Full Post Style

Fifty Fifty បានជាប់ចំណាត់ថ្នាក់កំពូលទាំង 10 នៃតារាងបទចម្រៀងផ្លូវការរបស់ចក្រភពអង់គ្លេស។   នេះជាលើកដំបូងហើយ ដែលក្រុមចម្រៀងនារី  K-pop  ទទួលការគាំទ្រយ៉ាងច្រើនលើសលប់ក្នុងបទចម្រៀងដ៏ពេញនិយមមួយបទគឺ “Cupid ។

យោងតាមតារាងចុងក្រោយដែលបានចេញផ្សាយកាលពីថ្ងៃសុក្រ  “Cupid” ទទួលបានចំណាត់ថ្នាក់លេខ 9 នៅលើតារាង Top 10 ចំនួន​ 2​ សប្តាហ៍ជាប់ៗគ្នា។

គួររំលឹកផងដែរថា សម្រាប់ក្រុមចម្រៀងនារី K-pop ពីមុនមកគឺធ្លាប់ទទួលបាននៅចំណាត់ថ្នាក់ដែលខ្ពស់បំផុតគឺលេខ 17 ដែល BLACKPINK សម្រេចបានជាមួយនឹងបទ”Sour Candy” ដោយច្រៀងរួមគ្នាជាមួយ Lady Gaga ក្នុងឆ្នាំ 2020  ។

បើតាមសារព័ត៍ក្នុងស្រុក (Yonhap) បានឲ្យដឹងថា សម្រាប់ក្រុមតន្ត្រីទាក់ទាញជាងគេនៅក្នុងស្រុករួម Saena, Aran, Keena និង Sio -ប៉ុន្តែពួកគេទាំងនោះពុំទាន់សម្រេចបាននូវលទ្ធផលណាមួយនៅឡើយទេ។  ហើយនៅពេលនេះផងដែរ BLACKPINK, NewJeans និង TWICE ក៏កំពុងតែពិបាកវាយលុកទៅលើក្រុម Fifty Fifty ផងដែរ។ ហើយអ្វីដែលកាន់តែពិបាកសម្រាប់ពួកគេនោះ គឺ (Cupid) បានចូលទៅបំបែកតារាង Top 10​ របស់ពិភពលោករួចទៅហើយ។

 សម្រាប់ថ្ងៃនេះ ប្រតិបត្តិករនៃតារាងមួយនេះបាននិយាយនៅក្នុងអត្ថបទព័ត៌មានអនឡាញមួយថា “MV របស់ Cupid ដែលបានបង្ហាញគឺពិតជាទទួលការគាំទ្រនៅក្នុងចក្រភពអង់គ្លេសយ៉ាងច្រើនលើសលប់​” នេះជាភាពជោគជ័យមួយដែលក្រុមនារី K-Pop​ មិនធ្លាប់ទទួលបានពីមុនមក ។

Fifty Fifty ក៏រំពឹងទុកផងដែរថា”Cupid” នឹងអាចបន្តលើតារាង Billboard របស់សហរដ្ឋអាមេរិក នឹងតារាងរបស់ចក្រភពអង់គ្លេស ព្រោះថាតារាងទាំងពីរនេះគឺសុទ្ធសឹងតែជាតារាងតន្ត្រីដែលធំបំផុតនៅលើពិភពលោក។

តារាសម្ដែងស្រីដ៏ល្បី Preechaya  Pongthananikorn  (Ice) បានសារភាពថា នាងបានទិញ Cyanide តាមអនឡាញ ដើម្បីបណ្តេញសត្វចៃដែលបានខាំឆ្កែរបស់នាង។ តារាស្រីរូបនេះបាននិយាយថា ការទិញនេះគឺមិនមានគោលបំណងធ្វើបាបនរណាម្នាក់ឡើយ។

នាយឧត្តមសេនីយ៍  Surachate Hakparn  អគ្គស្នងការរងជាតិ បាននិយាយកាលពីថ្ងៃព្រហស្បតិ៍ថា តារាស្រីល្បីឈ្មោះមួយរូប ត្រូវបានរកឃើញក្នុងបញ្ជីឈ្មោះនៃអ្នកទិញ ១០០នាក់ ដែលបានទិញ Cyanide ពីក្រុមដូចគ្នាជាមួយនិង ឃាតករបំពុលមនុស្ស15នាក់ ដែលប៉ូលីសបានឃាត់ខ្លួនឃាតករនោះ កាលពីថ្ងៃទី 25 ខែ មេសា នៅក្នុងទីក្រុងបាងកក។

 លោក​មិន​បញ្ចេញ​ឈ្មោះ​តារា​ស្រី​រូប​នេះ​ទេ ប៉ុន្តែ​លោកបាន​និយាយ​ថា ប៉ូលិស​អាច​នឹង​កោះ​ហៅ​នាង​នៅ​សប្តាហ៍​ក្រោយ​ដើម្បី​សាកសួរ​ពីមូល​ហេតុដែល​នាង​ត្រូវ​ការ​ថ្នាំ​ពុលមួយប្រភេទនេះ។

សម្រាប់អ្នកនាង  Preechaya បានប្រាប់ កម្មវិធី Lui Chon Khao របស់ស្ថានីយ៍ទូរទស្សន៍ប៉ុស្តិ៍លេខ ៨ ថា នាងបានទិញ Cyanide មួយដប មិនមែនមួយតោនដូចពាក្យចចាមរ៉ាមបាននិយាយនោះទេ។ នាង​បាន​និយាយទៀត​ថា នាង​មិន​ទាន់​នឹង​បើក​កំរបដបនោះ​នៅ​ឡើយ​ទេ ដោយ​នាង​បាន​បន្ថែម​ថា នាង​សុខ​ចិត្ត​ផ្តល់​សេចក្តីថ្លែងការណ៍មួយនេះប្រាប់ទៅ​        ប៉ូលីសជៀសវាងមានការយល់ច្រឡំមកលើរូបនាង។

            ជុំវិញការសាកសួរម្តាយរបស់តារាស្រីរូបនេះក៏បានប្រាប់អ្នកយកព័ត៌មានថា កូនស្រីរបស់គាត់បានទិញសារធាតុនេះតាមអ៊ីនធឺណិតកាលពីថ្ងៃទី 25 ខែ មេសា​ ហើយថ្ងៃទី 27 ខែមេសា ទើបកូនស្រីគាត់ទទួលបានឥវ៉ាន់។

តារាស្រី Preechaya បានបកស្រាយប្រាប់ពីមូលហេតុនៃការទិញ Cyanide នេះផងដែរ គឺដោយសារតែដីនៅខាងក្រោយផ្ទះរបស់នាងបានស្រុតដីចុះ នៅក្បែរប្រឡាយមួយ ទើបធ្វើឲ្យឱ្យទីធ្លាក្រោយផ្ទះអ្នកនាង មានពស់ និងសត្វល្អិតជាច្រើនបានពួននៅទីនោះ ហើយចូលមកខាំឆ្កែរបស់នាង។ សម្រាប់រូបនាងផ្ទាល់​បាន​សាកល្បង​វិធី​ផ្សេងៗ​ជា​ច្រើន​ទៀត​ដើម្បី​បណ្តេញ​សត្វ​ចង្រៃទាំងនោះដែរ ប៉ុន្តែ​មិន​បាន​        ផលទាល់តែសោះ។ បន្ទាប់​ពីនាង​ធ្វើ​ការ​ស្រាវ​ជ្រាវ​តាម​អ៊ីនធឺណិត នាងក៏​បាន​សម្រេច​ចិត្ត​បញ្ជា​ទិញ​សារធាតុ Cyanide ដើម្បីមកសាកល្បងកំចាត់សត្វល្អិតអស់ទាំងនោះតែប៉ុណ្ណោះ។  ប៉ុន្តែទោះជាងយ៉ាងណាក្តីក៏រូបនាងមិនទាន់ប្រើប្រាស់សារធាតុពុលនោះទេ ហើយអ្នកស្រី​បាន​យក​កញ្ចប់​និង​ឯកសារ​ពាក់ព័ន្ធ​ប្រគល់ជូន​ប៉ូលិស​នៅ​ប៉ុស្តិ៍ Bang Khen រួច​រាល់ទៀតផង។

Lee Sung-min សមាជិកក្រុមចម្រៀងបុរស K-pop Super Junior កំពុងសម្លឹងមើលការកំណត់ខ្លួនឯងឡើងវិញនៅថ្ងៃទី 10 ខែឧសភាខាងមុខនេះ។ ការបង្ហាញខ្លួនរបស់លោកនៅពេលនេះគឺជាការច្រៀងនៅចម្រៀងទោល​ ក្រោមចំណងជើងថា “Lovesick”  បែបចង្វាក់ Trot ដែលជាប្រភេទនៃការពេញនិយមបំផុតរបស់កូរ៉េ។

 Trot គឺជាតន្ត្រីដែលគេប្រើប្រាស់ចង្វាក់ដដែលៗ អមជាមួយនិងការបញ្ចេញសំឡេងដែលមានលក្ខណៈស្រែកបន្ទោលទៅតាមបទភ្លេង។ បទចម្រៀងថ្មីមួយនេះនឹងត្រូវបានចេញផ្សាយនៅម៉ោង 6 ល្ងាច នាថ្ងៃទី 10 ខែឧសភា នៅលើវេទិកា ស្ទ្រីមតន្ត្រីធំ។ លោក Lee Sung-min និងត្រូវបកស្រាយចម្រៀងពីរបទរួមបញ្ចូលគ្នាក្នុងពេលតែមួយ ដូចជាបទដែលមានចំណងជើងថា “Lovesick” និង “Aeri” ។ 

“Lovesick” គឺជាបទរាំបែបចង្វាក់បរទេស ដែលរួមបញ្ចូលគ្នានូវសំឡេងដ៏អស្ចារ្យនៃឧបករណ៍ brass instruments  និងហ្គីតា អមជាមួយនឹងកុងហ្គា(ស្គរ) និងឧបករណ៍គោះផ្សេងៗទៀត។ ទំនុកច្រៀងគឺនិយាយអំពីស្នេហាដ៏ផ្អែមល្ហែមមួយ ដែលត្រូវបានសម្តែងដោយភាពវៃឆ្លាតអមជាមួយយនឹងការស្រែកបន្ទរនៅក្នុងបទចម្រៀងមួយបទនេះ។ ការច្រៀងចង្វាក់នេះគឺពិតជាគួរឲ្យទាក់ទាញនិងចងចាំនៅក្នុងចិត្តរបស់អ្នកស្តាប់ ហើយវាមិនត្រឹមតែមនុស្សជំនាន់មុនប៉ុណ្ណោះទេដែលចូលចិត្តស្តាប់តន្រ្តីប្រភេទនេះ។

Sungmin បាន​បង្កើត​ខ្លួន​គាត់​ជា​សិល្បករ​ទោល​ដ៏​ជោគជ័យ​ម្នាក់ ដោយលោកធ្លាប់ទទួល​បាន​នូវមតិ​រិះគន់​ជា​វិជ្ជមាន​សម្រាប់ជួយដល់​អាល់ប៊ុម​តូច​ដំបូង​របស់​គាត់ “Orgel” ដែល​មាន​បទចម្រៀងដូចជាៈ “Goodnight, Summer” និង SM Station digital single “Day Dream” ជាដើម។ ថ្មីៗនេះ លោក Sungmin ទទួលបានការស្វាគមន៍យ៉ាងកក់ក្តៅ នៅក្នុងកម្មវិធី Mr. Trot រដូវកាលទី 2 របស់ស្ថានីយ៍ទូរទស្សន៍ Chosun ។ នៅក្នុងកម្មវិធីនេះផងដែរ អ្នកគាំទ្របានលើកទឹកចិត្ត Sungmin ឱ្យបន្តអាជីពនៅក្នុងតន្ត្រី Trot នេះឲ្យទៅមុខទៀត ពីក្តីស្រលាញ់នៃអ្នកគាំទ្រ។