តាមចុះផ្សាយរបស់ទីភ្នាក់ងារសារព័ត៌មានរ៉យទ័រ នៅថ្ងៃទី 22 ខែសីហា ឆ្នាំ 2023 បានឲ្យដឹងថា ក្រុមហ៊ុនធំៗមួយចំនួនរបស់កូរ៉េខាងត្បូង ចិន រួមទាំងក្រុមហ៊ុនផ្គត់ផ្គង់សម្រាប់ Apple គ្រោងនឹងបើករោងចក្រនៅក្នុងប្រទេសវៀតណាម នេះបើយោងតាមរយៈឯកសារ និងមនុស្សដែលដឹងពីផែនការនេះ បានឲ្យដឹងទៀតថា វាអាចមកពី ប្រទេសចិន-អាមេរិក កំពុងតែភាពតានតឹងដាក់គ្នាកាន់តែខ្លាំងឡើង។
យោងតាមប្រភពបាននិយាយថា ក្រុមហ៊ុន Star Group Industrial (SGI) របស់កូរ៉េខាងត្បូង និងក្រុមហ៊ុន Baotou INST Magnetic របស់ចិននឹងចូលរួមក្នុងវិស័យជាច្រើន ក្នុងការផលិត គ្រឿងអេឡិចត្រូនិច និងរថយន្តដើម្បីផ្លាស់ប្តូរការដំឡើង ហើយវាគឺជាការប្រឆាំង នឹងជាការឆ្លើយតបទៅនឹងការរឹតបន្តឹងខាងផ្នែកពាណិជ្ជកម្ម។
ប្រទេសចិនជាប្រទេសមួយដែលមានឥទ្ធិពលលើការបង្កើតនូវ វត្ថុធាតុដើម និងលោហធាតុកម្រ ដែលគេត្រូវការយកមកផលិត។ ហើយអ្វីទាំងអស់នេះហើយ គឺជាចំណុចកណ្តាលក្នុងការផលិតបាននូវ ផលិតផលដូចជា យានជំនិះអគ្គិសនី ទួរប៊ីនខ្យល់ អាវុធ និងស្មាតហ្វូន ដែលធ្វើឲ្យវិស័យនេះមានសារៈសំខាន់ជាយុទ្ធសាស្ត្រ។
យ៉ាងណាមិញ ប្រទេសវៀតណាមដែលជាប្រទេសជិតខាងចិនមួយនេះ ក៏មាននូវវត្ថុធាតុដើមដ៏កម្រក្នុងលំដាប់លេខរៀងទី ២ បន្ទាប់ពីប្រទេសចិន ព្រមទាំងឧស្សាហកម្មកែច្នៃ ដែលផ្តល់ឱ្យប្រទេសនេះនូវសក្តានុពលក្នុងការក្លាយជាគូប្រជែងធំជាងនេះ។
ជាឧទាហរណ៍ គម្រោង SGI នៅក្នុងប្រទេសវៀតណាម បានកំណត់គោលដៅទិន្នផលក្នុងឆ្នាំ 2025 ដែលneodymium (NdFeB) កម្រិតខ្ពស់ 5,000 តោន ក្នុងមួយឆ្នាំ អាចគ្រប់គ្រាន់សម្រាប់រថយន្តអគ្គិសនី 2 លានគ្រឿង (EVs)។
ទោះជាយ៉ាងណាក៏ដោយ វៀតណាមអាចផលិត magnets ត្រឹមតែ 1% នៃម៉ាញេទិចរបស់ពិភពលោកតែប៉ុណ្ណោះ នេះបើយោងតាមទិន្នន័យ Adamas Intelligence ដែលបានដកស្រង់នៅក្នុងរបាយការណ៍របស់ក្រសួងថាមពលរបស់សហរដ្ឋអាមេរិក ហើយបើធៀបនឹង ប្រទេសចិន គឺមានរហូតដល់ទៅ 92%។
ជាងនេះទៅទៀត រោងចក្រចិនមួយចំនួនអាចផលិត magnets បានច្រើនជាងគម្រោងរបស់ SGI ដល់ ១០ ដង មិនតែប៉ុណ្ណោះចិនបានគ្រប់គ្រងការជីកយករ៉ែ និងការកែច្នៃរ៉ែបានយ៉ាងល្អ។ បើទោះជាយ៉ាងណាក៏ដោយ ការកើនឡើងរបស់វៀតណាមគឺនៅតែមានសារៈសំខាន់។
រោងចក្ររបស់ SGI ក្នុងសមត្ថភាពពេញលេញនឹងផលិតបានជិត 3% នៃទិន្នផលសកលឆ្នាំ 2022 ដែលត្រូវបានប៉ាន់ប្រមាណដោយ Project Blue ដែលជាទីប្រឹក្សាផ្នែកសម្ភារៈសំខាន់។ ទិន្នន័យពាណិជ្ជកម្មរបស់សហរដ្ឋអាមេរិកបានបង្ហាញថា ការផលិតនោះ គឺវាស្មើនឹងជិតពាក់កណ្តាលនៃការនាំចូលរបស់សហរដ្ឋអាមេរិកនៃ magnets neodymium កាលពីឆ្នាំមុន។
ជាងនេះទៅទៀត មន្ត្រីអាមេរិកបានបង្ហាញពីការចាប់អារម្មណ៍កាន់តែខ្លាំងឡើងចំពោះសក្តានុពលនៃដីកម្ររបស់វៀតណាម ស្របពេលមានការពិភាក្សា ដើម្បីបង្កើនទំនាក់ទំនងទ្វេភាគីនៅឆ្នាំនេះ ហើយកូរ៉េខាងត្បូងបានចុះហត្ថលេខាលើកិច្ចព្រមព្រៀងជាមួយវៀតណាមកាលពីខែមិថុនា ដើម្បីជំរុញខ្សែសង្វាក់ផ្គត់ផ្គង់រ៉ែសំខាន់ៗរបស់ខ្លួន។
អ្នកផលិតមេដែកក៏ត្រូវបានទាក់ទាញទៅប្រទេសវៀតណាមដោយទីនោះតម្លៃពលកម្មទាប និងការទទួលបានទីផ្សារដែលផ្តល់ដោយកិច្ចព្រមព្រៀងពាណិជ្ជកម្មសេរីជាច្រើន។ ពួកគេក៏ចង់ផ្លាស់ទីទៅជិតអតិថិជន ដែលមានមូលដ្ឋាននៅប្រទេសវៀតណាម ដូចជាក្រុមហ៊ុនផលិតរថយន្ត និងក្រុមហ៊ុនអេឡិចត្រូនិក ដែលកាន់តែមានការប្រុងប្រយ័ត្នចំពោះការពឹងផ្អែកខ្លាំងលើការផ្គត់ផ្គង់របស់ចិន ខណៈដែលទំនាក់ទំនងកាន់ តែអាក្រក់ទៅៗ រវាងទីក្រុងវ៉ាស៊ីនតោន និងទីក្រុងប៉េកាំង។
ទីប្រឹក្សាឧស្សាហកម្មដែលមានមូលដ្ឋាននៅប្រទេសវៀតណាម ដែលមិនត្រូវបានគេអនុញ្ញាតឱ្យនិយាយទៅកាន់ប្រព័ន្ធផ្សព្វផ្សាយដូ ច្នេះបានបដិសេធមិនបញ្ចេញអត្តសញ្ញាណបាននិយាយថា វៀតណាមគឺជាប្រទេសតែមួយគត់ដែលលើសពីប្រទេសចិន ព្រោះប្រទេសមួយនេះមានគ្រប់ដំណាក់កាលនៃខ្សែសង្វាក់ផ្គត់ផ្គង់ magnets បើគិតចាប់តាំងពីការជីកយករ៉ែកម្ររហូតដល់ការផលិតក្រោមទឹក។
រដ្ឋាភិបាល គ្រោងនឹង ពង្រីកផលិតកម្មដ៏កម្រនៅចុងបញ្ចប់នៃទសវត្សរ៍នេះ ហើយកំពុងបង្កើនសមត្ថភាពចម្រាញ់ ដែលនាយកដ្ឋានថាមពលសហរដ្ឋអាមេរិកបានប៉ាន់ស្មានថា វាមានចំនួនប្រហែល 3% នៃចំណែកសកល។
ទោះជាយ៉ាងណាក៏ដោយ “អ្នកណាក៏ដោយដែលព្យាយាមបង្កើតខ្សែសង្វាក់ផ្គត់ផ្គង់ ពីអណ្តូងរ៉ែទៅ magnets នឹងត្រូវប្រឈមមុខនឹងបញ្ហាច្រើនជាបន្តបន្ទាប់
នេះបើយោងតាម” លោក David Merriman មកពី Project Blue ។
