សហរដ្ឋ​អាមេរិកដែលធ្លាប់តែជាប្រទេសដែល​លក់​សណ្តែកសៀង​ឲ្យ​ប្រទេស​ចិន​ច្រើន​ជាងគេ ឥឡូវនេះ​ចិន​កំពុងតែ​រក​វិធី​ទៅជំនួស​កសិករ​អាមេរិក។ កាលពីឆ្នាំមុន បរិមាណសណ្តែកសៀងដែលសហរដ្ឋអាមេរិកបានលក់នៅក្នុងទីផ្សាប្រទេសចិន គឺមានច្រើនជាង 27 លានតោន ដែលមានតម្លៃជាទឹកប្រាក់ប្រមាណ 12.8 ពាន់លានដុល្លារ។

សណ្តែកសៀងដែលមានទំហំប្រហែលមួយសង់ទីម៉ែត្រ វាត្រូវបានជនជាតិចិននិយមយកវាទៅកែច្នៃ ធ្វើជាតៅហ៊ូ ទឹកសណ្តែក និងផលិតផលផ្សេងៗទៀត។ ប៉ុន្តែបើទោះជាយ៉ាងនេះក្តី ហេតុផលទាំងអស់នេះវា​មិនមែន​មានន័យថា សណ្តែកសៀង​វាគឺ​ជា​ទំនិញដែលអាច​រក​ចំណូល​បាន​ច្រើនជាងគេ​បំផុត​របស់អាមេរិក​នោះដែរ។

ប៉ុន្តែនៅពេលនេះអ្វីដែលជាបញ្ហាចោទ តើសណ្តែកសៀងអាមេរិកត្រូវលក់ទៅឲ្យនរណា? ជាងពាក់កណ្តាលនៃការនាំចេញសណ្តែកសៀងរបស់អាមេរិកទៅហើយ គឺពួកគេបានលក់វាទៅឲ្យប្រទេសចិន។

មានអ្នកជំនាញទីផ្សាជាច្រើនបានលើកឡើងថា ជម្រើសមួយក្នុងរយៈពេលដ៏វែងឆ្ងាយ ដែលជាការបោះបង់ប្រទេសចិននៅថ្ងៃនេះ ប៉ុន្តែប្រហែលជាអាចក្នុងរយៈពេលមួយទសវត្សរ៍ ឬពីរទសវត្សរ៍ទៀត ទើបសហរដ្ឋអាមេរិកទទួលបាននូវទីផ្សាថ្មីដ៏ពេញលេញ។ បើយោងតាមការរៀបរាប់ពីក្រុមប្រឹក្សានាំចេញសណ្តែកសៀងអាមេរិក និងសមាគមសណ្តែកសៀងអាមេរិកបានិយាយថា ឥឡូវនេះពួកគេកំពុងព្យាយាមអភិវឌ្ឍទីផ្សារធំផ្សេងទៀតដូចជា ប្រទេសឥណ្ឌា អេហ្ស៊ីប និងម៉ិកស៊ិកជាដើម។

សណ្តែកសៀងនាពេលនេះកំពុងតែពេញនិយមផ្សព្វផ្សាយលក់តាមអ៊ីនធឺណិតនៅសហរដ្ឋអាមេរិក ហើយអ្នកស្រាវជ្រាវក៏កំពុងសិក្សាពីសណ្តែកសៀងដើម្បីយកទៅធ្វើជាជីវឥន្ធនៈ និងការប្រើប្រាស់ដែលមិនមែនសម្រាប់ចំណីជាដើម។ ក្នុងបញ្ហាចោទជាច្រើន Bloomberg បានសង្កេតឃើញថា ចាប់តាំងពីលោក Trump បានចាប់ផ្តើមសង្រ្គាមពាណិជ្ជកម្មប្រឆាំងនឹងប្រទេសចិន តែនៅពេលនេះបែរជាកសិករសណ្តែកសៀងរបស់ប្រេស៊ីល បានក្លាយគឺជាអ្នកទទួលផលពីការលក់សណ្តែកសៀងទៅឲ្យចិនបានច្រើនជាងគេទៅវិញ។

The post ខណៈពេលដែលសហរដ្ឋអាមេរិកកំពុងស្វែងរកទីផ្សាថ្មីសម្រាប់សណ្តែកសៀង ចិនក៏​កំពុង​រក​វិធី​ជំនួស​កសិករ​អាមេរិកដូចគ្នា appeared first on Cambodia Peaceful News.

សេដ្ឋកិច្ចរបស់ប្រទេសលីប៊ី ត្រូវបានព្យាករណ៍ថានឹងងើបឡើងវិញនៅឆ្នាំ 2025 នេះ គឺបន្ទាប់ពីមានការពង្រីកទៅលើផលិតកម្មប្រេង នេះបើយោងតាមការរាយការណ៍ពីមូលនិធិរូបិយវត្ថុអន្តរជាតិ (IMF) កាលពីថ្ងៃទី 17 ខែមេសា ឆ្នាំ 2025។

ប្រភពដដែលខាងលើបាននិយាយប្រាប់ AGBI ទៀតថា ការបង្កើនការបូមប្រេង ភ្លាមៗនោះវាមិនអាចធ្វើឲ្យប្រទេសអាចរួចផុតពីប្រទេសក្រីក្របាននោះទេ តែវាគ្រាន់តែអាចជួយឲ្យប្រទេសអាចស្ថិតក្នុងកម្រិតមួយដែលក្បែរមធ្យម ប្រសិនបើពួកគេកាន់តែពន្លឿនល្បឿនក្នុងការបូមប្រេង។

IMF បានព្យាករណ៍ថា កំណើនដែលបានមកពីការបូមប្រេងរបស់ប្រទេសលីប៊ី  វាអាចស្ថិតក្នុងចន្លោះពី 5 ទៅ 6 ភាគរយ នៅឆ្នាំនេះ ដែលជំរុញដោយការចំណាយរបស់រដ្ឋាភិបាល។ បើយោងតាមអង្គការ OPec ដែលសមាគមន៍នាំចេញប្រេងបាននិយាយថា កាលពីខែខែវិច្ឆិកា ឆ្នាំមុន ផលិតកម្មប្រេងឆៅរបស់ប្រទេសមួយនេះបានកើនឡើងពី 141,000 បារ៉ែលក្នុងមួយថ្ងៃ (bpd) រហូតដល់ 1.2 លានបារ៉ែលក្នុងមួយម៉ោង។

កំណើនដ៏ធំសម្បើមនេះ វាត្រូវបានIMF បានមើលឃើញថា គណនីចរន្ត និងសមតុល្យសារពើពន្ធរបស់ប្រទេសលីប៊ី ទំនងជាស្ថិតនៅក្រោមសម្ពាធដដែល ព្រោះថាតម្លៃប្រេងទំនងជាបន្តធ្លាក់ចុះ ហើយវាក៏បន្តទាមទារឱ្យរដ្ឋាភិបាលចំណាយប្រាក់ទាំងមូលរបស់ខ្លួនថែមទៀតផង។

IMF បានផ្តល់ជាយោបល់ថា រដ្ឋាភិបាលចាំបាច់ត្រូវកាត់បន្ថយ គម្លាតរវាងអត្រាប្តូរប្រាក់នៅក្នុងប្រទេស ដោយផ្តើមចេញពីការបន្ធូរបន្ថយលើលំហូរចូលនៃរូបិយប័ណ្ណបរទេសជាពិសេសគឺប្រាក់ដុល្លា។

IMF បាននិយាយបន្ថែមទៀតថា ប្រទេសមួយដែលខ្វះលទ្ធភាពទទួលបានហិរញ្ញវត្ថុ និងរូបិយប័ណ្ណបរទេស វាគឺជាឧបសគ្គចម្បងចំពោះកំណើននៃវិស័យឯកជន។

The post សេដ្ឋកិច្ចរបស់ប្រទេសលីប៊ី ត្រូវបានព្យាករណ៍ថានឹងងើបឡើងវិញនៅឆ្នាំ 2025 appeared first on Cambodia Peaceful News.

ហេតុមួយក្នុងចំណោមមូលហេតុជាច្រើនដែលធ្វើឲ្យប្រធានាធិបតីសហរដ្ឋអាមេរិកលោក Donald Trump តំឡើងពន្ធគយ។ លោក Trump បាននិយាយជាច្រើនលើកហើយថា សហរដ្ឋអាមេរិកត្រូវបានពួកឆបោក ជនក្លែងបន្លំជាច្រើនបានទាញយកប្រយោជន៍ពីទីផ្សារបស់សហរដ្ឋអាមេរិក។ តែបើទោះជាយ៉ាងនេះក៏ដោយ វាមិនមែនមាន័យថា ប្រជាជនដែលរស់នៅក្នុងចំណោមប្រទេសទាំងអស់នោះជាជនដែលក្លែងបន្លំនោះដែរ។ បើយោងតាមការវិភាគពីក្រុមអ្នកជំនាញ BBC ពួកគេបានមើលឃើញថា ការតំឡើងពន្ធនាំចូលរហូតដល់ទៅជិត 50% នេះ វានឹងធ្វើឲ្យសេដ្ឋកិច្ចនៅក្នុងប្រទេសជាច្រើនកាន់តែជួបផលលំបាក ដោយក្នុងនោះរួមមាន កម្ពុជា វៀតណាម ម៉ាឡេស៊ី និងបង់ក្លាដែសខ្លាំងជាងគេ។

ជាការពិតណាស់ នៅក្នុងគោលនយោបាយរបស់លោក Trump ពន្ធគយ វាគឺជាផ្នែកកណ្តាលនៃចក្ខុវិស័យសេដ្ឋកិច្ចឲ្យរីកចំរើន ហេតុដូច្នេះហើយទើបប្រធានាធិបតីអាមេរិករូបនេះចូលចិត្តប្រើពាក្យថា “ពន្ធ” ។

 យ៉ាងណាមិញ ការតំឡើងពន្ធនាំចូល វាត្រូវបានលោក Trump បង្ហាញពីមូលហេតុចម្បងជាច្រើន ក្នុងនោះលោកបានអះអាងថា ពន្ធនឹងលើកទឹកចិត្តអ្នកប្រើប្រាស់អាមេរិកឱ្យទិញទំនិញដែលផលិតនៅអាមេរិកកាន់តែច្រើន ដើម្បីជំរុញសេដ្ឋកិច្ចរបស់ប្រទេសខ្លួនកាន់តែល្អប្រសើរជាងមុន។

ចំនុចសំខាន់ទីពីរ ប្រធានាធិបតីអាមេរិកក៏បាននិយាយផងដែរថា ពន្ធគយគឺមានបំណងបង្ខំឱ្យប្រទេសចិន ម៉ិកស៊ិក និងកាណាដា ដែលជាប្រទេសគោលដៅដំបូងរបស់លោក ត្រូវតែបញ្ឈប់ជនចំណាកស្រុកខុសច្បាប់ឲ្យមករស់នៅលើទឹកដីរបស់ខ្លួន ហើយប្រទេសទាំងបីនេះឯងដែលជាអ្នកជួញដូរ និងគ្រឿងញៀនចូលមកក្នុងទឹកដីសហរដ្ឋអាមេរិកច្រើនជាងគេ។

The post មូលហេតុមួយចំនួន ដែលធ្វើឲ្យលោក Trump តំឡើងពន្ធគយ appeared first on Cambodia Peaceful News.

មាសបានឡើងថ្លៃក្នុងកម្រឹតមួយដែលខ្ពស់បំផុត ដោយបច្ចុប្បន្នមាសគឺមានតម្លៃច្រើនជាង 3,000 ដុល្លារទៅទៀតក្នុងមួយអោន។ ប្រសិនបើយើងក្រឡេកទៅមើលទីផ្សារហ៊ុន New York Commodity Exchange កាលពីថ្ងៃសុក្រវិញ តម្លៃរបស់មាសបានឈានទៅដល់ $3,022 ឯណោះក្នុងមួយអោន នេះបើយោងតាមការចុះផ្សាយពី AGBI កាលពីថ្ងៃទី 22 ខែមីនា ឆ្នាំ 2025។
អារ៉ាប់រួម(UAE) បាននាំចូលមាសពីប្រទេសស្វីសកាន់តែច្រើនឡើងៗ ពីមួយថ្ងៃទៅមួយថ្ងៃ ជាពិសេសគឺក្នុងខែកុម្ភៈ ហើយការនាំចូលដ៏ច្រើនលើសលប់នេះផងដែរ វាត្រូវបាន AGBI បានចុះផ្សាយទៀតថា ដោយសារតែក្រុមអ្នកវិនិយោគនៅក្នុងប្រទេសមួយនេះបានងាកទៅរកទ្រព្យសម្បត្តិ ដែលមានសុវត្ថិភាព ហើយក៏ជាទ្រព្យចល័តមួយដ៏ល្អបំផុតសម្រាប់ពួកគេ ខណៈពេលដែលសេដ្ឋកិច្ចពិភពលោកមិនទាន់មានភាពនឹងនរ។
បើយោងតាមទិន្នន័យគយរបស់ប្រទេសស្វីសបានបង្ហាញថា មាសប្រមាណ 3,465 គីឡូក្រាមត្រូវបានបញ្ជូនទៅកាន់ប្រទេសអារ៉ាប់រួមកាលពីក្នុងខែកុម្ភៈ នេះគឺជាតួរលេខមួយដែលខ្ពស់បំផុត ឬស្មើនិង ពីរដងឯណោះ ប្រសិនបើយើងធៀបនិងមករា។
ប្រភពខាងលើបាននិយាយទៀតថា ការកើនឥតឈប់ឈរនេះ វាត្រូវបានគេដឹងទៀតថា ក្នុងនោះដោយសារតែខាងធនាគារកណ្តាលរបស់អេមីរ៉ាតអារ៉ាប់រួមក៏កំពុងតែបន្ថែមប្រាក់បម្រុងជាមាសបន្តទៀត ដើម្បីឲ្យស្របតាមនិន្នាការសកលលោក និងដើម្បីឆ្លើយតបទៅនឹងភាពមិនច្បាស់លាស់នៃពាណិជ្ជកម្ម និងសេដ្ឋកិច្ចសកល។
យើងខ្ញុំសូមបញ្ជាក់ថា ប្រទេសស្វីសគឺជាអ្នកនិយមស្តុកមាសដ៏ធំបំផុតមួយនៅក្នុងទីផ្សារមាសពិភពលោក មិនត្រឹមតែប៉ុណ្ណោះប្រទេសមួយនេះក៏មានសេវាកម្មដឹកជញ្ជូនមាស ដែលធំបំផុតរបស់ពិភពលោកផងដែរ ។

The post តម្លៃរបស់មាសកាន់តែកើនឡើង ស្របពេលដែលឌូបៃកាន់តែបង្កើនការនាំចូល appeared first on Cambodia Peaceful News.

រដ្ឋាភិបាល​ចិន​បាន​សន្យា​ថា ខ្លួននឹងផ្តល់ប្រាក់ឧបត្ថមសរុបប្រមាណ 41 ពាន់លានដុល្លារាល់ការជាវសម្ភារៈប្រើប្រាស់សម្រាប់ដាក់ក្នុងគេហដ្ឋានថ្មី ថែមទាំងរួមបញ្ចូលរាល់ការទិញរថយន្តអគ្គិសនី និងនាឡិកាឆ្លាតវៃថែមទៀតផង នេះបើយោងតាមការចុះផ្សាយពី BBC កាលពីថ្ងៃទី 18 ខែមីនា។

ខណៈពេលដែលសហរដ្ឋអាមេរិក និងប្រទេសមហាអំណាចផ្សេងទៀតបានតស៊ូជាមួយនឹងអតិផរណាក្រោយ ជំងឺរាតត្បាត Covid 19  តែទន្ទឹមនឹងនោះ នៅក្នុងប្រទេសចិនបែរជាជួបនិងបរិត្តផរណាទៅវិញ។ អំណាចនៃការទិញនៅក្នុងប្រទសចិនកាន់តែធ្លាក់ចុះពីមួយថ្ងៃទៅមួយថ្ងៃ រហូតធ្វើឲ្យតម្លៃទំនិញនៅក្នុងប្រទេសមួយនេះបានធ្លាក់ចុះក្នុងរយៈពេល 18 ខែជាប់គ្នា គឺក្នុងរយៈពេល 2 ឆ្នាំចុងក្រោយនេះ។

ជាការពិតណាស់ អ្នកអាចនឹងយល់ថា ការធ្លាក់ថ្លៃនេះវាគឺជាដំណឹងល្អសម្រាប់អ្នកប្រើប្រាស់។ ប៉ុន្តែប្រសិនបើអ្នកបានយល់ពីបញ្ហាទីផ្សា អ្នកប្រាកដជាដឹងយ៉ាងច្បាស់ថា ​ការ​ធ្លាក់​ចុះ​នៃ​ការ​ប្រើ​ប្រាស់​ជា​បន្ត​បន្ទាប់បែបនេះ វាគឺជា រង្វាស់​នៃ​អ្វី​ដែល​គ្រួសារនីមួយៗនៅក្នុងប្រទេសចិនបានចំណាយលើការ​ទិញកាន់តែតិច នេះហើយវា​សញ្ញា​នៃ​បញ្ហា​សេដ្ឋកិច្ចដែល​កាន់​តែ​ជ្រៅ។

អ្នកត្រូវដឹងថា នៅពេលដែលមនុស្សឈប់ចំណាយ អាជីវកម្មនិងចាប់ផ្តើមកាត់បន្ថយតម្លៃ គឺធ្វើយ៉ាងណាដើម្បីទាក់ទាញអ្នកប្រើប្រាស់។ ហើយប្រសិនបើ រឿងនេះកើតឡើងកាន់តែច្រើន ក្រុមហ៊ុនទាំងនោះនិងរកប្រាក់បានកាន់តែតិច នោះការកាត់បន្ថយលើបុគ្គលិកនិងកើតមាន ហើយប្រសិនបើវានៅមានក៏ប្រាក់ឈ្នួលនោះនៅនឹងទ្រឹងដែរ ទាំងអស់នេះហើយវាជាមូលហេតុដ៏ធំដែលនាំឲ្យសេដ្ឋកិច្ចធ្លាក់ចុះ។

ដើម្បីដោះស្រាយវិបត្តិសេដ្ឋកិច្ច និងដើម្បីជំរុញឲ្យមានតម្រូវការក្នុងស្រុកឡើងវិញ ក្នុងនោះមេដឹកនាំទីក្រុងប៉េកាំងបានលើកឡើងថា ខ្លួននឹងបង្កើនការវិនិយោគនៅក្នុងកម្មវិធីសុខុមាលភាពសង្គមដែលជាផ្នែកមួយនៃផែនការសេដ្ឋកិច្ចដ៏ធំរបស់ប្រទេសខ្លួនសម្រាប់ឆ្នាំ 2025 ។

គួរបញ្ជាក់ថា លោក ស៊ី ជីងពីង បានកំណត់ទិសដៅថា ប្រសិនបើទីផ្សារអ្នកប្រើប្រាស់ចិនកាន់តែរឹងមាំ ប្រាក់ឈ្នួលខ្ពស់ បណ្តាញសុវត្ថិភាពសង្គមកាន់តែរឹងមាំ នោះពួកគេនឹងយល់ថា ការរស់នៅរបស់ខ្លួនគឺមានសុវត្តិភាពគ្រប់គ្រាន់ហើយ ដូច្នេះពួកគេក៏មិនចាំបាច់បង្កើនការសន្សំ ដោយកាត់បន្ថយចំណាយនោះដែរ។

លោក Xi Jinping បានប្តេជ្ញាទៀតថា “លោកនឹងធ្វើឱ្យតម្រូវការក្នុងស្រុកក្លាយជាកម្លាំងជំរុញដ៏សំខាន់ និងមានស្ថេរភាព” ។ បើយោងតាមការលើកឡើងពីលោក  Caiyun Wang តំណាងសភាប្រជាជនជាតិបាននិយាយថា “ជាមួយនឹងចំនួនប្រជាជន 1.4 ពាន់លាននាក់ បើទោះជាកើនឡើងត្រឹមតែ 1% នៃតម្រូវការ នោះមានន័យថាចិនអាចបង្កើតទីផ្សារបានយ៉ាងតិចក៏ 14 លាននាក់ដែរ” ។

The post ហេតុអ្វី​បាន​ជា​ប្រទេសចិន​ចំណាយប្រាក់​រាប់​ពាន់​លានដុល្លា ​ដើម្បីជួយចេញថ្លៃចំណាយរបស់ប្រជាជនខ្លួន? appeared first on Cambodia Peaceful News.

ប្រទេស Uzbekistan​ បានក្លាយទៅជាតារាមួយដួងដែលកំពុងតែរះនៅអាស៊ីកណ្តាល ព្រោះថារដ្ឋាភិបាលប្រទេសមួយនេះបានចាត់វិធានការយ៉ាងម៉ឺងម៉ាត់ទៅលើការអប់រំ និងភាពជាអ្នកដឹកនាំអន្តរជាតិ។ ប្រធានាធិបតី  Uzbekistan លោក Shavkat Mirziyoyev បានកំណត់យុទ្ធសាស្ត្រក្នុងឆ្នាំ 2030 ថា ប្រទេសរបស់លោកត្រូវតែមានសរស្តម្ភជាស្នូលយ៉ាងតិចចំនួនប្រាំ៖ ទីមួយគឺនិរន្តរភាពបរិស្ថាន កំណែទម្រង់រដ្ឋបាលសាធារណៈ ការផ្លាស់ប្តូរសង្គម សុវត្ថិភាពជាតិ និងទស្សនវិស័យដែលផ្តោតលើអនាគត។

គួរបញ្ជាក់ថា Uzbekistan​ គឺជាប្រទេសមួយដែលមានទីតាំងស្ថិតនៅអាស៊ីកណ្តាល ហើយក៏ជាប្រទេសមួយដែលគ្មានផ្លូវគោកនោះដែរ។​ Uzbekistan​ ​គឺ​ជា​ផ្នែក​មួយ​នៃប្រទេស​តួគី ដែលផ្តើមចេញពី​សមាជិក​នៃ​អង្គការ​រដ្ឋ​តួកគី។

យ៉ាងណាមិញ ប្រសិនបើយើងងាកមកមើលផលិតផលក្នុងស្រុកសរុបរបស់​ Uzbekistan​ វិញគឺមានមិនតិចជាង100 ពាន់លានដុល្លារនោះ  តែបើនិយាយពីការនាំចេញវិញនោះគឺច្រើនជាង 24 ពាន់លានដុល្លារទៅទៀត។ Uzbekistan​ គឺជាប្រទេសមួយដែលមានទុនបំរ៉ុងជាមាស និងរូបិយប័ណ្ណបរទេសច្រើនជាង 38 ពាន់លានអឺរ៉ូឯណោះ ហេតុដូច្នេះហើយទើបប្រទេសនេះបាន អាចពង្រីកកេរ្តិ៍ឈ្មោះរបស់ខ្លួនជាដៃគូអន្តរជាតិដ៏គួរឲ្យភ្ញាក់ផ្អើរបំផុត រហូតដល់គេចាត់ទុកប្រទេស Uzbekistan​ ​ថា ជាផ្កាយដ៏ចែងចាំងក្នុងអាស៊ីកណ្តាល។

The post ផ្កាយមួយដួង កំពុងតែបញ្ចេញពន្លឺដ៏ចាំងចែងនៅក្នុងអាស៊ីកណ្តាល appeared first on Cambodia Peaceful News.

ក្នុងរយៈពេលជាងពីរឆ្នាំកន្លងមកនេះ តម្លៃពេជ្រធម្មជាតិបានធ្លាក់ចុះប្រមាណ 26% ហើយចំណែកឯពេជ្របណ្តុះដោយមន្ទីរពិសោធន៍វិញក៏បានធ្លាក់ចុះមិនតិចជាង 74% ដែរ បើធៀបទៅនឹងតម្លៃរបស់វាកាលពីឆ្នាំ 2020 នេះបើយោងតាមរបាយការណ៍របស់ Guardian ដែលបានចេញផ្សាយនៅថ្ងៃទី 27 ខែមករា ឆ្នាំ 2025។

បើយោងតាមការរៀបរាប់ពីម្ចាស់ហាងលក់ពេជ្រខ្នាតយក្ស De Beers ដែលមានទីតាំងនៅក្នុងចក្រភពអង់គ្លេស ពួកគេបានរាយការណ៍ថា កាលពីក្នុងឆ្នាំ 2024 ហាងរបស់ខ្លួនមួយនេះបានស្តុកពេជ្រ ដែលមានតម្លៃជាទឹកប្រាក់ប្រមាណ $2 ពាន់លានដុល្លារ តែស្តុកមួយនេះគឺបានជាប់គាំងរហូតមកទល់នឹងពេលនេះ គឺដោយសារតែពួកគេមិនទាន់អាចលក់ចេញតាមការគ្រោងទុកនោះទេ។  

តម្រូវការចំពោះពេជ្រគឺកាន់តែធ្លាក់ពីមួយឆ្នាំទៅមួយឆ្នាំ ហើយការជាប់គាំងជាច្រើនឆ្នាំកន្លងមកនេះ វាអាចបណ្តាលមកពីការកើនឡើងនៃអតិផរណា ជាពិសេសគឺលើទំនិញប្រើប្រាស់ប្រចាំថ្ងៃកាន់តែខ្ពស់ ហើយវាក៏ជំរុញឲ្យវិស័យប្រណីតធ្លាក់ចុះ ម្យ៉ាងទៀតពួកគេបានសង្កេតឃើញទៀតថា ក្រោយកូវីដអត្រានៃអ្នកសុំមនុស្សស្រីរៀបការក៏មានតិចជាងមុនដែរ កក្តាទាំងអស់នេះវាបានជំរុញឲ្យអ្នកលក់ពេជ្រយល់ថា បច្ចប្បន្នមនុស្សភាគច្រើនបានងាកទៅរកការសន្សំប្រាក់ជំនួសការទិញវត្ថុមានតម្លៃ។

គួរបញ្ជាក់ថា កាលពីមុនឆ្នាំ 2022 តម្លៃពេជ្រធម្មជាតិជាមធ្យមមួយការ៉ាត់គឺមិនអាចលក់ក្រោម 1,800 ដុល្លារនោះទេ តែនៅពេលនេះ មួយការ៉ាត់មកនៅសល់ត្រឹមតែ $892 ប៉ុណ្ណោះ។

តែបើទោះយ៉ាងណាក៏ដោយ រាល់អ្នក​លក់​គ្រឿងអលង្ការ​ភាគច្រើនមិនដែលនិយាយថា ការលក់របស់ខ្លួនបានធ្លាក់ចុះនោះទេ ហើយពួកគេក៏តែងតែព្យាយាមនិយាយថា​ ដំណើរការនៃការលក់របស់ខ្លួនគឺ​រឹងមាំ ពោលគឺខ្លួនបានចូលស្តុកថ្មី និងម៉ូដថ្មីៗជានិច្ច គឺដើម្បីឲ្យអតិថិជនកាន់តែមានទំនុកចិត្តមកលើហាងរបស់ខ្លួន។

The post តម្លៃពេជ្រកំពុងធ្លាក់ចុះ ដោយសារតែពេជ្របានបាត់បង់ភាពទាក់ទាញ ពីអតិថិជនទូទាំងពិភពលោក appeared first on Cambodia Peaceful News.

ក្រុមហ៊ុន Invest Hong Kong (InvestHK) បានប្រកាសថា កាលពីឆ្នាំ 2024 ក្រុមហ៊ុននៅក្រៅប្រទេស និងចិនដីគោកយ៉ាងតិចចំនួន 539 បានបង្កើត និងពង្រីកអាជីវកម្មរបស់ពួកគេនៅក្នុងទីក្រុងហុងកុង ដែលជាចំនួនមួយកើនឡើងប្រមាណជា 41% បើធៀបនឹងឆ្នាំមុន។

យ៉ាងណាមិញ ប្រសិនបើយើងនិយាយជាចំនួនទឹកប្រាក់សរុបដែលហុងកុងទទួលបានមកពីក្រុមអ្នកវិនិយោគវិញ គឺប្រមាណជា 67.7 ពាន់លានដុល្លា។ InvestHK បានិយាយទៀតថា ក្រុមហ៊ុនទាំង 539 អស់ខាងលើ ក៏បានយល់ព្រមបង្កើតការងារថ្មីសម្រាប់ប្រជាជនហុងកុងយ៉ាងតិចក៏ 6,864 នាក់ដែរ ដែលជាចំនួនកើនឡើងខ្ពស់បំផុតគឺស្មើរនឹង 67% បើធៀបនឹងឆ្នាំដដែល។

គួរបញ្ជាក់ថា កក្តាដែលជម្រុញឲ្យទីក្រុងហុងកុងក្លាយទៅជាតំបន់ដែលមានភាពទាក់ទាញនោះ គឺដោយសារតែ ទីក្រុងមួយនេះពោពេញទៅដោយភាពច្នៃប្រឌិត ការដើរទាន់បច្ចេកវិទ្យា សេវាកម្មហិរញ្ញវត្ថុ និងបច្ចេកវិទ្យា fintech ការិយាល័យគ្រួសារ ទេសចរណ៍ បដិសណ្ឋារកិច្ច និងសេវាកម្មអាជីវកម្មផ្សេងៗជាច្រើនទៀត រហូតធ្វើឲ្យហុងកុងបានក្លាយទៅជាប្រភពដែលមានការចាប់អារម្មណ៍ខ្ពស់ពីអ្នកវិនិយោគនៅសហរដ្ឋអាមេរិក និងអឺរ៉ុប។

InvestHK បាននិយាយបន្តថា ខ្លួននឹងផ្តោតលើការទាក់ទាញការវិនិយោគប្រកបដោយគុណភាពនៅក្នុងផ្នែកដូចជា ការស្រាវជ្រាវ និងការអភិវឌ្ឍន៍ ការគ្រប់គ្រងរតនាគារ និងទីស្នាក់ការកណ្តាលគ្រប់គ្រងក្នុងតំបន់ ដើម្បីស្របទៅតាមផែនការលើកកម្ពស់ខាងវិស័យឧស្សាហកម្មដែលកំពុងរីកចម្រើនដូចជាបច្ចេកវិទ្យា និងឧស្សាហកម្មវប្បធម៌។

គួរបញ្ជាក់ថា InvestHK គឺជានាយកដ្ឋានរបស់ រដ្ឋាភិបាលហុងកុង (SAR) ដែលទទួលខុសត្រូវលើ ការវិនិយោគផ្ទាល់ពីបរទេស និងដើម្បីគាំទ្រដល់អាជីវកម្មនៅក្រៅប្រទេសក្នុងការបង្កើត និងពង្រីកនៅក្នុងទីក្រុងហុងកុង ។ (Hong Kong Business News 22 Jan 2025)

The post ក្រុមហ៊ុនក្រៅប្រទេសចំនួន 539 ពង្រីកនៅក្នុង ទីក្រុងហុងកុង appeared first on Cambodia Peaceful News.

ក្នុងចន្លោះឆ្នាំ 2023 និង 2024 ក្រុមហ៊ុនផលិតរថយន្តចិនបានបង្កើនចំណែកទីផ្សាររបស់ខ្លួននៅ UAE ច្រើនជាង 86 ភាគរយទៅទៀត នេះបើយោងតាមក្រុមប្រឹក្សារថយន្តមជ្ឈិមបូព៌ា។

បើយោងតាមការរៀបរាប់ពីអ្នកនិពន្ធរបស់ AGBI លោក Imthishan Giado លោកបានសរសរថា ដោយយោងតាមការចែករំលែកដែលក្រុមអ្នកភិវឌ្ឍខាងផ្នែកឧស្សាហកម្មរបស់ចិន ពួកគេបាននិយាយថា ក្រុមការងាររបស់ពួកគេគឺពិតជាប្រឹងប្រែងណាមក្នុងព្យាយាម និងស្វែងយល់ពីចំណុចខ្វះខាតផលិតផលខ្លួនអស់រយៈពេលជាច្រើនឆ្នាំមកហើយ គឺដើម្បីយកវាមកកែលម្អនៅកក្តាដែលបណ្តាលឲ្យមានភាពរាំងស្ទះនៃការលក់រថយន្តចិនក្នុងតំបន់ឈូងសមុទ្រ ហើយជាពិសេសជាងគេនោះ គឺឌូបៃ។

ការសម្ភាសមួយដែលធ្វើឡើយដោយក្រុមអ្នកយកព័ត៌មានរបស់ AGBI ជាមួយនិងអ្នកតំណាងឲ្យក្រុមហ៊ុនផលិតរថយន្តជនជាតិចិន ពួកគេបានលើកឡើងថា។ មុននឹងឈានដល់ការលក់ ក្រុមអ្នកជំនាញខាងផ្នែកអេឡិចត្រូនិចរបស់ចិន តែងតែចោទជាសំនួរសួរខ្លួនឯងថាៈ តើរថយន្តចិនអាចធន់បានយូរប៉ុណ្ណាបើធៀបនឹងឡានរបស់ជប៉ុន ព្រោះថា កេរ្តិ៍ឈ្មោះរបស់ប្រទេសមួយនេះវាបានចាក់គ្រិះទៅក្នុងបេះដូងរបស់អ្នកប្រើប្រាស់ជាយូយាណាស់មកហើយ។ ចំពោះសំនួរមួយទៀតដែលយើងតែងតែសួរទៅកាន់អ្នកធ្វើទីផ្សា គឺយើងតែងសួរថា អ្វីដែលជាតម្រូវការចាំបាច់របស់អ្នកប្រើប្រាស់ ព្រោះថាថ្នត់គំនិចរបស់មនុស្សរមែងមានការផ្លាស់ប្តូរ ប្រសិនបើរបស់ថ្មីមួយនេះល្អទាំងតម្លៃ និងគុណភាព ម្យ៉ាងទៀតវាក៏មានការធានាថែមទៀតផង។

ភាពជោគជ័យរបស់រថយន្តចិនដំបូងគេដែលលក់ចេញក្នុងទឹកដី អារ៉ាប់រួមនោះគឺតម្លៃរបស់វា។ ការលក់ក្នុងតម្លៃមួយដ៏សមរម្យ បូករួមទាំងការធាមួយយ៉ាងច្បាស់លាស់ ប្រទេសចិនបានមើលឃើញថា បន្ទាប់ពីមានការរាតត្បាតនៃជំងឺកូវីដ១៩ សេដ្ឋកិច្ចនៅមិនទាន់មានភាពនឹងនរនោះទេ។ យ៉ាងណាមិញ ការកាត់បន្ថយចំណាយវាគឺរឿងចម្បងដែលមនុស្សជាច្រើននៅក្នុងពិភពត្រូវតែអនុវត្តន៍។ តែទន្ទឹមនឹងនោះ ការកាត់បន្ថយចំណាយវាមិនមែនមានន័យថា ពួកគេនឹងបញ្ឈប់ការចាយវាយទាំងស្រុងនោះទេ។

ដើម្បីជំរុញឲ្យមានតម្រូវការ យើងគប្បីត្រូវតែស្គាល់ពីចំនុចខ្សោយរបស់គូរប្រកួតប្រជែង។ ការលក់ផលិតផលមួយដែលមានតម្លៃទាប អ្នកត្រូវប្រាកដថា វាមិនមែនជាទំនិញដែលគ្មានគុណភាពនោះឡើយ ភាពបត់បែនខ្ពស់របស់ក្រុមហ៊ុនចិន គឺបានរកឃើញថា បច្ចុប្បន្នមានអ្នកទិញរថយន្តជាច្រើន រមែងសួររកនូវការរធានារយៈពេលវែង។ ប្រសិនបើយើងគ្មានវា នោះនឹងគ្មាននរណាម្នាក់ទុករថយន្តរបស់យើងនោះទេ អ្នកត្រូវចាំថា ដើម្បីឈរនៅលើទីផ្សាឱ្យបានយូរអង្វែង អ្នកគប្បីផ្សព្វផ្សាយនូវអ្វីដែលជាការពិត ហើយភាពពិតប្រាកដប្រជារបស់អ្នកនេះហើយ វាគឺជាមូលហេតុចម្បងមួយដែលនាំឲ្យផលិតផលរបស់ប្រទេសចិនអាចយកឈ្នះគូរប្រជែងនៅក្នុងឌូបៃ។

The post ចំនុចពិសេសមួយចំនួន ដែលប្រទេសចិនអាចដណ្តើមយកទីផ្សាររថយន្តនៅអារ៉ាប់រួម appeared first on Cambodia Peaceful News.

រដ្ឋាភិបាលរបស់ប្រទេសចិនបានដាក់ចេញនូវផែនការមួយ ដោយលើកយកកីឡារដូវរងាមកជំរុញកំណើនសេដ្ឋកិច្ចរបស់ប្រទេសខ្លួន នេះបើយោងតាមការចុះផ្សាយពីសារព័ត៌មានស៊ិនហួរកាលពីចុងឆ្នាំ ២០២៤។

ថ្នាក់ដឹកនាំប្រទេសចិនបានរំពឹងទុកថា ខ្លួននិងប្រមូលប្រាក់ពីវិស័យទេសចរណ៍យ៉ាងតិច 1 ពាន់ពាន់លានយន់ក្នុងឆ្នាំ 2025។ ការពោលបែបនេះ គឺបានកើតឡើងបន្ទាប់ពីក្រសួងទេសចរណ៍បានប្រកាសថា វិស័យឧស្សាហកម្មគ្មានផ្សែងក្នុងឆ្នាំ 2024 បានរកចំណូលជូនជាតិច្រើនជាង 970 ពាន់លានយន់(133 ពាន់លានដុល្លារ)ទៅទៀត។

ខាងក្រសួងទេសចរណ៍បានព្យាករណ៍ទុកទៀតថា កំណើននៃភ្ញៀវទេសចរណ៍និងធ្វើឲ្យវិស័យមួយនេះមានកំណើនយ៉ាងតិច 1.2 ពាន់ពាន់លានយន់នៅឆ្នាំ 2027 និង 1.5 ពាន់ពាន់លានយន់នៅឆ្នាំ 2030។

គួរបញ្ជាក់ថា ចំនួនអ្នកទេសចរណ៍នៅក្នុងប្រទេសចិនបានស្ទុះឡើងបំផុត នៅពេលដែលរដូវរងារបានមកដល់។ ការចាប់អារម្មណ៍ទៅលើការស្គីលើទឹកកកបានក្លាយទៅជារឿងមួយដ៏ពេញនិយមបំផុតសម្រាប់អ្នកបានទៅដល់ទីនោះ។

យ៉ាងណាមិញ នៅក្នុងតំបន់ភាគខាងត្បូងនៃប្រទេសចិន វាតែងតែមានព្រិលធ្លាក់គួរឲ្យចាប់អារម្មណ៍ ហើយតំបន់មួយនេះផងដែរ វាបានក្លាយទៅជាទីតាំងសម្រាប់លេងកីឡានារដូវរងារចាប់តាំងពីមានព្រឹត្តិការណ៍កីឡាអូឡាំពិកសម្រាប់រដូវរងារចាប់តាំងពីឆ្នាំ 2022 មកម្ល៉េះ។ ការបង្ហាញនូវកីឡាប្លែកៗជាច្រើននៅពេលមានព្រិលធ្លាក់ វាមិនត្រឹមតែអង្រួនចិត្តរបស់យុវជនប៉ុណ្ណោះទេ តែសូម្បីតែមនុស្សវ័យចំណាស់ក៏មានបំណងចង់ស្គាល់រសជាតិនៃការជិៈស្គីទឹកកក ខណៈដែលមានព្រិលធ្លាក់នេះដែរ។

កីឡារដូវរងាមិនត្រឹមអាចជួយឲ្យប្រទេសចិនកើនប្រាក់ចំណូលពីអ្នកទេសចរណ៍ប៉ុណ្ណោះទេ តែវាក៏បានជួយឲ្យខាងវិស័យឧស្សាហកម្មមានការរីកចម្រើនដូចគ្នា។ រដូវត្រជាក់មួយនេះបានធ្វើឲ្យប្រជាជនជាច្រើនទទួលបានចំណូលពីការលក់ អាវរងា សម្ភារៈសម្រាប់លេងកីឡាដែលមានដូចជាៈ ក្តាស្គីទឹកកក និងឧបករណ៍វាយកូនគោលលើទឹកកកជាដើម។

បើយោងទៅតាមការរៀបរាប់ពីលោក Yan Yan សាស្ត្រាចារ្យរងនៅសាកលវិទ្យាល័យបច្ចេកវិទ្យាណានជីងបាននិយាយថា “សេដ្ឋកិច្ចចិននារដូវទឹកកកនិងព្រិល វាគឺជាអណ្តូងរ៉ែមាសដ៏ធំបំផុតរបស់ចិន” ។ “ភាពជោគជ័យស្ថិតនៅលើការដឹកនាំមួយដែលចេះបង្កើតគុណសម្បត្តិ ដោយអមជាមួយនឹងអ្វីដែលប្លែក ហើយទាន់សម័យ អ្វីទាំងអស់នេះហើយ វាគឺជាអ្វីដែលមនុស្សគ្រប់រូបតែងតែប្រាថ្នាចង់ស្គាល់។

The post តំបន់ធ្លាក់ព្រិល និងទឹកកកនៅក្នុងប្រទេសចិន វាត្រូវបានគេចាត់ទុកថា ជាអណ្តូងរ៉ែមាស appeared first on Cambodia Peaceful News.