ភ្លើងឆេះព្រៃបានបង្ខំមនុស្សរាប់ពាន់នាក់ត្រូវជម្លៀសចេញបណ្តោះអាសន្ន ពោលគឺបន្ទាប់ពីមានភ្លើងឆេះព្រៃនៅប្រទេសកាណាដាអស់រយៈពេលជិតពីរសប្តាហ៍កន្លងមក។

យោងតាមការចុះផ្សាយពី Theguardian​ បានចុះផ្សាយនៅថ្ងៃទី 31 ខែឧសភានេះថា ផ្សែងដែលហុយចេញពីភ្លើងឆេះព្រៃដ៏ធំសម្បើម បានផ្ទុះឡើងសូម្បីតែខេត្តដែលមានតែវាលស្មៅ។​

ភ្លើងឆេះព្រៃលើផ្ទៃដីប្រហែល 200,000 ហិកតាហើយនៅឆ្នាំនេះ វាគឺមានទំហំរហូតដល់ទៅជិតបីដងនៃចំនួនមធ្យមពេញមួយឆ្នាំ ដែលយើងអាចនិយាយបានថា ភ្លើងឆេះព្រៃលលើកនេះបានចូលទៅបំបែកកំណត់ត្រាប្រវត្តិសាស្ត្ររបស់កាណាដាថែមទៀតផង។

យ៉ាងណាមិញ ដើម្បីជាការការពារដល់សុខភាពរបស់មនុស្សនឹងសត្វ ក្រុមអ្នកឆ្លើយតបគ្រោះមហន្តរាយរបស់កាណាដាបានជូនដំណឹងអំពីគុណភាពខ្យល់ថា ផ្សែងដែលចូលទៅលាយឡំជាមួយនឹងខ្យល់វានឹងធ្វើឲ្យគុណភាពខ្យល់កាន់តែអាក្រក់ទៅៗ ពីមួយថ្ងៃទៅមួយថ្ងៃ​ ហើយផលប៉ះពាល់នេះទៀតសោតវាមិនមែនមានតែប្រជាជនកាណានោះទេ ព្រោះក្នុងរយៈពេលប៉ុន្មានថ្ងៃខាងមុខនេះ តំបន់មួយចំនួននៃភាគខាងកើត និងខាងជើងសហរដ្ឋអាមេរិកនឹងទទួលរងនូវផលប៉ះពាល់នេះដូចគ្នា។

The post ភ្លើងឆេះព្រៃដ៏ធំបំផុត នៅប្រទេសកាណាដា appeared first on Cambodia Peaceful News.

ប្រទេសប្រេស៊ីលនឹងក្លាយជាទីផ្សារដ៏សំខាន់មួយ សម្រាប់ការនាំចេញគ្រឿងសមុទ្ររបស់ប្រទេសវៀតណាមនាពេលខាងមុខ នេះបើយោងតាមការចុះផ្សាយពី វៀតណាមញូ​ នៅថ្ងៃទី 22 ខែមេសា ឆ្នាំ 2025។

ប្រេស៊ីលគឺជាប្រទេសមួយដែលនាំចូលគ្រឿងសមុទ្រមិនតិចជាង 1.4 ពាន់លានដុល្លារនោះទេនៅក្នុងមួយឆ្នាំ។ បើទោះបីជាប្រេស៊ីលមានសិប្បកម្មកែច្នៃគ្រឿងសមុទ្រ និងមានក្រុមអ្នកនេសាទច្រើនយ៉ាងណាក៏ដោយ តែសម្រាប់ការផ្គត់ផ្គង់ដូចជាប្រភេទត្រី salmon ត្រី cod បង្គា និងត្រីស ពួកគេនៅតែពឹងផ្អែកលើការនាំចូលដដែល។

ចំពោះតម្រូវការសម្រាប់ប្រជាជនច្រើនជាង 200 លាននាក់ ក្នុងការទទួលទានអាហារសមុទ្រជាមធ្យមសម្រាប់មនុស្សម្នាក់ៗគឺមានយ៉ាងតិច 12 គីឡូក្រាមក្នុងមួយឆ្នាំ។ VNS បានចុះផ្សាយទៀតថា តម្រូវការដែលមានច្រើនជាងគេនៅក្នុងប្រេស៊ី គឺត្រូវបានប្រមូលផ្តុំជាពិសេសនៅក្នុងមជ្ឈមណ្ឌលទីក្រុងធំៗដូចជា សៅប៉ូឡូ រីយ៉ូ ដឺ ហ្សាណេរ៉ូ និងតំបន់ឆ្នេរជាដើម។

កាលពី ក្នុងឆ្នាំ 2024 ការនាំចេញអាហារសមុទ្រ និងគ្រឿងសមុទ្រ របស់វៀតណាមទៅកាន់ប្រទេសប្រេស៊ីលបានឈានដល់ជិត 130 លានដុល្លារ ពោលគឺកើនឡើងប្រមាណ 14 ភាគរយពីមួយឆ្នាំទៅមួយឆ្នាំ ។វៀតណាមបានក្លាយទៅជាអ្នកផ្គត់ផ្គង់គ្រឿងសមុទ្រធំទីពីររបស់ប្រេស៊ីលក្នុងឆ្នាំ 2024 ដែលស្មើនឹង 17 ភាគរយនៃការនាំចូលសរុប ហើយក៏ជាអ្នកនាំមុខផ្នែកត្រីសាច់ពណ៌ស ជាមួយនឹងចំណែកទីផ្សារប្រហែល 38 ភាគរយផងដែរ។

បច្ចុប្បន្នអាហារសមុទ្រវៀតណាមកំពុងទទួលបានការពេញចិត្តខ្លាំងជាងគេនៅក្នុងប្រទេសប្រេស៊ីល ទីមួយគឺដោយសារតម្លៃ ហើយអ្វីដែលកាន់តែពិសេសនោះគឺគុណភាព។ ដើម្បីឆ្លើយតបដល់ការផ្គត់ផ្គង់របស់វៀតណាម ឆ្នាំ 2025 នេះ ប្រេស៊ីលបានប្រកាសថា ខ្លួននឹងធ្វើជាដៃគូពាណិជ្ជកម្មដ៏ធំបំផុតរបស់វៀតណាម។ យ៉ាងណាមិញ ការចាប់យកជាដៃលើកនេះពួកគេទាំងពីរបានប្រកាសទៀតថា ប្រទេសទាំងពីនឹងបង្កើនទំហំពាណិជ្ជកម្មទ្វេភាគីដែលមានតម្លៃជាទឹកប្រាក់រហូតឱ្យដល់ 10 ពាន់លានដុល្លារសហរដ្ឋអាមេរិកឯណោះ។

គួរបញ្ជាក់សារជាថ្មីថា បន្ទាប់ពីសហរដ្ឋអាមេរិកបានប្រកាសតំឡើងពន្ធលើប្រទេសវៀតណាម 46% រួចមក រដ្ឋាភិបាលវៀតណាមក៏ពាក្យចរចាជាមួយប្លុកពាណិជ្ជកម្ម MERCOSUR របស់សហភាពអ៊ឺរ៉ុប ហើយក្នុងនោះលោកមានក្តីសង្ឃឹមមួយថា វៀតណាមនឹងមានស្ថេរភាពខាងសេដ្ឋកិច្ចដែលល្អប្រសើរជាងនេះ ប្រសិនបើខ្លួនអាចយកដៃឈ្នះដៃគូរប្រកួតប្រជែងដូចជាឥណ្ឌា និងថៃ។

The post ប្រេស៊ីបានក្លាយជាទីផ្សាដ៏សំខាន់មួយក្នុងការនាំចេញគ្រឿងសមុទ្ររបស់ វៀតណាម appeared first on Cambodia Peaceful News.

នៅពេលដែលសេដ្ឋកិច្ចរបស់ប្រទេសអាល្លឺម៉ង់បាននូវការលំបាក ពេលនេះអ្វីដែលប្រជាជនអាល្លឺម៉ង់អាចធ្វើបាន គឺជាការសម្រេចចិត្តឲ្យបានត្រឹមត្រូវនៅពេលបោះឆ្នោត។ ការបោះឆ្នោតជាសាកលនៅក្នុងប្រទេសមួយនេះនឹងប្រព្រឹត្តទៅនៅថ្ងៃទី 23 ខែកុម្ភៈ ខាងមុខនេះ។ តើអ្នកណានឹងដឹកនាំរដ្ឋាភិបាលបន្ទាប់?

ប្រទេសអាល្លឺម៉ង់​មិន​បានមើល​ឃើញ​ពីការរីកចម្រើនខាងផ្នែក​សេដ្ឋកិច្ច អស់រយៈពេលជិត​ប្រាំ​ឆ្នាំកន្លង​មកហើយ។ អាល្លឺម៉ង់ដែលធ្លាប់តែជាប្រទេសមានសេដ្ឋកិច្ចដ៏ធំជាងគេបំផុតនៅក្នុងអឺរ៉ុប គឺដោយសារតែប៉ុន្មានសតវត្សនេះពួកគេបានពង្រីកការនាំចេញ និងគ្រប់គ្រងពាណិជ្ជកម្មពិភពលោកនៅក្នុងផលិតផលវិស្វកម្មដូចជាគ្រឿងម៉ាស៊ីនឧស្សាហកម្ម និងរថយន្តប្រណីតជាដើម។

តើមានអ្វីកើតឡើងខ្លះក្នុងប្រទេសអាល្លឺម៉ង់?

បើយោងតាមការចុះផ្សាយពី Euro News នៅថ្ងៃទី 17 ខែកុម្ភៈ នេះបានឲ្យដឹងថា មានហេតុផលចំនួន​ 5 ដែលធ្វើឲ្យសេដ្ឋកិច្ចរបស់ប្រទេសអាល្លឺម៉ង់បន្តធ្លាក់ចុះ ៖

1. គំរូអាជីវកម្មរបស់ប្រទេសអាល្លឺម៉ង់ គឺផ្អែកលើថាមពលដែលមានតម្លៃថោក គឺបានមកពីរុស្ស៊ី ទើបធ្វើឲ្យប្រទេសមួយនេះអាចឈ្នះគូរប្រកួតប្រជែង តួរយ៉ាងដូចជាផលិតផលទំនិញឧស្សាហកម្ម ផលិតសម្រាប់ការនាំចេញជាដើម។
2. ក្រុមហ៊ុនរបស់អាឡឺម៉ង់ធ្លាប់បានរកឃើញទីផ្សារថ្មីដ៏ធំនោះគឺជាប្រទេសចិន ដែលជុំរុញឲ្យមានការលក់ម៉ាស៊ីនឧស្សាហកម្ម សារធាតុគីមី និងយានយន្តជាហូរហែរ។ នៅដើម និងពាក់កណ្តាលទសវត្សរ៍ឆ្នាំ 2010 ក្រុមហ៊ុន Mercedes-Benz ក្រុមហ៊ុន Volkswagen និង BMW បានប្រមូលប្រាក់ចំណេញពីការលក់នៅក្នុងប្រទេសចិនយ៉ាងច្រើនសន្ធឹកសន្ធាប់ រហូតដល់អាល្លឺម៉ង់បានសន្មត់ថា ចិនគឺជាទីផ្សាររថយន្តដ៏ធំបំផុតរបស់ខ្លួន។ តែផ្ទុយទៅវិញ នៅពេលនេះ ក្រុមហ៊ុនចិនអាចផលិតរបស់របរជាច្រើនដោយខ្លួនឯងដូចជា គ្រឿងសង្ហារិម និងគ្រឿងអេឡិចត្រូនិកជាដើម។ បន្ទាប់មក ក្រុមហ៊ុនផលិតក្នុងប្រទេសចិនក៏បានចាប់ផ្តើមធ្វើដូចអ្វីដែលជនជាតិអាល្លឺម៉ង់ធ្លាប់បានធ្វើដូចគ្នា។
3. ការមើលរំលងការវិនិយោគ៖ អាឡឺម៉ង់​រវល់តែ​រីក​រាយ​ក្នុង​អំឡុង​ពេល​ដែលខ្លួនធ្វើបាន​ល្អ ហើយ​ក៏បាន​បញ្ឈប់​ការ​វិនិយោគ​ក្នុង​គម្រោង​រយៈ​ពេល​វែង​ តួរយ៉ាងដូច​ជា ​ខ្សែ​រថភ្លើង និង​អ៊ីនធឺណិត​ល្បឿន​លឿនជាដើម។ ប៉ុន្មានថ្ងៃនេះ អ្នកធ្វើដំណើរជាច្រើននៅប្រទេសអាឡឺម៉ង់បានគ្រវីក្បាលហួសចិត្ត នៅពេលដែលរថភ្លើងដែលមិនដំណើរការទាន់ពេលវេលា ខណៈពេលដែលការជួសជុលបានកើតឡើងជាបន្តបន្ទាប់ ព្រោះតែផ្លូវដែកកាន់តែចាស់ទ្រត់ទ្រោម។ ម្យ៉ាងទៀត អ៊ីនធឺណិត​ល្បឿន​លឿននៅ​មិន​ទាន់​ដល់​តំបន់​ជនបទ​មួយ​ចំនួន​នៅ​ឡើយ។
4. កង្វះកម្មករជំនាញ៖ ក្រុមហ៊ុនអាឡឺម៉ង់កំពុងមានបញ្ហាក្នុងការស្វែងរកកម្មករដែលមានជំនាញត្រឹមត្រូវ ជាពិសេសបុគ្គលិកផ្នែកព័ត៌មានវិទ្យា។ បើយោងតាមការស្ទង់មតិរបស់សភាពាណិជ្ជកម្ម និងឧស្សាហកម្មអាល្លឺម៉ង់បានឲ្យដឹងទៀតថា បច្ចុប្បន្នមានក្រុមហ៊ុនចំនួន 23,000 ក្នុងនោះមាន 43% បាននិយាយថា បុគ្គលិកថ្មីជាច្រើននាក់មិនអាចបំពេញបាននូវតួរនាទី​ និងមុខតំណែងដែលពួកគេចង់បាននោះឡើយ ។ សិស្សនិស្សិតអាឡឺម៉ង់កាន់តែតិចជាងមុនទៅទៀត ដែលចាប់អារម្មណ៍លើវិស័យ SYSTEM ដែលមានន័យថាវិទ្យាសាស្ត្រ បច្ចេកវិទ្យា និងវិស្វកម្ម។
5. ការិយាធិបតេយ្យ៖ បើយោងតាមការរៀបរាប់ពីក្រុមហ៊ុន និងអ្នកសេដ្ឋកិច្ចនៅក្នុងអាល្លឺម៉ង់ជាច្រើនបានឱ្យដឹងថា នីតិវិធីអនុម័តរយៈពេលវែង និងការបំពេញឯកសារនានាគឺមានលក្ខណៈស្មុគស្មាញ និងច្រើនពេក។ ឧទាហរណ៍ ដូចជាការអនុញ្ញាតសាងសង់សម្រាប់ទួរប៊ីនខ្យល់មួយកន្លែង គឺចំណាយពេលរាប់ឆ្នាំ។

The post ហេតុផល​សំខាន់ៗ​ចំនួន​ប្រាំ ​ដែល​ធ្វើ​ឱ្យ​សេដ្ឋកិច្ច​របស់​ប្រទេស​អាល្លឺម៉ង់​ធ្លាក់ចុះ appeared first on Cambodia Peaceful News.

ក្រុមប្រឹក្សាវិនិយោគរបស់ប្រទេសកូរ៉េខាងត្បូង (BOI) បាននិយាយកាលពីថ្ងៃពុធនេះថា ក្រុមហ៊ុន Hyundai Motor ដែលជាក្រុមហ៊ុនផលិតរថយន្តឈានមុខគេរបស់ប្រទេសខ្លួន គរោងនឹងបើករោងចក្រផលិតរថយន្តអគ្គិសនី (EVs) និងអាគុយ មួយកន្លែងដែលស្ថិតក្នុងអាស៊ីអាគ្នេយ៍ ហើយការវិយោគមួយនោះវាមានតម្លៃជាទឹកប្រាក់ប្រមាណ 28 លានដុល្លារសហរដ្ឋអាមេរិក នេះបើយោងតាមការចុះផ្សាយពីយ៉ុនហាប់កាលពីថ្ងៃទី ០៧ ខែសីហា ឆ្នាំ២០២៤។

ប្រទេសមួយដែលស្ថិតក្នុងចំណោមអាស៊ាន ក្រុមហ៊ុន Hyundai បានសម្រេចចិត្តជ្រើសរើសយកប្រទេសថៃ ដោយពួកគេបានអះអាងថា ថៃគឺជាប្រទេសមួយដែលមានមូលដ្ឋានផលិតកម្ម និងទីផ្សារដ៏សំខាន់នៅក្នុងអាស៊ីស្រាប់។

គួរបញ្ជាក់ថា ក្រុមហ៊ុន Hyundai និងចាប់ផ្តើមដំឡើងរោងចក្រផលិតអាគុយ និងរថយន្តអគ្គិសនីរបស់ខ្លួននៅក្នុងខេត្ត Samut Prakan ដែលជាទីតាំងមួយនៅក្បែរទីក្រុងបាងកកជាងគេ។

បើយោងតាមការរៀបរាប់ពីអ្នកនាំពាក្យរបស់ក្រុមហ៊ុន Hyundai លោកបាននិយាយប្រាប់យ៉ុនហាប់ថា ការសាងសង់រោងចក្រនៅក្នុងប្រទសថៃយើងធ្វើឲ្យបានឆាប់បំផុត ព្រោះថាពួកយើងនឹងដំឡើងរថយន្ត EV និងអាគុយ យ៉ាងយូបំផុតត្រឹមឆ្នាំ 2026 ។ គួរបញ្ជាក់សារជាថ្មីថា ដើម្បីជាឆ្លើយតប និងស្វាគមន៍ដល់អ្នកវិនិយោគជនជាតិកូរ៉េ ក៏ដូចជាដើម្បីជាការទាក់ទាញដល់អ្នកវិនិយោគផ្សេងទៀតនោះ រាជរដ្ឋាភិបាលថៃបានប្រកាសថា រដ្ឋាភិបាលថៃនិងបើកប្រជុំស្តីពីគម្រោងឧបត្ថម្ភធនលើការទិញរថយន្តអគ្គិសនីមកប្រើប្រាស់ ហើយការលើកទឹកចិត្តនេះគឺសម្រាប់តែក្រុមហ៊ុនទាំងឡាយណាដែលមានរោងចក្រផលិតនៅក្នុងប្រទេសរបស់ខ្លួនតែប៉ុណ្ណោះ។ (យ៉ុនហាប់)

The post ក្រុមហ៊ុន Hyundai Motor នឹងបោះទុន 28 លានដុល្លារ នៅ​ប្រទេស​ថៃ​ ដើម្បី​ដំឡើង​រថយន្ត EV និង​អាគុយ appeared first on Cambodia Peaceful News.

ក្រុមហ៊ុនអាកាសចរណ៍ជាតិអារ៉ាប៊ីសាអូឌីត Saudia បានទិញយាន្តហោះហើរអគ្គិសនីប្រមាណ 100 គ្រឿងពីក្រុមហ៊ុន Lilium របស់ប្រទេសអាឡឺម៉ង់ គឺនៅក្នុងកិច្ចព្រមព្រៀង ” air taxi ” ។ 

          បើយោងតាមការរៀបរាប់ពីសហស្ថាបនិក Lilium លោក Daniel Wiegand បានប្រាប់រ៉យទ័រថា តម្លៃនៃការបញ្ជាទិញទាំងមូល រួមទាំងសេវាកម្មផ្សេងៗជាច្រើនទៀតនោះគឺវាមានតម្លៃជាទឹកប្រាក់ប្រហែល 700 លានដុល្លារ។ លោកបានបន្តទៀតថា ចំពោះការដឹកជញ្ជូន eVTOL ក្រុមហ៊ុនលោកនឹងប្រគល់យន្តហោះចំនួន 50 គ្រឿងដំបូងនៅឆ្នាំ 2029។

ជាការពិតណាស់នៅក្នុងផ្សាទេចរណ៍គឺមានការប្រកួតប្រជែងខ្លាំង ហើយវាក៏ជាកក្តាដែលជំរុញឲ្យមានមនុស្សជាច្រើច្រើនបានសម្រេចចិត្តទូទាត់ជាសាច់ប្រាក់ទុកមុន ដើម្បីប្រាកដថាខ្លួននឹងអាចទទួលបាននូវប្រភេទតាក់ស៊ីហោះហើរតាមអាកាសដូចជា eVTOL ទៅតាមការសន្យា។

ការពឹងផ្អែកទៅលើវិស័យប្រេងវាមិនមែនជារឿងមួយដែលស្ថិតស្ថេរនោះទេ ការងាកទៅរកផ្នែកសេវាកម្ម វាត្រូវបានថ្នាក់ដឹកនាំរបស់អារ៉ាប៊ីសាអូឌីតបានគិតគូរយ៉ាងល្អិតល្អន់។ យ៉ាងណាមិញ ដើម្បីឲ្យប្រទេសមួយនេះអាចទទួលបាននៅភ្ញៀវទេសចរណ៍យ៉ាងតិច300 លាននាក់នៅចុងទសវត្សរ៍នេះ ថ្នាក់ដឹកនាំបានពង្រឹងរាល់សមត្ថភាព និងពង្រីករាល់សក្កដានុពលរបស់ខ្លួនឲ្យក្លាយទៅជាសសរស្តម្ភដ៏សំខាន់ និងរឹងមាំជាចាំបាច់ ពោលគឺធ្វើយ៉ាងណាដើម្បីឲ្យព្រះរាជាណាចក្រមួយនេះ ក្លាយទៅជាគោលដៅសម្រាប់ភ្ញៀវទេសចរណ៍នៅក្នុងពិភពលោកយ៉ាងយូបំផុតត្រឹមឆ្នាំ 2030។

គួរបញ្ជាក់ថា eVTOL វាគឺជាយន្តហោះដែលដំណើរការដោយក្រុមហ៊ុនបុត្រសម្ព័ន្ធមួយឈ្មោះថា Saudia Private ហើយវាងមានសមត្ថភាពអាចផ្ទុកអ្នកដំណើរបានប្រាំមួយនាក់ បូករួមទាំងអីវ៉ាន់។ eVTOL ត្រូវបានគេជ្រើសរើសយកមកដឹកអ្នកដំណើរ គឺដើម្បីបញ្ជាពីការកកស្ទះចរាចរណ៍ ម្យ៉ាងទៀតក្នុងកំឡុងពេលដែលភ្ញៀវកំពុងធ្វើដំណើរពីព្រលានយន្តហោះទៅសណ្ឋគារ ឬពីសណ្ឋាគារទៅព្រលានយន្តហោះនោះ ពួកគេនឹងមានពេលវេលាច្រើនដើម្បីទស្សនាទេសភាពនៅក្នុងទីក្រុង។

គួរបញ្ជាក់ថា eVTOL វាត្រូវបានគេចាប់ផ្តើមនិយមគាំទ្រខ្លាំងចាប់តាំងពីដើមខែមិថុនាមកម្ល៉េះ ដោយក្នុងនោះគឺមានក្រុមហ៊ុនមួយដែលមានឈ្មោះថា Abu Dhabi Archer Aviation បានជ្រើសរើយកវាមកប្រើប្រាស់មុនគេ រហូតដល់ខ្លួនបានទទួលវិញ្ញាបនប័ត្រពីអាជ្ញាធរអាកាសចរណ៍សហព័ន្ធសហរដ្ឋអាមេរិកលើការបម្រើសេវាកម្មដែលល្អឥតខ្ចោះថែមទៀតផង។

ដើម្បីជាការឆ្លើយតបទៅនឹងការស្រលាញ់ និងការពារបរិស្ថាន បច្ចេកវិទ្យាដែលគេរចនាឡើងសម្រាប់យន្តហោះប្រភេទ VTOL វាបានក្លាយទៅជាយន្តហោះតាក់ស៊ីដែលពេញនិយមបំផុតសម្រាប់ប្រជាជនដែលរស់នៅក្នុងសហភាពអ៊ឺរ៉ុប។ eVTOL ត្រូវបានអ្នកជំនាញរបស់អាឡឺម៉ង់បង្កើតឡើងដើម្បីបញ្ឈប់ការបញ្ចេញឧស្ម័ន ដោយងាកមកប្រើប្រាស់ថាមពលអគ្គិសនីជំនួសវិញ។

 ការសិក្សាទៅលើយានជំនិៈថ្មីដែលល្អសម្រាប់ការចល័តនៅក្នុងទីក្រុង អ្នកធ្វើដំណើរអាចរីករាយជាមួយនឹងបរិយាកាសស្ងប់ស្ងាត់ ដែលអមជាមួយនឹងទេសភាពដ៏ស្រស់ស្អាតដោយអាស្រ័យទៅតាមប្រទេសនីមួយៗ។ ម្យ៉ាងទៀតប្រសិនបើអ្នកជ្រើសរើសយកសេវាកម្មមួយនេះ មានន័យថាអ្នកកំពុងតែរួមចំណែកដល់ការការពារបរិស្ថានថែមទៀតផង។

The post អារ៉ាប៊ីសាអូឌីតបានបញ្ជាទិញតាក់ស៊ីអាកាស (eVTOL) ចំនួន 100 គ្រឿងពី អាល្លឺម៉ង់ appeared first on Cambodia Peaceful News.

មហោស្រពភាពយន្តអន្តរជាតិ (SRIFF) ត្រូវបានបង្កើតឡើងដោយរដ្ឋបាលរដ្ឋនៃសារព័ត៌មាន ការបោះពុម្ពផ្សាយ វិទ្យុ ភាពយន្ត និងទូរទស្សន៍ក្នុងឆ្នាំ 2014 ដើម្បីអនុវត្តយ៉ាងទូលំទូលាយនូវយុទ្ធសាស្ត្រជាតិរបស់ប្រទេសចិននៃគំនិតផ្តួចផ្តើមខ្សែក្រវ៉ាត់ និងផ្លូវ។ ព្រឹត្តិការណ៍ត្រូវបានបង្កើតឡើងក្នុងគោលបំណងលើកកម្ពស់ការផ្លាស់ប្តូរវប្បធម៌ និងកិច្ចសហប្រតិបត្តិការរវាងប្រទេសនានាតាមខ្សែក្រវាត់ និងផ្លូវ និងដើម្បីអភិវឌ្ឍឧស្សាហកម្មចិនបន្ថែមទៀត។

(SRIFF) ត្រូវបានប្រារព្ធឡើងជារៀងរាល់ឆ្នាំ (ឆ្លាស់គ្នាជារៀងរាល់ឆ្នាំរវាងទីក្រុង Xi’an និង Fuzhou) ហើយត្រូវបានសហការឧបត្ថម្ភដោយរដ្ឋាភិបាលប្រជាជនខេត្ត Shaanxi និងរដ្ឋាភិបាលប្រជាជនខេត្ត Fujian ។

SRIFF ត្រូវបានបែងចែកទៅជាផ្នែកដូចខាងក្រោម៖ ការប្រកួតប្រជែង ផ្ទាំងទស្សនីយភាពភាពយន្ត វេទិកាភាពយន្ត ទីផ្សារភាពយន្ត សកម្មភាពអន្តរកម្ម។

ការបោះពុម្ពលើកមុននៃមហោស្រពបានទទួលជោគជ័យយ៉ាងខ្លាំង ហើយបាននាំឱ្យ SRIFF ក្លាយជាចំណុចយោងមួយនៅក្នុងរង្វង់មហោស្រពភាពយន្តអាស៊ីទាំងមូលថែមទៀតផង។  សម្រាប់ឆ្នាំ២០២៣ វាជាខួបលើកទី ១០ នៃមហោស្រពភាពយន្តអន្តរជាតិ (SRIFF) ដែលត្រូវបានបង្កើតឡើង។ នៅក្នុងឆ្នាំនេះផងដែរ ព្រឹត្តិការណ៍មួយនេះត្រូវបានគេប្រព្រឹត្តទៅនៅក្នុងទីក្រុង ហ្វូចូវ។

យ៉ាងណាមិញចំពោះមហាលស្របដ៏អស្ចារ្យមួយនេះ គឺគេសង្កេតឃើញវត្តមានរបស់តារាសិល្បៈរបស់កម្ពុជា២រូបបានឡើងទៅបកស្រាយចម្រៀងជាមួយនឹងតារាចម្រៀងប្រចាំរបស់ប្រទេសចិនថែមទៀតផង។

កញ្ញា ស៊ីយូប៊ីន និង លោក ខាត់ វ៉ៃហាំង គឺជាតារាសម្តែងដ៏ល្បីឈ្មោះនៅក្នុងប្រទេសកម្ពុជា បានធ្វើជាអ្នកតំណាងឲ្យប្រទេស និងបងប្អូនប្រជាជនខ្មែរ ដោយចូលរួមសម្តែង ក៏ដូចជាបកស្រាយចម្រៀងនៅក្នុងព្រឹត្តិការណ៍ខួបលើកទី១០ នៃមហោស្រពភាពយន្តអន្តរជាតិ Silk Road International Film Festival (SRIFF)។

អ្វីដែលគួរឲ្យចាប់អារម្មណ៍ តារាសម្តែងស្រី ស៊ីន យូប៊ីន នៅក្នុងឆ្នាំ ២០២៣ នេះគឺពិតជាលេចធ្លោគួរឲ្យកត់សម្គាល់ ដោយកាលពីដើមឆ្នាំ កញ្ញាបានចូលរួមជាតារាបង្ហាញម៉ូដ ឲ្យ Brand មួយដែលមានឈ្មោះល្បីនៅក្នុងពិលោកគឺ Christian Dior: Outside Arrivals-Haute Couture Spring Summer 2023 នៅក្នុងទីក្រុងប៉ារីសនៃប្រទេសបារាំង។ កាលពីខែ ឩសភា កញ្ញា ស៊ីន យូប៊ីន គឺជាអ្នកតំណាងឲ្យប្រទេសកម្ពុជាក្នុងការចូលរួមកម្មវិធី 76^th annual cannes film festival នៅក្នុងប្រទេសបារាំង។ ហើយចំនែកឯកាលពីថ្ងៃទី ២៥ ខែកញ្ញា ឆ្នាំ ២០២៣ កញ្ញា ស៊ី យូប៊ីន កាន់តែធ្វើឲ្យមហាជនកាន់តែស្រាលាញ់ និងអ្នកគាំទ្រនាងកាន់តែខ្លាំង ចំពោះសមត្ថភាព ទេព្យកុសល និងភាពក្លាហានរបស់នាងក្នុងការធ្វើជាអ្នកតំណាងឲ្យប្រទេសកម្ពុជា  ដោយការបកស្រាយចម្រៀងនៅលើឆាកដ៏ធំនៃព្រឹត្តិការណ៍ 10th Silk Road International Film Festival (SRIFF) ។

The post ខួបលើកទី ១០ នៃមហោស្រពភាពយន្តអន្តរជាតិ (SRIFF) នៅក្នុងប្រទេសចិនឆ្នាំនេះ គឺមានការចូលរួមពីតារាសម្តែងស្រី ស៊ីន យូប៊ីន និង លោក ខាត់ វ៉ៃហាំង  បកស្រាយចម្រៀងជាមួយតារាចម្រៀងប្រចាំប្រទេសចិន appeared first on Cambodia Peaceful News.