Full Post Style

រដ្ឋមន្ត្រីក្រសួងពាណិជ្ជកម្មរបស់អាមេរិកលោកស្រី Gina Raimondo នឹង ធ្វើដំណើរទៅកាន់ប្រទេសចិន នៅសប្តាហ៍ក្រោយ វាគឺជាដំណើរទស្សនកិច្ចមួយ ដែលស្របពេលជាមួយនឹងការធ្លាក់ចុះកាន់តែអាក្រក់នៅក្នុង សេដ្ឋកិច្ចធំបំផុតទីពីររបស់ពិភពលោក  នេះបើយោងតាមការចុះផ្សាយរបស់ទីភ្នាក់ងារសារព័ត៌មាន CNN កាលពីថ្ងៃទី 24 ខែសីហា​ ឆ្នាំ2023 ។

ខណៈពេលដែលបញ្ហារបស់ប្រទេសចិនអាចផ្តល់ឱ្យ លោកស្រី Gina Raimondo នូវអានុភាពកាន់តែច្រើនក្នុងការស្វែងរកទីផ្សារកាន់តែប្រសើរឡើង សម្រាប់ក្រុមហ៊ុនអាមេរិក លោកស្រីក៏ទំនងជាប្រឈមមុខនឹងការអំពាវនាវពីទីក្រុងប៉េកាំង ដើម្បីជួយរក្សាស្ថិរភាពសេដ្ឋកិច្ច ដែលកំពុងធ្លាក់ចុះរបស់ខ្លួន ដោយការបន្ធូរបន្ថយសម្ពាធមួយចំនួនដែលទីក្រុងវ៉ាស៊ីនតោនបានអនុវត្តនាពេលថ្មីៗនេះ។

លោក Craig Singleton សហការីជាន់ខ្ពស់នៅមូលនិធិការពារលទ្ធិប្រជាធិបតេយ្យបាននិយាយថា “នៅក្នុងលក្ខខណ្ឌនៃការធ្វើដំណើររបស់លោកស្រី Gina Raimondo គឺមានគោលបំណង នឹងគោលការណ៍មួយចំនួន អាចនិយាយបាន ទីក្រុងវ៉ាស៊ីនតោននឹងមានការបន្ធូរបន្ថយជាបណ្តោះអាសន្ន លើការរឹតបន្តឹងផ្សេងទៀតដែលត្រូវបានដាក់លើសេដ្ឋកិច្ចរបស់ប្រទេសចិន” ។

លោកស្រី Gina Raimondo   នឹងធ្វើដំណើរទៅកាន់ទីក្រុងប៉េកាំង និងសៀងហៃ ដោយគិតពីថ្ងៃអាទិត្យដល់ថ្ងៃពុធ ហើយការពិភាក្សាអំពីទំនាក់ទំនងពាណិជ្ជកម្មរវាងសហរដ្ឋអាមេរិក និងចិន ជាពិសេសគឺបញ្ហាដែលពួកគេទាំងពីរកំពុងតែប្រឈម នេះបើយោងតាមនាយកដ្ឋានពាណិជ្ជកម្ម។

ការព្យាករណ៍កំណើនសេដ្ឋកិច្ចរបស់ប្រទេសចិនសម្រាប់ឆ្នាំនេះ កំពុងត្រូវបានកត់សម្គាល់នៃការធ្លាក់ចុះ ដោយសារការនាំចេញ ហើយចំនែកឯការវិនិយោគបរទេសក៏មានធ្លាក់ចុះ បូករួមទាំងប្រទេសមួយនេះកំពុងជួបវិបត្តិអចលនទ្រព្យ  និងការព្រួយបារម្ភអំពីសុខភាពផ្នែកហិរញ្ញវត្ថុ របស់ប្រទេសខ្លួន។ 

ម្រាប់ទីក្រុងប៉េកាំង លោកស្រី Gina Raimondo  បានដើរតួនាទីយ៉ាងសំខាន់ក្នុងវិស័យមួយចំនួន ដែលអាចកែលំអរ លើលក្ខខណ្ឌមួយចំនួន ដែលជាប្រភពនៃជម្លោះ រវាងប្រទេសដែលមានសេដ្ឋកិច្ចកំពូលទាំងពីររបស់ពិភពលោក។

នាយកដ្ឋានរបស់លោកស្រី នឹងជួយកំណត់គោលនយោបាយពាណិជ្ជកម្មសកលរបស់អាមេរិក ដែលជាចំណុចជាប់គាំងក្នុងទំនាក់ទំនងរវាងអាមេរិក និងចិន ចាប់តាំងពីរដ្ឋបាល របស់អតីតប្រធានាធិបតី លោក Trump បានបង្កើនពន្ធលើទំនិញចិនជាច្រើន។

លេខាធិការនេះទទួលខុសត្រូវចំពោះការគាំទ្រអាជីវកម្មអាមេរិកនៅបរទេស ហើយក៏ គ្រប់គ្រង ជាបន្តបន្ទាប់នៃការត្រួតពិនិត្យការនាំចេញរបស់សហរដ្ឋអាមេរិក ដែលមានគោលបំណងកាត់ប្រទេសចិនចេញពីបច្ចេកវិទ្យាទំនើប ដែលអាចប្រើសម្រាប់យោធាថែមទៀតផង។

ចំពោះបច្ចុប្បន្ន តើរដ្ឋបាលរបស់ លោក  Biden មានឆន្ទៈក្នុងការបន្ធូរបន្ថយលើទីក្រុងប៉េកាំង ឬយ៉ាងណា ប៉ុន្តែការប្រកាសដែលស្របគ្នានឹងព័ត៌មាននៃដំណើរទស្សនកិច្ចរបស់លោកស្រី Gina Raimondo បានបង្ហាញថា ទីក្រុងវ៉ាស៊ីនតោនកំពុងព្យាយាមយ៉ាងហោចណាស់ ដើម្បីបង្កើតលក្ខខណ្ឌសម្រាប់ការសន្ទនាដ៏មានប្រយោជន៍មួយរវាងពួកគេទាំងពីរ។

អ្នកវិភាគ Eurasia Group បាននិយាយនៅក្នុងកំណត់ត្រាមួយប្រចាំសប្តាហ៍នេះ សម្រាប់ការធ្វើដំណើររបស់លោកស្រី Gina Raimondo” “វាក៏ជារឿងដែលបង្ហាញផងដែរថារដ្ឋបាល Biden កំពុងធ្វើឱ្យមានវឌ្ឍនភាពតិចតួច ប៉ុន្តែអាចវាស់វែងបានជាមួយទីក្រុងប៉េកាំង ក្នុងការបង្កើតឡើងវិញនូវទំនាក់ទំនង និងកិច្ចសហប្រតិបត្តិការរវាងរដ្ឋាភិបាល និងរដ្ឋាភិបាលដែលមានកម្រិត។”

ប្រទេសចិននៅតែជាប្រភពដ៏ធំបំផុតនៃការនាំចូលទៅកាន់សហរដ្ឋអាមេរិក ហើយការ​នាំ​ចូល​របស់​សហរដ្ឋ​អាមេរិក​ពី​ប្រទេស​ចិន ​មាន​ចំនួន​សរុប ៥៣៦,៨ ពាន់​លាន​ដុល្លារ ស្មើ​នឹង ១៧% នៃ​ការ​នាំ​ចូល​សរុប​របស់​ខ្លួន។ អាមេរិក៏មានការនាំចេញ ទៅកាន់ប្រទេសចិនវិញដែរ គឺមានចំនួន 154 ពាន់លានដុល្លារ ស្មើរនឹង7.5% នៃការនាំចេញសរុបរបស់សហរដ្ឋអាមេរិកទៅកាន់ពិភពលោក។

ក្រុមហ៊ុនអាមេរិកមានបណ្តាញផលិតកម្មដ៏ធំនៅក្នុងប្រទេសចិន ហើយពឹងផ្អែកលើអ្នកប្រើប្រាស់ចិន។

ចំពោះក្រុមហ៊ុន Tesla ដែលបានបើករោងចក្រនៅទីក្រុងសៀងហៃក្នុងឆ្នាំ 2018 ឥឡូវនេះផលិតបានពាក់កណ្តាលនៃរថយន្តអគ្គិសនីរបស់ខ្លួននៅក្នុងប្រទេសចិន។ ហើយ Apple នៅតែផលិត iPhone ជាច្រើនរបស់ខ្លួននៅទីនោះផងដែរ។  ក្នុងនោះក៏មានក្រុមហ៊ុនល្បីឈ្មោះនៅក្នុងពិភពលោក ផ្សេងទៀតផងដែរ ដូចជា Starbucks និង Nike ពួកគេនូវតែមានមូលដ្ឋានអតិថិជនធំនៅក្នុងប្រទេសចិន។ ម្យ៉ាងវិញទៀតចំពោះក្រុមហ៊ុនបច្ចកវិទ្យា  Intel, Microsoft និង General Motors ក៏ទទួលបានចំណែកដ៏ច្រើននៃប្រាក់ចំណូលរបស់ពួកគេពីប្រទេសមួយនេះដូចគ្នា។

គួរបញ្ជាក់ផងដែរថា ចិន​ក៏​ជា ​ម្ចាស់​បំណុល​បរទេស​លេខ​២ ចំពោះអាមេរិច​ដែរ។ ចិនបានកាន់កាប់ 835.4 ពាន់លានដុល្លារ នៃរតនាគារសហរដ្ឋអាមេរិក ខណៈម្ចាស់បំណុលទីមួយ គឺជាប្រទេសជប៉ុន មានចំនួន 1.11 ពាន់ពាន់លានដុល្លារ នេះបើយោងតាមទិន្នន័យចុងក្រោយបំផុតពីក្រសួងរតនាគារសហរដ្ឋអាមេរិក។ 

យោងតាមរយៈទីភ្នាក់ងារសារព័ត៌មានរ៉យទ័រនៅថ្ងៃទី 25 ខែសីហា ឆ្នាំ 2023 បានឲ្យដឹងថា  មន្ទីរបញ្ចកោណបានប្រកាសកាលពីថ្ងៃព្រហស្បតិ៍ថា សហរដ្ឋអាមេរិកនឹងចាប់ផ្តើមការហ្វឹកហ្វឺនការហោះហើរសម្រាប់អ្នកបើកយន្តហោះរបស់ប្រទេសអ៊ុយក្រែន នៅលើយន្តហោះចម្បាំង F-16 ក្នុងខែតុលា ឆ្នាំនេះ។

លោកឧត្តមសេនីយ៍ Pat Ryder អ្នកនាំពាក្យមន្ទីរបញ្ចកោណបាននិយាយថា ការបណ្តុះបណ្តាលនឹងចាប់ផ្តើមបន្ទាប់ពីអាកាសយានិកបានទទួលការបណ្តុះបណ្តាលជាភាសាអង់គ្លេសនៅខែក្រោយ។ លោក Ryder បានមានប្រសាសន៍ទៀតថា ការហ្វឹកហាត់ក្នុងការហោះហើរនឹងប្រព្រឹត្តទៅនៅរដ្ឋ Arizona ។

លោក Ryder ក៏បានបន្ថែមថា អ្នកបើកយន្តហោះជាច្រើននាក់ និងនាវិកថែទាំយន្តហោះរាប់សិបនាក់ នឹងចូលហ្វឹកហាត់ជាមួយគ្នា។

គួរបញ្ជាក់ថាកាលពីថ្ងៃអាទិត្យ ដាណឺម៉ាក និងហូឡង់ ក៏បានគិតគូរបន្ថែមទៀត លើការបរិច្ចាគយន្តហោះ F-16 ដល់អ៊ុយក្រែន ដោយបំពេញបំណងដ៏យូរអង្វែងរបស់អ៊ុយក្រែន ដែលខ្លួននិយាយថានឹងជួយពង្រឹងការការពារដែនអាកាស និងជួយការវាយលុករបស់ខ្លួនប្រឆាំងនឹងការឈ្លានពានរបស់រុស្ស៊ីចាប់តាំងពីឆ្នាំ 2022 មក ។ ក្នុងនោះផងដែរ នាយករដ្ឋមន្ត្រីន័រវែសកាលពីថ្ងៃព្រហស្បតិ៍បាននិយាយថា ប្រទេសរបស់លោកនឹងផ្តល់ យន្តហោះ F-16 ដល់អ៊ុយក្រែនផងដែរ។

ប្រទេសដាណឺម៉ាកបានចាប់ផ្តើមបណ្តុះបណ្តាលអ្នកបើកយន្តហោះអ៊ុយក្រែនចំនួនប្រាំបីនាក់ក្នុងការហោះហើរ F-16 ។ ពួកគេបានមកដល់មូលដ្ឋានអាកាសយោធាដាណឺម៉ាកនៅ Skrydstrup រួមជាមួយនឹងបុគ្គលិក 65 នាក់ ដែលនឹងត្រូវបានបណ្តុះបណ្តាលក្នុងការថែរក្សា និងបម្រើយន្តហោះ។

កាល​ពី​សប្តាហ៍​មុន អ៊ុយក្រែន​បាន​និយាយ​ថា ខ្លួន​នឹង​មិន​អាច​ប្រតិបត្តិការ​យន្តហោះ​ចម្បាំង F-16 ដែល​ផលិត​ដោយ​អាមេរិក​នៅ​រដូវ​ស្លឹកឈើ​ជ្រុះ និង​រដូវរងា​ខាង​មុខ​នេះ​ទេ។

ប្រធានាធិបតីអ៊ុយក្រែនបានអំពាវនាវម្តងហើយម្តងទៀត  លើសម្ព័ន្ធមិត្តលោកខាងលិចឱ្យបន្តការផ្គត់ផ្គង់ដល់ប្រទេសរបស់លោក ជាមួយយន្តហោះ F-16 ដែល លោក Volodymyr Zelenskiy បាននិយាយថា វានឹងក្លាយជាសញ្ញាមួយដែលថា ការឈ្លានពានរបស់រុស្ស៊ីនឹងបញ្ចប់ដោយការបរាជ័យ។

ហេតុអ្វីបានជា ប្រធានាធិបតីអ៊ុយក្រែន ជឿជាក់លើ យន្តហោះ F-16 ថាអាចយកឈ្នះសង្គ្រាមបាន?

យន្តហោះចម្បាំង F-16 គឺជាំជា​យន្តហោះ​ចម្បាំង​ដែលផលិតឡើងដោយសហរដ្ឋអាមេរិច វាត្រូវបានគេរចនាឡើងដោយមាន​ម៉ាស៊ីន​តែមួយគត់ នឹងអាច​បត់បែន​បាន​ខ្ពស់ ព្រមទាំងលឿន​ជាង​សំឡេង អមជាមួយមុខ​មុខងារជា​ច្រើនប្រភេទ​។

យន្តហោះ F-16 ដើមដំបូងអាចបំពាក់ដោយ កាំជ្រួច AIM-9 Sidewinder រហូតដល់ទៅប្រាំមួយគ្រាប់ ដែលស្វែងរកកំដៅ ពីអាកាសទៅអាកាស (AAM) ដោយប្រើប្រាស់ឧបករណ៍បាញ់បង្ហោះ នៅលើចុងស្លាបនីមួយៗ ក៏ដូចជារ៉ាដាដឹកនាំដោយ AIM-7 Sparrow មធ្យម ។ ហើយនៅក្នុងជួរនីមួយៗនៅក្នុង AAMs បំពាក់ទៅដោយអាវុធជាច្រើន។ ចំពោះកំណែថ្មីៗបន្ថែមទៀតគឺមាន AIM-120 AMRAAM ហើយយន្តហោះអាមេរិកជារឿយៗតែងតែដំឡើងកាំជ្រួចនៅលើចុងស្លាបរបស់វា ។  យន្តហោះនេះអាចផ្ទុក AAMs ផ្សេងៗជាច្រើនប្រភេទដើម្បីបាញ់ ពីអាកាសទៅដី ឩទាហរណ៍ដូចជា កាំជ្រួច គ្រាប់រ៉ុក្កែត ឬក៏គ្រាប់បែកជាដើម។ 

យន្តហោះចម្បាំង F-16 ដំណើរការដោយឥន្ធនៈរឹង ហើយមានបំពាក់ដោយឩបករណ៍ ប្រឆាំងក្នុងការរុករក ការកំណត់គោលដៅមកលើខ្លួន ដោយមាន ប្រាំមួយនៅក្រោមស្លាប, ពីរនៅលើចុងស្លាប, និងមួយនៅក្រោមតួ។ អ្វីដែលគួរឲ្យចាប់អារម្មណ៍នោះគឺ ក្រោមតួយន្តហោះមានប្រព័ន្ធសម្រាប់ចាប់សញ្ញា ឬរ៉ាដាថែមទៀតផង។ F-16 មាន កាណុង 20 mm (0.787 in) M61A1 Vulcan ដែលត្រូវបានតំឡើងនៅខាងក្នុងតួទៅខាងឆ្វេង នៃកាប៊ីនយន្តហោះ វាសុទ្ធសឹងតែជាចំណុចខ្លាំង ដែលមិនទាន់មានប្រទេសណាមួយ អាចធ្វើបាន។ 

គួររំលឹកផងដែរថា កាលពីខែឧសភា ប្រធានាធិបតីសហរដ្ឋអាមេរិក លោក Joe Biden ក៏សម្តែងការគាំទ្រកម្មវិធីបណ្តុះបណ្តាលសម្រាប់អ្នកបើកយន្តហោះរបស់ អ៊ុយក្រែន ថែមទៀតផង។

ប៉ុន្តែចំពោះពួកលោកខាងលិចវិញបាននិយាយថា ខ្លួនចង់ជួយអ៊ុយក្រែនកម្ចាត់រុស្ស៊ីខ្លាំងណាស់ ប៉ុន្តែពួកគេ មិនចង់បង្កឱ្យមានការប្រឈមមុខដាក់គ្នាដោយផ្ទាល់រវាងសម្ព័ន្ធមិត្តយោធាណាតូ ដែលគាំទ្រដោយសហរដ្ឋអាមេរិក និងទីក្រុងម៉ូស្គូនោះទេ។

យោងតាមការចុះផ្សាយរបស់ AP នៅថ្ងៃទី 24 ខែសីហា ឆ្នាំ 2023 បានឲ្យដឹងថា រដ្ឋបាលរបស់ លោក Joe Biden បានយល់ព្រមលក់អាវុធចំនួន 500 លានដុល្លារសហរដ្ឋអាមេរិច ទៅឱ្យតៃវ៉ាន់ ខណៈដែលខ្លួនកំពុងតែព្យាយាមបង្កើនជំនួយផ្នែកយោធាទៅដល់កោះមួយនេះ បើទោះបីជាមានការជំទាស់យ៉ាងខ្លាំងក្លាពីប្រទេសចិនយ៉ាងណាក៏ដោយ។
          ក្រសួងការបរទេសរបស់អាមេរិចបាននិយាយកាលពីថ្ងៃពុធថា ខ្លួនបានចុះហត្ថលេខាលើការលក់ប្រព័ន្ធតាមដានស្វែងរកអ៊ីនហ្វ្រារ៉េដ រួមជាមួយនឹងឧបករណ៍ពាក់ព័ន្ធសម្រាប់យន្តហោះចម្បាំងទំនើប F-16 ជាដើម។ ការលក់នេះរួមមានប្រព័ន្ធអ៊ីនហ្វ្រារ៉េដ ក៏ដូចជាជំនួយការសាកល្បង និងឧបករណ៍ កម្មវិធីកុំព្យូទ័រ និងគ្រឿងបន្លាស់ផ្សេងៗជាច្រើនទៀត។ ថ្វីបើកិច្ចព្រមព្រៀងនេះមានលក្ខណៈតិចតួច តែបើប្រៀបធៀបទៅនឹងការលក់សព្វាវុធពីមុន ទង្វើនេះទំនងជាអាចទាក់ទាញការរិះគន់យ៉ាងខ្លាំងក្លាពីទីក្រុងប៉េកាំង ដែលពួកគេចាត់ទុកតៃវ៉ាន់ជាខេត្ត ដែលគ្រប់គ្រងខ្លួនឯង និងបដិសេធមិនព្រមបង្រួបបង្រួមវាជាមួយចិនដីគោកឡើងវិញ។

ក្រសួងការបរទេសអាមេរិចបាននិយាយនៅក្នុងសេចក្តីថ្លែងការណ៍មួយថា “ការលក់ដែលបានស្នើឡើងនេះគឺបម្រើផលប្រយោជន៍ជាតិ សេដ្ឋកិច្ច និងសន្តិសុខរបស់សហរដ្ឋអាមេរិក ដោយគាំទ្រដល់កិច្ចខិតខំប្រឹងប្រែងបន្តរបស់អ្នកទទួល ដើម្បីធ្វើទំនើបកម្មកងកម្លាំងប្រដាប់អាវុធរបស់ខ្លួន និងដើម្បីរក្សានូវសមត្ថភាពការពារដ៏គួរឱ្យទុកចិត្ត” ។
“ការលក់ដែលបានស្នើឡើងនឹងធ្វើអោយប្រសើរឡើងនូវសមត្ថភាពរបស់អ្នកទទួលក្នុងការទប់ទល់នឹងការគំរាមកំហែងនាពេលបច្ចុប្បន្ន និងអនាគត។ ដោយការរួមចំណែកដល់សមត្ថភាពរបស់អ្នកទទួល ដើម្បីការពារដែនអាកាសរបស់ខ្លួន ការផ្តល់សន្តិសុខក្នុងតំបន់ និងបង្កើនអន្តរប្រតិបត្តិការជាមួយសហរដ្ឋអាមេរិកតាមរយៈកម្មវិធី F-16 របស់ខ្លួន”។

សេចក្តីប្រកាសនេះបានធ្វើឡើងតែប៉ុន្មានម៉ោងប៉ុណ្ណោះ គឺបន្ទាប់ពីប្រធានាធិបតីតៃវ៉ាន់លោកស្រី Tsai Ing-wen បានសន្យាជាថ្មី ដើម្បីពង្រឹងការការពារស្វ័យការពាររបស់កោះតៃវ៉ាន់ ខណៈដែលលោកស្រីបានទៅទស្សនាវិមានអនុស្សាវរីយ៍សង្រ្គាម គឺជាពេលវេលាចុងក្រោយដែលតៃវ៉ាន់ និងចិនបានប្រយុទ្ធគ្នា។ លោកស្រី Tsai បានទៅលេងកោះ Kinmen ជាកន្លែងដែលជម្លោះត្រូវបានប្រយុទ្ធកាលពី 65 ឆ្នាំមុន ដើម្បីរំលឹកដល់អ្នកដែលបានបាត់បង់ជីវិតនៅក្នុងសង្គ្រាមនោះ។

គួររំលឹកផងដែរថា សេចក្តីប្រកាសរបស់ក្រសួងការបរទេសកាលពីថ្ងៃពុធក៏ធ្វើឡើង បន្ទាប់ពីមានការខឹងសម្បាររបស់ចិនចំពោះការឆ្លងកាត់សហរដ្ឋអាមេរិករបស់អនុប្រធានាធិបតីតៃវ៉ាន់លោក William Lai ក្នុងដំណើររបស់គាត់ទៅ និងមកពីដំណើរទស្សនកិច្ចផ្លូវការនៅប្រទេសប៉ារ៉ាហ្គាយកាលពីសប្តាហ៍មុន។ ក្នុងរយៈពេលប៉ុន្មានឆ្នាំចុងក្រោយនេះ ប្រទេសចិនបានបង្កើនសកម្មភាពយោធារបស់ខ្លួននៅក្នុងដែនទឹក និងអាកាស ជុំវិញកោះតៃវ៉ាន់ ដោយបានបញ្ជូនយន្តហោះចម្បាំង និងនាវាកងទ័ពជើងទឹកនៅជិតកោះនេះ ឬដើម្បីឡោមព័ទ្ធ ដើម្បីបន្លាចប្រជាជន មុនពេលដែលការបោះឆ្នោត ជ្រើសរើសប្រធានាធិបតីថ្មី នឹងប្រព្រឹត្តទៅនៅខែ មករា។ (AP)

យោងតាមការចុះផ្សាយរបស់កាសែតបាងកកប៉ុស្តនៅថ្ងៃទី 24 ខែ សីហា ឆ្នាំ 2023 បានឲ្យដឹងថា ប៉ូលីសនឹងកោះហៅមនុស្សចំនួន ៣១ នាក់ រួមទាំងតារាសម្ដែងស្រី “Ice” Preechaya Phongthananikorn នៅសប្តាហ៍ក្រោយ ដើម្បីទទួលស្គាល់ការចោទប្រកាន់ថា នាងក៏មានឈ្មោះក្នុងចំណោមអ្នកដែលបានទិញសារធាតុ Cyanide ក្នុងគោលបំណងមិនត្រឹមត្រូវ នេះបើយោងតាមអគ្គស្នងការរងនគរបាលជាតិ លោក ឧត្តមសេនីយ៍ទោ Surachate Hakparn ។

អគ្គស្នងការរងនគរបាលជាតិ​បាន​បន្ត​ថា នាយកដ្ឋាន​ការងារ​ឧស្សាហកម្ម (DIW) បាន​ដាក់​របាយការណ៍​ទៅ​នាយកដ្ឋាន​បង្ក្រាប​បទ​ល្មើស​ប្រឆាំង​នឹង​មនុស្ស ៣១ នាក់ ដែល​ត្រូវ​បាន​គេ​ជឿ​ថា​បាន​ជួញ​ដូរ និង​ទិញ​សារធាតុ Cyanide ដោយ​ខុស​ច្បាប់ ដែល​ផ្ទុយ​នឹង​ច្បាប់​សារធាតុ​គ្រោះថ្នាក់របស់ប្រទេសថៃ។

ហើយពួកគេទាំងនោះគេមានកញ្ញា Preechaya និងឃាតករសៀរៀល Sararat “Aem Cyanide” Rangsiwuthaporn ដែលត្រូវបានចោទប្រកាន់ពីបទសម្លាប់មនុស្ស 14 នាក់ ក៏ដូចជាការប៉ុនប៉ងធ្វើឃាតកម្មផ្សេងទៀត។

កញ្ញា“Ice” ត្រូវ​បាន​គេ​និយាយប្រាប់ប៉ូលីស​ថា នាងគឺជាមនុស្សម្នាក់ដែល​បាន​ទិញ​ Cyanide ពី​ប្រភព​ដូច​គ្នា នឹងអ្នកស្រី Sararat ដែលជាឃាតករសម្លាប់មនុស្ស។

លោក ប៉ុល ហំម សុរ៉ាឆេត បាន​និយាយ​ថា ការ​ចោទ​ប្រកាន់​ទាក់​ទង​នឹង​ការ​ទិញ​សារធាតុ​គីមី (Cyanide) សម្រាប់​ប្រើប្រាស់​ គឺពិតជាខុសច្បាប់ ហើយ​ត្រូវ​ផ្ដន្ទាទោស​អតិបរមា​ ៣ ឆ្នាំ និង​ពិន័យ​ជា​ប្រាក់​រហូត​ដល់ ៣០ ម៉ឺន​បាត ឬ​ក៏ទាំង​ពីរ។

លោកបានមានប្រសាសន៍ថា “មន្ត្រីនៅនាយកដ្ឋានបង្រ្កាបបទល្មើសនឹងកោះហៅមនុស្សទាំង ៣១ នាក់មកទទួលការចោទប្រកាន់របស់ពួកគេ ហើយពួកគេនឹងធ្វើការស៊ើបអង្កេត”។

សម្រាប់ទោសកំហុសនេះ​ផងដែរ ប៉ូលីសក៏ធ្លាប់បាន​ចាប់​ខ្លួន​អ្នកស្រី សារ៉ាត់ ដែល​គេ​សង្ស័យ​ថា ​បាន​បំពុល​ជនរងគ្រោះ​ដោយ​សារធាតុ​ Cyanide ។

បន្ទាប់មកមន្ត្រីបានពង្រីកការស៊ើបអង្កេតលើករណីនេះ ហើយបានរកឃើញថា សារធាតុ Cyanide ត្រូវបាននាំចូល ជួញដូរ និងទិញក្នុងគោលបំណងខុសច្បាប់ ដែលនាំឲ្យមានការប្តឹងពី  នាយកដ្ឋាន​ការងារ​ឧស្សាហកម្ម (DIW) ។

គួរបញ្ជាក់ផងដែរថា កាលពីខែមិថុនា លោក ប៉ុល ហំម សុរាជាតិ បាននិយាយថា លោកស្រី សារ៉ាត់ ប្រឈមមុខនឹងការចោទប្រកាន់ច្រើនជាង ៧៥ ករណី រួមទាំងឃាតកម្មគិតទុកជាមុន ការប៉ុនប៉ងមនុស្សឃាត និងការលួចទ្រព្យសម្បត្តិ ដែលបណ្តាលឱ្យមានមនុស្សស្លាប់ និងការក្លែងបន្លំ ព្រមទាំង ១៥ ករណីផ្សេងៗជាច្រើនទៀត បើគិតចាប់ពីឆ្នាំ ២០១៥ ដល់ឆ្នាំនេះ។

លោក​បាន​បន្ថែម​ថា ប៉ូលិស​បាន​បញ្ចប់​ការ​ស៊ើប​អង្កេត​លើអ្នកស្រី សារ៉ាត់ បន្ទាប់​ពី​បាន​សាកសួរ​សាក្សី​ជាង ៩០០ នាក់​ក្នុង​រយៈ​ពេល ៣ ខែ។

លោក Jullapong Thaveesri នាយក DIW បាននិយាយកាលពីខែឧសភាថា ក្រុមហ៊ុនចំនួន 14 អាចនាំចូលនូវសារធាតុ Cyanide ដោយស្របច្បាប់ រហូតដល់ 80 តោនក្នុងមួយឆ្នាំ ហើយបុគ្គលដែលប្រើប្រាស់លើសពី 100 គីឡូក្រាមក្នុងរយៈពេលប្រាំមួយខែកន្លងមកនេះ ត្រូវតែរាយការណ៍ទៅនាយកដ្ឋាន​ការងារ​ឧស្សាហកម្ម (DIW) ។