Full Post Style

នាវាចម្បាំងដ៏ធំបំផុតរបស់ពិភពលោក គឺនាវាផ្ទុកយន្តហោះ USS Gerald R. Ford បានមកដល់ទីក្រុង Oslo នៃប្រទេស ន័រវេសកាលពីថ្ងៃពុធ។ ការចតរបស់នាវាចម្បាំងមួយនេះ គឺសម្រាប់ការឈប់សម្រាកតែប៉ុណ្ណោះ ប៉ុន្តែវាត្រូវបានរងការរិះគន់ដោយប្រទេសជិតខាងទៅវិញ។ រុស្ស៊ីបាននិយាយថាការចុះចតនាវាចម្បាំងនៅពេលនេះ គឺជាការបង្ហាញកម្លាំងដែល “មិនសមហេតុផល អាចនិយាយបានថាពួកគេកំពុងតែចង់បង្ករគ្រោះថ្នាក់”។
            បើយោងតាមប្រព័ន្ធផ្សព្វផ្សាយន័រវេស បានឱ្យដឹងថា កប៉ាល់ដើរដោយថាមពលនុយក្លេអ៊ែរប្រវែង 337 ម៉ែត្រ (1,106 ហ្វីត) បានធ្វើដំណើរចូលទៅក្នុង Oslo Fjord ដែលនឹងស្នាក់នៅជាច្រើនថ្ងៃមុនពេលធ្វើដំណើរទៅកាន់តំបន់អាក់ទិក គឺសម្រាប់ការធ្វើសមយុទ្ធយោធាតែប៉ុណ្ណោះ។ នេះបើយោងតាមប្រព័ន្ធផ្សព្វផ្សាយន័រវេស Erik J. Eslich មេបញ្ជាការនៃ US Carrier Strike Group 12 បាននិយាយនៅក្នុងសេចក្តីថ្លែងការណ៍មួយថា “ន័រវែសគឺជាដៃគូរយុទ្ធសាស្រ្តក្នុងការបន្តកិច្ចខិតខំប្រឹងប្រែងដើម្បីរក្សាតំបន់អាក់ទិក និងអាត្លង់ទិកខាងជើងឲ្យមានសុវត្ថិភាព និងស្ថិរភាព ដើម្បីផ្តល់ផលប្រយោជន៍ និង           ​សណ្តាប់ធ្នាប់ជូនពិភពលោក”។

យោធាន័រវេសបាននិយាយនៅក្នុងសេចក្តីថ្លែងការណ៍មួយថា “ដំណើរទស្សនកិច្ច និងវត្តមានរបស់នាវាផ្ទុកយន្តហោះគឺជាការផ្តល់ឱកាសពិសេសមួយក្នុងការអភិវឌ្ឍកិច្ចសហប្រតិបត្តិការយ៉ាងជិតស្និទ្ធរបស់ពួកយើង គឺធ្វើជាមួយសម្ព័ន្ធមិត្តដ៏សំខាន់បំផុតនោះគឺសហរដ្ឋអាមេរិក”។

រដ្ឋមន្ត្រីក្រសួងការពារជាតិន័រវេស លោក Bjorn Arild Gram បាននិយាយថា “នេះគឺជាការបង្ហាញជាក់ស្តែងនៃទំនាក់ទំនងយ៉ាងជិតស្និទ្ធរបស់យើងជាមួយនិងសហរដ្ឋអាមេរិក ហើយវាក៏ជាការបង្ហាញនូវឆន្ទៈសម្រាប់ការការពារ និងការទប់ស្កាត់ជាសមូហភាព”ផងដែរ។  ដំណើរ​ទស្សន​កិច្ច​លើកនេះ​ត្រូវ​បាន​ផ្សព្វផ្សាយ​យ៉ាងទូលំទូលាយ​ ទន្ទឹមគ្នានោះផងដែរ វាក៏ស្របពេលដែល ​មាន​ភាព​តានតឹង​កាន់​តែ​ខ្លាំងឡើង ​រវាង​លោក​ខាង​លិច​និង​រុស្ស៊ី​ជុំវិញ​សង្គ្រាម​នៅ​អ៊ុយក្រែនថែមទៀតផង។ អ្នកនាំពាក្យស្ថានទូតរុស្ស៊ីលោក Timur Chekanov បានប្រាប់ AFP តាមអ៊ីមែលថា “គ្មានបញ្ហាណាមួយនៅភាគខាងជើង ដែលទាមទារដោះស្រាយយោធា ហើយក៏គ្មានបញ្ហាកើតឡើងណាមួយដែលទាមទារឱ្យមានអន្តរាគមន៍ពីខាងក្រៅនោះទេ” ។

            លោកបានបន្ថែមទៀតថា “គួរពិចារណាថា Oslo បានទទួលស្គាល់ថា រុស្ស៊ីមិនបង្កការគំរាមកំហែងផ្នែកយោធាដោយផ្ទាល់ដល់ប្រទេសន័រវេសនោះទេ តែការបង្ហាញកម្លាំងបែបនេះរបស់ពួកគេ វាហាក់ដូចជាគ្មានហេតុផលណាផ្សេងក្រៅពីការចង់បង្កគ្រោះថ្នាក់ដល់រុស្ស៊ីនោះ។
            ចំនែកសមាជិកណាតូ ន័រវែស មានព្រំដែនគោកជាមួយរុស្ស៊ី ក៏ដូចជាព្រំដែនសមុទ្រនៅសមុទ្រ Barents គឺមាននាវា USS Gerald R. Ford ដែលអាចដឹកជញ្ជូនយន្តហោះ និងឧទ្ធម្ភាគចក្របានរហូតដល់ 90 គ្រឿង។ អ្នកវិភាគនយោបាយបានរំពឹងទុកថា នាវានឹងនៅតែចតនៅរដ្ឋធានីន័រវេសអស់រយៈពេលជាច្រើនថ្ងៃបន្តទៀត។ ហើយកំឡុងពេលនេះផងដែរ ការហាមឃាត់ដែនអាកាស និងសមុទ្រដ៏ធំក៏អាចនិងត្រូវបានអនុវត្តជុំវិញនាវាចម្បាំងមួយនោះដែរ។  បើយោងតាមគេហទំព័រ Barents Observer ប្រចាំថ្ងៃបានឲ្យដឹងថា សម្រាប់នាវាចម្បាំងដ៏ធំបំផុតរបស់ពិភពលោកមួយនេះត្រូវបានគេទស្សទាយថា នឹងធ្វើដំណើរទៅកាន់តំបន់អាក់ទិកក្នុងរយៈពេលជាច្រើនថ្ងៃមុនការចាប់ផ្តើមនៃសមយុទ្ធ Arctic Challenge នៅថ្ងៃទី 29 ខែឧសភា ដោយប្រមូលផ្តុំយន្តហោះចំនួន 150 គ្រឿង ដែលមកពីប្រទេសលោកខាងលិចចំនួន14ប្រទេស។ 

ក្មេងប្រុសអាយុ 13 ឆ្នាំពីរនាក់បានប្រគល់ខ្លួនទៅប៉ូលីសបន្ទាប់ពីអគ្គីភ័យបានបំផ្លាញអគារបេតិកភ័ណ្ឌ កម្ពស់ 7 ជាន់នៅកណ្តាលទីក្រុងស៊ីដនី។

អគារ​នេះ​បាន​ឆាបឆេះ​នៅ​រសៀល​ថ្ងៃ​ព្រហស្បតិ៍ ដោយមានការ​ទាមទារ​ឱ្យ​មាន​អ្នក​ពន្លត់​អគ្គិភ័យមួយនេះ​ប្រមាណ​១០០​នាក់​។

ប៉ូលីសជឿថាករណីមួយនេះ ប្រាកដជាមានក្មេងជំទង់ផ្សេងទៀតបានចូលរួមក្នុងឧប្បត្តិហេតុនេះ ហើយក្រុមប៉ូលីសក៏បានស្នើសុំឱ្យពួកគេចេញមុខបកស្រាយផងដែរ។

មនុស្ស 15 នាក់កំពុងដេកលក់យ៉ាងស្កប់ស្កល់នៅក្នុងអាគារនៅពេលភ្លើងឆេះហើយ 13 នាក់ក្នុងចំណោមក្មេងជំទង់ដែលទៅសារភាពគឺត្រូវបានគេរាប់បញ្ចូលដើម្បីសើបអង្កេត។

ទោះបីជាយ៉ាងណាក៏ដោយ អ្នកស្រុកយ៉ាងតិច 70 នាក់ត្រូវបានផ្លាស់ទីលំនៅចេញពីអគារដែលនៅជុំវិញនោះ។ ប៉ូលិស​បាន​បញ្ជាក់​ថា ក្មេង​ជំទង់​ដែល​បាន​ប្រគល់​ខ្លួន​នោះ​កំពុង​ជួយ​ពួកគេ​ក្នុង​ការ​សាកសួររកមនុស្ស13នាក់ទៀតក្នុងចំនោម​ពួកគេ​។

ភ្នាក់ងារពន្លត់អគ្គីភ័យ ដែលជួយសង្គ្រោះរដ្ឋ New South Wales បាននិយាយថា អគ្គីភ័យនេះបានឈានដល់ស្ថានភាពប្រកាសអាសន្ន “ទី 10” គឺជាកម្រិតធ្ងន់ធ្ងរបំផុត។

អគារ​មួយនេះ​ត្រូវ​បាន​ចុះ​បញ្ជី​បេតិកភណ្ឌ និង​ជា​អតីត​ផ្ទះ​របស់​រោងចក្រ Henderson Hat។ វា​នៅ​ទំនេរ​អស់​ជា​ច្រើន​ឆ្នាំ​មក​ហើយ ហើយគេក៏​មាន​គម្រោង​អភិវឌ្ឍ​វា​ឡើង​វិញឲ្យទៅ​ជា​សណ្ឋាគារ។

នៅពេលដែលអាគារត្រូវ​បាន​ឆេះ ផ្សែង​យ៉ាង​ក្រាស់​អាច​ត្រូវ​បាន​គេ​ឃើញ​ពាសពេញ​ទីក្រុង​ស៊ីដនី វីដេអូ​បានបង្ហាញឲ្យឃើញ​ពី​កម្រិត​កំពូល​នៃ​អគារដែល​ធ្លាក់​មក​លើ​ផ្លូវ​ក្បែរ​នោះ។

សម្រាប់ភ្នាក់ងារពន្លត់អគ្គីភ័យ និងសង្គ្រោះ NSW បាននិយាយថា ពួកគេអាចទប់ស្កាត់ភ្លើង ដើម្បីការពារការខូចខាតដល់ប្លុកលំនៅដ្ឋាននៅក្បែរនោះតែប៉ុណ្ណោះ។ អង្គភាពនេះក៏បាននិយាយផងដែរថា ការស៊ើបអង្កេតលើមូលហេតុនៃការឆេះត្រូវបានគ្រប់គ្រងដោយក្រុមប៉ូលីស NSW ។

អគារនេះមានទីតាំងនៅខាងក្នុងទីក្រុងស៊ីដនី ឆ្លងកាត់ផ្លូវពីស្ថានីយ៍កណ្តាលទីក្រុង។ ហើយការរីករាលដាលទៅកាន់តំបន់កណ្តាលត្រូវបញ្ឈប់កាលពីថ្ងៃព្រហស្បតិ៍ ខណៈដែលអ្នកពន្លត់អគ្គីភ័យអាចធ្វើការទប់ស្កាត់បាន។

មន្ត្រីអ៊ុយក្រែនបាននិយាយកាលពីថ្ងៃសុក្រថា រុស្ស៊ីបានការបាញ់ទម្លាក់មីស៊ីលចំនួន ១០ គ្រាប់ និងយន្តហោះគ្មានមនុស្សបើកជាង ២០ គ្រឿង មកលើរដ្ឋធានី Kyiv ទីក្រុង Dnipro និងតំបន់ភាគខាងកើតនៃប្រទេសអ៊ុយក្រែនអស់រយៈពេលមួយយប់។

ការិយាល័យរបស់ប្រធានាធិបតី Volodymyr Zelenskiy បាននិយាយនៅក្នុងសេចក្តីថ្លែងការណ៍មួយថា ភ្លើងបានឆាបឆេះនៅជាយក្រុងភាគឦសាននៃទីក្រុង Kharkiv បន្ទាប់ពីឃ្លាំងប្រេងមួយត្រូវបានវាយប្រហារពីរដង ហើយឧបករណ៍សម្រាប់បូមប្រេងត្រូវរងការខូចខាតយ៉ាងធ្ងន់ធ្ងរ។រុស្ស៊ី បានបង្កើនការវាយប្រហារដោយមីស៊ីល និងយន្តហោះគ្មានមនុស្សបើកទៅលើអ៊ុយក្រែនក្នុងខែនេះ ដោយភាគច្រើនគឺវាយប្រហារទៅលើកន្លែងដឹកជញ្ជូន និងហេដ្ឋារចនាសម្ព័ន្ធ ឲ្យបានមុនពេលការវាយលុករបស់អ៊ុយក្រែន។

កងទ័ពអាកាសអ៊ុយក្រែនបាននិយាយថា ខ្លួនបានបាញ់ទម្លាក់កាំជ្រួចចំនួន ១០ គ្រាប់ដែលបានបាញ់ចេញពីសមុទ្រកាសព្យែន និងយន្តហោះគ្មានមនុស្សបើក Shahed ដែលផលិតដោយអ៊ីរ៉ង់ចំនួន ២៣ គ្រឿង និងយន្តហោះគ្មានមនុស្សបើកឈ្លបយកការណ៍ចំនួន ២ គ្រឿងក្នុងអំឡុងពេលនៃការវាយប្រហារកាលពីយប់មិញ។ កងទ័ពអាកាសអ៊ុយក្រែនបាននិយាយទៀតថា កាំជ្រួចសរុបមានចំនួន 17 គ្រាប់ និងយន្តហោះគ្មានមនុស្សបើកចំនួន 31 គ្រឿងត្រូវបានបាញ់បង្ហោះនៅក្នុងការវាយប្រហារនេះ ដែលបានចាប់ផ្តើមនៅវេលាម៉ោងប្រហែល 10:00 យប់កាលពីថ្ងៃព្រហស្បតិ៍ និងបន្តរហូតដល់ម៉ោង 5:00 ព្រឹកនាថ្ងៃសុក្រ។

ក្រុមមន្ត្រីបាននិយាយថា យន្តហោះគ្មានមនុស្សបើក និងកាំជ្រួចជាច្រើនបានវាយប្រហារគោលដៅនៅក្នុងតំបន់ Kharkiv និង Dnipropetrovsk ប៉ុន្តែមិនមានការស្លាប់នរនាម្នាក់នោះទេ។ លោក Serhiy Lysak អភិបាលតំបន់ Dnipropetrovsk បាននិយាយនៅលើកម្មវិធីផ្ញើសារ Telegram ថា “វាជាយប់ដ៏លំបាកមួយ ជាយប់ដែលមានសំឡេងខ្លាំង – សត្រូវបានបើកការវាយប្រហារទ្រង់ទ្រាយធំលើតំបន់ដោយមីស៊ីល និងយន្តហោះគ្មានមនុស្សបើក” ដែលនាំឲ្យតំបន់ “Dnipro បានរងទុក្ខ”ថែមមួយកម្រឹតទៀត ។

លោក Lysak  បាន​និយាយ​ថា ផ្ទះ រថយន្ត និង​ក្រុមហ៊ុន​ឯកជន​ជា​ច្រើន​រួម​ទាំង​ក្រុមហ៊ុន​ដឹក​ជញ្ជូន និង​ស្ថានីយ​ប្រេង​មួយចំនួនបាន​រងនូវ​ការ​ខូច​ខាត ព្រមទាំងមានបុគ្គលិក​ស្ថានីយ​ប្រេង​ម្នាក់​បាន​រង​របួស។ អភិបាលនៃតំបន់ Kharkiv ក៏បានរាយការណ៍ពីការខូចខាតផ្ទះឯកជនមួយចំនួន និងកន្លែងឧស្សាហកម្មផ្សេងទៀតផងដែរ។ ប្រទេសរុស្ស៊ីដែលបានចាប់ផ្តើមការលុកលុយទ្រង់ទ្រាយធំរបស់ខ្លួនកាលពី 15 ខែមុន បានបើកការវាយប្រហារដោយកាំជ្រួចរា​ប់រយដងចាប់តាំងពីខែតុលាឆ្នាំមុនមកម្ល៉េះ។ ពួកគេបានព្យាយាមបំផ្លាញហេដ្ឋារចនាសម្ព័ន្ធសំខាន់ៗ និងកន្លែងថាមពលជាច្រើនរបស់អ៊ុយក្រែន។ មន្ត្រីយោធាបាននិយាយថា វាបានផ្លាស់ប្តូរការផ្តោតអារម្មណ៍នៃការវាយប្រហារដោយកាំជ្រួចរបស់ខ្លួន ដើម្បីព្យាយាមរំខានដល់​ការរៀបចំសម្រាប់ការវាយប្រហារតបតរបស់អ៊ុយក្រែន។

យន្តហោះចម្បាំង  រថក្រោះ ព្រមទាំងយន្តហោះគ្មានមនុស្សបើក និងទាហ៊ាន 2,500 នាក់បានចូលរួមការហ្វឹកហ្វឺនអាវុធយ៉ាងធំបំផុតដែលមិនធ្លាប់មានពីមុនមក។
            កាលពីថ្ងៃព្រហស្បតិ៍ម្សិលមិញនេះ នៅក្នុងជើងទីមួយរបស់កូរ៉េខាងត្បូង និងសហរដ្ឋអាមេរិកបានចូលរួមក្នុងការធ្វើសមយុទ្ធគ្រាប់ពិត ដោយប្រើអាវុធជាង 600 រួមទាំងយន្តហោះចម្បាំងចុងក្រោយបំផុត  អមជាមួយរថក្រោះ និងយន្តហោះគ្មានមនុស្សបើក ព្រមទាំងទាហ៊ានចំនួន 2,500 នាក់។ នៅក្នុងសមយុទ្ធនោះត្រូវបានគេមើលឃើញថាមាន យន្តហោះបំបាំងកាយ F-35A, ឧទ្ធម្ភាគចក្រវាយប្រហារ AH-64E Apache, រថក្រោះបាញ់ដោយខ្លួនឯង K9 Thunder, រថក្រោះ K2 Black Panther និងរថយន្តឈ្លបយកការណ៍គីមីជីវសាស្ត្រនុយក្លេអ៊ែររបស់សហរដ្ឋអាមេរិក ស្ថិតក្នុងចំណោមរថយន្តដែលចល័តសម្រាប់សមយុទ្ធដែលធ្វើឡើងនៅទីលានហ្វឹកហាត់ Seungjin Fire ក្នុងទីក្រុង Pocheon ដែលជា ទីក្រុងមួយមានចម្ងាយតិចជាង 40 គីឡូម៉ែត្រពីព្រំដែនអន្តរកូរ៉េ។

បើយោងតាមក្រសួងការពារជាតិបានឲ្យដឹងថា ព្រឹត្តិការណ៍នេះគឺជាផ្នែកមួយនៃការប្រារព្ធខួបលើកទី 75 នៃយោធាកូរ៉េខាងត្បូងដែលបានបង្កើតឡើង ព្រមទាំងរំលឹកខួបលើកទី 70 នៃសម្ព័ន្ធមិត្តទ្វេរភាគីរវាង ទីក្រុងសេអ៊ូល-វ៉ាស៊ីងតោន ដែលត្រូវបានបង្កើតឡើងនៅក្នុងសង្រ្គាមដ៏សាហាវនៅឧបទ្វីបកូរ៉េ។ សមយុទ្ធ​នេះធ្វើឡើងក្នុង​គោល​បំណង​​ចម្បងមួយ​ក្នុង​ការ​ធ្វើ​ឱ្យ​ប្រសើរ​ឡើង​នូវ​អន្តរប្រតិបត្តិការ​របស់​សម្ព័ន្ធមិត្ត​ប្រឆាំង​នឹង​ការ​គំរាម​កំហែង​ ដែល​កំពុងមានការ​កើនឡើង​នៃ​កូរ៉េ​ខាងជើង។
            បើតាមស្ថានភាពជាក់ស្តែងនៅពេលនេះកូរ៉េខាងជើងកំពុងតែចង់លុកលុយ ដោយផ្តួចផ្តើមធ្វើរបាំងការពារពីកាំភ្លើងធំបាញ់ដោយខ្លួនឯង ថែមទាំងផលិតនូវ រថក្រោះការចល័ត K-9 ក៏ដូចជាគ្រាប់រ៉ុក្កែត Chunmoo 239 មីល្លីម៉ែត្រ និងក​ន្លែងបញ្ជាគ្រាប់ផ្សេងៗជាច្រើនទៀត។

ចំពោះការរៀបចំខាងលើនេះ កូរ៉េខាងជើងកំពុងតែចង់បានចាប់ផ្តើមការប៉ុនប៉ងគ្រប់ជ្រុងជ្រោយដើម្បីគ្រប់គ្រងតំបន់ព្រំដែនទាំងមូល។ ដោយពួកគេបានដាក់ពង្រាយផ្កាយរនបឈ្លបយកការណ៍ពីលើអាកាសរាប់សិបគ្រឿង ដើម្បីប្រមូលទិន្នន័យសំខាន់ៗ ដោយវិភាគលើគោលដៅដែលងាយរងគ្រោះបំផុតជាមុនសិន បន្ទាប់មកក៏ចាប់ផ្តើមបំផ្លិចបំផ្លាញកងកម្លាំងរបស់  សត្រូវ។

            នៅពេលនេះភាព​តានតឹង​បាន​ឈាន​ដល់​កម្រិត​មួយដ៏ក្តៅ​គគុក ​នៅ​ពេល​កម្លាំង​ទ័ព​អាកាស​ និង​ដី​របស់កូរ៉េខាងជើងបាន​ដាក់​ពង្រាយ​អាវុធ​ប្រល័យ​លោក​មួយ​ចំនួន ​ដើម្បី​កម្ទេច​មជ្ឈមណ្ឌល​គ្រប់គ្រង​ខាង​ជើង​។ មេបញ្ជាការ កងពលធំទី៥ របស់កូរ៉េខាងត្បូង ឧត្តមសេនីយ៍ឯក Kim Sung-min ដែលទទួលបន្ទុកធ្វើសមយុទ្ធបាននិយាយថា “ខ្ញុំអាចមើលឃើញទំនុកចិត្ត និងកម្លាំងដ៏លើសលប់របស់ទាហ៊ានកូរ៉េខាងត្បូង និងសហរដ្ឋអាមេរិក តាមរយៈភ្នែករបស់ពួកគេក្នុងអំឡុងពេលរៀបចំ” «ខ្ញុំ​ក៏​អាច​មើល​ឃើញ​ពី​ចំណង​ដ៏​រឹងមាំ​នៃ​សម្ព័ន្ធភាព​កូរ៉េ​ខាង​ត្បូង​និង​អាមេរិក»ដូចគ្នាដែរ។
            មនុស្សប្រហែល 2,000 នាក់ រួមទាំងមន្ត្រីរដ្ឋាភិបាល តំណាងរាស្រ្ត តំណាងក្រុមហ៊ុនការពារជាតិ អតីតយុទ្ធជន និងសមាជិកសាធារណៈ បានមកទស្សនាកន្លែងសម្រាប់ព្រឹត្តិការណ៍មួយនេះ។ លោក Roh Seung-wook កូនប្រុសរបស់អតីតយុទ្ធជននៃសង្គ្រាមកូរ៉េ បាននិយាយថា “ខ្ញុំអាចមើលឃើញនូវកម្លាំងដ៏ខ្លាំងក្លា និងភាពអង់អាចនៃយោធារបស់យើង ហើយយើងពិតជាមានទំនុកចិត្តលើសមត្ថភាពរបស់ពួកគេ ដើម្បីប្រឆាំងនឹងការឈ្លានពានរបស់កូរ៉េខាងជើង”។  សមយុទ្ធរួមគ្នាមួយនេះត្រូវបានធ្វើឡើងចំនួន 11 ដងរួចមកហើយ ចាប់តាំងពីឆ្នាំ 1977 មក។ បន្ទាប់មកប្រធានាធិបតី Park Geun-hye បាន   ទស្សនាសមយុទ្ធដោយផ្ទាល់នៅឯកន្លែងហ្វឹកហ្វឺននៅថ្ងៃទី 28 ខែសីហា ឆ្នាំ 2015 គឺចំពេលដែលមានភាពតានតឹងកើនឡើងបន្ទាប់ពីការគំរាមកំហែងរបស់កូរ៉េខាងជើង ក្នុងការវាយប្រហារឧបករណ៍បំពងសំឡេងរបស់កូរ៉េខាងត្បូងដែលបានដំឡើងនៅកន្លែងដែលគ្មានយោធា។ ចំពោះការ​ហ្វឹកហ្វឺនចុងក្រោយ​ត្រូវ​បាន​អនុវត្ត​ក្នុង​ឆ្នាំ ២០១៧ ដោយ​មាន​ទាហ៊ាន​ជាង ២ ពាន់​នាក់​បានចូលរួម។

សមយុទ្ធ​ចុង​ក្រោយ​នេះ​កើត​ឡើង​ខណៈ​ដែលភាព​តានតឹង​នៅ​តែ​មាន​កម្រិត​ខ្ពស់ ​រវាង​គូ​ប្រជែងនៃ​កូរ៉េទាំងពីរ បន្ទាប់ពីការបញ្ចប់នៃកិច្ចប្រជុំកំពូលដែលគ្មានផ្លែផ្កាជាមួយទីក្រុងវ៉ាស៊ីនតោនក្នុងឆ្នាំ 2018 និង 2019។ ចំនែកទីក្រុងព្យុងយ៉ាងនៅទីបំផុតបានបន្ត – និងពន្លឿន – កម្មវិធីអាវុធនុយក្លេអ៊ែររបស់ខ្លួន និងការអភិវឌ្ឍន៍ប្រព័ន្ធអាវុធផ្សេងទៀតដូចជាមីស៊ីលកម្រិតខ្ពស់ និងនាវាមុជទឹកដើរដោយថាមពលនុយក្លេអ៊ែរដែលមានសមត្ថភាពបាញ់កាំជ្រួចនុយក្លេអ៊ែរថែមទៀតផង។
            កាលពីសប្តាហ៍មុន ទីភ្នាក់ងារសារព័ត៌មានកណ្តាលរបស់កូរ៉េខាងជើង របានសម្តែងការសើចចំអក និងការមើលងាយរបស់ខ្លួន ដោយនិយាយថា ការធ្វើសមយុទ្ធនេះគឺគ្រាន់តែជាការ “បំផ្លាញ” ដើម្បីប្រឆាំងនឹង ថាមពលនុយក្លេអ៊ែរ តែប៉ុណ្ណោះ។
                        ចំនែកម្ព័ន្ធមិត្តទាំងពីរនៅពេលនេះគ្រោងនឹងបន្តសមយុទ្ធកាំភ្លើងរបស់ពួកគេនៅថ្ងៃទី 2, 7, 12 និងបញ្ចប់ត្រឹមថ្ងៃ 15 ខែមិថុនាខាងមុខនេះ។