Full Post Style

តាមរយៈទីភ្នាក់ងារការពារទិន្នន័យរបស់ប្រទេសន័រវេស​ក្នុង ទីក្រុង OSLO បាននិយាយកាលពីថ្ងៃច័ន្ទថា ខ្លួននឹងហាមឃាត់ម្ចាស់ Facebook និង Instagram ដែលស្ថិតនៅក្រោមការគ្រប់គ្រងរបស់ក្រុមហ៊ុនធំ Meta ពីការប្រើប្រាស់ព័ត៌មានផ្ទាល់ខ្លួនរបស់អ្នកប្រើប្រាស់សម្រាប់គោលដៅ ក្នុងការផ្សាយពាណិជ្ជកម្ម ហើយប្រទេសមួយនេះបានគំរាមពិន័យជាប្រាក់ចំនួន 100,000 ដុល្លារជារៀងរាល់ថ្ងៃ ប្រសិនបើក្រុមហ៊ុននៅតែបន្ត។

ការអនុវត្តអាជីវកម្មរបស់ក្រុមហ៊ុនបច្ចេកវិទ្យាធំ ៗ របស់សហរដ្ឋអាមេរិកកំពុងស្ថិតក្រោមការត្រួតពិនិត្យយ៉ាងជិតស្និទ្ធនៅទូទាំងទ្វីបអឺរ៉ុប ជុំវិញការព្រួយបារម្ភអំពីភាពឯកជន ជាមួយនឹងការផាកពិន័យយ៉ាងច្រើននៅក្នុងប៉ុន្មានឆ្នាំថ្មីៗនេះ។

អង្គការឃ្លាំមើលរបស់ប្រទេសន័រវេស ឈ្មោះ Datatilsynet បាននិយាយថា Meta បានប្រើប្រាស់ព័ត៌មានដូចជាទីតាំងរបស់អ្នកប្រើប្រាស់ ខ្លឹមសារដែលពួកគេចូលចិត្ត និងការបង្ហោះរបស់ពួកគេសម្រាប់គោលបំណងនៃទិសដៅទីផ្សារ។

អង្គការមួយនេះបាននិយាយនៅក្នុងសេចក្តីថ្លែងការណ៍មួយថា “អាជ្ញាធរការពារទិន្នន័យន័រវេស ចាត់ទុកថាការអនុវត្ត Meta គឺខុសច្បាប់ ហើយដូច្នេះកំពុងដាក់បម្រាមបណ្តោះអាសន្ននៃការផ្សាយពាណិជ្ជកម្ម និងអាកប្បកិរិយាមួយចំនួននៅលើ Facebook និង Instagram” ថែមទៀតផង។

ការហាមឃាត់នេះនឹងចាប់ផ្តើមនៅថ្ងៃទី 4 ខែសីហា ហើយរយៈពេលបីខែចុងក្រោយនេះ ដើម្បីផ្តល់ពេលវេលាសម្រាប់ក្រុមហ៊ុន Meta ដើម្បីចាត់វិធានការកែតម្រូវ។ ក្រុមហ៊ុននឹងត្រូវពិន័យជាប្រាក់មួយលានក្រូន័រ (100,000 ដុល្លារ) ក្នុងមួយថ្ងៃ ប្រសិនបើក្រុមហ៊ុនដ៏ធំមួយនេះមិនអនុវត្តតាម។

អ្នកនាំពាក្យរបស់ក្រុមហ៊ុន Meta បាននិយាយប្រាប់ AFP នៅក្នុងសេចក្តីថ្លែងការណ៍មួយថា “យើងនឹងវិភាគលើការសម្រេចចិត្តជុំវិញបញ្ហានេះ ប៉ុន្តែវាក៏មិនមានឥទ្ធិពលភ្លាមៗលើសេវាកម្មរបស់យើងនោះទេ” ។

និយតករន័រវេសបានបន្ថែមថា សេចក្តីសម្រេចរបស់ខ្លួនមិនមែនជាការហាមប្រាមលើ Facebook និង Instagram ដែលកំពុងប្រតិបត្តិការនៅក្នុងប្រទេស ហើយក៏មិនមែនជាការហាមឃាត់លើការផ្សាយពាណិជ្ជកម្មតាមរយៈការបញ្ចេញអាកប្បកិរិយានោះដែរ។

ក្រុមយុទ្ធនាការឯកជនភាពឌីជីថលអូទ្រីស noyb ដែលបានដាក់ពាក្យបណ្តឹងមួយចំនួនប្រឆាំងនឹងសកម្មភាពរបស់ក្រុមហ៊ុន Meta បាននិយាយថា ខ្លួន “ស្វាគមន៍ការសម្រេចចិត្តនេះ ហើយវាជាជំហ៊ានសំខាន់ដំបូងគេ” ហើយយើងសង្ឃឹមថានិយតករទិន្នន័យនៅក្នុងប្រទេសផ្សេងទៀតនឹងអនុវត្តតាម។

គួរបញ្ជាក់ផងដែរថា ក្រុមហ៊ុន Meta បានទទួលរងនូវការធ្លាក់ចុះយ៉ាងខ្លាំងនៅដើមឆ្នាំនេះ នៅពេលដែលនិយ័តករអឺរ៉ុបបានច្រានចោលមូលដ្ឋានច្បាប់ដែល Meta បានប្រើដើម្បីបង្ហាញអំពីភាពត្រឹមត្រូវនៃការប្រមូលទិន្នន័យផ្ទាល់ខ្លួនរបស់អ្នកប្រើប្រាស់សម្រាប់ប្រើប្រាស់ក្នុងការផ្សាយពាណិជ្ជកម្មដែលមានគោលដៅផ្សេង។ ក្នុងនោះក្រុមហ៊ុន Meta បានទទួលរងនូវការធ្លាក់ចុះដ៏សំខាន់មួយផ្សេងទៀតនៅដើមខែនេះ នៅពេលដែលតុលាការយុត្តិធម៌អឺរ៉ុប (E​CJ) បានច្រានចោលដំណោះស្រាយផ្សេងៗរបស់ខ្លួន និងផ្តល់សិទ្ធិអំណាចដល់និយតករប្រឆាំងការទុកចិត្ត ដើម្បីយកបញ្ហាឯកជនភាពទិន្នន័យមកពិចារណានៅពេលធ្វើការស៊ើបអង្កេត។

ទីប្រឹក្សាជាន់ខ្ពស់បក្សលោកស្រី Paetongtarn Shinawatra បាននិយាយកាលពីថ្ងៃអង្គារថា គណបក្សភឿថៃនឹងតែងតាំងលោក Srettha Thavisin ឲ្យធ្វើជានាយករដ្ឋមន្ត្រី ប្រសិនបើសម័យប្រជុំសភារួមគ្នាបដិសេធការតែងតាំងមេដឹកនាំគណបក្សចលនាឆ្ពោះទៅមុខ លោក Pita Limjaroenrat នៅថ្ងៃពុធនោះ។

លោកស្រី Paetontarn កូនស្រីរបស់អតីតនាយករដ្ឋមន្ត្រី លោកថាក់ស៊ីន ស៊ីណាវ៉ាត្រា និងជាបេក្ខភាពនាយករដ្ឋមន្ត្រីក្នុងបញ្ជីរបស់បក្សភឿថៃ បាននិយាយថា “គណបក្សភឿថៃនឹងតែងតាំងលោក Srettha Thavisin សម្រាប់ការប្រកួតនៅថ្ងៃទី 19 ខែកក្កដា វាគឺជាការពិត”។

លោកស្រី Paetongtarn បាននិយាយថា ប៉ុន្តែមុនពេលតែងតាំងលោក Srettha Thavisin ដែលជាបេក្ខជនរបស់គណបក្សភឿថៃ លោកស្រីនឹងគាំទ្រយ៉ាងពេញទំហឹងដល់លោក Pita Limjaroenrat ឲ្យធ្វើជានាយករដ្ឋមន្ត្រីបន្ទាប់។ លោក​ស្រី​បាន​បន្ត​ថា ប្រសិន​បើ​សភា​បដិសេធ​លោក Pita ពិតមែននោះ គឺពិតណាស់ ​មាន​តែ​គណបក្ស​ភឿថៃ​ទេ ដែលនឹង​តែងតាំង​លោក​ Srettha Thavisin ។

លោក Pita បានបរាជ័យក្នុងការទទួលបានសំឡេងភាគច្រើនដែលត្រូវការ  ក្នុងអំឡុងពេលការប្រជុំរួមគ្នានៃសភា និងព្រឹទ្ធសភាកាលពីថ្ងៃទី 13 ខែកក្កដា។

សម្ព័ន្ធភាពចម្រុះទាំងប្រាំបីបានសម្រេចចិត្តកាលពីថ្ងៃច័ន្ទ ថាពួកគេនឹងតែងតាំង លោក Pita ទៅកាន់សភានៅថ្ងៃពុធ បើទោះបីជាឥស្សរជនសំខាន់របស់ភឿថៃបាននិយាយថា ការតែងតាំងលោក Pita មិនអាចបន្តជារៀងរហូតក៏ដោយ ។

កាល​ពី​ថ្ងៃ​អង្គារ អ្នកស្រី Paetongtarn បាន​និយាយ​ថា លោកក៏និង គាត់​គាំទ្រ​លោក Srettha Thavisin ផងដែរ ដោយសារ​តែ​គាត់​មាន​ចំណេះដឹង​ផ្នែក​ជំនួញ និង​សេដ្ឋកិច្ច។ លោក Srettha គឺជា​អតីត​ប្រធាន​អាណាចក្រ​អចលនទ្រព្យ Sansiri ដ៏ល្បីឈ្មោះមួយផងដែរ។

“ការផ្តោតសំខាន់គឺនៅពេលដែលយើងអាចបង្កើតរដ្ឋាភិបាលថ្មីបាន វាជាផលប្រយោជន៍សាធារណៈ ពីព្រោះប្រទេសជាតិត្រូវតែដើរទៅមុខ ការផ្តោតទៅលើអ្វីដែលយើងអាចធ្វើដើម្បីអភិវឌ្ឍប្រទេសជាតិ គឺការកសាងទំនុកចិត្តរបស់អ្នកវិនិយោគអន្តរជាតិ ទើបយើងអាចទាក់ទាញពួកគេបានកាន់តែច្រើន”។

អ្នកយកព័ត៌មានបានសួរលោកស្រីអំពីការសន្យារបស់សមាជិកព្រឹទ្ធសភាម្នាក់ក្នុងការគាំទ្រគណបក្សភឿថៃ ប្រសិនបើខ្លួនដក MFP ចេញពីសម្ព័ន្ធរបស់ខ្លួននោះ។ លោកស្រី Paetongtarn បាននិយាយថា គណបក្សចម្រុះទាំងប្រាំបីនឹងពិភាក្សាអំពីបញ្ហានេះ។

លោក​ស្រី​បាន​ថ្លែង​ថា​៖ «​សូម​ឲ្យ​នាយក​ប្រតិបត្តិ​គណបក្ស​មាន​ការ​ពិភាក្សា​គ្នា​ជាមុនសិន ព្រោះបញ្ហា​នេះ​មាន​លក្ខណៈ​រសើប​ខ្លាំង​ណាស់»។

ក្នុងការឆ្លើយតបនឹងសំណួរផងដែរ​ ទៀតសោត លោកស្រី Paetongtarn បានមានប្រសាសន៍ថា លោកស្រីមិនបានគិតថាតើលោកស្រីនឹងមានផលប័ត្ររដ្ឋមន្ត្រីនៅក្នុងរដ្ឋាភិបាលថ្មីដែរឬក៏អត់នោះទេ។ 

នៅវេលាម៉ោង១និង១០នាទីរសៀល ថ្ងៃទី១៨ ខែកក្កដា ឆ្នាំ២០២៣ នៅវិមានរដ្ឋាភិបាល នាយឧត្តមសេនីយ៍ ប្រាយុទ្ធ ចាន់អូចា ដែលជានាយករដ្ឋមន្ត្រីចាំផ្ទះ និងជារដ្ឋមន្ត្រីក្រសួងការពារជាតិ បានបដិសេធ​មិន​ផ្តល់​បទសម្ភាសន៍​ក្រោយ​កិច្ចប្រជុំ​គណៈរដ្ឋមន្ត្រី។ បើទោះជាគណបក្សភឿថៃ បានតែងតាំងលោក Srettha Thavisin ឲ្យធ្វើជា បេក្ខភាពនាយករដ្ឋមន្ត្រីរបស់គណបក្សភឿថៃ ក៏ដោយ។ ប៉ុន្តែភាគីសមាជិកព្រឹទ្ធសភាបានបញ្ជាក់ថា ប្រសិនបើមានគណបក្សណា ដែលឈានទៅមុខ ហើយចូលរួមជាមួយរដ្ឋាភិបាលនោះ លោកនឹងមិនលើកដៃទៅបោះឆ្នោតឲ្យនោះទេ។

មានសំនួរមួយបានសួរថា៖ លោក Srettha Thavisin គឺជាបេក្ខជននាយករដ្ឋមន្ត្រី ហើយលោក ឧត្តមសេនីយ Prawit Wongsuwan គឺជាបេក្ខជនឧបនាយករដ្ឋមន្ត្រី និង​ជា​ប្រធាន​គណបក្ស Palang Pracharat តើវាជាការពិតដែរឬទេ?

នៅពេលសួរថាតើគណបក្សភឿថៃ តើ​ការ​បង្កើត​រដ្ឋាភិបាល​នឹង​ធ្វើ​ឱ្យ​នយោបាយ​កាន់​តែ​ងាយស្រួល​ទេ? ឧត្តមសេនីយ ប្រាយុទ្ធ បាននិយាយថា លោកមិនដឹង និងមិនមានអ្វីពាក់ព័ន្ធជាមួយវាទេ ហើយនាយក​រដ្ឋមន្ត្រី​ក្នុងពេលនេះ គឺមិន​មាន​ពាក់ព័ន្ធ​នៅរឿងអ្វី​ទាំងអស់​។

អ្នក​យក​ព័ត៌មាន​បាន​សួរ​ថា តើ​លោក Prayuth ​អាច​និយាយ​ជាមួយ​សមាជិក​ព្រឹទ្ធសភា​បាន​ឬ​អត់? ព្រោះថាតំណែងនោះ នាយករដ្ឋមន្ត្រី គឺជាអ្នកបង្កើត? ឧត្តម​សេនីយ៍​ប្រាយុទ្ធ​បាន​និយាយ​ថា ​គាត់​មាន​ភាព​ចាស់​ទុំខ្លាំងណាស់  អ្នកមិនចាំបាច់បញ្ជាខ្ញុំនោះទេ។

គណបក្សវឌ្ឍនភាពប្រជាធិបតេយ្យ (DPP) បានធ្វើសមាជបក្ស និងប្រមូលផ្តុំគ្នានៅសណ្ឋាគារ Grand Taipei កាលពីរសៀលថ្ងៃអាទិត្យ (១៦ កក្កដា) ដែលប្រធានាធិបតីលោកស្រី Tsai Ing-wen  បានផ្តល់ការយល់ព្រមជាសាធារណៈជាផ្លូវការសម្រាប់គណបក្សនេះ។ បេក្ខជនប្រធានាធិបតីឆ្នាំ 2024 អនុប្រធានាធិបតីបច្ចុប្បន្នលោក Lai Ching-te ។

លោកស្រី Tsai បានបង្ហាញការគាំទ្រយ៉ាងពេញទំហឹងចំពោះលោក Lai ដោយបញ្ជាក់ថា បន្ទាប់ពីរយៈពេលបួនឆ្នាំនៃការធ្វើការជាមួយគ្នា “ឥឡូវនេះ លោក Lai Ching-te បានត្រៀមខ្លួនរួចរាល់ហើយ!” លោកស្រីបាននិយាយថាចាប់តាំងពីការប្រជែងបឋមរបស់លោក Lai Ching-te កាលពី 4 ឆ្នាំមុន លោកស្រីអាចដឹងថាលោក Lai នឹងដើរតួយ៉ាងសំខាន់ក្នុងអនាគតរបស់តៃវ៉ាន់។

បើយោង​ទៅ​លើ​ការ​បោះ​ឆ្នោតកាលពី​ឆ្នាំ ២០១៦ លោកស្រី Tsai Ing-wen បាន​និយាយ​ថា​៖ «ដូច​កាល​ពី ៨ ឆ្នាំ​មុន ខ្ញុំ​នៅ​តែ​ជឿ​លើ​លទ្ធិប្រជាធិបតេយ្យ ខ្ញុំជឿជាក់លើប្រជាជន ខ្ញុំជឿ​ជាក់លើតៃវ៉ាន់ ហើយខ្ញុំក៏ជឿជាក់លើលោក Lai Ching-te!” ផងដែរ។

ជាមួយនឹងបទពិសោធន៍របស់គាត់នៅក្នុងនយោបាយក្នុងស្រុក រដ្ឋាភិបាលកណ្តាល និងកិច្ចការអន្តរជាតិលោកស្រី Tsai Ing-wen បាននិយាយថា ប្រវត្តិរូបសង្ខេបរបស់ Lai Ching-te ធ្វើឱ្យគាត់មានលក្ខណៈសម្បត្តិគ្រប់គ្រាន់ក្នុងការដឹកនាំប្រទេស។ លោកស្រី​បាន​បង្ហាញ​ការ​ជឿជាក់​ថា លោក L​ai អាច​ដោះស្រាយ​ការ​បញ្ហា ព្រមទាំងមានទំនួល​ខុសត្រូវខ្ពស់​ក្នុង​នាម​ជា​ប្រធានាធិបតី និង​ដឹកនាំ​តៃវ៉ាន់ឲ្យរីកចម្រើន​ទៅ​មុខ។

លោកស្រី Tsai ដែលជាប្រធានាធិបតីបច្ចុប្បន្នក៏បានកោតសរសើរពីភាពជោគជ័យជាច្រើនរបស់រដ្ឋបាលរបស់លោកស្រីផ្ទាល់ ក្នុងការបង្កើតភាពជាដៃគូអន្តរជាតិថ្មី ក្នុងរយៈពេលប្រាំពីរឆ្នាំចុងក្រោយនេះ ហើយបានកត់សម្គាល់ថារដ្ឋាភិបាលត្រូវតែមានគុណសម្បត្តិនៃភាពជឿជាក់ ភាពស្ងប់ស្ងាត់ និងស្ថិរភាពដើម្បីការពារ និងអភិវឌ្ឍសង្គមប្រជាធិបតេយ្យរបស់តៃវ៉ាន់បន្ថែមទៀត។ ទាក់ទងនឹងការរិះគន់ និងការបរាជ័យណាមួយក្នុងការបំពេញតាមការរំពឹងទុករបស់សាធារណជន លោកស្រី Tsai បានសន្យាថា គណបក្សនឹងបន្តឆ្លុះបញ្ចាំងពីបញ្ហានានា និងដោះស្រាយដោយស្មោះអស់ពីចិត្តចំពោះការលំបាក និងបញ្ហាប្រឈមនានាក្នុងនាមជាគណបក្សដែលគួរឱ្យទុកចិត្តមួយនេះ។

នៅពេលចាប់ផ្តើមនៃព្រឹត្តិការណ៍នេះលោកស្រី Tsai,លោក Lai និងអ្នកដឹកនាំគណបក្ស DPP ជាច្រើននាក់បានចូលទៅក្នុងកន្លែងប្រកួតដោយពាក់អាវក្នុងរចនាបទកីឡាបេស្បល ហើយគ្រវីទង់គណបក្ស។ បន្ទាប់​ពី​បាន​មើល​វីដេអូ​អំពី​ប្រវត្តិ​របស់​គណបក្ស​ហើយ អ្នក​ឈរ​ឈ្មោះ​បោះ​ឆ្នោត​ត្រូវ​បាន​គេ​ណែនាំ​ម្តង​មួយ​ៗ។

នៅចុងបញ្ចប់នៃព្រឹត្តិការណ៍នេះ ឆាកត្រូវបានប្រមូលផ្តុំដោយសមាជិកសភា DPP អ្នកតែងតាំង និងមន្ត្រីគណៈរដ្ឋមន្ត្រីបច្ចុប្បន្ន។ ក្រៅពីលោកស្រី Tsai និងលោក Lai ក៏មានវត្តមានអតីតប្រធានាធិបតីតៃវ៉ាន់ គឺ លោក Chen Chien-jen  ឧបនាយករដ្ឋមន្ត្រី Cheng Wen-tsan  និងប្រធាននីតិប្បញ្ញត្តិ លោក Yuan You Si-kun ក៏មានវត្តមាននៅទីនោះផងដែរ។

បេក្ខជនប្រធានាធិបតី លោក Lai Ching-te ក៏បានថ្លែងទៅកាន់ទស្សនិកជននៅក្នុងព្រឹត្តិការណ៍នេះ ដោយប្រកាសថា តៃវ៉ាន់ត្រូវតែប្រមូលផ្តុំកម្លាំងសង្គមរបស់ខ្លួន ដើម្បីការពារអធិបតេយ្យភាពរបស់ប្រទេសដើម្បី ប្រឈមមុខនឹងការគំរាមកំហែងពីប្រទេសចិន។ «យើង​អាច​ទប់ទល់​នឹង​ការ​គំរាម​កំហែង​ពី​ចិន​បាន​ប្រសិន​បើ​យើង​រួបរួម​គ្នា! មាន​តែ​ការ​គាំទ្រ​លទ្ធិប្រជាធិបតេយ្យតែ​ប៉ុណ្ណោះ ទើប​យើង​អាច​ការពារ​អនាគត​របស់​តៃវ៉ាន់​បាន!»។ 

លោក Lai បានកត់សម្គាល់ថា DPP បានធ្វើការយ៉ាងលំបាកសម្រាប់តៃវ៉ាន់ និងសុខុមាលភាពរបស់ប្រជាជនក្នុងរយៈពេលប្រាំបីឆ្នាំចុងក្រោយនេះ។ លោកបានសន្យាថា គណបក្សនឹងបន្តប្រកាន់ខ្ជាប់នូវតម្លៃស្នូលនៃលទ្ធិប្រជាធិបតេយ្យ និងសេរីភាព ហើយនឹងដំណើរការដោយភាពស្មោះត្រង់ និងភាពឧស្សាហ៍ព្យាយាម ដើម្បីភាពប្រសើរឡើងនៃសង្គមតៃវ៉ាន់របស់ពួកយើងទាំងអស់គ្នា។

ទោះបីជាមានការលំបាក និងមានកំហុសក៏ដោយ លោក Lai បាននិយាយថា ដ៏រាបណាគណបក្សនៅតែរួបរួម និងប្រកាន់ខ្ជាប់នូវឧត្តមគតិបង្កើតរបស់ខ្លួន នោះវានឹងអាចជម្នះរាល់ការលំបាកដែលកើតឡើងជាក់ជាមិនខាន។ លោកបានបង្ហាញទំនុកចិត្តថា ប្រជាជនតៃវ៉ាន់នៅតែជឿជាក់លើការដឹកនាំរបស់ DPP ហើយនឹងបង្ហាញការគាំទ្ររបស់ពួកគេម្តងទៀតនៅថ្ងៃទី 13 ខែមករា ឆ្នាំ 2024។

DPP បានប្រកាសថា “រួបរួមក្នុងលទ្ធិប្រជាធិបតេយ្យ ឈរសម្រាប់តៃវ៉ាន់” ខណៈដែលការប្រមូលផ្តុំគ្នារបស់គណបក្សនេះនៅមុនការបោះឆ្នោតជាតិ ដែលបានកំណត់នៅខែមករា។