួន 15 នាក់។

នៅក្នុងរដ្ឋហិម៉ាឡៃយ៉ាន នៃរដ្ឋ Himachal Pradesh មានការរអិលបាក់ដី និងទឹកជំនន់ភ្លាមៗ បានបំផ្លាញផ្ទះសម្បែង ព្រមទាំងគម្រាមកំហែងដល់អាយុជីវិតថែមទៀតផង។

ហើយស្ថានភាពស្រដៀងគ្នានេះ ក៏បានកើតឡើងនៅក្នុងរដ្ឋ Uttarakhand ជិតខាង ដែលកម្រិតទឹកនៃទន្លេជាច្រើនបានឆ្លងផុតសញ្ញាគ្រោះថ្នាក់។

ចំនែកនៅទីក្រុងដេលីវិញ សាលារៀនត្រូវបានបិទ ខណៈដែលទីក្រុងទាំងមូលត្រូវបានជន់លិចកាលពីចុងសប្តាហ៍មុន។ ស្ថានភាពនាពេលនេះ គឺពិតជាគួរឱ្យព្រួយបារម្ភណាស់ ជាពិសេសនៅក្នុងតំបន់មួយចំនួន នៃទីក្រុង ដែលអ្នកស្រុកត្រូវបានទុកចោល ដោយសារទឹកបានហូរហៀរចេញពីប្រឡាយដែលស្ទះ និងផ្លូវដែលលិចទឹក។

មនុស្សជាច្រើននៅតាមស្រុកស្រែចំការ ត្រូវភ្ជួររាស់តាមទឹកជន់លិច ហើយមនុស្សមួយចំនួនទៀតបានចំណាយពេលជាច្រើនម៉ោងក្នុងការកកស្ទះចរាចរណ៍ ព្រោះផ្លូវត្រូវបានជន់លិចទឹក។ ក្នុងនោះមានស្ត្រី​ម្នាក់​ត្រូវ​បាន​បាត់បង់ជីវិត​កាល​ពី​ល្ងាច​ថ្ងៃ​សៅរ៍ បន្ទាប់​ពី​ពិដាន​ផ្ទះ​របស់​នាង​បាន​រលំ​សង្កត់​លើ​នាង។

អ្នកស្រុកជាច្រើននាក់បានចូលប្រព័ន្ធផ្សព្វផ្សាយសង្គម ដើម្បីបង្ហាញពីការខកចិត្តរបស់ពួកគេដែលរដ្ឋធានីរបស់ប្រទេសនេះមិនអាចទប់ទល់នឹងភ្លៀងរយៈពេលបីថ្ងៃ។

អ្នកស្រុកម្នាក់ឈ្មោះ Sarita Gupta បាននិយាយថា “ខ្ញុំមិនដឹងថារដ្ឋាភិបាលកំពុងធ្វើអ្វីអំពីរឿងនេះទេ វាមិនមែនត្រឹមតែមួយឆ្នាំនោះទេ តែរឿងនេះវាបានកើតឡើងជារៀងរាល់ឆ្នាំ”។

រដ្ឋជាច្រើននៅក្នុងតំបន់ភាគឦសាន នៃប្រទេសឥណ្ឌា រួមទាំងរដ្ឋ Assam និង Nagaland ក៏មានភ្លៀងធ្លាក់ខ្លាំងក្នុងប៉ុន្មានថ្ងៃថ្មីៗនេះផងដែរ។ ចំពោះប្រជាជននៅរដ្ឋ Assam រាប់ពាន់នាក់ត្រូវបានផ្លាស់ទីលំនៅដោយសារទឹកជំនន់។

ទន្ទឹមនឹងនេះ នាយកដ្ឋានឧតុនិយមឥណ្ឌា (IMD) បានព្រមានថា នឹងមានភ្លៀងធ្លាក់ខ្លាំងបន្ថែមទៀត នៅតំបន់ភាគខាងជើងនៃប្រទេស។

ជារៀងរាល់ឆ្នាំ គេតែងសង្កេតឃើញថា ប្រទេស​ឥណ្ឌា​តែងតែមាន​ទឹកជំនន់​ធ្ងន់ធ្ងរ ​ក្នុង​រដូវ​មូសុង​ ដែល​ដំណើរការនេះ កើតឡើងក្នុង​ចន្លោះ​ពីខែមិថុនា ​ដល់ ​ខែកញ្ញា​ ជាប្រចាំ។

ប៉ុន្តែ​អ្នក​ជំនាញ​និយាយ​ថា កម្រិត​ភ្លៀង​ធ្លាក់​មួយនេះ គឺទើបតែបាន​កើន​ឡើង​ក្នុង​រយៈ​ពេល​ថ្មីៗ​នេះទេ។

វាមានកត្តាជាច្រើនដែលចូលរួមចំណែកដល់ទឹកជំនន់ ប៉ុន្តែអ្នកជំនាញនិយាយថា ការប្រែប្រួលនៃអាកាសធាតុដែលបណ្តាលមកពីការឡើងកំដៅផែនដី គឺជាកក្កតាចម្បងដែលធ្វើឱ្យមានភ្លៀងធ្លាក់ខ្លាំង។

នៅ Uttarakhand ដែលជារដ្ឋទេសចរណ៍មួយស្ថិតនៅលើភ្នំហិម៉ាឡៃយ៉ា មានផ្លូវហាយវេដ៏សំខាន់មួយត្រូវបិទ បន្ទាប់ពីការរអិលបាក់ដីបានរំខានដល់ចលនាតាមបណ្តោយផ្លូវ។

រដ្ឋមួយនេះបានទទួលរងនូវភ្លៀងធ្លាក់ឥតឈប់ឈរក្នុងរយៈពេល 48 ម៉ោងចុងក្រោយនេះ ហើយត្រូវបានគេរំពឹងថានឹងមានទឹកភ្លៀងធ្លាក់បន្ថែមទៀតនៅក្នុងរយៈពេលប៉ុន្មានថ្ងៃខាងមុខនេះ។

ទន្ទឹមនឹងនោះ នៅរដ្ឋ Himachal Pradesh ដែលនៅជិតខាងនោះ គឺមានរូបភាពដ៏គួរឱ្យភ័យខ្លាចមួយ នៃរថយន្តដែលកំពុងត្រូវបានទឹកហូរ ហើយក៏បានលេចឡើងមកលើ កាលពីថ្ងៃអាទិត្យម្សិលមិញនេះ។

ខាងអាជ្ញាធរ បានរាយការណ៍ថា នៅពេលនេះយើងទទួលបាននូវទិន្នន័យបណ្តោះសន្នមួយ ដោយនិយាយថា យ៉ាងហោចណាស់ការរអិលបាក់ដីបានកើតឡើងចំនួន 14 និង 13 ករណីនៃទឹកជំនន់ភ្លាមៗកាលពីចុងសប្តាហ៍។ ហើយក្នុងនោះគឺមានមនុស្សយ៉ាងតិចណាស់ចំនួន 5 នាក់ រួមទាំងសមាជិកបីនាក់នៃគ្រួសារមួយបានស្លាប់ ហើយផ្លូវដែលរងការខូចខាតមានរហូតដល់ ជាង 700 ខ្សែដែលត្រូវបានបិទដើម្បីជួសជុលចាប់តាំងពីថ្ងៃសៅរ៍។ បច្នុប្បន្នអាជ្ញាធរបានប្រកាសបិទសាលារៀន និងមហាវិទ្យាល័យទាំងអស់សម្រាប់រយៈពេលពីរថ្ងៃបន្ទាប់។