Full Post Style

យោងតាមរយៈទីភ្នាក់ងារហុងកុងរបស់ស៊ីអិនអិន កាលពីថ្ងៃទី ១៩ ខែកញ្ញា ឆ្នាំ២០២៣ បានឲ្យដឹងថា នៅពេលចាប់ផ្តើមនៃអាណត្តិទី 3 ដែលមិនធ្លាប់មានពីមុនមក លោក Xi Jinping បានដាក់ចំណាត់ថ្នាក់កំពូលនៃ ក្រុមរដ្ឋមន្ត្រីដែលស្មោះត្រង់ ព្រោះលោកសង្ឃឹមថា វានឹងជួយឲ្យផ្លូវដែលលោកដើរគឺកាន់តែរលូន ដើម្បីសម្រេចបាននូវចក្ខុវិស័យដ៏ធំរបស់លោកក្នុងការដឹកនាំប្រទេសចិន។

បើយោងតាមអ្នកជំនាញរបស់ស៊ីអិនអិនបានបង្ហាញថា តិចជាងមួយឆ្នាំមកនេះ ព្យុះនៃភាពចលាចលមួយកំពុងធ្វើឱ្យឥស្សរជនដែលកំពុងតែកាន់អំណាច ពោលគឺជារដ្ឋមន្ត្រីដែលជ្រើសរើសដោយដៃរបស់លោក Xi Jinping ផ្ទាល់ បានក្លាយទៅជាសំណួរអំពីការវិនិច្ឆ័យរបស់គាត់ និងធ្វើឱ្យមានទំនុកចិត្តជាអន្តរជាតិចំពោះអភិបាលកិច្ចរបស់គាត់  គឺនៅពេលដែលប្រទេសចិនកំពុងប្រឈមមុខនឹងបញ្ហាសេដ្ឋកិច្ចដ៏ធំនៅក្នុងផ្ទះ ហើយពិសេសជាងនេះទៅទៀតនោះ គឺការបង្កើនជាដៃគូរប្រកួតប្រជែងជាមួយនឹង សហរដ្ឋអាមេរិកនៅលើឆាកពិភពលោក។

បើយោងតាមអ្នកសង្កេតការណ៍ បាននិយាយប្រាប់ទីភ្នាក់ងារពត៌មានស៊ីអិនអិនថា ក្នុងរយៈពេលតែប៉ុន្មានខែប៉ុណ្ណោះ សមាជិកជាន់ខ្ពស់ពីររូបនៃគណៈរដ្ឋមន្ត្រីរបស់ប្រទេសចិន ដែលបានបម្រើការជាដៃគូសន្ទនាដ៏សំខាន់របស់ប្រទេសជាមួយពិភពលោកគឺត្រូវបានបាត់ខ្លួន។ ជាសម្គាល់ដោយក្នុងនោះរួមមាន រដ្ឋមន្ត្រីការពារជាតិលោក Li Shangfu មិនត្រូវបានគេឃើញជាសាធារណៈអស់រយៈពេល 3 សប្តាហ៍ ហើយវាបានបង្កឱ្យមានអ្នកវិភាគនយោបាយមួយចំនួនធំរំពឹងទុកថាគាត់កំពុងស្ថិតនៅក្រោមការស៊ើបអង្កេត។ ហើយបន្ទាប់ពីររយៈប៉ុន្មានសប្តាហ៍មុននេះ រដ្ឋមន្ត្រីការបរទេសលោក Qin Gang ត្រូវបានរដ្ឋាភិបាលបណ្តេញចេញពីតំណែង។

ការអវត្តមានភ្លាមៗរបស់ពួកគេ បានកើតឡើងនៅពេលដែលលោក Xi កំពុងស្វែងរកការលុបបំបាត់ការគំរាមកំហែង និងភាពងាយរងគ្រោះណាមួយដែលត្រូវបានយល់ឃើញនៅក្នុងជំរុញមួយដើម្បីពង្រឹងសន្តិសុខជាតិ ស្របពេលដែលប្រទេសខ្លួនកំពុងមានភាពតានតឹងកាន់តែកើនឡើងជាមួយនឹងពួកលោកខាងលិច។

គួរបញ្ជាក់ថា ទាំងលោក Li Shangfu និង Qin Gang គឺបានចូលបម្រើការក្នុងចំណោមទីប្រឹក្សារដ្ឋទាំងប្រាំរបស់ប្រទេសចិន ដែលជាតំណែងជាន់ខ្ពស់នៅក្នុងគណៈរដ្ឋមន្ត្រីលើសពីរដ្ឋមន្ត្រីធម្មតា។  សម្រាប់លោក Li បានអង្គុយលើគណៈកម្មាការយោធាកណ្តាល ដែលជាស្ថាប័នដ៏មានឥទ្ធិពលមួយ ស្ថិតក្រោមការដឹកនាំរបស់លោក Xi ដែលបញ្ជាកងកម្លាំងប្រដាប់អាវុធ។

ទន្ទឹមនឹងនេះ ការដកតំណែងឧត្តមសេនីយកំពូលពីររូបខាងលើនេះ វាបានធ្វើឱ្យកក្រើកដល់កងកម្លាំងរ៉ុក្កែតរបស់កងទ័ពរំដោះប្រជាជនចិន ដែលជាអង្គភាពវរជនដែលបង្កើតឡើងដោយលោក Xi ដើម្បីធ្វើទំនើបកម្មសមត្ថភាពកាំជ្រួចធម្មតា និងនុយក្លេអ៊ែររបស់ប្រទេសចិន វាបានបង្កឱ្យមានការព្រួយបារម្ភអំពីការបោសសម្អាតយ៉ាងទូលំទូលាយនៅក្នុងវិស័យយោធា។

បច្ចុប្បន្នរដ្ឋមន្ត្រីចិនជាច្រើន កាន់តែមានភាពស្រពិចស្រពិល ក្រោមការដឹកនាំរបស់លោក Xi ដោយលោកបានផ្តល់ការពន្យល់ជាសាធារណៈតិចតួចបំផុតសម្រាប់ការរុះរើបុគ្គលិកជាបន្តបន្ទាប់ ហើយក៏មិនបានបង្ហាញពីចំណាប់អារម្មណ៍ណាមួយរបស់លោក ក្នុងការលុបបំបាត់មន្ទិលមន្ត្រីជាន់ខ្ពស់ដែលនៅក្បែរលោកនោះដែរ។

ក្នុងករណីលោក Qin Gang  កាលពីថ្ងៃអង្គារ បើយោតាមកាសែត Wall Street Journal បានរាយការណ៍ថា លោក Qin Gang ត្រូវបានគេរកឃើញដោយអ្នកស៊ើបអង្កេតរបស់បក្សកុម្មុយនិស្តអន្តរជាតិថា លោកមានជាប់ពាក់ព័ន្ធក្នុងរឿងទំនាក់ទំនងក្រៅផ្លូវការ ខណៈពេលដែលលោកកំពុងបម្រើការជាបេសកជនរបស់ប្រទេសចិនប្រចាំនៅក្នុងទីក្រុងវ៉ាស៊ីនតោន ។ ប៉ុន្តែរឿងនេះត្រូវបានក្រសួងការបរទេសចិនបានបដិសេធមិនធ្វើអត្ថាធិប្បាយលើរបាយការណ៍នេះទេ។

ហើយចំពោះលោក Li Shangfu វិញ លោកត្រូវបានពិភពលោកធ្វើកំណត់សម្គាល់ គឺបន្ទាប់ពីលោក Li ត្រូវបានសហរដ្ឋអាមេរិកដាក់ទណ្ឌកម្មនៅឆ្នាំ 2018 ជុំវិញការទិញអាវុធពីរុស្ស៊ី ហើយបន្ទាប់មកទីក្រុងប៉េកាំងបានស្នើម្តងហើយម្តងទៀតថា សហរដ្ឋអាមេរិកនឹងមិនជួបជាមួយលោក Li ទេ លុះត្រាតែទណ្ឌកម្មត្រូវបានលុបចោល។

ក្រុមអ្នកវិភាគនយោបាយបាននិយាយថា ប្រសិនបើលោក Li ត្រូវបានដកចេញពីតំណែងជារដ្ឋមន្ត្រីការពារជាតិពិតមែននោះ វាអាចបើកឱកាសសម្រាប់ការបន្តកិច្ចចរចាយោធាកម្រិតខ្ពស់រវាងមហាអំណាចទាំងពីរឡើងវិញ។

នាយករដ្ឋមន្រ្តីថៃលោក ស្រេតថា ថាវីស៊ីន បាននិយាយថា នាយកប្រតិបត្តិក្រុមហ៊ុន Tesla លោក Elon Musk នឹងពិភាក្សាអំពីឱកាសវិនិយោគ ដែលអាចកើតមាននៅក្នុងប្រទេសថៃ ជាមួយគណៈប្រតិភូថៃនៅទីក្រុងញូវយ៉ក តាមរយៈសន្និសីទតាមទូរស័ព្ទ នេះបើយោងតាមការចុះផ្សាយរបស់កាសែតបាងកកប៉ុស្តនៅថ្ងៃទី ២០ ខែកញ្ញា ឆ្នាំ២០២៣។

លោក ស្រេតថា ថាវីស៊ីន បានថ្លែងក្នុងពេលចូលរួមសម័យប្រជុំលើកទី៧៨ នៃមហាសន្និបាតអង្គការសហប្រជាជាតិ (UNGA78) នៅទីក្រុងញូវយ៉ក ដែលបានចាប់ផ្តើមនៅថ្ងៃច័ន្ទ ហើយនឹងបញ្ចប់នៅថ្ងៃអាទិត្យ។

គួរបញ្ជាក់ថា បន្ទាប់ពីលោក ស្រេតថា ថាវីស៊ីន បានចូលកាន់អំណាច លោកបានដោះស្រាយបញ្ហាជាច្រើន ពោល ការបញ្ចុះតម្លៃអគ្គិសនី ការបញ្ចុះតម្លៃប្រេងឥន្ធនៈ ការតម្លើប្រាក់ឈ្នួលកម្មករអប្បរមា៤០០ បាត ក្នុងមួយថ្ងៃ  ហើយជាពិសេសនាពេលនេះ រដ្ឋាភិបាលថ្មីរូបនេះគ្រោងនឹងអញ្ជើញអ្នកវិនិយោគបរទេសឲ្យមកបណ្តាក់ទុននៅប្រទេសថៃ ថែមទៀតផង លោកបានថ្លែងថា លោកនឹងជួបជាមួយនាយកប្រតិបត្តិនៃក្រុមហ៊ុនឈានមុខគេនៅក្នុងពិភពលោកដូចជា Microsoft, Google និង Tesla ដើម្បីពិភាក្សា។

ដើម្បីជំរុញវិស័យសេដ្ឋកិច្ចក្នុងស្រុកឲ្យមានការរីកចំរើន លោក ស្រេត ថា ​បាន​ថ្លែង​ថា​៖ «​ឥឡូវ​នេះ មហាលសេដ្ឋីលំដាប់លេខមួយនៅក្នុងពិភពលោក លោកElon Musk បាន​ទទួល​យក​ការ​អញ្ជើញ​ ក្នុងការ​ចូល​រួម​កិច្ច​ពិភាក្សា​ជាមួយ​គណៈប្រតិភូ​រដ្ឋាភិបាល​ថៃ​តាម​រយៈ​សន្និសីទ​ទូរគមនាគមន៍។

ក្រៅពីលោក Musk នាយករដ្ឋមន្ត្រីថ្មីបាននិយាយថា នាយកប្រតិបត្តិផ្សេងទៀតនៃក្រុមហ៊ុនល្បីឈ្មោះដែលបានទទួលយកការអញ្ជើញឱ្យចូលរួមកិច្ចពិភាក្សារួមមានអ្នកមកពី Microsoft, BlackRock, JP Morgan និង Estee Lauder  ជាដើម។

លោក ស្រេថា បាននិយាយថា គណៈប្រតិភូថៃនឹងណែនាំដល់នាយកប្រតិបត្តិនូវអ្វី ដែលថៃផ្តល់ជូនអ្នកវិនិយោគបរទេស។ នាយករដ្ឋមន្ត្រីបាននិយាយបន្ថែមទៀតថា លោកមានបំណងចង់គូសបញ្ជាក់សេវាថែទាំសុខភាពរបស់ប្រទេសថៃថាជាកម្លាំងមួយដើម្បីទាក់ទាញអ្នកវិនិយោគថែមទៀតផង។

មុន​នឹង​ការធ្វើដំណើរទៅ​កាន់ទីក្រុង​ញូវយ៉ក លោក ស្រេត ថា បាន​បង្ហោះ​លើ X (អតីត Twitter) ថា៖​ដំណើរ​កម្សាន្ត​នឹង​ផ្ដោត​លើ​ការ​បង្ហាញ​មុខមាត់​ថ្មី​សម្រាប់​ប្រទេស​ថៃ​លើ​ឆាក​អន្តរជាតិ។

លោក ស្រេតថា បាននិយាយពីគោលបំណងរបស់លោកថា “ខ្ញុំមានបំណងជំរុញសកម្មភាពដើម្បីសម្រេចបាននូវ SDGs [គោលដៅអភិវឌ្ឍន៍ប្រកបដោយនិរន្តរភាព] ប្តេជ្ញារក្សាពហុភាគីនិយម និងការលើកកម្ពស់កិច្ចសហប្រតិបត្តិការអន្តរជាតិ ដើម្បីឆ្លើយតបទៅនឹងបញ្ហាប្រឈម និងតម្រូវការរបស់សហគមន៍ពិភពលោកនាពេលបច្ចុប្បន្ននេះ រួមទាំងការប្រែប្រួលអាកាសធាតុ ហិរញ្ញប្បទានសម្រាប់ការអភិវឌ្ឍន៍ កំណើនបៃតង ។

លោកបានបន្ថែមថា “ចង់ស្វែងរកកិច្ចសហការជាមួយអ្នកពាក់ព័ន្ធទាំងអស់ ទាំងសាធារណៈ និងឯកជន និងដើម្បីពង្រឹងទំនាក់ទំនងជាមួយអ្នកដឹកនាំផ្សេងទៀត ក្នុងការលើកកម្ពស់សន្តិភាព វិបុលភាព និងនិរន្តរភាពសម្រាប់ប្រជាជនថៃទាំងអស់គ្នា”។

ដោយក្នុងនោះអ្នកនាំពាក្យរដ្ឋាភិបាលលោក Chai Wacharonke មានប្រសាសន៍ថា លោក ស្រេតថា នឹងជួបជាមួយថ្នាក់ដឹកនាំជាតិ ប្រធានអង្គការអន្តរជាតិ និងបុគ្គលសំខាន់ៗនៅកម្រិតទ្វេភាគី និងពហុភាគី។

លោក បានបញ្ជាក់ទៀតថា គោលដៅ ១៧ របស់លោកស្រេតថា​ ថាវីស៊ីន គឺជាការដឹកនាំ ដោយគ្មានភាពក្រីក្រ; អត់ឃ្លាន; ប្រជាជនមានសុខភាពល្អនិងសុខុមាលភាព; ការអប់រំប្រកបដោយគុណភាព; សមភាព​យេនឌ័រ; ទឹកស្អាតនិងអនាម័យ; ធ្វើឲ្យទំនិញនៅក្នុងទីផ្សាមានតម្លៃសមរម្យ; ការងារសមរម្យ មានឧស្សាហកម្មច្រើន មានការច្នៃប្រឌិត និងហេដ្ឋារចនាសម្ព័ន្ធ; កាត់បន្ថយវិសមភាព; ទីក្រុង និងសហគមន៍ប្រកបដោយនិរន្តរភាព; ការប្រើប្រាស់និងផលិតកម្មប្រកបដោយការទទួលខុសត្រូវ; សកម្មភាពអាកាសធាតុ;  សន្តិភាព យុត្តិធម៌ និងស្ថាប័នរឹងមាំ; និងភាពជាដៃគូសម្រាប់គោលដៅ គឺដើម្បីឲ្យមានកំណើនសេដ្ឋកិច្ច។ គួរបញ្ជាក់ថា លោក ស្រេត ថា ក៏នឹងចូលរួមកិច្ចប្រជុំកម្រិតខ្ពស់ស្តីពីគំនិតផ្តួចផ្តើមអភិវឌ្ឍន៍សកល ដែលលោកនឹងបញ្ជាក់ពីការប្តេជ្ញាចិត្តរបស់ប្រទេសថៃ ក្នុងការចូលរួមជាមួយសហគមន៍ពិភពលោកក្នុងការដោះស្រាយបញ្ហាបម្រែបម្រួលអាកាសធាតុ និងបរិស្ថានផងដែរ។