Full Post Style

ប្រមុខដឹកនាំរបបយោធាមីយ៉ាន់ម៉ាបានបង្ហើបថា យោធាអាចនឹងបន្តដាក់រដ្ឋក្នុងគ្រាអាសន្នបន្ថែមទៀត ថែមទាំងងពន្យារពេលក្នុងការបោះឆ្នោត ដោយនិយាយថាខ្លួនត្រូវការកិច្ចខិតខំប្រឹងប្រែងកាន់តែខ្លាំង ដើម្បីបញ្ចប់ភាពចលាចល។

ប្រទេសមួយនេះបានបង្ហាញអំពើហឹង្សាដ៏សាហាវចាប់តាំងពីរដ្ឋប្រហារដឹកនាំដោយឧត្តមសេនីយ Min Aung Hlaing ។​ ឧត្តមសេនីយ ម្នាក់នេះបានធ្វើការទម្លាក់រដ្ឋាភិបាលស្របច្បាប់របស់ប្រទេសមីយ៉ាន់ម៉ា គឺលោកស្រី Aung San Suu Kyi កាលពីជាងពីរឆ្នាំមុន ដោយបានធ្វើការបង្ក្រាបយ៉ាងឃោឃៅលើការបង្ហូរឈាម ទៅលើក្រុមអ្នកប្រឆាំងថែមទៀតផង។

ក្នុងនោះផងដែរ ជនស៊ីវិល ប្រមាណជិត 3,800 នាក់ត្រូវបានសម្លាប់  និង 24,000 នាក់ បានរងរបួស ខណៈដែលរបបយោធាកំពុងប្រយុទ្ធជាមួយនឹងក្រុមឧទ្ទាមថ្មី ដែលបានបង្កើតឡើងដើម្បីប្រឆាំងនឹងការគ្រប់គ្រងរបស់យោធា។

រដ្ឋបាល​របស់​លោក Min Aung Hlaing បាន​ពន្យារ​ភាព​អាសន្ន ​ដែល​ខ្លួន​បាន​ដាក់​ក្នុង​អំឡុង​ពេល​ធ្វើ​រដ្ឋ​ប្រហារ​ជា​ច្រើន​ដង​ បន្ទាប់​ពីខ្លួនបាន​ទទួល​ស្គាល់​ថា ​ភាព​ចលាចល​កំពុងតែ​បន្តនោះ។

កាលពីថ្ងៃព្រហស្បតិ៍ លោកបានប្រាប់កិច្ចប្រជុំមន្ត្រីជាន់ខ្ពស់ថា “ព្រឹត្តិការណ៍នៃអំពើភេរវកម្មបានធ្លាក់ចុះ ប៉ុន្តែនៅតែបន្តកើតមាន” នៅក្នុងប្រទេសមីយ៉ាន់ម៉ាដដែល ដោយយោងទៅលើការវាយប្រហារ ដែលកំពុងបន្តដោយកងកម្លាំងប្រឆាំងនិងរដ្ឋប្រហារ។

យោងតាមសេចក្តីថ្លែងការណ៍ ដែលចេញផ្សាយដោយយោធាកាលពីថ្ងៃសុក្រ លោកបាននិយាយថា “តម្រូវការជាច្រើនអាចត្រូវបានគេមើលឃើញនៅក្នុងការអនុវត្តនៃការសង្កត់ធ្ងន់យ៉ាងពេញលេញ នូវសន្តិសុខ សន្តិភាព និងស្ថិរភាព និងនីតិរដ្ឋ”។

លោកបានបន្ថែមថា មនុស្សជាង 782 នាក់ត្រូវបានគេសម្លាប់នៅក្នុង “អំពើភេរវកម្ម” អស់រាប់រយនាក់ ចាប់តាំងពីដើមឆ្នាំមក ប៉ុន្តែលោក មិនបានផ្តល់ព័ត៌មានលម្អិតបន្ថែមនោះទេ។

រដ្ឋធម្មនុញ្ញឆ្នាំ 2008 ដែលព្រាងដោយយោធា តែរបបយោធាមួយនេះបាននិយាយថា ខ្លួនតម្រូវឱ្យអាជ្ញាធររៀបចំការបោះឆ្នោតថ្មីក្នុងរយៈពេលប្រាំមួយខែ បន្ទាប់ពីស្ថានភាពប្រកាសអាសន្នត្រូវបានដកចេញ។

របបយោធាបានសន្យាថានឹងមានការបោះឆ្នោតថ្មីនៅក្នុងខែសីហាឆ្នាំនេះ ប៉ុន្តែនៅក្នុងខែកុម្ភៈ របបមួយនេះបានបន្តពិធីការក្នុងគ្រាអាសន្នម្តងទៀតដដែល គឺនូវមួយថ្ងៃបន្ទាប់ពីក្រុមប្រឹក្សាការពារជាតិ និងសន្តិសុខរបស់ខ្លួនបាននិយាយថា ស្ថានភាពនៅក្នុងប្រទេសនេះ “មិនទាន់វិលទៅរកភាពប្រក្រតីវិញទេ”។

បន្ទាប់ពីរដ្ឋាភិបាលរបស់លោកស្រី Aung San Suu Kyi ដែលមានអាយុ 78 ឆ្នាំត្រូវបានគេទម្លាក់ និងត្រូវបានកាត់ទោសនៅក្នុងការកាត់ក្តីជាបន្តបន្ទាប់ ដែលក្រុមសិទ្ធិមនុស្សបានរិះគន់ថា វាជាអំពើការបោកប្រាស់ ហើយត្រូវបានកាត់ទោសឱ្យលោកស្រីជាប់គុកចំនួន 33 ឆ្នាំ។ លោកស្រីក៏​កំពុង ​ប្តឹងទៅ​ឧទ្ធរណ៍​ចំពោះ​ការ​ផ្តន្ទាទោស​របស់​គាត់ ​និង​ការ​កាត់​ទោស​នៅ​តុលាការ​កំពូល​ក្នុង​ខែ​នេះ។

រដ្ឋមន្ត្រីការបរទេសថៃ លោក Don Pramudwinai បានជួបជាមួយលោកស្រី អ៊ុងសាន ស៊ូជី កាលពីថ្ងៃអាទិត្យសប្តាហ៍មុន ខណៈពេលដែលលោកកំពុងបំពេញទស្សនកិច្ចនៅទីក្រុង Nay Pyi Taw។ លោកបាននិយាយថា ម្ចាស់ជ័យលាភីណូបែលសន្តិភាពអាយុ 78 ឆ្នាំរូបនេះ មានសុខភាពល្អ និងបានលើកទឹកចិត្តគ្រប់ភាគីក្នុងជម្លោះឱ្យព្យាយាមឱ្យមានកិច្ចសន្ទនាថែមទៀតផង។

យាន Chandrayaan-3 ដែលមានគន្លងគោចរ ចុះចត និងរ៉ូវឺរ នឹងត្រូវចុះចតនៅម៉ោង ១៤:៣៥ នាទីថ្ងៃសុក្រ (០៩:០៥ GMT) ពីមជ្ឈមណ្ឌលអវកាស Sriharikota ។

មន្ត្រីអវកាសឥណ្ឌាបាននិយាយថា យានចុះចតនឹងទៅដល់ឋានព្រះច័ន្ទនៅថ្ងៃទី ២៣-២៤ ខែសីហា​ឆ្នាំនេះ។ ប្រសិនបើវាជាភាពជោគជ័យ ឥណ្ឌានឹងក្លាយជាប្រទេសទី៤ ដែលអាចសម្រេចបាននូវការចុះចតយ៉ាងត្រឹមត្រូវនៅលើឋានព្រះច័ន្ទ បន្ទាប់ពីសហរដ្ឋអាមេរិក អតីតសហភាពសូវៀត និងប្រទេសចិន។

យាន Chandrayaan-3 គឺជាកម្មវិធីទី 3 ក្នុងកម្មវិធីរុករកនៅក្នុងភពព្រះច័ន្ទរបស់ប្រទេសឥណ្ឌា ហើយវាក៏ត្រូវបានគេរំពឹងថានឹងបង្កើតភាពជោគជ័យនៃបេសកកម្មនៅឋានព្រះច័ន្ទផងដែរ។

ការកើតឡើង 13 ឆ្នាំបន្ទាប់ពី បេសកកម្មព្រះច័ន្ទលើកដំបូងរបស់ប្រទេសក្នុងឆ្នាំ 2008 ដែលបានអនុវត្ត “ការស្វែងរកទឹកនៅលើផ្ទៃព្រះច័ន្ទជាលើកដំបូងនិងលម្អិតបំផុត គឺបានបង្កើតឡើងថាព្រះច័ន្ទមានបរិយាកាសក្នុងអំឡុងពេលថ្ងៃ” Mylswamy Annadurai នេះបើយោងតាម នាយកគម្រោងនៃ Chandrayaan-1 ។

យាន Chandrayaan-2 ដែលរួមបញ្ចូលផងដែរនូវ orbiter, lander និង rover – ត្រូវបានបាញ់បង្ហោះក្នុងខែកក្កដា ឆ្នាំ 2019 ប៉ុន្តែវាទទួលបានជោគជ័យលើផ្នែកខ្លះតែប៉ុណ្ណោះ។ គន្លងរបស់វាបានបន្តដំណើរធ្វើជារង្វង់ ដើម្បីសិក្សាពីភពព្រះច័ន្ទ។​ ប៉ុន្តែសព្វថ្ងៃនេះ Lander-rover បានបរាជ័យក្នុងការចុះចត ហើយវាបានធ្លាក់ក្នុងអំឡុងពេលប៉ះនិងបរិយាកាសនៅទីនោះថែមទៀតផង។ លោក Annadurai បានពន្យល់ថា វាគឺដោយសារតែ “បញ្ហានៅនាទីចុងក្រោយនៅក្នុងប្រព័ន្ធហ្វ្រាំង”។

ប្រធានអង្គការស្រាវជ្រាវអវកាសឥណ្ឌា (Isro) លោក Sreedhara Panicker Somanath បាននិយាយថា ពួកគេបានសិក្សាដោយប្រុងប្រយ័ត្ននូវទិន្នន័យពីការធ្លាក់យានក្រោយ ហើយបានអនុវត្តលំហាត់ធ្វើ ដើម្បីជួសជុលភាពមិនប្រក្រតី។

លោកបានបន្ថែមថា Chandrayaan-3 ដែលមានទម្ងន់ 3,900 គីឡូក្រាម និងមានតម្លៃស្មើរនឹង 6.1 ពាន់លានរូពី (75 លានដុល្លារ 58 លានផោន) ហើយវាមាន “គោលដៅដូចគ្នា” ទៅនឹងអ្នកកាន់តំណែងមុនរបស់វា – ដើម្បីធានាបាននូវការចុះចតដោយសុវត្តិភាពនៅលើផ្ទៃព្រះច័ន្ទ។

អ្នកចុះចត (ហៅថា Vikram បន្ទាប់ពីអ្នកបង្កើត Isro) មានទម្ងន់ប្រហែល 1,500 គីឡូក្រាម ហើយផ្ទុកក្នុងពោះរបស់វានូវទម្ងន់ 26kg rover ដែលត្រូវបានគេហៅថា Pragyaan ដែលជាពាក្យសំស្រ្កឹតសម្រាប់ភាពវ័យឆ្លាត។

បន្ទាប់ពីការចុះចតនៅថ្ងៃសុក្រ យាននេះនឹងចំណាយពេលប្រហែល 15 ទៅ 20 ថ្ងៃ ដើម្បីចូលទៅក្នុងគន្លងរបស់ព្រះច័ន្ទ។ បន្ទាប់មក អ្នកវិទ្យាសាស្ត្រនឹងចាប់ផ្តើមកាត់បន្ថយល្បឿនរបស់គ្រាប់រ៉ុក្កែតក្នុងរយៈពេលប៉ុន្មានសប្តាហ៍ខាងមុខ ដើម្បីនាំវាទៅដល់ចំណុចមួយ ដែលនឹងអនុញ្ញាតឱ្យមានការចុះចតយ៉ាងងាយស្រួលសម្រាប់ Vikram ។

” rover (រ៉ូវឺរ) កំពុងផ្ទុកឧបករណ៍ចំនួន 5 ដែលនឹងផ្តោតលើការស្វែងយល់អំពីលក្ខណៈរូបវន្ត នៃផ្ទៃព្រះច័ន្ទ បរិយាកាសនៅជិតផ្ទៃផែនដី និងសកម្មភាពនៃធាតុអាកាស ដើម្បីសិក្សាពីអ្វីដែលនៅខាងក្រោមផ្ទៃ។ ខ្ញុំសង្ឃឹមថាយើងនឹង រក​ឃើញ​អ្វី​ដែល​ថ្មី»នេះជាពាក្យសម្តីរបស់ លោក សុវណ្ណារ៉ា បាន​និយាយប្រាប់ Mirror Now។

តើបេសកកម្មព្រះច័ន្ទរបស់ឥណ្ឌាពិតជាជោគជ័យមែនទេ?

បើយោងតាមអ្នកវិទ្យាសាស្ត្រស្ត្រីដែលបានយកឥណ្ឌាទៅអវកាស ប៉ូលខាងត្បូងនៃព្រះច័ន្ទ នៅតែមិនទាន់ត្រូវបានរុករកឃើញនៅឡើយ – ផ្ទៃដែលបន្សល់ទុកជាស្រមោលនៅទីនោះមានទំហំធំជាងប៉ូលខាងជើងរបស់ព្រះច័ន្ទ ដែលមានន័យថា មានលទ្ធភាពនៃទឹកនៅក្នុងតំបន់ដែលមានស្រមោលជាអចិន្ត្រៃយ៍។ Chandrayaan-1 គឺជាមនុស្សដំបូងគេដែលបានរកឃើញទឹកនៅលើព្រះច័ន្ទក្នុងឆ្នាំ 2008 នៅជិតប៉ូលខាងត្បូង។

លោក Somanath បាននិយាយថា “យើងមានការចាប់អារម្មណ៍ផ្នែកវិទ្យាសាស្ត្របន្ថែមទៀត នៅក្នុងកន្លែងនេះ ដោយសារតែតំបន់អេក្វាទ័រ ដែលមានសុវត្ថិភាពសម្រាប់ការចុះចតនោះ ត្រូវបានទៅដល់រួចហើយ ហើយទិន្នន័យជាច្រើនអាចរកបានសម្រាប់វា” ។

“ប្រសិនបើយើងចង់បង្កើតរបកគំហើញវិទ្យាសាស្រ្តដ៏សំខាន់មួយ យើងត្រូវទៅតំបន់ថ្មីដូចជាប៉ូលខាងត្បូង ប៉ុន្តែវាមានហានិភ័យខ្ពស់ក្នុងការចុះចត”។

លោក Somanath បន្ថែមថាទិន្នន័យពីការធ្លាក់ Chandrayaan-2 ត្រូវបាន “ប្រមូល និងវិភាគ” ហើយវាបានជួយជួសជុល និងស្តារកំហុសទាំងអស់នៅក្នុងបេសកកម្មចុងក្រោយនេះ។

“គន្លងគោចរពី Chandrayaan-2 កំពុងផ្តល់នូវរូបភាពកម្រិតខ្ពស់ជាច្រើននៃកន្លែង ដែលយើងចង់ចុះចត ហើយទិន្នន័យនោះត្រូវបានសិក្សាយ៉ាងល្អ ដូច្នេះយើងដឹងថាមានផ្ទាំងថ្ម និងរណ្ដៅប៉ុន្មាននៅទីនោះ ហើយយើងបានពង្រីកដែននៃការចុះចត សម្រាប់ទទួលបាននូវ​លទ្ធភាព​កាន់​តែ​ប្រសើរ»។

លោក Annadurai បាននិយាយថា ការចុះចតនឹងត្រូវ “ច្បាស់លាស់” ដើម្បីឱ្យស្របនឹងការចាប់ផ្តើមនៃថ្ងៃតាមច័ន្ទគតិ (មួយថ្ងៃនៅលើព្រះច័ន្ទស្មើនឹង 14 ថ្ងៃនៅលើផែនដី) ពីព្រោះថ្មរបស់អ្នកចុះចត និងយានរុករកនឹងត្រូវការពន្លឺព្រះអាទិត្យ ហើយវាថែមទាំងអាចសាកថ្ម និងដំណើរការបានធម្មតា។

បេសកកម្មព្រះច័ន្ទត្រូវបានគិតនៅដើមទសវត្សរ៍ឆ្នាំ 2000 ជាគម្រោងដ៏គួរឱ្យរំភើបមួយ ដើម្បីទាក់ទាញទេពកោសល្យនៅពេលនៃការរីកចំរើនផ្នែកព័ត៌មានវិទ្យានៅក្នុងប្រទេសឥណ្ឌា ខណៈដែលនិស្សិតបញ្ចប់ការសិក្សាផ្នែកបច្ចេកវិទ្យាភាគច្រើនចង់ចូលរួមក្នុងឧស្សាហកម្មសូហ្វវែរ។

“ភាពជោគជ័យរបស់ Chandrayaan-1 បានជួយដល់ចំនួនទាំងនោះ ហើយកម្មវិធីអវកាសបានក្លាយជារឿងមោទនភាពសម្រាប់ប្រទេសឥណ្ឌា ឥឡូវនេះ វាត្រូវបានចាត់ទុកថាជាការងារដ៏មានកិត្យានុភាពសម្រាប់ Isro”។

ប៉ុន្តែ​គោលដៅ​ធំ​ជាង​នេះ​នៃ​កម្មវិធី​អវកាស​របស់​ប្រទេស​ឥណ្ឌា លោក Annadurai និយាយ​ថា «​រួមបញ្ចូល​ទាំង​វិទ្យាសាស្ត្រ និង​បច្ចេកវិទ្យា និង​អនាគត​នៃ​មនុស្សជាតិ​»​។

ឥណ្ឌាមិនមែនជាប្រទេសតែមួយគត់ដែលមានភ្នែកលើព្រះច័ន្ទនោះទេ គឺមានការចាប់អារម្មណ៍ជាសកលកាន់តែខ្លាំងឡើងនៅលើភពផែនដី។ ហើយអ្នកវិទ្យាសាស្ត្រនិយាយថា នៅមានរឿងជាច្រើនទៀត ដែលត្រូវយល់អំពីភពមួយ ដែលជារឿយៗត្រូវបានពិពណ៌នាថាជាច្រកចូលទៅកាន់លំហដ៏ជ្រៅ។

ឥណ្ឌាដាក់ ‘ផ្កាយរណបស្រាលបំផុត’ នៅលើតារាវិថី។

“ប្រសិនបើយើងចង់អភិវឌ្ឍភពព្រះច័ន្ទជាច្រកចេញចូល ដើម្បីធ្វើជាច្រកទៅកាន់លំហរដ៏ជ្រៅនោះ យើងត្រូវធ្វើការរុករកបន្ថែមទៀត ក្នុងការស្វែងយល់ ថាតើជម្រកប្រភេទណាដែលយើងអាចសាងសង់នៅទីនោះជាមួយនឹងសម្ភារៈដែលអាចរកបានក្នុងមូលដ្ឋាន ហើយតើយើងនឹងត្រូវធ្វើដូចម្តេច។

ដូច្នេះគោលដៅចុងក្រោយសម្រាប់ការស៊ើបអង្កេតរបស់ឥណ្ឌា គឺនៅថ្ងៃណាមួយនៅពេល​ដែលព្រះច័ន្ទ ត្រូវបានបំបែកដោយលំហរដែលមានចំងាយ 360,000 គីឡូម៉ែត្រ នឹងក្លាយជាទ្វីបមួយរបស់ផែនដី យើងនឹងមិនក្លាយជាអ្នកទស្សនាដោយអកម្មនោះទេ ប៉ុន្តែនិងមានជីវិតសកម្ម ព្រមទាំងមានការការពារនៅក្នុងទ្វីបនោះថែមទៀតផង។ យើង​ត្រូវ​បន្ត​ធ្វើ​ការ​ឆ្ពោះ​ទៅ​រក​រឿង​នោះឲ្យបាន»ហើយ Chandrayaan-3 ដែលទទួលបានជោគជ័យ នឹងក្លាយជាជំហ៊ានដ៏សំខាន់ក្នុងទិសដៅនោះផងដែរ។

បន្ទាប់ពីលោក Pita Limjaroenrat បានបរាជ័យក្នុងការដេញថ្លៃរបស់គាត់ដើម្បីក្លាយជានាយករដ្ឋមន្ត្រីទី 30 របស់ប្រទេសថៃ ដោយរូបលោកមិនអាចទទួលបានការយល់ព្រមពីពាក់កណ្តាលនៃសមាជិកសភា។ ​បើទោះជា MFP បានយកឈ្នះការបោះឆ្នោតជាសកលកាលពីថ្ងៃទី 14 ខែឧសភា ជាមួយនឹងអាសនៈសភាចំនួន 151 ក៏ដោយ។

ក្រុមប្រឹក្សានិស្សិតសាកលវិទ្យាល័យ Thammasat បានចេញសេចក្តីថ្លែងការណ៍​ ថ្កោលទោសទៅលើការបោះឆ្នោតកាលពីថ្ងៃព្រហស្បតិ៍ម្សិលមិញនេះ សម្រាប់នាយករដ្ឋមន្រ្តីថ្មី ដោយនិយាយថា សមាជិកសភានិងសមាជិកព្រឹទ្ធសភា ដែលបានបោះឆ្នោតប្រឆាំងនឹងឆន្ទៈរបស់ប្រជាជន ឬមិនចូលរួមក្នុងការបោះឆ្នោត វាគឺជាការភាពអាម៉ាស់ខ្លាំងបំផុតសម្រាប់ប្រទេសថៃយើង។

គណៈកម្មាធិការអចិន្ត្រៃយ៍ នៃក្រុមប្រឹក្សាទទួលបន្ទុកផ្នែកនយោបាយ និងការលើកកម្ពស់លទ្ធិប្រជាធិបតេយ្យ បានធ្វើការថ្កោលទោសបន្ទាប់ពីការបោះឆ្នោតនៅក្នុងកិច្ចប្រជុំរួមគ្នានៃសភាតំណាងរាស្រ្ត និងព្រឹទ្ធសភាត្រូវបានបញ្ចប់ជុំទី១។

ក្រុមប្រឹក្សានិស្សិតសាកលវិទ្យាល័យ Thammasat បានចេញសេចក្តីថ្លែងការណ៍​ ថ្កោលទោសទៅលើការបោះឆ្នោតកាលពីថ្ងៃព្រហស្បតិ៍ម្សិលមិញនេះ សម្រាប់នាយករដ្ឋមន្រ្តីថ្មី ដោយលោកបាននិយាយថាសមាជិកសភានិងសមាជិកព្រឹទ្ធសភា ដែលបានបោះឆ្នោតប្រឆាំងនឹងឆន្ទៈរបស់ប្រជាជន ឬមិនចូលរួមក្នុងការបោះឆ្នោតគឺជាការអាម៉ាស់សម្រាប់ប្រទេសថៃយើង។

សកម្មភាពរបស់អ្នកគឺគួរឱ្យស្អប់ខ្ពើម និងអាម៉ាស់ចំពោះប្រព័ន្ធរាជាធិបតេយ្យអាស្រ័យរដ្ឋធម្មនុញ្ញ និងប្រវត្តិសាស្រ្តនយោបាយរបស់ប្រទេសថៃខ្លាំងណាស់។ អ្នកមិនអើពើនឹងតួនាទីរបស់អ្នកក្នុងនាមជាអ្នកតំណាងរបស់ប្រជាជនថៃដែលជាប់កាតព្វកិច្ចបំពេញភារកិច្ចដើម្បីផលប្រយោជន៍ជាតិ និងសុខុមាលភាពប្រជាជននោះទេ។ ទាំងនេះគឺជាសកម្មភាពរបស់គណៈកម្មាធិការអចិន្ត្រៃយ៍ ដែលបានរិះគន់សមាជិកសភា និងព្រឹទ្ធសមាជិក ដែលបានបោះឆ្នោតប្រឆាំងនឹងលោក Pita និងអ្នកដែលមិនព្រមបោះឆ្នោតកាលពីថ្ងៃព្រហស្បតិ៍ម្សិលមិញនេះ។

លើសពីនេះទៅទៀត គណៈកម្មាធិការក្រុមប្រឹក្សាសាកលវិទ្យាល័យ ​បាន​អំពាវនាវ​ដល់​សមាជិក​សភា និង​ការតែងតាំង​សមាជិក​ព្រឹទ្ធសភាទាំងអស់ ​ឲ្យចេះ​គោរព​សំឡេង​ឆ្នោត​របស់​ប្រជាពលរដ្ឋថែមទៀតផង។

សេចក្តីថ្លែងការណ៍បានអានថា “យុវជនដែលស្ថិតក្នុងយុគសម័យអភិវឌ្ឍន៍ប្រទេស នឹងដឹកនាំប្រទេសឱ្យរីកចម្រើន ប៉ុន្តែសមាជិកព្រឹទ្ធសភាបែឬជាដឹកនាំស្រុកឲ្យទៅរកគ្រោះមហន្តរាយទៅវិញ” ។

អ្នកគាំទ្រ MFP ជាច្រើនបានសម្តែងការខកចិត្តចំពោះការបោះឆ្នោតកាលពីថ្ងៃព្រហស្បតិ៍ ប៉ុន្តែបាននិយាយថា លទ្ធផលមួយនេះ ពួកយើងមិនធ្លាប់បាននឹកស្មានដល់នោះទេ។ ពួក​គេ​បាន​ជំរុញ​សមាជិក​ព្រឹទ្ធសភា​ដែល​ត្រូវ​បាន​តែង​តាំង​ឲ្យ​គោរព​សន្លឹក​ឆ្នោត​របស់​ខ្លួនខ្លះផង។

មុនពេលអង្គុយរួមគ្នា អ្នកគាំទ្រ MFP រាប់រយនាក់បានប្រមូលផ្តុំគ្នានៅកន្លែងដែលបានកំណត់នៅជិតសភា ដើម្បីបង្ហាញការគាំទ្ររបស់ពួកគេចំពោះមេដឹកនាំ MFP ។

អ្នកនាំពាក្យរងរដ្ឋាភិបាលលោកស្រី Rachada Dhnadirek បាននិយាយថា ផ្ទៃដីទំហំ 710 ម៉ែត្រការ៉េ ដែលកំណត់ផ្លូវមួយខ្សែ និងផ្លូវដើរមួយចំនួននៃមជ្ឈមណ្ឌលរដ្ឋាភិបាល Kiak Kai ត្រូវបានកំណត់ដោយរដ្ឋបាលក្រុងបាងកក (BMA) សម្រាប់អ្នកគាំទ្រ MFP ។

លោកស្រីបាននិយាយថា នាយករដ្ឋមន្ត្រីចាំផ្ទះ លោក Prayut Chan-o-cha បានដឹងពីសិទ្ធិរបស់ប្រជាជនក្នុងការបញ្ចេញទស្សនៈនយោបាយរបស់ពួកគេ និងសង្កេតមើលដំណើរការសភា។

ឧត្តមសេនីយ Prayut ក៏បានអំពាវនាវដល់អ្នកគាំទ្រ MFP ឱ្យគោរពច្បាប់ និងជៀសវាងអំពើហិង្សា និងជម្លោះ ហើយបានសង្កត់ធ្ងន់លើតម្រូវការសម្រាប់មន្ត្រីសន្តិសុខ ដើម្បីអនុវត្តតាមច្បាប់គ្រប់គ្រងហ្វូងមនុស្សដោយផ្អែកលើស្តង់ដារជាអន្តរជាតិ។

នៅ​មុន​ពេល​ការ​បោះ​ឆ្នោត​សភា​នៅ​ម៉ោង​ប្រហែល​៣​រសៀល យុវជន​ប្រុស​ម្នាក់​បាន​បង្ក​ឱ្យ​មាន​ការ​ចលាចល​នៅ​កន្លែង​ប្រមូលផ្តុំ​ដែល​បាន​កំណត់។ ក្មេង​ជំទង់​ដែល​ហាក់​ដូច​ជា​អ្នក​គាំទ្រ MFP បាន​វាយ​កម្ទេច​ផ្ទាំង​ផ្សាយ​មួយ​នៅ​ក្នុង​កន្លែង​ប្រមូល​ផ្តុំ ដែល​នាំ​ឱ្យ​មាន​ការ​វាយ​ដំ​ដោយ​បុគ្គល​ផ្សេង​ទៀត។ យុវជន​នោះ​ត្រូវ​បាន​ការសម្របសម្រួលដោយ​ឈ្មោះ ងឿន ត្រា ខាំសាន អាយុ ៤៤ ឆ្នាំ ដែល​បាន​បញ្ជាក់​ថា​ជា​ការ​យល់​ខុស។

សូមបញ្ជាក់ផងដែរថា នៅក្នុងសភាមានចំនួនសរុបចុងក្រោយគឺ 324 ដែលបានពេញចិត្តរូបលោក ហើយ 182 រូបបានប្រឆាំង និង 199 អនុប្បវាទ(ជាអ្នកនៅកណ្តាល) ក្នុងចំណោមសមាជិក 705 នាក់ដែលចូលរួមក្នុងកិច្ចប្រជុំ។ លោក Pita ដែលជាបេក្ខភាពតែមួយគត់សម្រាប់តំណែងនេះ ត្រូវការសំឡេងគាំទ្រចំនួន 375 ពីអាសនៈសភា និងព្រឹទ្ធសភាចំនួន 749 រួមបញ្ចូលគ្នា។ សមាជិកព្រឹទ្ធសភាម្នាក់បានលាលែងពីតំណែងកាលពីថ្ងៃពុធមួយថ្ងៃមុនពេលការបោះឆ្នោតដែលប្រព្រឹត្តទៅ។

ជាសរុប មេដឹកនាំ MFP បានទទួលសំឡេងគាំទ្រ 311 ពីសមាជិកសភា និង 148 ប្រឆាំង ជាមួយនឹង 39 អនុប្បវាទ។ លោក​ទទួល​បាន​សំឡេង​គាំទ្រ​តែ​១៣​សំឡេង​ពី​សមាជិក​ព្រឹទ្ធសភា ៣៤​សំឡេង និង​អនុប្បវាទ ១៥៩។

នៅក្នុងទីក្រុងបាងកក នាថ្ងៃទី ១៣ ខែកក្កដា ឆ្នាំ 2023 តាមរយៈសារព័ត៌មាន Reuters បានឲ្យដឹងថា បេក្ខជននាយករដ្ឋមន្ត្រីថៃ លោក Pita Limjaroenrat ដែលជាក្តីសង្ឃឹមរបស់ប្រជាជនថៃត្រូវបានត្រៀមខ្លួនសម្រាប់ការសាកល្បងដ៏សំខាន់មួយ នៃឥទ្ធិពលនយោបាយរបស់គាត់កាលពីថ្ងៃព្រហស្បតិ៍ ខណៈដែលសភាបានកោះប្រជុំសម្រាប់ការបោះឆ្នោតជ្រើសរើសលើមុខតំណែងនាយករដ្ឋមន្ត្រីថ្មី ដែលអាចសាកល្បងការរួបរួមនៃសម្ព័ន្ធភាពទាំងប្រាំបីគណបក្ស ។

មេដឹកនាំវ័យក្មេងរូបនេះ បានឈ្នះការបោះឆ្នោតកាលពី ខែ ឩសភា វាជារឿងមួយនាំឲ្យមានការគួរឱ្យភ្ញាក់ផ្អើលសម្រាប់ MFP ដែលគណបក្សនេះមានបេក្ខជនតែមួយគត់ ក្នុងការតែងតាំងនៅថ្ងៃព្រហស្បតិ៍ ប៉ុន្តែអ្វីដែលកើតឡើងជាក់ស្តែងចំពោះគាត់នៅពេលនេះ គឺលោកបានប្រឈមមុខនឹងបញ្ហាធំក្នុងការធានាបានការគាំទ្រពីសមាជិកសភាទ្វេភាគី ដែលច្រើនជាងពាក់កណ្តាលនៃចំនួន 749 នាក់នៅក្នុងការបោះឆ្នោតដែលរំពឹងទុកនៅពេលរសៀល។

គណបក្សចលនាឆ្ពោះទៅ អមជាមួយនិងដៃគូសម្ព័ន្ធមិត្តរបស់ខ្លួន គឺភឿថៃ ពួកគេទាំងពីរ បានផ្តួលគណបក្សអភិរក្សនិយម តាមរយៈការបោះឆ្នោតកាលពីថ្ងៃទី 14 ឧសភា ដែលត្រូវបានគេមើលឃើញយ៉ាងទូលំទូលាយថា វាជាការបដិសេធយ៉ាងខ្លាំងក្លា នៃរដ្ឋាភិបាលជិតមួយទសវត្សរ៍ ដែលដឹកនាំ ឬគាំទ្រដោយយោធារាជានិយមនោះ។

ប៉ុន្តែការប្ដេជ្ញាចិត្តរបស់លោក Pita ក្នុងការបន្តដំណើរឆ្ពោះទៅមុខ នៅក្នុងគណបក្ស MFP គឺមានគោលនយោបាយប្រឆាំង ឬអាចនិយាយបានថាលោកចង់បង្ករជម្លោះជាមួយនឹងក្រុមអ្នកមានអំណាចរបស់ក្រុមគណបក្សអភិរក្សនិយម និងជាគ្រួសារដែលមានទ្រព្យសម្បត្តិច្រើននៅក្នុងប្រទេស ព្រមទាំងមានអំណាចជាយូមកហើយនោះទៀតសោតក្រុមគ្រួសារមួយនោះក៏បានលូកលាន់ក្នុងឆាកនយោបាយថៃអស់ជាច្រើនទសវត្សរ៍មកហើយផងដែរ។

សម្ព័ន្ធភាពរបស់លោក Pita បានទទួលការគាំទ្រចំនួន 312 អាសនៈ ដើម្បីទទួលបាននូវដំណែងជានាយករដ្ឋមន្ត្រី គឺលោកត្រូវតែទទួលបានការគាំទ្រយ៉ាងហោចណាស់ 375 សម្លេង។ ប៉ុន្តែនៅក្នុងសភា សមាជិកមួយចំនួនក្នុងចំណោម 249 សមាជិកព្រឹទ្ធសភានៃសភាជាន់ខ្ពស់ គឺសុទ្ធសឹងជាអ្នកដែលប្រកាន់នូវនិន្នាការអភិរក្ស ដែលត្រូវបានតែងតាំងដោយយោធាបន្ទាប់ពីរដ្ឋប្រហារឆ្នាំ 2014  របស់ឩត្តមសេនីយ៍ ប្រាយុទ្ធ ចាន់អូចា។

ក្នុងនោះផងដែរក៏មានសមាជិកព្រឹទ្ធសភាម្នាក់បានលាលែងពីតំណែងកាលពីថ្ងៃពុធ ដោយបានបន្ទាបកម្រិតសំឡេងមកត្រឹម 375 សំឡេងដើម្បីក្លាយជានាយករដ្ឋមន្ត្រីថ្មី។

លោក Pita Limjaroenrat បានប្រាប់អ្នកយកព័ត៌មានថា “ខ្ញុំមានទំនុកចិត្តថាខ្ញុំនឹងប្រឹងប្រែងឱ្យអស់ពីសមត្ថភាពដើម្បីផ្គូផ្គងក្តីសង្ឃឹម និងការលើកទឹកចិត្តពីប្រជាជនថៃ” ។

“ខ្ញុំនឹងប្រឹងប្រែងឱ្យអស់ពីសមត្ថភាព ដើម្បីពន្យល់ដល់សមាជិកព្រឹទ្ធសភាទាំងនោះ ដែលនៅតែមានចម្ងល់ ឲ្យយល់ពីនីតីវិធីរបស់ MFP ខ្ញុំនឹងប្រើឱកាសនេះដើម្បីស្វែងរកការឯកភាពឲ្យទាល់តែបាន”។