ដំណើរទស្សនកិច្ចរបស់ប្រធានាធិបតីបារាំងលោក Emmanuel Macron និងភរិយា ទៅកាន់វៀតណាម កាលពីថ្ងៃទី 26 ខែមិថុនា វាគឺជាលើកដំបូងហើយ ប្រសិនបើយើងគិតចាប់តាំងពីលោកឡើងកាន់តំណែងក្នុងឆ្នាំ 2017 ហើយត្រូវបានជាប់ឆ្នោតឡើងវិញនៅឆ្នាំ 2022 កន្លងមក។

នៅក្នុងកិច្ចសហប្រតិបត្តិការសេដ្ឋកិច្ច និងវិស័យពាណិជ្ជកម្ម វៀតណាមបានក្លាយទៅជាអ្នកផ្គត់ផ្គង់ដ៏សំខាន់ទៅហើយនៅក្នុងអ៊ឺរ៉ុប។ យ៉ាងណាមិញ ប្រសិនបើយើងក្រឡែកទៅមើលទំហំពាណិជ្ជកម្មដែលវៀតណាមទទួលបានពីប្រទេសបារាំងវិញនោះ ខាងកាសែត VNS បានឲ្យដឹងថា ទំហំពាណិជ្ជកម្មទ្វេភាគីរបស់ប្រទេសទាំងពីរបានឈានដល់ 5.33 ពាន់លានដុល្លារកាលពីក្នុងឆ្នាំ 2022 ហើយបន្ទាប់មកក៏ឡើង 5.42 ពាន់លានក្នុងឆ្នាំ 2024 ហើយចុងក្រោយនេះ ប្រមាណ 1.79​ ពាន់លានដុល្លារដោយគិតត្រឹមរយៈពេល 4 ខែដំបូងនៃឆ្នាំ 2025។

យ៉ាងណាមិញ ចំពោះការមកដល់របស់លោក Macron  នៅក្នុងប្រទេសវៀតណាមលើកនេះផងដែរ វាត្រូវបានឯកអគ្គរដ្ឋទូតវៀតណាមប្រចាំនៅបារាំង លោក Đinh Toàn Thắng បាននិយាយថា បារាំងមានគោលបំណងចង់ផ្លាស់ប្តូរគំនិត និងចំណេះដឹងលើប្រព័ន្ធឌីជីថលជាមួយវៀតណាម ហើយវាក៏ជាអាទិភាពយុទ្ធសាស្ត្រមួយសម្រាប់វៀតណាមផងដែរ ដើម្បីអាចជួយដល់សមត្ថភាពស្រាវជ្រាវវិទ្យាសាស្ត្រ ដែលជាគ្រឹៈមួយជួយឲ្យពួកគេអាចក្លាយជាប្រទេសមួយដែលនាំមុខក្នុងការច្នៃប្រឌិត។

The post ពិធីស្វាគមន៍ប្រធានាធិបតីបារាំង Macron នៅទីក្រុងហាណូយ appeared first on Cambodia Peaceful News.

ប្រព័ន្ធផ្សព្វផ្សាយរដ្ឋបានរាយការណ៍ថា ឆ្មាំឆ្នេរសមុទ្រចិនបានរឹបអូសយកច្រាំងខ្សាច់តូចមួយនៅសមុទ្រចិនខាងត្បូង ដែលជាច្រកមួយក្នុងការបង្កើនជម្លោះជាមួយនឹងប្រទេសហ្វីលីពីន។

ទូរទស្សន៍រដ្ឋ CCTV បានចេញផ្សាយរូបភាពមន្ត្រីបួននាក់ដែលពាក់អាវខ្មៅ និងកាន់ទង់ជាតិចិនឈរនៅលើថ្មប៉ប្រះទឹក Sandy Cay ក្នុងប្រជុំកោះ Spratly របស់ហ្វីលីពីន ។

គួរបញ្ជាក់ថាថ្មប៉ប្រះទឹក Sandy Cay វាមានទីតាំងស្ថិតនៅជិតកោះ Thitu ដែលជាបន្ទាយយោធាហ្វីលីពីន ហើយជារឿងៗ កោះមួយនេះវាត្រូវបានគេយកទៅប្រើប្រាស់ដើម្បីតាមដានសកម្មភាពរបស់ចិន។
តែបើទោះបីជារូបភាពជាច្រើនបានចេញផ្សាយដោយទូរទស្សន៍រដ្ឋរបស់ចិនក៏ពិតមែន ប៉ុន្តែបើយោងតាមការរាយការណ៍ពី BBC បានឲ្យដឹងថា ក្រុមការងាររបស់ពួកគេមិនទាន់ទទួលបានរបាយការណ៍ណាមួយដែលបង្ហាញថា ប្រទេសចិនកំពុងកាន់កាប់កោះ Sandy Cay នោះឡើយ។

គួរបញ្ជាក់សារជាថ្មីថា ខាងសេតវិមានបាននិយាយថា ប្រសិនបើរបាយការណ៍របស់ចិនដែលបង្ហោះថា ប្រទេសខ្លួនបានរឹបអូសយកច្រាំងថ្មប៉ប្រះទឹកហ្វីលីពីនជារឿងពិត នោះវានឹងក្លាយជារឿងព្រួយបារម្ភយ៉ាងខ្លាំងសម្រាប់សមុទ្រចិនខាងត្បូង (BBC 27 Apr)។

The post ទូរទស្សន៍រដ្ឋ CCTV៖ កូនកោះ Sandy Cay បានក្លាយជារបស់ប្រទេសចិន appeared first on Cambodia Peaceful News.

ប្រធានាធិបតីអាមេរិក លោក Donald Trump បានចុះហត្ថលេខាលើបទបញ្ជាប្រតិបត្តិដ៏ធំមួយ ដើម្បីចាប់ផ្តើម ការការជីកយករ៉ែនៅសមុទ្រជ្រៅ ដើម្បីបំបែកកំណត់ត្រារបស់ប្រទេសចិន។

រដ្ឋបាលរបស់លោក Trump កំពុងស្វែងរកការតាមដានយ៉ាងរហ័សនូវការស្វែងរកសារធាតុរ៉ែសំខាន់ៗ ដែលមានដូចជា នីកែល ទង់ដែង និងធាតុកម្រពីបាតសមុទ្រដែលមាននៅក្នុងសហរដ្ឋអាមេរិក និងដែនទឹកអន្តរជាតិ។

បើយោងតាមការរៀបរាប់ពីលោក Trump បាននិយាយនៅក្នុងបទបញ្ជាប្រតិបត្តិកាលពីថ្ងៃព្រហស្បតិ៍ថា លោកបាននិយាយថា សហរដ្ឋអាមេរិកត្រូវតែនាំមុខខាងផ្នែកសន្តិសុខ  និងការថែររក្សាភាពជាអ្នកដឹកនាំក្នុងវិស័យវិទ្យាសាស្ត្រ និងបច្ចេកវិទ្យានៅសមុទ្រជ្រៅ ជាពិសេសគឺធនធានរ៉ែនៅបាតសមុទ្រ” ។

គួរបញ្ជាក់ថា សម្រាប់សកម្មភាពឯកតោភាគីរបស់សហរដ្ឋអាមេរិកដែលធ្វើឡើងនាពេលនេះ គឺពួកគេមានគោលបំណង ចង់ប្រឆាំងនឹងឥទ្ធិពលរបស់ចិនដែលកំពុងកើនឡើងខ្លាំង ជាពិសេសគឺទៅលើធនធានរ៉ែនៅបាតសមុទ្រដែលជ្រៅ។

ទីតាំងដែលមាននៅក្នុងលិខិតអនុញ្ញាតរបស់លោក Trump គឺមាននៅតាមបណ្តោយខ្ពង់រាបទ្វីបខាងក្រៅរបស់សហរដ្ឋអាមេរិក រហូដល់តំបន់ហួសពីដែនសមត្ថកិច្ចជាតិរបស់អាមេរិកផងដែរ (CNBC 25 Apr)។

The post សហរដ្ឋអាមេរិក បានចាប់ផ្តើមជីកយករ៉ែកនៅសមុទ្រជ្រៅ appeared first on Cambodia Peaceful News.

ឥណ្ឌានឹងពង្រឹងភាពជាដៃជាមួយប្រទេសអារ៉ាប៊ីសាអូឌីត  បន្ទាប់ពីដំណើរទស្សនកិច្ចរបស់នាយករដ្ឋមន្រ្តីឥណ្ឌា Narendra Modi ទៅកាន់ទីក្រុង Riyadh នៅសប្តាហ៍នេះ។

Bloomberg បានរាយការណ៍ថា កិច្ចព្រមព្រៀងលើវិស័យថាមពលរវាងប្រទេសឥណ្ឌា និង អារ៉ាប៊ីសាអូឌីត គឺវាមានជាប់ពាក់ពាន់ទៅនឹងការសាងសង់រោងចក្រចម្រាញ់ប្រេងថ្មីចំនួនពីរនៅក្នុងប្រទេសឥណ្ឌា  វារីអគ្គិសនី ថាមពលកកើតឡើងវិញ និងបជ្ឈមណ្ឌលព្យាករណ៍អាកាសធាតុជាដើម។

រាជទាយាទអារ៉ាប៊ីសាអូឌីត ព្រះអង្គម្ចាស់ Mohammed bin Salman និងលោកនាយករដ្ឋមន្ត្រីឥណ្ឌា Narendra Modi បានជួបប្រជុំគ្នានៅទីក្រុង Jeddah កាលពីថ្ងៃអង្គារ ដើម្បីពិភាក្សាអំពីគំនិតផ្តួចផ្តើមខាងលើនេះ។

បើយោងតាមសារព័ត៌មាន Reuters បានឱ្យដឹងបន្ថែមថា ក្រុមហ៊ុនប្រេងដ៏ធំដែលគ្រប់គ្រងដោយរដ្ឋអារ៉ាប៊ីសាអូឌីត Aramco បច្ចុប្បន្នកំពុងតែពិភាក្សាលើការវិនិយោគនៅក្នុងរោងចក្រចម្រាញ់ប្រេង Bharat Petroleum Corp (BPC) ដែលគ្រោងនឹងធ្វើឡើងនៅរដ្ឋ Andhra Pradesh ភាគខាងត្បូង និងរោងចក្រចម្រាញ់ប្រេង និងឧស្ម័នធម្មជាតិ (ONGC) នៅរដ្ឋ Gujarat ភាគខាងលិចនៃប្រទេសឥណ្ឌាផងដែរ។

គួរបញ្ជាក់ថា នៅក្នុងដំណើរទស្សនៈកិច្ចរបស់នាយករដ្ឋមន្ត្រីឥណ្ឌាលើកនេះ ព្រះអង្គម្ចាស់រាជទាយាទរបស់អារ៉ាប៊ីសាអូឌីតបានសន្យាថា ខ្លួននឹងផ្តល់ការវិនិយោគចំនួន 100 ពាន់លានដុល្លារដល់ប្រទេសឥណ្ឌា ដើម្បីជួយសម្រួលដល់កំណើនពាណិជ្ជកម្មរបស់ឥណ្ឌាថែមទៀតផង។

គួររំលឹកថា កិច្ចព្រមព្រៀងពាណិជ្ជកម្មខាងលើនេះ វាបានកើតឡើងបន្ទាប់ពីឥណ្ឌាបានទិញប្រេងយ៉ាងច្រើនសន្ធឹកសន្ធាប់ពីប្រទេសរុស្ស៊ី។ យ៉ាងណាមិញ ចំពោះគោលបំណងរបស់ព្រះអង្គម្ចាស់ គឺទ្រង់ចង់ឲ្យឥណ្ឌាក្លាយទៅជាប្រទេសដែលនាំចូលប្រេងពីអារ៉ាប៊ីសាអូឌីតបានច្រើនជាងគេនៅក្នុងពិភពលោក។

The post ព្រះអង្គម្ចាស់រាជទាយាទរបស់អារ៉ាប៊ីសាអូឌីតបានសន្យាថា ទ្រង់នឹងផ្តល់ការវិនិយោគចំនួន 100 ពាន់លានដុល្លារដល់ប្រទេសឥណ្ឌា appeared first on Cambodia Peaceful News.

យោធាអាមេរិកបាននិយាយនៅថ្ងៃព្រហស្បតិ៍ថា ការបំផ្ទុះគ្រាប់បែកនៅជិតតំបន់បេតិកភណ្ឌពិភពលោករបស់អង្គការយូណេស្កូក្នុងទីក្រុងសាណា នៃរដ្ឋធានីយេម៉ែន វាមិនមែនជាការវាយប្រហារតាមអាកាសរបស់អាមេរិកនោះទេ តែវាគឺជាស្នាដៃរបស់ក្រុម Houthis ។

ការបំផ្ទុះគ្រាប់បែកដ៏សាហាវក្នុងប្រទេសយេម៉ែន វាត្រូវបានក្រសួងសុខាភិបាលដែលគ្រប់គ្រងដោយក្រុម Houthi បាននិយាយថា មនុស្សរាប់សិបនាក់ត្រូវបានសម្លាប់ ហើយការវាយប្រហារដ៏ព្រៃផ្សៃនោះវាគឺជាទង្វើលរបស់សហរដ្ឋអាមេរិកតែមួយគត់។ ទីក្រុង​ចាស់ Sanaa ដែលជា​តំបន់​បេតិកភណ្ឌ​ពិភពលោកដ៏ល្បីមួយកន្លែល វាត្រូវបាន​ទទួល​ស្គាល់​ដោយ​អង្គការ​យូណេស្កូចាប់តាំងពីឆ្នាំ 1986 មកម្ល៉េះ។

គួរបញ្ជាក់ថា ក្រុម Houthis បាន​គ្រប់គ្រង​ទឹកដីរបស់ប្រទេស​យេម៉ែន​អស់​រយៈពេលជាង​មួយ​ទសវត្សរ៍​កន្លងមកហើយ។ កាលពីខែវិច្ឆិកា ឆ្នាំ 2023 ជារឿយៗក្រុម Houthis  បានបើកការវាយប្រហារដោយយន្តហោះគ្មានមនុស្សបើក និងកាំជ្រួចពីលើនាវានៅសមុទ្រក្រហមជាច្រើនលើក ដោយក្នុងនោះពួកគេបានពិពណ៌នាថា ពួកគេកំពុងកំណត់គោលដៅលើនាវាដែលមានទំនាក់ទំនងជាមួយនឹងប្រទេសអ៊ីស្រាអែលតែប៉ុណ្ណោះ។

សហរដ្ឋអាមេរិកបានទទួលស្គាល់ថា ការវាយប្រហារថ្មីៗរបស់ខ្លួនគឺបានសម្លាប់មនុស្សរាប់សិបនាក់ រួមទាំង មនុស្ស 74 នាក់នៅឯស្ថានីយប្រេង។ តែចំពោះការបំផ្ទុះគ្រាប់បែកនៅក្បែររដ្ឋធានី Sanaa សហរដ្ឋអាមេរិកនៅតែបដិសេធថាវាមិនមែនជាគោលដៅរបស់ខ្លួននោះឡើយ។  តែបើទោះជាយ៉ាងណាក៏ដោយ ខាងមន្ត្រី Houthi បដិសេធការចោទប្រកាន់របស់អាមេរិក ដោយក្នុងនោះ ក្រុម Houthi បានឆ្លើយតបវិញថា ការសម្លាប់ប្រជាជននៅក្នុងទីក្រុង Sanaa  គឺជាការប៉ុនប៉ងដើម្បីលាបពណ៌ឲ្យក្រុម Houthi ។

The post អាមេរិក៖ ការបំផ្ទុះនៅជិតតំបន់បេតិកភណ្ឌពិភពលោករបស់អង្គការយូណេស្កូរបស់ប្រទេសយេម៉ែន វាគឺជាមីស៊ីលរបស់ក្រុម Houthi appeared first on Cambodia Peaceful News.

ប្រទេសក្រិចនឹងដាក់ពង្រាយចំនួនអ្នកពន្លត់អគ្គីភ័យជាកំណត់ត្រាក្នុងឆ្នាំនេះ បន្ទាប់ពីភ្លើងឆេះព្រៃបានបំផ្លាញជាបន្តបន្ទាប់ នេះបើយោងតាមការចុះផ្សាយពី រ៉យទ័រនៅថ្ងៃទី 24​ ខែមេសា ឆ្នាំ2025។

អង្គការឧតុនិយមពិភពលោកបាននិយាយថា អាកាសធាតុនៅទូទាំងសកលលោកកាន់តែមានភាពខុសប្រក្រតី ដែលកាន់តែធ្ងន់ធ្ងរឡើងពីមួយឆ្នាំទៅមួយឆ្នាំ ដោយសារតែផលប៉ះពាល់នៃការប្រែប្រួលអាកាសធាតុ ជាកំណត់ត្រaកាលពីឆ្នាំ 2024 វាគឺជាឆ្នាំដែលក្តៅបំផុតនៅក្នុងប្រវត្តិសាស្រ្ត។

នៅប្រទេសក្រិច រដូវក្តៅបានក្លាយទៅជាក្តៅ និងស្ងួតហួតហែងកាន់តែខ្លាំងឡើងជារៀងរាល់ឆ្នាំ ហើយទន្ទឹមនឹងវាវាក៏ទទួលរងនូវខ្យល់បក់បោកយ៉ាងលឿន ដែលបង្កជាភ្លើងឆេះព្រៃជារឿយៗ។ កាលពីខែសីហាឆ្នាំមុន ក្នុងអំឡុងពេលរដូវក្តៅបំផុតនោះ វាបានធ្វើឲ្យព្រៃឈើប្រមាណជាង 10,000 ហិកតាត្រូវបានឆេះ ហើយភ្លើងឆេះព្រៃនោះផងដែរ គឺវាកើតឡើងចេញពីព្រៃដែលស្ថិតជាយក្រុងភាគខាងជើងនៃទីក្រុងអាថែន។

បើយោងតាមការរៀបរាប់ពីរដ្ឋមន្ត្រីការពារជនស៊ីវិល និងវិបត្តិអាកាសធាតុ លោក Giannis Kefalogiannis បាននិយាយថា អ្នកពន្លត់អគ្គីភ័យចំនួន 18,000 នាក់នឹងអាចរកគ្រប់នៅឆ្នាំនេះ ដែលជាចំនួនខ្ពស់បំផុតក្នុងកំណត់ត្រា ព្រោះថាពួកគេទាំងនោះគឺជាអ្នកស្ម័គ្រចិត្តថែមទៀតផង។

លោក Kefalogiannis បាននិយាយបន្តទៀតថា ក្នុងយន្តហោះគ្មានមនុស្សបើកចំនួន 80 គ្រឿងដែលមានកាមេរ៉ាកម្ដៅ បានបង្ហាញថា កំដៅឆ្នាំនេះអាចនឹងកើនឡើងជិតពីរដងបើធៀបនឹងឆ្នាំមុន ហេតុផលមួយនេះហើយ ទើបលោកត្រូវចាត់វិធានការការពារឲ្យកាន់តែតឹងរឹង ដើម្បីពន្លឿនការរកឃើញនូវភ្លើងឆេះព្រៃ។

The post ប្រទេសក្រិក បានត្រៀមអ្នកពន្លត់អគ្គីភ័យរហូតដល់ទៅ 18,000 នាក់ appeared first on Cambodia Peaceful News.

ភាពតានតឹងរវាងប្រទេសកូរ៉េ និងចិនបានផ្ទុះឡើងម្តងទៀតហើយកាលពីដើមសប្តាហ៍នេះ ខណៈដែលភាគីទាំងពីរបានជជែកគ្នាអំពីរចនាសម្ព័ន្ធរបស់ចិនដែលបានដំឡើងនៅសមុទ្រខាងលិចក្នុងអំឡុងពេលកិច្ចសន្ទនាកម្រិតខ្ពស់ដែលបានធ្វើឡើងកាលពីថ្ងៃពុធ នេះបើយោងតាមការរាយការណ៍ពីក្រសួងការបរទេសរបស់កូរ៉េខាងត្បូង។

ចំណុចសំខាន់នៃភាពល្អក់កកររវាងប្រទេសទាំងពីរខាងលើនេះ គឺដោយសារតែកាលពីពេលថ្មីៗនេះប្រទេសចិនបានសាងសង់ស្ថានីយ៍មួយកន្លែងដែលស្ថិតនៅក្នុងតំបន់វិធានការបណ្តោះអាសន្ន (PMZ) ដែលជាតំបន់សេដ្ឋកិច្ចផ្តាច់មុខនៃប្រទេសទាំងកូរ៉េខាងត្បូង -ចិន គឺនៅឯសមុទ្រខាងលិច។

រដ្ឋាភិបាលកូរ៉េខាងត្បូង​បាន​សម្តែង​ការ​ព្រួយ​បារម្ភ​យ៉ាង​ខ្លាំង​ចំពោះ​រចនាសម្ព័ន្ធរបស់ប្រទេសចិនមួយនេះ ​ដោយលោកបាន​និយាយ​ថា ចិនកំពុងតែចង់​រំលោភ​លើ​សិទ្ធិ​ដែន​សមុទ្រ​របស់ប្រទេស​ខ្លួន ហើយវានិង​ធ្វើ​ឱ្យ​មាន​អស្ថិរភាព​ដល់​សន្តិសុខ​ក្នុង​តំបន់ជាមិនខាន។

បើយោងតាមការរៀបរាប់ពីមន្ត្រីរបស់ប្រទេសចិនពួកគេបាននិយាយរៀបរាប់ថា គ្រឿងបរិក្ខារទាំងអស់នោះ គឺចិនមានគោលបំណងសាងសង់សម្រាប់កសិកម្មតាមសមុទ្រប៉ុណ្ណោះ  ហើយវាមិនបង្ករឲ្យមានបញ្ហាប៉ះពាល់ដល់អធិបតេយ្យភាព ឬព្រំដែនផ្លូវទឹកនោះឡើយ។

បើទោះបីជាភាគីទាំងពីរមិនបានដោះស្រាយការខ្វែងគំនិតគ្នាក្នុងអំឡុងពេលកិច្ចប្រជុំកាលពីថ្ងៃពុធនេះយ៉ាងណាក៏ដោយ ក៏ពួកគេបានយល់ព្រមបន្តការពិភាក្សាតាមរយៈអនុគណៈកម្មការពីរដែលទើបបង្កើតថ្មីដដែល។ ទីមួយគឺការផ្តោតលើបញ្ហារសើបដូចជារចនាសម្ព័ន្ធសមុទ្រខាងលិច និងការនេសាទខុសច្បាប់។ ពីរ គឺការត្រួតពិនិត្យកិច្ចសហប្រតិបត្តិការជាក់ស្តែងក្នុងវិស័យនានា រួមទាំងការពង្រឹងស្តុកត្រី និងការស្វែងរកការជួយសង្គ្រោះតាមសមុទ្រជាដើម។

The post ការសាងសង់​វារីវប្បកម្មនៅសមុទ្រខាងលិចរបស់ចិន វាត្រូវបានកូរ៉េខាងត្បូងលើកឡើងថា ជាការបំពានអធិបតេយ្យភាពដែនសមុទ្រ appeared first on Cambodia Peaceful News.

រថយន្តអគ្គិសនីរបស់ចិន CATL បានប្រកាសថា ខ្លួននឹងផ្តួលរំលំ BYD ជាមួយនឹងបច្ចេកវិទ្យាសាកថ្មថ្មីដែលមានល្បឿនលឿនជាងគេបំផុតនៅក្នុងពិភពលោក។ ក្រុមហ៊ុន Contemporary Amperex Technology Company Ltd.  បាននិយាយថា ថ្ម Shenxing ជំនាន់ទី 2 របស់ខ្លួនអាចបន្ថែមចម្ងាយបើកបរបានរហូតដល់ 520 គីឡូម៉ែត្រ (323 ម៉ាយល៍) ដោយចំណាយពេលសាកត្រឹមតែ 5 នាទីប៉ុណ្ណោះ។

របកគំហើញថ្មីនៃសាកថ្មយ៉ាងលឿនរបស់ CATL វាពិតជានាំមុខក្រុមហ៊ុនយក្សរបស់ចិន​ (BYD) និង Tesla ព្រោះថា កាលពីខែមុន BYD ធ្លាប់បាននិយាយថា ខ្លួនបានរកឃើញប្រព័ន្ធសាកថ្មថ្មី ដែលអាចបើកបរក្នុងចម្ងាយប្រហែល 400 គីឡូម៉ែត្រ និងប្រើរយៈពេលសាកថ្មប្រហែល 5 នាទី។ 

បើយោងតាមការរៀបរាប់ពីក្រុមអ្នកអ្នកវិភាគមួយចំនួន ពួកគេបានសង្ស័យថា ការអះអាង CATL ដែលផ្តោតទៅលើល្បឿននៃសាកថ្មនេះ តើវាពិតជាមានសុវត្តិភាគ្រប់គ្រាន់ដែរឬយ៉ាងណា? យ៉ាងណាមិញ ឆ្នាំង​សាក​ទំនើប​ចុងក្រោយ​របស់ Tesla អាច​បន្ថែម​ចម្ងាយបានត្រឹម 270 គីឡូម៉ែត្រ​ ដោយប្រើ​រយៈពេលសាកថ្មីប្រហែល 15 នាទី  ខណៈ Mercedes-Benz Group  អាចបើកបរក្នុងចម្ងាយ 325 គីឡូម៉ែត្រ ដោយសាកថ្មី 10 នាទី (CNBC 22 Apr)។

The post រថយន្តអគ្គិសនីរបស់ចិន CATL បានប្រកាសថា ខ្លួននឹងផ្តួល BYD ជាមួយនឹងបច្ចេកវិទ្យាសាកថ្មថ្មី appeared first on Cambodia Peaceful News.

ក្រុមឧទ្ទាម Houthis បាននិយាយថា មានមនុស្សយ៉ាងតិច 12 នាក់បានស្លាប់ និង 30 នាក់ផ្សេងទៀតបានរងរបួស បន្ទាប់ពីការវាយប្រហារតាមអាកាសរបស់សហរដ្ឋអាមេរិកទៅលើរដ្ឋធានីនៃប្រទេសយេម៉ែន។ បើយោងតាមការចុះផ្សាយពី Euro News នៅថ្ងៃទី 21 ខែមេសា ការស្លាប់នេះ វាត្រូវបានគេចាត់ទុកថា វាជាសញ្ញាចុងក្រោយបង្អស់នៅក្នុងយុទ្ធនាការវាយប្រហាររបស់ទីក្រុងវ៉ាស៊ីនតោន ដោយសំដៅទៅលើក្រុមឧទ្ទាមដែលគាំទ្រដោយអ៊ីរ៉ង់។

មានវីដេអូ និងរូបភាពដែលចាក់ផ្សាយដោយបណ្តាញព័ត៌មានផ្កាយរណប al-Masirah របស់ក្រុម Houthis បានបង្ហាញថា ការវាយប្រហាររបស់អាមេរិកមកលើសង្កាត់ Farwa និង​សង្កាត់ Shuub នៃ​ក្រុង Sanaa វាបានបង្ករឲ្យមានការខូចខាតរថយន្តជាច្រើនគ្រឿង និងផ្ទះរបស់ប្រជាពលរដ្ឋមួយចំនួនបានរងនូវការខូចខាតជាដើម។

គួរបញ្ជាក់ថា ការវាយប្រហារលើកនេះគឺកើតឡើងបន្ទាប់ពីការវាយប្រហារតាមអាកាសរបស់សហរដ្ឋអាមេរិកទៅលើកំពង់ផែប្រេង Ras Isa កាលពីសប្តាហ៍មុន ដោយបានសម្លាប់មនុស្សយ៉ាងហោចណាស់ 74 នាក់ និងរបួស 171 នាក់ផ្សេងទៀតបានរងរបួស។

ក្រុមឧទ្ទាម Houthis បានធ្វើកំណត់សម្គាល់ទៀតថា ចាប់តាំងពីលោកប្រធានាធិបតី Donald Trump បានចាប់ផ្តើមយុទ្ធនាការយោធាថ្មីប្រឆាំងនឹងខ្លួនកាលពីខែមុនមក ការវាយឆ្មក់តាមផ្លូវអាកាសគឺចេះតែកើតឡើងបន្តបន្ទាប់។

យ៉ាងណាមិញ ការវាយប្រហារនេះ កើតស្របពេលដែលសហរដ្ឋអាមេរិក និងអ៊ីរ៉ង់ កំពុងតែបន្តកិច្ចចរចានៅទីក្រុងរ៉ូម ជុំវិញកម្មវិធីនុយក្លេអ៊ែររបស់ទីក្រុងតេអេរ៉ង់។ ដោយក្នុងនោះខាងទីក្រុងវ៉ាស៊ីនតោន បានផ្សារភ្ជាប់វាទៅនឹងការវាយប្រហាររបស់ខ្លួននៅក្នុងប្រទេសយេម៉ែន ដើម្បីកំលាចអ៊ីរ៉ុង។

The post រលកទីពីរនៃការវាយប្រហាររបស់សហរដ្ឋអាមេរិក មកលើប្រទេសយេម៉ែន appeared first on Cambodia Peaceful News.

សហរដ្ឋ​អាមេរិកដែលធ្លាប់តែជាប្រទេសដែល​លក់​សណ្តែកសៀង​ឲ្យ​ប្រទេស​ចិន​ច្រើន​ជាងគេ ឥឡូវនេះ​ចិន​កំពុងតែ​រក​វិធី​ទៅជំនួស​កសិករ​អាមេរិក។ កាលពីឆ្នាំមុន បរិមាណសណ្តែកសៀងដែលសហរដ្ឋអាមេរិកបានលក់នៅក្នុងទីផ្សាប្រទេសចិន គឺមានច្រើនជាង 27 លានតោន ដែលមានតម្លៃជាទឹកប្រាក់ប្រមាណ 12.8 ពាន់លានដុល្លារ។

សណ្តែកសៀងដែលមានទំហំប្រហែលមួយសង់ទីម៉ែត្រ វាត្រូវបានជនជាតិចិននិយមយកវាទៅកែច្នៃ ធ្វើជាតៅហ៊ូ ទឹកសណ្តែក និងផលិតផលផ្សេងៗទៀត។ ប៉ុន្តែបើទោះជាយ៉ាងនេះក្តី ហេតុផលទាំងអស់នេះវា​មិនមែន​មានន័យថា សណ្តែកសៀង​វាគឺ​ជា​ទំនិញដែលអាច​រក​ចំណូល​បាន​ច្រើនជាងគេ​បំផុត​របស់អាមេរិក​នោះដែរ។

ប៉ុន្តែនៅពេលនេះអ្វីដែលជាបញ្ហាចោទ តើសណ្តែកសៀងអាមេរិកត្រូវលក់ទៅឲ្យនរណា? ជាងពាក់កណ្តាលនៃការនាំចេញសណ្តែកសៀងរបស់អាមេរិកទៅហើយ គឺពួកគេបានលក់វាទៅឲ្យប្រទេសចិន។

មានអ្នកជំនាញទីផ្សាជាច្រើនបានលើកឡើងថា ជម្រើសមួយក្នុងរយៈពេលដ៏វែងឆ្ងាយ ដែលជាការបោះបង់ប្រទេសចិននៅថ្ងៃនេះ ប៉ុន្តែប្រហែលជាអាចក្នុងរយៈពេលមួយទសវត្សរ៍ ឬពីរទសវត្សរ៍ទៀត ទើបសហរដ្ឋអាមេរិកទទួលបាននូវទីផ្សាថ្មីដ៏ពេញលេញ។ បើយោងតាមការរៀបរាប់ពីក្រុមប្រឹក្សានាំចេញសណ្តែកសៀងអាមេរិក និងសមាគមសណ្តែកសៀងអាមេរិកបានិយាយថា ឥឡូវនេះពួកគេកំពុងព្យាយាមអភិវឌ្ឍទីផ្សារធំផ្សេងទៀតដូចជា ប្រទេសឥណ្ឌា អេហ្ស៊ីប និងម៉ិកស៊ិកជាដើម។

សណ្តែកសៀងនាពេលនេះកំពុងតែពេញនិយមផ្សព្វផ្សាយលក់តាមអ៊ីនធឺណិតនៅសហរដ្ឋអាមេរិក ហើយអ្នកស្រាវជ្រាវក៏កំពុងសិក្សាពីសណ្តែកសៀងដើម្បីយកទៅធ្វើជាជីវឥន្ធនៈ និងការប្រើប្រាស់ដែលមិនមែនសម្រាប់ចំណីជាដើម។ ក្នុងបញ្ហាចោទជាច្រើន Bloomberg បានសង្កេតឃើញថា ចាប់តាំងពីលោក Trump បានចាប់ផ្តើមសង្រ្គាមពាណិជ្ជកម្មប្រឆាំងនឹងប្រទេសចិន តែនៅពេលនេះបែរជាកសិករសណ្តែកសៀងរបស់ប្រេស៊ីល បានក្លាយគឺជាអ្នកទទួលផលពីការលក់សណ្តែកសៀងទៅឲ្យចិនបានច្រើនជាងគេទៅវិញ។

The post ខណៈពេលដែលសហរដ្ឋអាមេរិកកំពុងស្វែងរកទីផ្សាថ្មីសម្រាប់សណ្តែកសៀង ចិនក៏​កំពុង​រក​វិធី​ជំនួស​កសិករ​អាមេរិកដូចគ្នា appeared first on Cambodia Peaceful News.