ការបំពុលខ្យល់បានកើតឡើងនៅពេលដែលភាគល្អិតរឹង និងរាវ (aerosols)  បានបញ្ចប់ទៅក្នុងខ្យល់។ ចំពោះភាគល្អិតដែលមានផលប៉ះពាល់ខ្លាំងដល់មនុស្ស និងសត្វខ្លាំងជាងគេនោះ វាត្រូវបានក្រុមអ្នកស្រាវជ្រាវជឿជាក់ថា គឺវាកើតឡើងដោយសារតែសកម្មភាពរបស់មនុស្ស។  

aerosols វាកាន់តែកើនឡើងនៅក្នុងបរិយាកាស នៅពេលដែលមនុស្សចាប់ផ្តើមដុតឥន្ធនៈហ្វូស៊ីល ដូចជាធ្យូងថ្ម ប្រេង និងឈើជាដើម។ ប៉ុន្តែពេលខ្លះ aerosols វាអាចនឹងកើតឡើងនៅក្នុងតំបន់ដែលអ្នករស់នៅ បើទោះបីជាទីនោះមិនមានការធ្វើសកម្មភាពដូចដែលបានរៀបរាប់ខាងលើក៏ដោយ។

ការបំពុលខ្យល់វាបានកើតឡើង នៅពេលដែលក្នុងតំបន់ដែលអ្នករស់នៅ ឬក្បែរនោះ មានការបញ្ចេញផ្សែងរថយន្តច្រើន រោងចក្រ និងសូម្បីតែភ្លើងឆេះព្រៃ។ នៅពេលនោះភាគល្អិត និងឧស្ម័នមួយចំនួនដែលបានមកដោយផ្ទាល់ពីប្រភពទាំងអស់នោះ វាក៏ចូលទៅលាយឡំគ្នានៅក្នុងខ្យល់ រហូតបង្កើតជាប្រតិកម្មគីមីនៅក្នុងបរិយាកាស។

អ្នកនិពន្ធរបស់ climatekids.nasa បានសរសេររៀបរាប់ទៀតថា នៅពេលខ្លះ Aerosols វាអាចមកពីកន្លែងផ្សេងទៀត ដែលមានដូចជា កំទេចផេះពីភ្នំភ្លើងដែលកំពុងផ្ទុះ ឬជាកំទេចធូលីដែលខ្យល់បក់មកផងដែរ។

តើការបំពុលខ្យល់វានាំឲ្យមានផលប៉ះពាល់ដល់សុខភាពរបស់យើងយ៉ាងដូចម្តេច?

ការ​ស្រូប​ខ្យល់​កខ្វក់​អាច​ប៉ះពាល់​ដល់​សុខភាព​យើង​យ៉ាងធ្ងន់ធ្ងរ ហើយវាក៏ជាមូលហេតុចម្បងដែលបង្កើតឲ្យមានជំងឺបេះដូង សួត មហារីក និងបញ្ហាផ្លូវដង្ហើមផ្សេងៗជាច្រើនទៀត។

ដើម្បីតាមការបំពុលនៅក្នុងបរិយាកាស NASA បានប្រើប្រាស់ផ្កាយរណបជាច្រើនឲ្យធ្វើដំណើរជុំវិញផែនដី។  ហើយប្រសិនបើ អ្នកព្យាករណ៍គុណភាពខ្យល់ចង់ដឹងទិន្នន័យអំពី aerosols លុះត្រាតែពួគេទទួលបានទិន្នន័យពី ផ្កាយរណប Aqua , Terra និង Suomi-NPP របស់ NASA ជាមុនសិន។

តែបើទោះជាយើងបានយល់ដឹងពីមូលហេតុដែលបង្កើតឲ្យមានខ្យល់ពុល ប្រាកដណាស់អ្នកនឹងដឹងថា តើពួកយើងគួរធ្វើអ្វីខ្លះដើម្បីកាត់បន្ថយផ្សែងពុលទាំងនោះ ហើយចំនុចនេះវាជាគន្លឹះដែលអ្នកនិពន្ធរបស់ climatekids.nasa ចង់បង្ហាញអ្នក។

The post តើការបំពុលខ្យល់កើតឡើងដោយសារតែមូលហេតុអ្វីខ្លះ? appeared first on Cambodia Peaceful News.

តាមរយៈទីក្រុងហ្សឺណែវ បានឲ្យដឹងថា អង្គការសុខភាពពិភពលោកបានប្រកាសកាលពីថ្ងៃអង្គារថា គ្រឿងស្រវឹងបានសម្លាប់មនុស្សទូទាំងពិភពលោកយ៉ាងតិចជិតបីលាននាក់ជារៀងរាល់ឆ្នាំ។

របាយការណ៍មួយដែលស្តីពីកំនើននៃអត្រាមរណភាពដោយសារការសេបគ្រឿងស្រវឹង បានសរសេរថា ថ្វីត្បិតតែនៅក្នុងរយៈពេលប៉ុន្មានឆ្នាំចុងក្រោយនេះ ចំនួននៃអ្នកស្លាប់ដោយសារការប្រើប្រាស់គ្រឿងស្រវឹងវាបានធ្លាក់ចុះបន្តិចក៏ពិតមែន ប៉ុន្តែបើទោះជាយ៉ាងនេះក្តី ចំនួនអ្នករងគ្រោះដ៏ច្រើនលើសលប់នេះ ខាងអង្គការសុខភាពពិភពពិតជាមិនអាចទទួលយកបាននោះទេ” ។

ក្រុមអ្នកអង្កេតរបស់ WHO នៅតែបន្តរកឃើញថា ការទទួលទានគ្រឿងស្រវឹងវាបានសម្លាប់មនុស្សយ៉ាងតិចក៏ម្នាក់ ក្នុងចំណោមអ្នកស្លាប់ 20 នាក់ ទូទាំងពិភពលោកក្នុងមួយឆ្នាំៗ ហើយរូបភាពទាំងនោះវាបានបង្ហាញឲ្យយើងដឹងតាមរយៈការបើកបរដែលស្ថិតនៅក្រោមឥទ្ធិពលនៃក្នុងគ្រឿងស្រវឹង ការប្រើប្រាស់អំពើហិង្សា និងការរំលោភបំពានផ្សេងៗជាច្រើនទៀត ជាពិសេសគឺជំងឺដែលបង្ករឡើងដោយសារពិសារគ្រឿងស្រវឹងជាដើម។

អង្គការសុខភាពពិភពលោកបាននិយាយរៀបរាប់ទៀតថា មនុស្សប្រមាណជា 2.6 លាននាក់ គឺត្រូវបានពួកគេសន្មតថា វាសុទ្ធសឹងតែបង្ករឡើងដោយការប្រើប្រាស់គ្រឿងស្រវឹង។ គួរបញ្ជាក់ថា នៅក្នុងទិន្នន័យស្ថិតិចុងក្រោយគេបង្អស់របស់ខ្លួនគឺកាលពីឆ្នាំ 2019 បានសរសេរថា ចំនួនអ្នកស្លាប់ដោយគ្រឿងស្រវឹងគឺមានប្រមាណជា 4.7 ភាគរយនៃចំនួនអ្នកស្លាប់ទាំងអស់ គឺនៅទូទាំងពិភពលោក។

អង្គការសុខភាពពិភពលោកបានបន្តទៀតថា ចំពោះសមាមាត្រដែលខ្ពស់ជាងគេបំផុតនៃការស្លាប់ដោយសារគ្រឿងស្រវឹងគឺជាឆ្នាំ 2019 ដោយក្នុងនោះមាន 13 ភាគរយនៃចំនួនសរុប ហើយរាល់អ្នកដែលបានបង់ជីវិតនាឆ្នាំនោះគឺពួកគេមានអាយុចន្លោះពី 20 ទៅ 39 ឆ្នាំ។

ក្នុងឆ្នាំ 2019 ដដែល ចំនួនអ្នកទទួលទានសុរា គឺត្រូវបានក្រុមការងាររបស់ WHO យកវាទៅផ្សារភ្ជាប់ជាមួយនឹងស្ថានភាពសុខភាពមួយចំនួនផងដែរ ហើយរាល់ជំងឺទាំងនោះ គឺវាកើតឡើងដោយសារតែការពិសារស្រា  ដែលជាមូលហេតុនាំឲ្យកើតជំងឺក្រិនថ្លើម និងមហារីក។

របាយ​ការណ៍ដដែល​បាន​រក​ឃើញទៀត​ថា ការ​ប្រើ​គ្រឿង​ស្រវឹងវា​ក៏បាន​ធ្វើ​ឱ្យ​មនុស្ស​ងាយ​នឹង​ឆ្លង​ជំងឺ​ដូច​ជា​ជំងឺ​របេង មេរោគ​អេដស៍ និង​ជំងឺ​រលាក​សួតថែមទៀតផង។ WHO បានបញ្ជាក់បន្ថែមថា ក្នុងឆ្នាំ 2019 គឺមានមនុស្សប្រហែល 38 ភាគរយ ត្រូវបានគេចាត់ទុកថា ពួកគេទាំងនោះគឺជាអ្នកផឹកស្រាខ្លាំង នឹងញឹកញាប់ខ្លាំងជាងគេ។

យ៉ាងណាមិញដើម្បីជាសារផ្តាំផ្ញើ លោក Vladimir Poznyak ប្រធានអង្គភាពរបស់អង្គការសុខភាពពិភពលោកសម្រាប់គ្រឿងស្រវឹង គ្រឿងញៀន បាននិយាយប្រាប់អ្នកយកព័ត៌មានថា គ្រឿងស្រវឹងវាគឺជាឃាតករលាក់មុខមួយដែលមនុស្សគ្រប់គ្នាតែងមើលរំលង អ្នកត្រូវចងចាំថា ការទទួលទានគ្រឿងស្រវឹងវាមិនមានផលល្អណាមួយសម្រាប់សុខភាពអ្នកនោះទេ តែផ្ទុយទៅវិញនឹងធ្វើឲ្យអ្នកមានវិបដិសារីដោយសារតែការប្រើប្រាស់វាទៅវិញ។

The post WHO៖ គ្រឿងស្រវឹងបានបំផ្លាញជីវិតមនុស្សយ៉ាងតិចជិត 3 លាននាក់ក្នុង 1 ឆ្នាំ appeared first on Cambodia Peaceful News.

ក្មេងប្រុស ​ស្រីជាច្រើននាក់ ​ត្រូវ​បាន​គេ​រក​ឃើញ​ថា ពួកគេបានទទួលទានស្រា និង​គ្រឿងស្រវឹងផ្សេងៗជាច្រើនទៀត ខណៈដែលពួកគេមាន​អាយុក្រោម ​១៥​ឆ្នាំ។ បើយោងទៅតាមរបាយការណ៍របស់ អង្គការសុខភាពពិភពលោក WHO បានលើកឡើងថា ក្នុងចំណោមកុមារដែលផឹកគ្រឿងស្រវឹងច្រើនជាងគេនោះ ភាគច្រើនគឺជាកុមារដែលរស់នៅក្នុង​ប្រទេស​អង់គ្លេស បន្ទាប់មកគឺប្រទេសវែល និងចុងក្រោយនោះគឺជាប្រទេសប្រ​ស្កុតឡែន។

អ្នកនាំពាក្យរបស់អង្គការសុខភាពពិភពលោក (WHO) បាននិយាយថា ការប្រើប្រាស់គ្រឿងស្រវឹងទាំងដែលពួកគេមិនទាន់ពេញវ័យ (ក្រោមអាយុ១៨ឆ្នាំ) សារធាតុដែលមាននៅក្នុងគ្រឿងស្រវឹងទាំងនោះ វាអាចចូលទៅបំផ្លាញខួរក្បាលរបស់កុមារបានយ៉ាងងាយស្រួល។

ខាងអង្គការសុខភាពពិភពលោកបានអំពាវនាវឱ្យប្រទេសនានានៅក្នុងពិភពលោក មេត្តដាក់ចេញនូវវិធានការណ៍យ៉ាងតឹងរឹងបន្ថែមទៀតដើម្បីការពារដល់កុមារ មានន័យថាគឺដើម្បីរក្សាធនធានមនុស្សនៅក្នុងប្រទេសរបស់ខ្លួន។

យ៉ាងណាមិញ បើយោងតាមការចុះផ្សាយដោយ BBC កាលពីថ្ងៃទី ២៤ ខែមេសា ឆ្នាំ២០២៤ បានឲ្យដឹងទៀតថា នៅរបាយការណ៍របស់ (WHO) បានបង្ហាញថា ទិន្នន័យដែលកុមារសេបគ្រឿងស្រវឹង គឺមានប្រហែល 4,500 នាក់ ដោយក្នុងនោះគឺមកពីប្រទេសជាច្រើនដូចជា៖ សហភាពអឺរ៉ុប អាស៊ីកណ្តាល និងកាណាដាជាដើម។

បើយោងតាមការរៀបរាប់ពីលោកវេជ្ជបណ្ឌិត Inchley បាននិយាយថា ការសេបគ្រឿងគ្រឿងស្រវឹង ដំបូងឡើយគឺកើតឡើងដោយចាប់ផ្តើមពីក្នុងផ្ទះរបស់គេ បន្ទាប់មកវាក៏ជំរុញឲ្យមានការផ្លាស់ប្តូរអាកប្បកិរិយារបស់ឪពុកម្តាយ ដែលជាហេតុនាំឲ្យកូនឈានទៅដល់ការសាកល្បង។

ការស្រាវជ្រាវបង្ហាញថា ប្រសិនបើក្មេងៗនៅតែបន្តសាកល្បងទទួលទានសុរាទៀតនោះ បញ្ហានឹងកាន់តែធ្ងន់ធ្ងរ ហើយវាអាចក្លាយជាបញ្ហាមួយយ៉ាងធំនៅពេលដែលពួកគេកាន់តែចាស់។

គួរបញ្ជាក់ថា នៅក្នុងរបាយដែល (WHO) បានរកឃើញចំនួនកុមារដែលទទួលទានគ្រឿងស្រវឹង គឺភាគច្រើនពួកគេមានអាយុក្រោមអាយុ 13 ឆ្នាំ។ របាយការណ៍បានរកឃើញថាក្នុង 12% គឺជាក្មេងស្រី និង 9% គឺជាក្មេងប្រុសនៅក្នុងប្រទេសអង់គ្លេស។

ហើយប្រសិនបើយើងនិយាយពីកាសេបគ្រឿងស្រវឹង ចំពោះកុមារដែលមានអាយុ 15 ឆ្នាំ វិញនោះ គឺវាបានកើនឡើងដល់មួយភាគបីនៃក្មេងស្រី និងមួយភាគបួននៃក្មេងប្រុសសរុប។ ក្មេង​ស្រី​ជាង​ពាក់​កណ្តាលត្រូវ​បានរកឃើញទៀតថា ចាប់តាំងពី​ពួក​គេ​បានផឹកស្រា ក្មេងៗទាំងនោះបាន​ស្រវឹង​ស្រា​ច្រើនជាង​៣០​ថ្ងៃ ទៅទៀត។

The post (WHO) ៖ កុមារនៅអង់គ្លេស ជាប់ចំណាត់ថ្នាក់កំពូលក្នុងតារាងពិភពលោក  ចំពោះការទទួលទានគ្រឿងស្រវឹង appeared first on Cambodia Peaceful News.

បារីអេឡិចត្រូនិចយ៉ាងតិចចំនួន 12,000 ដើម គឺវាមានតម្លៃប្រហែលជា 3,6 លានបាត គឺត្រូវបានអាជ្ញាធររឹបអូសក្នុងអំឡុងពេលដែលខាងសមត្ថកិច្ចបានវាយឆ្មក់តាមហាងចំនួន 5 ដែលមានទីតាំងនៅជិតសាលារៀនមួយដែលស្ថិតក្នុងទីក្រុងបាងកក នេះបើយោងតាមការចុះផ្សាយដោយកាសែតបាងកកប៉ុស្តិ៍កាលពីថ្ងៃទី ១០ ខែមេសា ឆ្នាំ ២០២៤។

បើយោងតាមការរៀបរាប់ពីលោកស្រី Phuangphet Chunla-iad ដែលជារដ្ឋមន្ត្រីនៃការិយាល័យរបស់នាយករដ្ឋមន្ត្រីបាននិយាយប្រាប់អ្នកយកព័ត៌មានកាលពីថ្ងៃពុធថា ថង់ប្លាស្ទិចចំនួន 20 ដែលមានបារីអេឡិចត្រូនិច (vaping) សរុបជាង 12,000 គឺមានតម្លៃរហូតដល់ទៅជិត ៤ លានបាត។

លោកស្រី Phuangphet បាននិយាយបន្តថា ដំបូងឡើយផលិតផលដែលជាបារីអេឡិចត្រូនិចខាងលើ គឺត្រូវបានអាជីវករជាច្រើនតែងតែដាក់តាំងលក់នៅជិតសាលារៀន ដោយពួកបានដាក់តាំងជិតអាហារសម្រន់ ប៊ិចសរសេរធម្មតា ឬនៅក្បែរទឹកដោះគោតូចៗជាដើម។ ការធ្វើបែបនេះគឺត្រូវបានពួកអ្នកលក់ទាំងនោះបាននិយាយរៀបរាប់ប្រាប់អាអាអជ្ញាធរទៀតថា ការដែលខ្លួនធ្វើបែបនេះក៏ព្រោះតែពួកគេបានដឹងថា វានិងទទួលបានការចាប់អារម្មណ៍ពីយុវវ័យឆាប់រហ័ស តែជាមួយគ្នានោះ ​ការ​វេច​ខ្ចប់​បែប​នេះ ខាងគ្រូបង្រៀនពួកគាត់​មិន​បាន​ដឹង​ថា ប៊ិច​ vaping ត្រូវ​បាន​គេយក​លក់​នៅ​ក្បែរសាលា​នោះ​ទេ។ 

លោកស្រីបាននិយាយបន្តទៀតថា ជាតិនីកូទីនដែលមាននៅក្នុងបារីអេឡិចត្រូនិច វាគឺជាសារធាតុដែលមានគ្រោះថ្នាក់ខ្លាំងព្រោះវាអាចបំផ្លាញខួរក្បាលរបស់អ្នកប្រើប្រាស់បានយ៉ាងងាយស្រួល។

យ៉ាងណាមិញការចុះឆ្មក់ចូលទៅតាមតូបរបស់អាជីវករ វាគឺជាការណែនាំរបស់នាយករដ្ឋមន្ត្រីលោក ស្រេថា ថាវីស៊ីន ដោយលោកបានលើកឡើងក្នុងកំឡុងពេលប្រជុំគណៈរដ្ឋមន្ត្រី ដោយកាលនោះលោកបានមានប្រសាសន៍ថា ពួកយើងត្រូវតែរួមគ្នាដើម្បីបញ្ឈប់ការរត់ពន្ធ និងការលក់បារីអេឡិចត្រូនិក ជាពិសេសគឺនៅតាមហាងក្បែរសាលារៀន។

បច្ចុប្បន្ន លោក Thasornatt Thanittipun អគ្គលេខាធិការនៃការិយាល័យក្រុមប្រឹក្សាការពារអ្នកប្រើប្រាស់បាននិយាយថា អាជ្ញាធរកំពុងអនុវត្តច្បាប់យ៉ាងតឹងរ៉ឹង ដើម្បីការពារអ្នកប្រើប្រាស់ ជាពិសេសគឺការអនុម័តច្បាប់ដែលពាក់ព័ន្ធនឹងអ្នកលក់បារីអេឡិចត្រូនិច។ ខ្លឹមនៃច្បាប់ការពារអ្នកប្រើប្រាស់បានសរសរថា ជនល្មើសច្បាប់ត្រូវជាប់ពន្ធនាគារជាអតិបរមាចំនួន 3 ឆ្នាំ និង/ឬត្រូវបានពិន័យជាប្រាក់ចំនួន 600,000 បាត។

លោក​បាន​បន្ត​ថា អ្នក​ដែល​រត់ពន្ធ​បារី​អេឡិច​ត្រូនិកនិង​ត្រូវ​ទទួល​ទោស​អតិបរមា ១០ ឆ្នាំ និង/ឬ​ពិន័យ​ជា​ប្រាក់ ៤ ដង​នៃ​តម្លៃ​ទំនិញ​ក្រោម​ច្បាប់​គយ។ ហើយចំពោះបារី​អេឡិច​ត្រូនិក​ដែលយើង​រឹបអូស​បាន ​នឹង​ត្រូវ​ប្រគល់​ឱ្យ​ប៉ូលិសដើម្បី​បំផ្លាញ​ចោល​នៅ​ពេល​បញ្ចប់​សំណុំរឿង​របស់​តុលាការ។

The post បារីអេឡិចត្រូនិចរាប់​ពាន់ដើម ​ត្រូវ​បានអាជ្ញាធរ​រឹបអូសពីហាងចំនួន 5 ដែលមានទីតាំង​នៅ​ក្បែរ​សាលារៀន appeared first on Cambodia Peaceful News.

ចំនួននៃអ្នកដែលគេងមិនលក់គឺចេះតែមានការកើនឡើងពីមួយថ្ងៃទៅមួយថ្ងៃ តែទន្ទឹមនឹងនោះអ្នកលក់សម្ភារៈសម្រាប់បន្ទប់គេង និងអាហារបំប៉នបែជាកាន់តែមានទីផ្សាទៅវិញ។ បើយោងតាមការរាយការណ៍ពីទីភ្នាក់ងារសារព័ត៌មានក្នុងស្រុកមួយដែលមានឈ្មោះថា Korean times បានឲ្យដឹងថា ពួកគេបានចាប់អារម្មណ៍ទៅលើការបញ្ជារទិញពីប្រជាពលរដ្ឋរបស់ខ្លួនទៅលើសម្ភារៈក្នុងផ្ទះគួរឲ្យកត់សម្គាល់ ហើយជាពិសេសនោះគឺ ពូក ភួយ និងខ្នើយខ្លាំងជាងគេ។ តើមានមូលហេតុអ្វីខ្លះ ដែលធ្វើឲ្យអ្នកទាំងនោះព្យាយាមសន្សំសំចៃលើការទិញទំនិញប្រណិត តែបែរជាជំនួសដោយសម្ភារៈបន្ទប់គេងទៅវិញ?

បើយោងតាមការធ្វើសម្ភាសន៍ដោយផ្ទាល់ជាមួយនិងនារីម្នាក់ ដែលកំពុងតែទិញពូក ក៏ដូចជាខ្នើយដែលមានតម្លៃថ្លៃនាងបាននិយាយប្រាប់ កាសែតkorean times ថា នាងមានឈ្មោះថា Kim Eh-ra នាងគឺជាបុគ្គលិកបម្រើការនៅក្នុងក្រុមហ៊ុនឯកជនមួយកន្លែង ហើយបច្ចុប្បន្ននាងមានវ័យជាង 30 ឆ្នាំហើយ នាងបាននិយាយថា ជារៀងរាល់ខែ នាងតែងតែចំណាយប្រាក់ខែរបស់នាង ដោយនាងមិនខ្វល់ថាសម្ភារៈទាំងនោះមានតម្លៃថ្លៃប៉ុណ្ណាទេ សំខាន់ឲ្យតែនាងអាចគេងលក់ស្រួល នាងបាននិយាយបន្តទៀតថា ចាប់តាំងពីនាងមានភាពតានតឹង បូករួមទាំងសម្ភាពពីកន្លែងធ្វើការងាររបស់នាងមក នាងក៏កាន់តែប្រឈមជាមួយនឹងបញ្ហាដំណេកជាប្រចាំ។

នាងបាននិយាយបន្តទៀតថា នាងនៅពេលនេះបានក្លាយទៅជាមនុស្សស្រីម្នាក់ដែលគេងមិនលក់ ហើយនាងក៏បានចាប់ផ្តើមប្រើប្រាស់ជាមួយនឹងថ្នាំងងុយគេងដំបូងនោះគឺវាមានតម្លៃប្រហែល 10,000 វ៉ុន (7.30 ដុល្លារ) ប៉ុណ្ណោះ) ហើយបន្ទាប់មកនាងក៏ប្រើប្រាស់ដល់អាហារបំប៉នជាច្រើនប្រភេទ រួមទាំងថ្នាំ melatonin gmmies និងថ្នាំគ្រាប់ម៉ាញ៉េស្យូមថែមទៀតផង។ តែនៅទីបំផុតនាងក៏សម្រេចចិត្តទិញខ្នើយមួយប្រភេទដែលមានតម្លៃជាង 300,000 វ៉ុន ទៅទៀត តែខ្ញុំមិនខ្វល់ទេព្រោះខ្ញុំចង់គេងលក់ស្រួលដូចមនុស្សទូទៅដែរ”។

ចំពោះការលើកឡើងខាងលើនេះ បើយោងទៅតាមការរៀបរាប់ពីអ្នកជំនាញម្នាក់ ដែលមានមូលដ្ឋាននៅ KB Financial Group កាលពីថ្ងៃពុធបានឲ្យដឹងថា បច្ចុប្បន្នការចំណាយរបស់ប្រជាជនយើងទៅលើថ្នាំជំនួយដំណេក និងសម្ភារៈសម្រាប់ការគេងវាហាក់ដូចជាមានចំនួនច្រើនលើសលប់។ លោកបានបន្តទៀតថា ទីផ្សារសម្រាប់ការទទួលទានដំណេកវាកំពុងតែរីកចម្រើនយ៉ាងឆាប់រហ័សនៅក្នុងប្រទេសកូរ៉េ ហើយវាក៏ជាការកើនឡើងមួយដែលលើសពី 6 ដង ឬស្មើនឹង 3 ពាន់ពាន់លានវ៉ុនឯណោះប្រសិនបើយើងគិតក្នុងចន្លោះពីឆ្នាំ 2011 ដល់ឆ្នាំ 2021 ។ លោកបាននិយាយរៀបរាប់ទៀតថា ទីផ្សានៃការលក់ថ្នាំងងុយគេង អាហារបំប៉ន ឬសម្ភារៈបន្ទប់គេងវានិងកាន់តែមានការកើនឡើងជាងពេលនេះទៅទៀត។

លោកបានលើកឡើងទៀតថា សម្រាប់ទិន្នន័យកាលពីក្នុងឆ្នាំ 2021 ខាង OECD បាននិយាយថា ពេលវេលាគេងជាមធ្យមរបស់មនុស្សទូទៅគឺប្រហែលជា 471 នាទីក្នុងមួយថ្ងៃ ហើយវាគ្រាន់តែទាបជាងចំនួននាទីដែលOECD បានកំណត់ត្រឹមតែ 30 នាទី​ តែប៉ុណ្ណោះ។

ហើយប្រសិនបើយើងនិយាយពីប្រជាជន ដែលរស់នៅក្នុង​ចំណោម​ប្រទេស​សេដ្ឋកិច្ច​ធំៗនៅក្នុងពិភពលោកវិញនោះ ប្រទេស​កូរ៉េខាងត្បូងគឺជាប្រទេសមួយដែល​ធ្វើ​បាន​ល្អ​ជាងគេ បើទោះបីជាក្នុងនោះ​ប្រជាជនរបស់ប្រទេសជាមធ្យម​បាន​ចំណាយ​ពេលគេងប្រហែលជា 442 នាទី​ជា​រៀង​រាល់​ថ្ងៃក៏ដោយ។

ម្យ៉ាងទៀតប្រសិនបើយើងក្រឡែកទៅមើលប្រជាជននៃប្រទេសអភិវឌ្ឍនតួយ៉ាងដូចជា ចក្រភពអង់គ្លេសនោះ ទិន្នន័យបានបង្ហាញថា ជាមធ្យមប្រជាជនរបស់ប្រទេសអង់គ្លេសបានចំណាយពេលសម្រាប់ការគេងប្រហែលជា 508 នាទីក្នុងមួយថ្ងៃ ខណៈដែលជនជាតិអូស្ត្រាលីមាន 512 នាទី ជនជាតិអាមេរិកមាន 531 នាទី និងជនជាតិចិនមាន 541 នាទី។

បើទោះជាយ៉ាងនេះក្តី បើយើងនិយាយទៅលើគុណភាពនៃការគេងលក់របស់ជនជាតិកូរ៉េខាងត្បូងវាជាចំនួនមួយដែលយើងអាចចាត់ទុកថាល្អគួរសម។

តាមពិតទៅចំពោះការទទួលទានដំណេក ខាង WHO បានគិតគូរជាយូយាណាស់មកហើយ បើយោងទៅតាមការធ្វើកម្រងសំនួររបស់ពួកគេបានឲ្យដឹងទៀតថា ក្នុងចំណោមអ្នកឆ្លើយសំណួរចំនួន 13,000 នាក់ដែលមកពី 13 ប្រទេស គឺត្រូវបានគេដឹងថា ប្រជាជនរបស់ប្រទេសភីលីពីន គឺមានអ្នកគេងលក់ធម្មតាគេជាមធ្យមប្រមាណ 55 ភាគរយ ប៉ុន្តែ​សម្រាប់​ជនជាតិ​កូរ៉េវិញគឺមានប្រហែលជា ៤១ ភាគរយ។

ចំពោះបញ្ហានៃការគេងមិនលក់ពួកគេបានឆ្លើយថា ស្ត្រេសមានចំនួន 54 ភាគរយ ដោយក្នុងនោះចំពោះស្ថានភាពបន្ទប់គេង 40 ភាគរយ ការធ្វើការងារច្រើនលើសលប់ 37 ភាគរយ ការចំណាយហួសប្រមាណ 36 ភាគរយ ស្ថានភាពសុខភាព 32 ភាគរយ និងការគេងមិនបានឆ្អែតដែលកើតឡើងដោយការស្រមុកគឺមាន 29 ភាគរយ។

គួររំលឹថាប្រទេសកូរ៉េគឺមានចំនួនអ្នកជំងឺដែលមានបញ្ហាដំណេកប្រហែលជា 1.09 លាននាក់ក្នុងឆ្នាំ 2022 ដោយជាការកើនឡើងពីចំនួន 855.000 នាក់កាលពីក្នុងឆ្នាំ 2018 ។

The post ចំនួនអ្នកគេងមិនលក់នៅក្នុងប្រទេសកូរ៉េខាងត្បូង គឺកាន់តែមានការកើនឡើង appeared first on Cambodia Peaceful News.

មានការសិក្សាមួយដោយក្រុមអ្នកវិទ្យាសាស្ត្រ៖ មនុស្សជាច្រើនបានត្អូញត្អែរថា ពួកគេតែងតែឈឺក្បាល បន្ទាប់ពីទទួលទានស្រាក្រហម។

បើយោងតាមការសិក្សារបស់លោក Morris Levin សាស្ត្រាចារ្យផ្នែកសរសៃប្រសាទ និងជានាយកមជ្ឈមណ្ឌលឈឺក្បាលនៅសាកលវិទ្យាល័យកាលីហ្វ័រញ៉ា សាន់ហ្វ្រាន់ស៊ីស្កូ បាន និយាយថា មានមនុស្សប្រហែលជារាប់លាននាក់ ឬក៏ច្រើនជាងនេះ គឺបានទទួលរងនូវការឈឺក្បាល បន្ទាប់ពីពួកគេបានផឹកគ្រឿងស្រវឹងតួរយ៉ាងដូចជាស្រាក្រហមជាដើម។

បើយោងតាមការរៀបរាប់ពីលោកវិជ្ជបណ្ឌិត Chia-Chun Chiang អ្នកឯកទេសខាងជំងឺឈឺក្បាល និងជាជំនួយការសាស្រ្តាចារ្យផ្នែកសរសៃប្រសាទនៅ Mayo Clinic បាននិយាយថា ការសិក្សារបស់ពួកគេកន្លងមកដែលផ្តោតពិសេសទៅលើមនុស្សដែលមានជំងឺឈឺក្បាលប្រកាំងប្រមាណ 2,200 នាក់ យើងបានរកឃើញថា  1 ក្នុងចំណោម 3 នាក់ គឺមានជំងឺមួយនេះបន្ទាប់ពីពួកគេបានទទួលទានស្រាបៀ ដែលស្មើនឹង ២៨ ភាគរយ ប៉ុន្តែមនុស្ស78 ភាគរយផ្សេងទៀត គឺកើតឡើងបន្ទាប់ពីពួកគេបានទទួលទានស្រាក្រហមទៅវិញ។

អ្នកជំនាញបានបង្ហាញពីសម្មតិកម្មមួយចំនួនបន្ថែមពីលើតួរលេខខាងលើទៀតថា នៅក្នុងស្រាក្រហមអាចនាំឱ្យយើងឈឺក្បាលវាគឺជារឿងពិត ប៉ុន្តែចំពោះមូលហេតុនៃសារធាតុបង្ករ ក្រុមអ្នកជំនាញក៏មិនអាចស្វែងរកអំណះអំណាងណាមួយឲ្យបានច្បាស់លាស់នៅឡើយ។

ដោយក្នុងនោះ លោក Aaron White ទីប្រឹក្សាវិទ្យាសាស្ត្រជាន់ខ្ពស់របស់នាយកវិទ្យាស្ថានជាតិស្តីពីការប្រើប្រាស់គ្រឿងស្រវឹង និងការសេពគ្រឿងស្រវឹងបាន និយាយថា “របៀបដែលគ្រឿងស្រវឹងបង្កឱ្យមានការឈឺក្បាល នាពេលនេះវាគ្រាន់តែជាសំនួរមួយ ដែលយើងមិនទាន់អាចស្វែងរកចម្លើយឲ្យបានក្បោះក្បាយនោះទែ។

តែបើទោះជាយ៉ាងណាក៏ដោយចំពោះអង់ស៊ីម និងថ្លើមគឺវាមានទួនាទីទៅបំប្លែងជាតិអាល់កុល ឬអេតាណុល (អាសេតាល់ដេអ៊ីត) ដែលជាសារធាតុពុលដោយស្វ័យប្រវត្តិក៏ពិតមែន។ ប៉ុន្តែនៅពេលដែល acetaldehyde មិនត្រូវបានបំបែកឱ្យបានត្រឹមត្រូវ វាអាចបង្ករឲ្យមានប្រតិកម្មអាកុល ហើយសារធាតុនេះហើយដែលជាអ្នករួមចំណែកនៃការឈឺក្បាល។ ដោយផ្អែកលើមូលហេតុទាំងអស់នោះហើយ ទើបអ្នកស្រាវជ្រាវបាននិយាយថា អាសេតាល់ដេអ៊ីតដែលស្ថិតក្នុងស្រាក្រហម ក៏អាចបង្កឱ្យឈឺក្បាលបានដែរ។

តើមានអ្វីទៀតដែលអ្នកគួរដឹង៖

មនុស្ស រួមទាំងអ្នកដែលមានដើមកំណើតអាស៊ីជាច្រើននាក់ ដែលខ្វះអង់ស៊ីម ដែលជាអ្នកមានទួនាទីទៅបំបែកអាសេតាល់ដេអ៊ីត អ្នកគួរតែជៀសវាងគ្រឿងស្រវឹង រួមទាំងស្រាក្រហមផងដែរ តែក៏មិនមែនសម្រាប់តែអ្នកមានជំងឺនោះទេ គឺសូម្បីអ្នក​ដែល​ឈឺក្បាល​​ម្តងម្កាល ក៏សូមជៀសវៀងការទទួលនូវគ្រឿងស្រវឹងគ្រប់ប្រភេទ បើទោះជាស្រាក្រហម​។

ការស្នើឲ្យមានការជៀសវាងនេះ គឺដោយសារតែក្រុមអ្នកស្រាវជ្រាវបានរកឃើញរួចហើយថា ការថយចុះនៃអង់ស៊ីម ការអន់ថយនូវសមត្ថភាពថ្លើម វាសុទ្ធសឹងតែបង្ករឡើងដោយសាការទទួលទានគ្រឿងស្រវឹង។

The post ការទទួលទានស្រាក្រហមវានឹងបង្កឱ្យអ្នកឈឺក្បាល តើពិតដែរឬទេ? appeared first on Cambodia Peaceful News.

តាមរយៈទីក្រុងឡុងដ៍នាថ្ងៃទី 2 ខែវិច្ឆិកា បើយោងតាមការចុះផ្សាយរបស់ Reuters បានឲ្យដឹងថា ក្រុមហ៊ុនស្រាបៀរសកល AB InBev (ABI.BR) និង Carlsberg (CARLb.CO) នៅសប្តាហ៍នេះបានបង្ហាញពីការព្រួយបារម្ភក្នុងចំណោមវិនិយោគិនមួយចំនួន ដែលតម្រូវឲ្យដាក់សារធាតុថ្នាំប្រភេទសម្រកទម្ងន់ចូលទៅក្នុងស្រាបៀ វាជាហេតុនាំឲ្យការលក់ស្រាបៀបានធ្លាក់ចុះ នេះបើយោងតាមការចុះផ្សាយរបស់ រ៉យទ័រ កាលពីថ្ងៃទី ០២ ខែវិច្ឆិកា ឆ្នាំ២០២៣។.

ជាការពិតណាស់សម្រាប់ការថែរទាំសុខភាព មិនមែនពឹងផ្អែកទៅលើតែការព្យាបាលតែមួយមុខនោះទេ តែនាពេលបច្ចុប្បន្នសម្រាប់ការព្យាបាលថ្មីដូចជាប្រភេទ Wegovy របស់ Novo Nordisk បានជំរុញឱ្យមានសំណួរអំពីផលប៉ះពាល់ យ៉ាងណាខ្លះប្រសិនបើឧស្សាហកម្មផ្នែកចំណីអាហារជាច្រើន រួមទាំងក្រុមហ៊ុនផលិតស្រាបៀរក៏ប្រើសារធាតុមួយប្រភេទនេះ?

បើយោងតាមការស្ទង់មតិរបស់អ្នកប្រើប្រាស់បច្ចុប្បន្នបានផ្តល់នូវភស្តុតាងមួយចំនួនដែលបង្ហាញថា ថ្នាំប្រភេទនេះវាបានធ្វើឱ្យអ្នកទទួលទានបាត់បង់ចំណង់អាហាររបស់ពួកគេច្រើនជាងជាងគេ បើទោះជាធៀបជាមួយនឹងថ្នាំជក់ក៏ដោយ ម្យ៉ាងទៀតសម្រាប់អ្នកឆ្លើយសំណួរមួយជាច្រើន បាននិយាយថាពួកគេនឹងព្យាយាមកាត់បន្ថយការពិសារស្រាបៀរ។

 បើយោងតាមរបាយការណ៍បានបង្ហាញថា Wegovy គឺជា ថ្នាំសម្រកទំងន់ដ៏ពេញនិយមដែលផលិតដោយក្រុមហ៊ុនដូចគ្នាទៅនឹង Ozempic  ។ Wegovy គឺបានអនុម័តដោយរដ្ឋបាលចំណីអាហារ និងឱសថសហរដ្ឋអាមេរិក (FDA) ក្នុងឆ្នាំ 2021 សម្រាប់ការគ្រប់គ្រងទម្ងន់រយៈពេលវែង។ វាជាថ្នាំដំបូងដែលត្រូវបានអនុម័តសម្រាប់គោលបំណងមួយនេះចាប់តាំងពីឆ្នាំ 2014 មកម្ល៉េះ។

យ៉ាងណាមិញខាងនាយកប្រតិបត្តិថ្មីរបស់ Carlsberg លោក Jacob Aarup-Andersen បាននិយាយកាលពីថ្ងៃអង្គារថា ក្រុមហ៊ុនផលិតស្រាបៀរធំជាងគេទី 3 របស់ពិភពលោកមិនបានឃើញ “ការផ្លាស់ប្តូរដ៏សំខាន់ណាមួយ” រហូតមកដល់ពេលនេះជាមួយនឹងការប្រើប្រាស់ថ្នាំសម្រកទម្ងន់នោះទេ ហើយម្យ៉ាងទៀតខាងអ្នកលក់រាយក៏មិនបាននិយាយអំពីផលប៉ះពាល់ណាមួយឡើយ។

នាយកប្រតិបត្តិទាំងពីររូបនេះបាននិយាយទៀតថា សម្រាប់ស្រាបៀរដែលមានកាឡូរីទាប និងកាបូអ៊ីដ្រាតទាប វាជារឿងល្អនៅក្នុងទីផ្សារទៅវិញទេ ព្រោះអ្នកទទួលទានទាំងអស់នោះមិនចាំបាច់ព្រួយបារម្ភពីឡើងទម្ងន់ជ្រុល រហូតដល់ទៅទិញថ្នាំសម្រកទម្ងន់នោះដែរ។

លោក Budweiser របស់ AB InBev បាននិយាយថា ស្រាបៀមួយដបមានប្រហែល 116 កាឡូរីប៉ុណ្ណោះ ខណៈពេលដែលមួយកំប៉ុងមានជាតិអាល់កុលត្រឹមតែ 46 ក្រាម។ ហើយចំនែកឯអង្គការសុខភាពពិភពលោក (WHO) ក៏បានណែនាំអោយមនុស្សពេញវ័យដែលមានសុខភាពល្អគួរទទួលទានពី 2,000 ទៅ 2,400 កាឡូរីក្នុងមួយថ្ងៃផងដែរ។

អង្គការ WHO និយាយថា ការប្រើប្រាស់គ្រឿងស្រវឹងគឺជាកត្តាបង្កជំងឺ របួស និងសុខភាពផ្សេងៗទៀតជាង 200 មុខ។

តែជាលទ្ធផល ក្រុមហ៊ុនផលិតស្រាបៀរប្រឈមនឹងការគំរាមកំហែងភ្លាមៗ ព្រោះខាងនិយតករ និងសមាជិកសភា ដែលមានបំណងចង់ដំឡើងពន្ធឲ្យខ្ពស់ជាងមុន និងការព្រមានអំពីសុខភាពជាដើម។

The post ហេតុអ្វីបានជាអ្នកផលិតស្រាបៀរ មិនព្រួយបារម្ភអំពីអ្នកប្រើប្រាស់ ជំវិញសារធាតុ Wegovy ដែលគេដាក់នៅក្នុងស្រាបៀរ? appeared first on Cambodia Peaceful News.

យោងតាមទីភ្នាក់ងារសារព័ត៌មានរ៉យទ័រក្នុងទីក្រុង COPENHAGEN នៅថ្ងៃទី 28 ខែកក្កដាបានឲ្យដឹងថា​  ប្រទេសន័រវេស និងហ្វាំងឡង់ គឺកំពុងតែប្រឈមមុខនឹងការផ្ទុះឡើងនៃជំងឺគ្រុនផ្តាសាយបក្សីនៅក្នុងឆ្នាំនេះ។ ហើយវាបានសម្លាប់សត្វសមុទ្ររាប់ពាន់ក្បាល និងប្រភេទសត្វដទៃជាច្រើនទៀត ចំពោះជំងឺមួយនេះផងដែរ វាបានធ្វើឱ្យសត្វចិញ្ចឹមក៏ត្រូវប្រឈមមុខនឹងហានិភ័យ និងការរឹតបន្តឹងនៃការធ្វើដំណើរនៅក្នុងតំបន់មួយចំនួនថែមទៀតផង។

ជំងឺគ្រុនផ្តាសាយបក្សី ដែលជាទូទៅគេហៅថាជំងឺផ្តាសាយបក្សីបានរីករាលដាលពាសពេញទ្វីបអឺរ៉ុបក្នុងរយៈពេលប៉ុន្មានឆ្នាំថ្មីៗនេះ ដែលនាំឱ្យមានការ សម្លាប់ សត្វស្លាបរាប់លានក្បាល នៅក្នុងកសិដ្ឋានរបស់ប្រទេសបារាំងតែម្នាក់ឯង ដែលនាំឲ្យមានផលប៉ះពាល់ដល់ការផ្គត់ផ្គង់សាច់ និងស៊ុតរបស់បក្សីផងដែរ។

មន្ត្រីនៅក្នុងទីក្រុង Vadso នៃតំបន់អាក់ទិក ដែលជាផ្នែកមួយនៃស្រុក Finnmark របស់ប្រទេសន័រវេស បាននិយាយថា ពួកគេបានប្រមូលសត្វស្លាបងាប់ជាង 10,000 ក្បាលនៅក្នុងតំបន់នេះ ហើយអាជ្ញាធរសុវត្ថិភាពចំណីអាហារប្រទសន័រវេសកាលពីថ្ងៃព្រហស្បតិ៍ បានដាក់បម្រាមការធ្វើដំណើរគ្របដណ្តប់លើតំបន់អភិរក្សធម្មជាតិចំនួនបីធំៗនៅក្នុងប្រទេស។

លោក Ole-Herman Tronerud ប្រធានមន្ត្រីពេទ្យសត្វនៅអាជ្ញាធរសុវត្ថិភាពចំណីអាហារន័រវេសបាននិយាយថា “ការផ្ទុះឡើងដែលយើងកំពុងឃើញនៅកន្លែងផ្សេងៗនៃហ្វាំងឡង់នៅឆ្នាំនេះ គឺវាមានទំហំធំជាងដែលយើងបានឃើញនាពេលកន្លងមកនៅក្នុងប្រទេសន័រវេសទៅទៀត” ។

មេរោគ H5N1 បានរីករាលដាលក្នុងចំណោមសត្វបក្សី និងសត្វស្លាបក្នុងព្រៃអស់រយៈពេលជាច្រើនឆ្នាំ ប៉ុន្តែវាក៏បានផ្ទុះឡើងជាលំដាប់ ដោយមានការរាយការណ៍នៅទូទាំងពិភពលោកថា ចំពោះថនិកសត្វដូចជាឆ្មា mink និង otters  ក៏បានឆ្លងមេរោគនេះផងដែរ។

សម្រាប់ប្រទេសដែលនៅជិតខាងហ្វាំងឡង់ក៏បាននិយាយផងដែរថា សត្វស្លាបព្រៃត្រូវបានរងផលប៉ះពាល់យ៉ាងខ្លាំង ហើយថាមេរោគ H5N1 ឥឡូវនេះត្រូវបានគេរកឃើញនៅក្នុងកសិដ្ឋានចិញ្ចឹមសត្វចំនួន 20 កន្លែង ហើយវាបានកើនឡើងលើសពី 12 ករណី នៅដើមសប្តាហ៍នេះ។

ក្រសួងសង្គមកិច្ច និងសុខភាពរបស់ប្រទេសហ្វាំងឡង់បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា “មេរោគត្រូវបានបញ្ជាក់ថាជា  (variant) ដែលបានធ្វើចរាចរណ៍ជាពិសេសក្នុងចំណោមសត្វសមុទ្រ” ។

ទីភ្នាក់ងារអង្គការសហប្រជាជាតិចំនួនបី ក្នុងខែនេះបានព្រមានថា ការផ្ទុះឡើងទូទាំងពិភពលោកបានបង្កើនការព្រួយបារម្ភថា មេរោគអាចសម្របខ្លួនទៅនឹងការឆ្លងដល់មនុស្សកាន់តែងាយស្រួល ហើយអង្គការមួយនេះបានជំរុញឱ្យប្រទេសនានានៅក្នុងពិភពលោកពង្រឹងការឃ្លាំមើលជំងឺ និងលើកកម្ពស់អនាម័យនៅកសិដ្ឋានចិញ្ចឹមសត្វផងដែរ។

ចំនែកឯអង្គការសុខភាពពិភពលោកវិញ (WHO) បាននិយាយថា ហានិភ័យចំពោះមនុស្សពីការឆ្លងមេរោគ H5N1 គឺនៅតែមានកម្រិតទាប ប៉ុន្តែ(WHO)បាននិយាយបន្ថែមថា ប៉ុន្តែរបាយការណ៍នៃការឆ្លងនៅក្នុងថនិកសត្វ ចាំបាច់ត្រូវតែតាមដានយ៉ាងដិតដល់បំផុត។

The post ប្រទេសន័រវេស និងហ្វាំងឡង់ ប្រយុទ្ធនឹងការរីករាលដាលយ៉ាងឆាប់រហ័សនៃ ជំងឺផ្តាសាយបក្សី appeared first on Cambodia Peaceful News.

រៀងរាល់ខែមីនា ក្រសួងការពារជាតិទទួលស្គាល់ខែយល់ដឹងអំពីរបួសខួរក្បាល ដើម្បីបង្កើនការយល់ដឹងអំពីសារៈសំខាន់នៃការកែលម្អសុខភាពខួរក្បាល និងការកំណត់អត្តសញ្ញាណ ការថែទាំ និងព្យាបាលបុគ្គលដែលរងផលប៉ះពាល់ដោយការប៉ះទង្គិចខួរក្បាល ឬ TBI​ (TBI គឺជារបួសដែលប៉ះពាល់ដល់ការដំណើរការនៃខួរក្បាល) ។

ការផ្តោតលើសុខភាពខួរក្បាលគឺជាគន្លឹះក្នុងការត្រៀមខ្លួនបេសកកម្ម ហើយមានជំហានជាច្រើនដែលសហគមន៍យោធា – សមាជិកសេវាកម្ម និងអតីតយុទ្ធជន អ្នកផ្តល់សេវាថែទាំសុខភាព អ្នកស្រាវជ្រាវ អ្នកអប់រំ និងគ្រួសារ – អាចអនុវត្តដើម្បីរក្សាខួរក្បាលឱ្យមានសុខភាពល្អ។

ខាង​ក្រោម​នេះ​ជា​វិធី ៥យ៉ាង​ដើម្បី​រក្សា​សុខភាព​ខួរក្បាល​របស់​អ្នក៖

1. គេងឱ្យបានគ្រប់គ្រាន់

ការគេងបានដើរតួយ៉ាងសំខាន់ក្នុងការជាសះស្បើយពី TBI ផងដែរ អ្នកអាចធ្វើឱ្យខួរក្បាលរបស់អ្នកបានប្រសើរឡើងដោយអនុវត្តន៍នូវរបបនៃការគេងរបស់អ្នកជាមួយនឹងគន្លឹះខាងក្រោមនេះ៖

• កំណត់ការគេងឱ្យបានយ៉ាងហោចណាស់ប្រាំពីរម៉ោងជាប្រចាំថ្ងៃ
• ជៀសវាងសារធាតុរំញោចដូចជា ជាតិកាហ្វេអ៊ីន ជាតិនីកូទីន និងភេសជ្ជៈប៉ូវកម្លាំងក្នុងរយៈពេលប្រាំមួយម៉ោងនៃការចូលគេងធម្មតារបស់អ្នក។
• ធ្វើ​លំហាត់​ប្រាណ​ឱ្យ​បាន​ទៀង​ទាត់ ជា​ការ​ល្អ​បញ្ចប់​ពីរ​ម៉ោង​មុន​ចូល​គេង
• ជៀសវាងគ្រឿងស្រវឹងក្នុងរយៈពេលពីរម៉ោងបន្ទាប់ពីចូលគេង
• លើកកម្ពស់បរិយាកាសស្និទ្ធស្នាលសម្រាប់ការគេង; កាត់បន្ថយសម្លេង និងពន្លឺ និងរក្សាសីតុណ្ហភាពក្នុងបន្ទប់ត្រជាក់ ប៉ុន្តែមានផាសុខភាព
• ជៀសវាងការប្រើស្មាតហ្វូន ឬឧបករណ៍អានដែលបញ្ចេញពន្លឺរយៈពេលពីរម៉ោង ឬច្រើនម៉ោងមុនពេលចូលគេង។

2. ត្រូវការពារក្បាលរបស់អ្នក

សមាជិកសេវាកម្មអាចកំណត់ហានិភ័យរបស់ពួកគេក្នុងការជួបប្រទះ TBI ដោយពាក់មួកសុវត្ថិភាព ឬឧបករណ៍ការពារផ្សេងទៀត នៅពេលហ្វឹកហាត់ ដាក់ពង្រាយ ឬបង្កើតឡើងវិញ។ សកម្មភាពជាច្រើនដែលសមាជិកសេវាកម្មចូលរួមជាទៀងទាត់ ដូចជាការហ្វឹកហ្វឺនយោធា និងកីឡា ឬសកម្មភាពកម្សាន្ត គឺមានសក្តានុពលគ្រោះថ្នាក់ និងអាចបណ្តាលឱ្យមាន TBI ។

ពេល​ពាក់​មួក​សុវត្ថិភាព ពេល​លេង​កីឡា ឬ​ជិះ​កង់ ឬ​ម៉ូតូ ចូរ​ចងចាំ​នូវ​គន្លឹះ​ខាងក្រោម​នេះ៖

• មិន​ត្រូវ​ពាក់​មួក​ដែល​មាន​ស្នាម​ប្រេះ ឬ​ខូច​ឡើយ។
• សូមពាក់មួកសុវត្ថិភាពដោយមានឲ្យស្របតាមការនែនាំដោយគិតពីកាលផុតកំណុតយ៉ាងតិចបំផុត​ ប្រាំឆ្នាំដែលហួសកាលបរិច្ឆេទរបស់អ្នកផលិត។

3. ថែរក្សាសុខភាពផ្លូវចិត្តរបស់អ្នកឲ្យបានល្អ

ខួរក្បាលប៉ះពាល់ដល់របៀបដែលយើងគិត មានអារម្មណ៍ និងសកម្មភាព។ ការខូចខាតដល់ខួរក្បាល រួមទាំង TBI អាចប៉ះពាល់ដល់មុខងាររាងកាយ សមត្ថភាពគិត អាកប្បកិរិយា សុខភាពផ្លូវចិត្ត និងអាចមានច្រើនជាងនេះទៀត។ TBIs ធ្ងន់ធ្ងរបង្កើនហានិភ័យសម្រាប់ស្ថានភាពសុខភាពផ្លូវចិត្តដូចជាការថប់បារម្ភ និងបាក់ទឹកចិត្ត ក៏ដូចជាបញ្ហានៃការគេង។ កុំភ្លេចស្វែងរកការព្យាបាល ប្រសិនបើអ្នកមានរោគសញ្ញានៃជំងឺបាក់ទឹកចិត្ត ការថប់បារម្ភ ឬបញ្ហាសុខភាពផ្លូវចិត្តផ្សេងទៀត ជាពិសេសប្រសិនបើអ្នកបានជួបប្រទះនឹងជំងឺ TBI នាពេលថ្មីៗនេះ។

4. បង្កើតបណ្តាញសង្គមរបស់អ្នក

សមត្ថភាពក្នុងការចូលរួមក្នុងទំនាក់ទំនងផ្ទាល់ខ្លួន និងវិជ្ជាជីវៈប្រកបដោយផលិតភាព និងអន្តរកម្មជាវិជ្ជមានជាមួយបណ្តាញអង្គភាព និងបណ្តាញបញ្ជា គឺមានសារៈសំខាន់ចំពោះសុខុមាលភាព និងសុខភាពខួរក្បាលទាំងមូល។ នៅពេលអ្នកជួបប្រទះ TBI ការផ្លាស់ប្តូរទំនាក់ទំនងផ្ទាល់ខ្លួន និងវិជ្ជាជីវៈរបស់អ្នកគឺជារឿងធម្មតា។  មិត្តភ័ក្តិ ក្រុមគ្រួសារ និងអ្នករួមការងារដែលកត់សម្គាល់ការផ្លាស់ប្តូរទាំងនេះ ហើយដឹងពីរបួសក្បាលដែលអាចកើតមាន គួរតែលើកទឹកចិត្តឱ្យមានការយកចិត្តទុកដាក់ខាងវេជ្ជសាស្ត្រ។ ការស្វែងរកការយកចិត្តទុកដាក់ខាងវេជ្ជសាស្ត្រសម្រាប់ TBI ដ៏មានសក្តានុពលគឺជាសញ្ញានៃភាពរឹងមាំ មិនមែនភាពទន់ខ្សោយនោះទេ។

5. ធ្វើលំហាត់ប្រាណឱ្យបានទៀងទាត់ និងញ៉ាំអាហារដែលមានសុខភាពល្អ

ការ​ធ្វើ​លំហាត់​ប្រាណ​មាន​ប្រយោជន៍​ខ្លាំង​ណាស់​សម្រាប់​ការ​ថែរក្សា​សុខភាព​ខួរក្បាល។ អ្នកអាចធ្វើឱ្យមានភាពខុសប្លែកគ្នាដ៏សំខាន់មួយទាក់ទងនឹងរបៀបដែលរាងកាយរបស់អ្នកកំពុងដំណើរការ ហើយជាលទ្ធផល របៀបដែលខួរក្បាលរបស់អ្នកកំពុងដំណើរការតាមរយៈការធ្វើលំហាត់ប្រាណជាទៀងទាត់។

អាហារូបត្ថម្ភល្អក៏មានសារៈសំខាន់ផងដែរចំពោះសុខភាព និងសុខុមាលភាពរបស់មនុស្សគ្រប់រូប និងការត្រៀមខ្លួនសម្រាប់ចម្បាំង។ របបអាហារត្រឹមត្រូវអាចធ្វើឱ្យប្រសើរឡើងនូវការអនុវត្តរាងកាយ និងការយល់ដឹង ជះឥទ្ធិពលជាវិជ្ជមានដល់សុខភាពផ្លូវចិត្តរបស់អ្នក កាត់បន្ថយហានិភ័យនៃជំងឺរ៉ាំរ៉ៃជាច្រើន ហើយថែមទាំងជួយឱ្យជាសះស្បើយពីរបួសមួយចំនួនទៀតផង។

The post វិធីប្រាំយ៉ាងដើម្បីជួយរក្សាខួរក្បាលរបស់អ្នកឱ្យមានសុខភាពល្អ appeared first on Cambodia Peaceful News.

អ្នកណាៗក៏ចង់ទទួលបានស្បែកដែលមានសុខភាពល្អ និងភ្លឺថ្លាដែរ ប៉ុន្តែតើអ្វីទៅជាស្បែកដែលមានសុខភាពល្អ? មាន​ន័យ​ថា​មាន​ស្បែក​ភ្លឺ ឬ​មាន​ស្បែក​ស្អាត? និយមន័យនៃស្បែកដែលមានសុខភាពល្អអាចខុសគ្នាពីមនុស្សម្នាក់ទៅមនុស្សម្នាក់។

ការយល់ដឹងអំពីស្បែក

ដំបូងយើងត្រូវយល់ពីស្បែករបស់យើង៖ស្រទាប់នៃស្បែកនិងប្រភេទ គឺមានបីស្រទាប់នៃជាលិកា; epidermis, dermis, និង hypodermis ហើយពួកវានីមួយៗមានតួនាទីសំខាន់ផ្សេងៗគ្នា។ ស្រទាប់ទាំងនេះការពារស្បែករបស់យើងពីធូលីដី និងវត្ថុបង្កគ្រោះថ្នាក់ផ្សេងៗ។ ការខូចខាតណាមួយនៃជាលិកាទាំងនេះអាចនាំឱ្យស្បែកខូច។

ដំបូងត្រូវថែររក្សាសំណើមរបស់ស្បែក

ជាតិសំណើមគឺពិតជាមានសារៈសំខាន់សម្រាប់ស្បែកដើម្បីចាក់សោសំណើម និងការពារភាពស្ងួត។ ជាតិសំណើមដែលមានធាតុផ្សំធម្មជាតិដូចជាវីតាមីន និងប្រេងសំខាន់ៗដូចជា ដើមតែ វីតាមីនអ៊ី គឺល្អបំផុត។

ទោះបីជាអ្នកមានស្បែកខ្លាញ់ ក៏ត្រូវការជាតិសំណើមផងដែរ សូមកំមើលរំលងវាអាចបំផ្លាញស្បែកយើងនាពេលអនាគត។ ស្បែករបស់យើងឆ្លងកាត់ភាពតានតឹងជាច្រើន ដូចជាការបំពុល និងការប៉ះពាល់នឹងកាំរស្មីយូវី ហើយវាត្រូវការការថែទាំវិញយ៉ាងត្រឹមត្រូវ។

ការ​ប្រើ​ក្រែម​ផ្តល់​សំណើ វា​គ្រាន់​តែ​ជា​ការ​ព្យាបាល​ខាង​ក្រៅតែ​ប៉ុណ្ណោះ។  ការថែទាំខាងក្នុងដោយទទួលទាន ទឹកគឺចាំបាច់សម្រាប់ស្បែករបស់ ។ ទឹកជួយឱ្យរាងកាយរបស់យើងរក្សាជាតិទឹក រក្សាស្បែកឱ្យរស់រវើក និងមានសុខភាពល្អ។

វិធីបញ្ឈប់ភាពចាស់នៃស្បែក

ប្រូតេអ៊ីនដូចជា collagen និង elastin ជួយរក្សាភាពក្មេងជាងវ័យនៃស្បែករបស់យើង។ ការថយចុះនៃការផលិតកូឡាជែនក្នុងវ័យចាស់គឺជារឿងធម្មតា វានឹងនាំឱ្យស្បែកយើងខ្មៅស្រអាប់ និងជ្រីវជ្រួញ។ សារធាតុផ្សំដូចជា វីតាមីន C សារធាតុ Retinol និងឡេការពារកម្តៅថ្ងៃ ត្រូវបានបញ្ជាក់ដោយវិទ្យាសាស្រ្តថាមានប្រសិទ្ធភាពក្នុងការពន្យឺតដំណើរការនៃភាពចា អាចជួយកាត់បន្ថយភាពចាស់ និងស្នាមជ្រួញក្នុងកម្រិតមួយចំនួនប៉ុណ្ណោះ។

ការថែរក្សារបបអាហារដែលមានសុខភាពល្អ និងអាហាររូបត្ថម្ភបានត្រឹមត្រូវទើបជាការចាំបាច់សម្រាប់ស្បែកឲ្យមានសុខភាពល្អ និងរលោងផងដែរ។ ការទទួលទានបន្លែ និងផ្លែឈើ និងវីតាមីនចម្រុះមួយចំនួនអាចជួយរក្សាស្បែកឱ្យក្មេងជាងវ័យពីខាងក្នុង។

The post អ្វីទៅជាស្បែកដែលមានសុខភាពល្អ? appeared first on Cambodia Peaceful News.