ខណៈដែលតារាចម្រៀងរ៉េបស្រី Lisa សមាជិកក្រុម Blackpink ទើបតែចេញនូវបទថ្មី“Rockstar”  ភ្លាមៗនោះនាងក៏បានសរសេរបង្ហោះនៅលើ IG របស់នាងថា នាងនឹងក្លាយទៅជា reppin របស់ក្រុមហ៊ុនលក់ទំនិញប្រណិតរបស់ប្រទេសបារាំង Louis Vuitton។

បើយោងទៅតាមការរៀបរាប់ពីប្រធានផ្នែកច្នៃម៉ូដរបស់ LV ដោយផ្ទាល់ លោក Nicolas Ghesquière បាននិយាយនៅក្នុងសេចក្តីប្រកាសព័ត៌មានមួយថា “ខ្ញុំពិតជារំភើបខ្លាំងណាស់ ដែលលោកបានធ្វើការជាមួយនិង BA ថ្មីរបស់ក្រុមហ៊ុន LV ហើយអ្នកដែលនិងមកបង្ហាញនូវម៉ូដចុងក្រោយរបស់លោកនាពេលនេះ គឺជាកញ្ញា Lisa។ លោក Nicolas បានលើកឡើងថា Lisa នាងគឺជាក្មេងស្រីម្នាក់ដែលមានភាពក្លាយហាន ហើយក៏ជានារីម្នាក់ដែលមានមន្តស្នេហ៍ និងភាពទាក់ទាញដែលមិនគួរឲ្យជឿផងដែរ។ ហើយប្រសិនបើយើងនិយាយពីសមត្ថភាព និងទើបកុសលរបស់នាងវិញ Lisa នាងមិនត្រឹមតែជាតារាចម្រៀង តែក៏ជាអ្នកតារារ៉េបស្រីដ៏លេចម្នាក់ថែមទៀតផង។ Lisa នាងពិតជាមានភាពច្នៃប្រឌិតខ្ពស់នៅក្នុងតន្ត្រី ហើយនាងតែងតែរកនឹកនូវស្ទាយថ្មីៗ និងប្លែក សម្ថភាពមួយនេះគឺបានធ្វើឲ្យនាងកាន់តែមានភាពទាក់ទាញលើសពីតារាចម្រៀងទូទៅ ហេតុដូច្នេះហើយ ចំពោះដំណើរនៃការលក់ម៉ូដថ្មីរបស់ក្រុមហ៊ុន LV នៅក្នុងឆ្នាំនេះ លោក Nicolas គឺមានទំនុកចិត្តខ្ពស់ជាមួយនឹង Lalisa ខ្លាំងជាង។

អស់រយៈពេលជាទស្សវត្សមកហើយដែលក្រុមហ៊ុន Louis Vuitton តែងតែរក្សាបាននូវភាពដើមរបស់ខ្លួន​ ជានិច្ច ហើយជាពិសេសជាងនេះទៅទៀតនោះចំពោះនិមិត្តសញ្ញាអក្សរកាត់របស់ពួកគេវិញ គឺស្ថាបនិករបស់ LV​ បានគិតគូរយ៉ាងហ្មត់ចត់ ព្រោះវាគឺជាបំណែកប្រវត្តិសាស្ត្រដែលមានប្រជាប្រិយខ្លាំង មិនថាសម័យកាលនោះទេ LV នៅតែជាទីទុកចិត្តរបស់អតិថិជន។ ការលក់នូវផលិតផលដ៏ស្រស់ស្អាត និងប្រណិតវាគឺជាគោលគំនិតរបស់ស្ថាបនិក  Louis Vuitton តែទន្ទឹមនឹងនោះអ្នកដែលអាចក្លាយទៅជា BA របស់ខ្លួនបានលុះត្រាតែពួកគេមានទាំងសមត្ថភាព ទេពកុសល និងចំណេះដឹងទើបក្រុមហ៊ុនយក្សមួយនេះព្រមជ្រើសរើស។ យ៉ាងណាមិញ សម្រាប់ការបង្ហាញខ្លួនជាលើកដំបូងរបស់ Lisa នៅក្នុងក្រុមហ៊ុន Louis Vuitton គឺនឹងប្រព្រឹត្តទៅនៅក្នុងកម្មវិធីនារដូវស្លឹកឈើជ្រុះ (រដូវរងា) ឆ្នាំ 2024 គឺនៅក្នុងទីក្រុងប៉ារីសដោយផ្ទាល់តែម្តង។

The post Lisa សមាជិកក្រុម Blackpink បានក្លាយទៅជាឯកអគ្គរដ្ឋទូតថ្មីរបស់ Louis Vuitton appeared first on Cambodia Peaceful News.

ប្រទេសកូរ៉េខាងត្បូងនៅពេលនេះ គឺកំពុងតែរៀបចំផែនការសាងសង់មជ្ឈមណ្ឌល K-pop មួយកន្លែង ដើម្បីសម្រេចបាននូវព្រឹត្តិការណ៍ប្រគុំតន្ត្រីខ្នាតយក្សជាលើកដំបូងរបស់ខ្លួន ដែលនឹងប្រព្រឹត្តទៅនៅឆ្នាំ 2027។

បើយោងតាមអភិបាលក្រុងសេអ៊ូល លោកបាននិយាយប្រាប់ Korean times ថា បច្ចុប្បន្នពួកយើងកំពុងតែមមាញឹកចំពោះការរៀបចំផែនការដើម្បីសាងសង់កីឡាដ្ឋានមួយដែលមានឈ្មោះថា Seoul Arena ។ Seoul Arena វាគឺជាកន្លែងវប្បធម៌ជាមជ្ឈមណ្ឌល K-pop មួយដែលមានទីតាំងស្ថិតនៅក្នុងភាគឦសាននៃទីក្រុងសេអ៊ូល។ លោកបានមានប្រសាសន៍បន្តទៀតថា ការចំនាយប្រាក់របស់រាជរដ្ឋាភិបាលទៅលើគម្រោងមួយនេះ គឺយើងចង់បញ្ជាក់ពីដឹងគុណរបស់យើងចំពោះកិច្ចខិតខំប្រឹងប្រែងរបស់សិល្បៈករ និងសិល្បៈការនីទាំងអស់កន្លងមក ជាពិសេសជាងគេនោះគឺតារាចម្រៀង K-pop។

គួរបញ្ជាក់ថាវិស័យចម្រៀង K-pop គឺបានជួយរកប្រាក់ចំណូលដល់ប្រទេសកូរ៉េខាងត្បូងរាប់ពាន់លានក្នុងមួយឆ្នាំៗ។ បើយោងតាមរបាយករណ៍របស់មូលនិធិកូរ៉េ និងក្រសួងការបរទេស បានឲ្យដឹងទៀតថា កាលពីឆ្នាំ ២០២៣ ចំនួនអ្នកទិញសំបុត្រដើម្បីទស្សនាការប្រគុំតន្ត្រី K-pop គឺមានច្រើនជាង 225 លាននាក់ទៅទៀត។ ការមកដល់ទាំងភ្ញៀវក្នុងស្រុក និងនៅជុំវិញពិភពលោក នាពេលនោះ វាពិតជាបានជួយដល់វិស័យទេសចរណ៍ និងជួយបង្កើនប្រាក់ចំណូលដល់ប្រជាជនកូរ៉េបានយ៉ាងច្រើនថែមទៀតផង។

ប្រភពខាងលើដដែលបាននិយាយបន្តទៀតថា ប្រសិនបើយើងនិយាយតែពីសមត្ថផលរបស់ K-pop ត្រឹមក្នុងឆ្នាំ២០២៣មកវិញនោះ​ ចំនួនអ្នកគាំទ្រនៅក្នុងវិស័យចម្រៀងមួយនេះគឺបានកើនឡើងប្រហែលជាជិត១០ លាននាក់ ឬស្មើនឹង 68% ដោយយើងប្រៀបធៀបទៅនឹងកាលពីឆ្នាំ 2012។ ជាការពិតណាស់ឧស្សាហកម្មតន្ត្រីរបស់កូរ៉េខាងត្បូង (K-pop) គឺបានរួមចំណែកជួយដល់សេដ្ឋកិច្ចរបស់កូរ៉េយ៉ាងសំខាន់ តួរយ៉ាងដូចជា កាលពីឆ្នាំ ២០២២ វិស័យមួយនេះបានរកចំណូលបានជាង 927.6 ដុល្លារ ប៉ុន្តែនៅក្នុងឆ្នាំ២០២៣ ប្រាក់ចំណូលពីការលក់របស់ក្រុមហ៊ុនកម្សាន្ត K-pop គឺបានធ្លាក់ចុះប្រហែលជា 1.62 ពាន់ពាន់លានវ៉ុន គឺដោយសារតែកាលនោះសមាជិកក្រុមរបស់ BTS ត្រូវបានគេតម្រូវឲ្យចូលបម្រើវិស័យកងទ័ព ហេតុដូច្នេះហើយទើបធ្វើឲ្យការលក់បទចម្រៀងនាពេលនោះអាចទទួលបានចំណូលត្រឹម (298 លានដុល្លារសហរដ្ឋអាមេរិក)។

ដើម្បីជាការដឹងគុណ និងសម្រួលដល់អ្នកគាំទ្ររបស់ K-pop ទាំងអស់ នាពេលខាងមុខនេះលោកអ្នកដែលស្រលាញ់និងតែងតែតាមដាន និងចង់រួមទស្សនាការប្រគុំតន្ត្រីដោយផ្ទាល់នោះ លោកអ្នកមិនបានមានកង្វល់ពីចំនួនកៅអីទៀតនោះទេ ព្រោះថាមជ្ឈមណ្ឌល  Seoul Arena គឺអាចផ្ទុកចំនួនមនុស្សបានរហូតដល់ 28,000 នាក់ឯណោះ។

Seoul Arena វាគឺជាមជ្ឈមណ្ឌលវប្បធម៌មួយដែលត្រូវបានគេសាងសង់ឡើងជាមួយទំហំយ៉ាងទូលាយ ដោយនៅខាងក្នុងរបស់វាមានជាកៅអីសរុបច្រើនជាង 18,200 ទៅទៀត ម្យ៉ាងទៀតក្នុងនោះក៏មានដូចជាសាលសំដែងសម្រាប់ខ្នាតកណ្តាលដែលមានរហូតដល់ទៅ 2,010 កៅអី។

ដើម្បីសម្រេចបាននូកង្វល់ និងដើម្បីដោះស្រាយបញ្ហាខ្វះខាតនសកន្លែងប្រគុំតន្ត្រី កីឡាដ្ឋាន Seoul Arena និងចាប់ផ្តើមសម្ភោធការសាងសង់ចាប់ពីខែវិច្ឆិកា ឆ្នាំ 2023 នេះតទៅ ហើយគម្រោងនេះនឹងបញ្ចប់ទៅវិញយ៉ាងយូបំផុតត្រឹមដើមឆ្នាំ2027។

យ៉ាងណាមិញបើយោងតាមការរបៀបរាប់អភិបាលរបស់ទីក្រុងសេអ៊ូល លោកបានសង្ឈឹមយ៉ាងមុតមាំថា វត្តមានរបស់ Seoul Arena នៅក្នុងទីក្រុងមួយនេះគឺមិនគ្រាន់តែជួយដល់វិស័យសិល្បៈតែមួយមុខនោះទេ ផ្ទុយទៅវិញមជ្ឈមណ្ឌលមួយនេះវានឹងអាចទាក់ទាញភ្ញៀវទេសចរឲ្យមកទស្សនាយ៉ាងតិចក៏ 2 លាននាក់ក្នុងមួយឆ្នាំផងដែរ។

The post កូរ៉េខាងត្បូង៖ បង្កើតកន្លែងប្រគុំតន្ត្រី K-pop មួយដែលអាចផ្ទុកអ្នកទស្សនាបានរហូតដល់ទៅ28,000 នាក់ appeared first on Cambodia Peaceful News.

ទីក្រុង CANNES វាគឺជាទីក្រុងមួយដែលស្ថិតនៅលើទន្លេបារាំង ហើយវាក៏ជាឃុំមួយដែលមានទីតាំងនៅក្បែរនាយកដ្ឋានAlpes-Maritimes ដែលគេស្គាល់ថាជាទីក្រុងម្ចាស់ផ្ទះនៃមហោស្រពភាពយន្ត Cannes ប្រចាំឆ្នាំMidemនិងCannesLionsInternational Festival of Creativity។

ទីក្រុង CANNES វាត្រូវបានគេស្គាល់កាន់តែច្រើនគឺបន្ទាប់ពី ទីក្រុងមួយនេះសម្បូរទៅដោយក្រុមសមាគម អ្នកមាន និងបុគ្គលល្បីល្បាញ ម្យ៉ាងទៀតកន្លែងមួយនេះគឺបានប្រមូលផ្តុំទៅដោយសណ្ឋាគារ និងភោជនីយដ្ឋានប្រណីតៗជាច្រើន និងជាពិសេសវាគឺជាកន្លែងដែលសក្តិសមបំផុតសម្រាប់ការរៀបចំធ្វើសន្និសីទធំៗលំដាប់ពិភពលោកជាដើម។

មហោស្រពភាពយន្ត Cannes គឺគេបានប្រារព្ធឡើងរៀងរាល់ខែឧសភា ដែលជាព្រឹត្តិការណ៍សំខាន់នៅក្នុងប្រតិទិនភាពយន្តអឺរ៉ុប។ មហោស្រពភាពយន្ត Cannes គឺត្រូវបានគេបង្កើតឡើងក្នុងឆ្នាំ 1946  ហើយព្រឹត្តិការណ៍នេះកាន់តែល្បីល្បាញ គឺដោយសារតែមានការប្រគល់ពានរង្វាន់ដ៏មានកិត្យានុភាពបំផុតគឺ Palme D’Or គឺជារង្វាន់សម្រាប់ខ្សែភាពយន្តល្អបំផុតនៅក្នុងពិភពលោក។

មហោស្រពភាពយន្តទីក្រុង Cannes គឺជានិមិត្តរូបនៃភាពល្អឥតខ្ចោះផ្នែកភាពយន្ត និងការឆ្លុះបញ្ចាំងពីការផ្លាស់ប្តូរនៅក្នុងឧស្សាហកម្មភាពយន្តក្នុងរយៈពេលប៉ុន្មានឆ្នាំកន្លងមកនេះ។ មហោស្រពភាពយន្តទីក្រុង Cannes នៅតែបន្តលើកទឹកចិត្ត និងលើកទឹកចិត្តអ្នកដែលមានទេពកោសល្យថ្មីៗ ស្របពេលដែលការអបអរសាទរភាពយន្តពីអ្នកដែលបានបន្សល់ទុកនូវកំណត់ត្រាប្រវត្តិសាស្ត្រនៃវិស័យភាពយន្តរួចទៅហើយ។

យ៉ាងណាមិញ ការដើរឡើងជណ្តើរនៅឯមហោស្រពភាពយន្តទីក្រុង Cannes គឺជាព្រឹត្តិការណ៍មួយនៅក្នុងខ្លួនដែលទាក់ទាញការចាប់អារម្មណ៍ពីប្រព័ន្ធផ្សព្វផ្សាយរបស់ពិភពលោក។ វត្តមានរបស់តារានៅលើកម្រាលព្រុំលុះត្រាតែពួកគេគឺជាតារាដែលលេចធ្លោបំផុតនៅក្នុងប្រទេស ហើយជាតារាដែលមានគ្រប់លក្ខខណ្ឌដែលកម្មវិធីបានកំណត់ ទើបបុគ្គលនោះ ត្រូវបានគេអញ្ជើញឲ្យចូលរួម។

ការ​អបអរ​រោងកុន និង​សិល្បៈ​នៃ​ម៉ូដ ដែល​តារា​ភាពយន្តលំដាប់ពិភពលោកនាពេលនេះ គឺពួកគេម្នាក់ៗសុទ្ធសឹងខិតខំប្រឹងប្រែងរៀងៗខ្លួនដើម្បី​ប្រកួត​ប្រជែង​គ្នា​ក្នុង​លក្ខខណ្ឌ​នៃ​ភាព​ឆើតឆាយ និង​ភាព​ស្រស់​ស្អាតរបស់ពួកគេ ពោលគឺធ្វើយ៉ាងណាដើម្បីទទួលបាននូវការចាប់អារម្មណ៍កាន់តែច្រើន។

គួររំឮកថា មហោស្រពភាពយន្តទីក្រុង Cannes ប្រចាំឆ្នាំលើកទី 77 គឺជាមហោស្រពភាពយន្តដែលប្រព្រឹត្តទៅចាប់ពីថ្ងៃទី 14 ដល់ថ្ងៃទី 25 ខែឧសភា ឆ្នាំ 2024។ ក្នុងនោះគឺមានការចូលរួមដោយផលិតករភាពយន្ត និងតារាសម្តែងជនជាតិអាមេរិកគឺលោកស្រី Greta Gerwig នឹងធ្វើជាប្រធានគណៈវិនិច្ឆ័យសម្រាប់ការប្រកួតប្រជែងដ៏សំខាន់នេះ ហើយចំពោះតារាសម្តែងបារាំង Camille Cottin នឹងធ្វើជាម្ចាស់ផ្ទះក្នុងពិធីបើក និងបិទកម្មវិធីថែមទៀតផង។

The post កម្រាលព្រំក្រហមនៃមហោស្រពភាពយន្ត Cannes ប្រចាំឆ្នាំ២០២៤ លើកទី 77 appeared first on Cambodia Peaceful News.

ទីបំផុតស្នេហារបស់តារាចម្រៀងស្រី Karina ដែលមហាលជនស្គាល់យ៉ាងច្បាស់ថា​ ជាសមាជិកដ៏លេចធ្លោម្នាក់របស់ក្រុមចម្រៀងនារី K-pop Aespa  នៅពេលនេះនាង និងលោក Lee Jae-wook, បានសម្រេចចិត្តចែកផ្លូវគ្នារួចទៅហើយ គឺបន្ទាប់ពីពួកគេបានរងនូវការរិៈគន់ពីមហាលជនជាច្រើនសប្តាហ៍កន្លងមក។

បើយោងតាមការចុះផ្សាយពីទីភ្នាក់ងារព័ត៌មានក្នុងស្រុកមួយដែលមានឈ្មោះថា Yonhap គឺពួកគេបានសរសេរថា កាលពីថ្ងៃល្ងាចអង្គារ តារាសម្តែង Lee Jae-wook និង តារាចម្រៀងស្រី Karina បានបញ្ចប់ទំនាក់ទំនងស្នេហា គឺបន្ទាប់ពីពួកគេទាំងពីរបានទាក់ទងគ្នាអស់រយៈ ៥សប្តាហ៍កន្លងមក។

យ៉ាងណាមិញបើយោងទៅតាមទីភ្នាក់ងារគ្រប់គ្រងរបស់ C-JeS Studios បាននិយាយនៅក្នុងការចេញផ្សាយថា នៅពេលនេះតារាសម្តែងរបស់យើងគឺលោក Lee Jae-wook  បានសម្រេចចិត្តបញ្ចប់ទំនាក់ទំនងស្នេហារបស់ខ្លួន ដោយផ្តោតតែលើការងារតែមួយមុខគាត់ ហើយនាពេលបច្ចុប្បន្ននេះផងដែរលោក Lee គ្រាន់តែចង់បានការយកចិត្តទុកពីមិត្តរួមអាជីព ពីអ្នកគាំទ្រ និងក្រុមគ្រួសាររបស់លោកតែប៉ុណ្ណោះ ។

ប៉ុន្តែបើទោះជាយ៉ាងនេះក្តី អ្នកយកព័ត៌មានរបស់ យ៉ុនហាប់ក៏បានព្យាយាមទាក់ទងទីក្រុមការងាររបស់ K-pop Aespa ផងដែរ គឺជាអ្នកគ្រប់គ្រងរបស់ SM Entertainment ដោយផ្ទាល់តែម្តង ដើម្បីធ្វើការបញ្ជាក់អំពីរឿងមួយនេះឲ្យកាន់តែច្បាស់។

គួររំលឹកថា ទំនាក់ទំនងរបស់ពួកគេត្រូវបានបង្ហាញជាលើកដំបូងនៅថ្ងៃទី 27 ខែកុម្ភៈ នៅពេលដែល Dispatch ដែលជាបណ្តាញព័ត៌មានកម្សាន្តអនឡាញក្នុងស្រុកដ៏ពេញនិយមមួយបានរាយការណ៍ថា តារាទាំងពីរដួងខាងលើបានណាត់ជួបគ្នាជាច្រើនលើក រហូតដល់ពួកគេបានធ្វើឱ្យទំនាក់ទំនងមួយនោះក្លាយទៅជាសាធារណៈ។

តារា​ទាំង​ពីររូប​ត្រូវ​បាន​គេ​រាយការណ៍ទៀត​ថា ពួកគេ​បាន​ជួប​គ្នា​ដំបូងគឺនៅ​ក្នុង​កម្មវិធី​បង្ហាញ​ម៉ូដមួយដែលធ្វើឡើង​ក្នុង​ទីក្រុង Milan កាល​ពី​ខែ​មករា បន្ទាប់មកពួកគេក៏​ចាប់​ផ្ដើម​មាន​ស្នេហា​។

មិនខ្វល់ថា Karina បានរងនូវការរិៈគន់ទាំងក្នុងនិងក្រៅប្រទេសយ៉ាងក៏ដោយ ​តែនៅពេលនេះក្រុមនារី k-pop Aespa គឺមានគម្រោង​ចេញ​អាល់ប៊ុម​ថ្មី​របស់​ខ្លួន​នៅ​ឆមាស​ទីពីរ​នៃ​ឆ្នាំ​នេះរួចទៅហើយ។

ហើយចំណែកឯលោក Lee​ វិញ ដែលត្រូវបានគេស្គាល់ថាជាតួឯកនៅក្នុងរឿងភាគរបស់ទូរទស្សន៍ TVN “Alchemy of Souls”  គឺត្រូវបានក្រុមការងាររបស់លោកបានបញ្ជាក់ថា បច្ចុប្បន្នលោកកំពុងតែសម្តែងនៅក្នុងរឿងភាគមួយដែលជារបស់ក្រុមហ៊ុន Disney មានចំណងជើងថា “The Impossible Heir” រឿងនោះគឺគេមានគម្រោងចាក់បញ្ចាំងនាពេលឆាប់ៗនេះហើយ។

The post ស្នេហារបស់ Karina ដែលជាសមាជិកក្រុម  aespa បានដើរដល់ផ្លូវបំបែក appeared first on Cambodia Peaceful News.

បទចម្រៀង” Slow Motion ” គឺជាបទចម្រៀងមួយបទដែលជាការបកស្រាយដោយតារាចម្រៀងជនជាតិអាមេរិកលោក Matt Champion និងតារាចម្រៀងរ៉េបស្រី ដ៏ល្បីឈ្មោះមួយរូបរបស់ក្រុម Blackpink ជនជាតិកូរ៉េខាងត្បូង ដែលមានយុវវ័យជាច្រើនបានស្គាល់យ៉ាងច្បាស់ថាជា  Jennie ។ 

ការចេញផ្សាយមួយកាលពីថ្ងៃទី 8 ខែមីនា ឆ្នាំ 2024 តាមរយៈ RCA Records បានឲ្យដឹងថា បទចម្រៀងមួយបទនេះគឺត្រូវបាននិពន្ធតារាចម្រៀងដោយតារាទាំងពីររូបខាងលើដោយផ្ទាល់តែម្តង។

          សមត្ថភាព និងទេពកុសល្យរបស់ Jennie ពិតជាមិនអាចឲ្យអ្នកគាំទ្រមិនសរសើរមិនបាន នាងពិតជាក្មេងស្រីម្នាក់ដែលមានសមត្ថភាពខ្ពស់។ Jennie នាងមិនត្រឹមតែជាតារាចម្រៀង និងរ៉េបមួយរូបដែលដែលលេចធ្លោនៅក្នុងក្រុមតែមួយមុខទេ តែនាងក៏ហ៊ានបង្កើតស្លាកយីហោផ្ទាល់ខ្លួនថែមទៀតផង។ កាលពីឆ្នាំ ២០២៣ Jennie បើទោះបីជាងនាងបានយល់ព្រមបន្តកុងត្រាជាមួយនឹងផលិតកម្ម YG Entertainment ក៏ដោយ ប៉ុន្តែនាងបានប្រកាសថា កុងត្រាមួយនោះគឺសម្រាប់តែ​សកម្មភាពជា​ក្រុម​ក្នុងរបស់នាងតែប៉ុណ្ណោះ។

          គួររំលឹកថា នៅពេលដែល Jennie បានបន្ថែមអាជីព ក្នុងការបង្កើតផលិតកម្មផ្ទាល់ខ្លួន Jennie បាន​ចេញ​នូវបទ​ចម្រៀង​ចំនួន​ពីរបទរួចមកហើយ ដោយបទចម្រៀងទាំងនោះមានចំណងជើងថា ​” You & Me ” និង ” One of the Girls “។ បើយោងទៅតាមការចុះផ្សាយរបស់យ៉ុនហាប់បានឲ្យដឹងថា បទចម្រៀងទាំងពីរបទដែលជាស្នាដៃរបស់ Jennieគឺសុទ្ធសឹងតែទទួលបាននូវចំណាត់ថ្នាក់កំពូលទាំងដប់នៃ Billboard Global 200 ថែមទៀតផង។ ហើយមិនយូប៉ុន្មាន វាក៏បានក្លាយទៅជាបទចម្រៀង ដែលមានចំណាត់ថ្នាក់ខ្ពស់ជាងគេបំផុត ក្នុងនាមនាងជាអ្នកលេងភ្លេងរបស់ K-pop នារី គឺនៅក្នុង Billboard Hot 100 ។

បច្ចុប្បន្នសម្រាប់បទចម្រៀងទី ៣ ដែលទើបនឹងចេញនាពេលថ្មីៗនេះ ខាងក្រុមការងាររបស់យ៉ុនហាប់បានសង្កេតឃើញថា សិល្បករ​ទាំង​ពីរខាងលើនេះ គឺពួកគេម្នាក់ៗ គឺ​បាន​ប្រកាស​នៅ​លើ​គណនី​បណ្ដាញ​សង្គមរបស់ពួកគេ​រៀងៗ​ខ្លួនចាប់តាំង​ពី​ថ្ងៃ​ព្រហស្បតិ៍មកម្ល៉េះ។ ហើយចំពោះកិច្ចខិត​ខំ​ប្រឹង​ប្រែង​រួម​គ្នា​របស់ពួកគេលើកនេះផងដែរ ពួកគេទាំងពីបាននិយាយថា ខ្ញុំនិងមិនធ្វើឲ្យទស្សនិកជនខកចិត្តឡើយ។

 គួរបញ្ជាក់ថា ចំពោះបទចម្រៀងដែល​មាន​ចំណង​ជើង​ថា “Slow Motion” ដែលទើបនឹង​ចេញ​នៅ​ថ្ងៃ៨ មីនា បើយើងក្រឡេកទៅមើលនៅក្នុង ឆានែលយូធូបរបស់ Matt Champion វិញ គឺមានចំនួនអ្នកចូលទៅទស្សនាច្រើនជាង ៥០មឺននាក់ទៅទៀត តែទន្ទឹមនឹងនោះ សម្រាប់ឆានែលយូធូបរបស់ Jennie ផ្ទាល់ដែលមានឈ្មោះថា OA ENTERTAINMENT គឺមានអ្នកចូលទៅទស្សនា ត្រឹម ៥២៤ នាក់ ដោយយើងគិតត្រឹមរយៈពេល ២១​ ម៉ោងចុងក្រោគឺបន្ទាប់ពីការចុះផ្សាយ។

តែបើទោះជាយ៉ាងណាក៏ដោយ ចំពោះគណនីសង្គមរបស់Jennie ផ្ទាល់ នាងបានសរសេរទៅកាន់អ្នកគាំទ្ររបស់នាងថា “ខ្ញុំមានការរំពឹងទុកថា ថ្ងៃណាមួយមនុស្សនៅក្នុងពិភពលោក នឹងស្តាប់បទចម្រៀងរបស់នាង” ។

The post Jennie សមាជិក BLACKPINK បាន​ចេញ​បទ​ចម្រៀង​រួមគ្នាមួយបទ ដោយបកស្រាយជាមួយ​តារា​រ៉េប​អាមេរិក appeared first on Cambodia Peaceful News.

Karina គឺជាតារាចម្រៀងមួយរូបដែលលេចធ្លោជាងគេបំផុតរបស់ aespa បានធ្វើការសូមទោសដល់អ្នកគាំទ្ររបស់ខ្លួនកាលពីថ្ងៃអង្គារ គឺបន្ទាប់ពីនាងបានធ្វើឱ្យទស្សនិកជនជាច្រើនបានភ្ញាក់ផ្អើលជាមួយនឹងព័ត៌មានមួយដែលនិយាយអំពីទំនាក់ទំនងស្នេហារបស់នាងជាមួយតារាសម្តែង Lee Jae-wook ។

ទំនាក់ទំនង​របស់យុវវ័យមួយ​គូរ​នេះ គឺ​ត្រូវ​បានក្រុមអ្នកសារព័ត៌មាន​លាតត្រដាងជាសាធារណៈ​លើក​ដំបូងនោះ គឺនៅក្នុងការចុះផ្សាយរបស់​សារព័ត៌មានក្នុងស្រុកមួយដែលមានឈ្មោះថា ​ based entertainment ។ ជាមួយគ្នានោះដែរ ទាំងក្រុមការងាររបស់លោក Lee និង Karina បានធ្វើការបញ្ជាក់ភ្លាមៗនៅលើការចេញផ្សាយមួយថា ការណាត់ជួបរវាងពួកគេទាំងពីរនាពេលនោះ វាគ្រាន់តែស្ថិតក្នុងដំណាក់កាលដំបូងនៃទំនាក់ទំនងស្នេហាតែប៉ុណ្ណោះ។

Karina បានសម្តែងនៅភាពសោកស្តាយរបស់នាងថា នាងពិតជាមានវិប្បដិសារីខ្លាំងណាស់ ចំពោះសកម្មភាពដែលនាងបានបង្កឡើងខ្លាំងណាស់។

នាងបានសរសេរដោយប្រើឈ្មោះផ្លូវការរបស់អ្នកគាំទ្រថា “ខ្ញុំដឹងថា MY (អ្នកគាំទ្ររបស់ aespa) ជាច្រើនប្រាកដជាខកចិត្ត” ។”ខ្ញុំចង់ពិតជាសូមទោសដោយស្មោះចំពោះអ្នកគាំទ្រ ព្រោះថាមានតែអ្នកទាំងអស់គ្នាទេ ដែលបានផ្តល់ការគាំទ្រយ៉ាងកក់ក្តៅដល់ខ្ញុំចាប់តាំងពីការបង្ហាញខ្លួនដំបូងរបស់ខ្ញុំកន្លងមក” ។

នាងបាននិយាយទៀតថា អ្វីដែលសំខាន់សំខាន់សម្រាប់ខ្ញុំនៅពេលនេះ គឺជាអ្នកទាំងអស់គ្នា នាងបាននិយាយថា “អ្នកគ្រប់គ្នានៅតែមានវត្ថុដែលមានតម្លៃសម្រាប់ខ្ញុំជានិច្ច” ។

បើទោះជាយ៉ាងណាក៏ដោយ ចំពោះការសូមអធ្យាស្រ័យពី Karina ទៅកាន់អ្នកគាំទ្រ គឺបានកើតឡើងស្របពេលដែល មហាលជនកំពុងតែមានប្រតិកម្ម ដោយក្នុងនោះក្រុមការងាររបស់ យ៉ុនហាប់ បានសង្កេតឃើញថា អ្នកគាំទ្រមួយចំនួនក៏នៅតែបន្តការគាំទ្រ តែងខ្លះទៀតបានសម្តែងការខកចិត្តចំពោះព័ត៌មានដែលកើតឡើងភ្លាមៗបន្ទាប់ពីការបង្ហាញខ្លួនរបស់ Karina ។

ការណាត់ជួបក្នុងចំណោមខ្លួនគឺជាតារាចម្រៀងរបស់ K-pop វាពិតជាប្រធានបទមួយដ៏រសើបបំផុតសម្រាប់មហាលជន។​តែបើទោះជាយ៉ាងណាក៏ដោយ វាគឺជាជីវិតឯកជនរបស់នាង ការមានស្នេហា វាមិនមែនជារឿងមួយដែលអាក្រក់នោះទេ ហេតុដូច្នេះហើយ បើទោះបីជានាងគឺជាតារាចម្រៀងដ៏លេចធ្លោក៏ពិតមែន តែនាងក៏គួរតែមានសិទ្ធបើកចំហរអំពីជីវិតឯកជនរបស់នាងគេមនុស្សដទៃទៀតផងដែរ។

តែទីបំផុត Karina បានបញ្ចប់សំបុត្រជាមួយនឹងការសន្យាទៅកាន់អ្នកគាំទ្ររបស់នាងដោយសរសេរថា “ខ្ញុំចង់ព្យាបាលរបួសដែលខ្ញុំបានបង្ក” ។”ខ្ញុំនឹងប្រឹងប្រែងបន្ថែមទៀត ហើយខ្ញុំនិងបង្ហាញអ្នកពីភាពចាស់ទុំនៃខ្លួនខ្ញុំ ដោយមិនធ្វើឱ្យអ្នកគាំទ្រខកចិត្តម្តងទៀតឡើយ ។

The post Karina សមាជិក Aespa បានសូមទោសដល់អ្នកគាំទ្រ គឺបន្ទាប់ពីនាងបានធ្វើឲ្យមានភាពភ្ញាក់ផ្អើលជាមួយនឹងព័ត៌មានណាត់ជួប appeared first on Cambodia Peaceful News.

Variety បានរាយការណ៍កាលពីថ្ងៃចន្ទទី 12 ខែកុម្ភៈ ថា តារាចម្រៀង និងរ៉េបរបស់ BLACKPINK Lalisa នឹងត្រូវបង្ហាញខ្លួនក្នុងរដូវកាលទី 3 នៃរឿងភាគទូរទស្សន៍ដ៏ល្បីរបស់សហរដ្ឋអាមេរិកមួយរឿងដែលមានចំណងជើងថា “The White Lotus” នេះគឺជាការបង្ហាញខ្លួនលើកទីមួយហើយសម្រាប់តារាចម្រៀងនារី K-pop កូរ៉េខាងត្បូង នេះបើយោងតាមការចុះផ្សាយរបស់រ៉យទ័រកាលពីថ្ងៃទី ១៣ ខែកុម្ភៈ ឆ្នាំ២០២៤។

គួរបញ្ជាក់ថា Variety គឺជាទស្សនាវដ្តីអាមេរិចដែលគ្រប់គ្រងដោយ Penske Media Corporation ដែលត្រូវបានគេបង្កើតឡើងក្នុងគោលបំណងដើម្បី គ្របដណ្តប់ ឧស្សាហកម្មរូបភាពចលនា ព័ត៌មានកម្សាន្ត ការវាយតម្លៃ លទ្ធផលការរិៈគន់ បូករួមទាំងតារាងផលិតកម្ម និងប្រតិទិនភាពយន្តរបស់សហរដ្ឋអាមេរិកថែមទៀតផង។

យ៉ាងណាមិញខាងអ្នកពាក្យរបស់ Variety បាននិយាយថា Lisa នឹងត្រូវបានក្រុមការងារបញ្ចូលទៅក្នុងកម្មវិធី HBO ក្រោមឈ្មោះពេញរបស់នាង Lalisa Manobal ប៉ុន្តែតួនាទីរបស់នាងនៅក្នុងកម្មវិធីដែលផ្តោតលើការទាក់ទាញនៅរមណីយដ្ឋានកម្រនិងអសកម្មមិនត្រូវបានបង្ហាញឱ្យដឹងនោះទេ។

ខាង Variety បានរាយការណ៍បន្តទៀតថា រដូវកាលទី 3 ពួកយើងនឹងចាប់ផ្តើមផលិតនៅខែនេះ គឺធ្វើនៅកោះសាមុយ ភូកេត និងបាងកក ប្រទេសថៃដែលអ្នកគាំទ្រជាច្រើនបានដឹងថាជាប្រទេសកំណើតរបស់នាង។

បើទោះជាយ៉ាងណាក៏ដោយ ក្នុង​នាម​ជា​សមាជិក​ក្រុម​ចម្រៀង​ស្រី​ដ៏​មាន​ប្រជាប្រិយ​ភាព​ដ៏​ធំរបស់​ BLACKPINK Lisa គឺ​ជា​នារី​ដ៏​ល្បី​ម្នាក់មិនមែនតែ​ក្នុង​ប្រទេស​កូរ៉េ​ខាង​ត្បូងនោះទេ ព្រោះថាឥឡូវនេះវត្តមានរបស់នាងនៅក្នុងកម្មវិធីលើកនេះ វានឹងអាចបង្កើនកេរ្តិ៍ឈ្មោះរបស់នាងជាមួយនឹងទស្សនិកជនអាមេរិកថែមទៀតផង។

គួររំលឹកថា កាល​ពី​សប្តាហ៍​មុន Lisa បាន​ប្រកាស​ថា ​នាង​បាន​បង្កើត​ក្រុមហ៊ុន​តន្ត្រី និង​កម្សាន្ត​ផ្ទាល់​ខ្លួន​ឈ្មោះ Lloud។ ហើយចំណែកឯJennie ដែលជាមិត្តរួមក្រុមរបស់ Lisa បានសម្តែងជាមួយ Lily-Rose Depp និង The Weeknd ក្នុងរឿង HBO រឿង “The Idol” ក្នុងឆ្នាំ 2023 ក្រោមការហៅកាត់ថា Jennie Ruby Jane ។

សមាជិកទាំងបួនរបស់ BLACKPINK បានបន្តកុងត្រាជាមួយ YG Entertainment Inc របស់កូរ៉េខាងត្បូង យើងអាចនិយាយបានថា វាគឺជាការបើកទំព័រថ្មី និងជោគជ័យថ្មីនៃផលិតកម្ម ព្រោះបើយើងគិតត្រឹមកាលពីចុង​ឆ្នាំ​មុន នារីទាំង៤ដួងនេះបានជួយឲ្យ​ភាគហ៊ុន​របស់​ក្រុមហ៊ុន​ YG ឡើង​រហូតដល់ទៅជិត​មួយ​ភាគ​បីឯណោះ។

ក្រុមចម្រៀង K-pop នារី BLACKPINK គឺជាក្រុមនារីដំបូងគេបង្អស់ដែលបានបង្កើតឯតទគ្គកម្មហ្គីណេសកាលពីដើមឆ្នាំនេះ ជាមួយនឹងការទាក់ទាញឲ្យមានការទស្សនាលើឆានែលតន្ត្រីដែលមិនមែនជាភាសាអង់គ្លេសដំបូងគេ ដោយមានអ្នកចូលមើលច្រើនជាងគេបំផុតនៅលើ YouTube ។

The post Lisa តារារបស់ K-pop BLACKPINK បានចូលរួមសម្តែងក្នុងរឿង ‘White Lotus’ របស់សហរដ្ឋអាមេរិក appeared first on Cambodia Peaceful News.

Jennie សមាជិក​ក្រុម​ចម្រៀង​ស្រី K-pop BLACKPINK បាន​បង្កើត​ស្លាកសញ្ញាសម្គាល់មួយ ​សម្រាប់​សកម្មភាព​ទោល​របស់​នាង នេះបើយោងតាមការចុះផ្សាយរបស់ យ៉ុនហាប់ កាលពីថ្ងៃទី ២៤ ខែធ្នូ ឆ្នាំ២០២៣​។

កញ្ញា Kim Jennie គឺកើតនៅថ្ងៃទី 16 ខែមករា ឆ្នាំ 1996 ដែលមហាលជនជាច្រើនតែងហៅឈ្មោះនាងថា Jennie។ Jennie មិនត្រឹមតែជាតារាចម្រៀងប៉ុណ្ណោះទេ  តែក៏ជាតារាសម្តែងរបស់កូរ៉េខាងត្បូងដ៏លេចធ្លោមួយរូបផងដែរ។

Jennie នាងគឺជាក្មេងស្រីម្នាក់ដែលទទួលបានការបណ្តុះបណ្តាលខ្ពស់ ពោលនាងគឺជានារីម្នាក់ដែលធំធាត់នៅប្រទេសកូរ៉េខាងត្បូងក៏ពិតមែន តែ Jennie បានបន្តការសិក្សានៅប្រទេសនូវែលសេឡង់អស់រយៈពេល 5 ឆ្នាំ មុនពេលត្រលប់មកកូរ៉េខាងត្បូងក្នុងឆ្នាំ 2010 ទៅទៀត។

ការត្រឡប់មកវិញរបស់ Jennie នាងបានសម្រេចចិត្តយកក្តីស្រម៉ៃជាយូណាស់មកនោះ គឺដើម្បីក្លាយទៅជាសមាជិកចម្រៀង K-Pop នារី។ Jennie ចាប់ផ្តើមបង្ហាញខ្លួនជាលើកដំបូងក្នុងនាមជាសមាជិកនៃក្រុមចម្រៀងនារីកូរ៉េខាងត្បូង Blackpink ដែលបង្កើតឡើងដោយ YG Entertainment កាលពីខែសីហា ឆ្នាំ 2016។

តែបន្ទាប់ពីការបន្តកុងត្រាថ្មី ជាមួយផលិតកម្មដដែលនេះក្នុង ឆ្នាំ២០២៣ រួចមក  Jennie ក៏បានបង្ហាញខ្លួនជាលើកដំបូងរបស់នាងក្រោម ឈ្មោះឆាក Jennie Ruby Jane នៅក្នុង រឿងភាគទូរទស្សន៍ HBO The Idol ថែមទៀតផង។

ទន្ទឹមនោះនាងបាននិយាយនៅក្នុងសារមួយ នាងសុំឱ្យអ្នកគាំទ្រទាំងអស់ជួយបន្តគាំទ្រចំពោះសកម្មភាពទោលរបស់នាង ក៏ដូចជាក្រុម BLACKPINK ផងដែរ។ ដោយក្នុងនោះ Jennie បាននិយាយថា “ខ្ញុំនឹងព្យាយាមឈរដោយខ្លួនឯងនៅឆ្នាំនេះ ដោយជាការបង្កើតក្រុមហ៊ុនផ្សេងមួយទៀតដែលមានឈ្មោះថា  OA (ODD ATELIER)”។

បើយោងតាមពាក្យចចាមរ៉ាមបានឲ្យដឹងថា Jennie ​ថា​បាន​បង្កើត​ស្លាកសញ្ញាផ្ទាល់ខ្លួនមួយនេះ ​កាលពី​ខែ​មុន គឺ​ជាមួយ​ម្តាយ​របស់​នាង​។

គួររំលឹកថា Jennie គឺជាក្មេងស្រីម្នាក់ដែលមានទេព្យកុសលខ្ពស់ខាងផ្នែកសិល្បៈ បើទោះជារូបនាងធ្លាប់មានក្តីស្រម៉ៃចង់ក្លាយជាមេធាវីក៏ដោយ ប៉ុន្តែក្តីស្រលាញ់ចូលចិត្តពិតប្រាកដរបស់នាងគឺចង់ក្លាយជាអ្នករាំរបាំបាឡេតាំងតែពីតូច។ គ្រាន់តែការបោះជំហ៊ានមកវិស័យសិល្បៈដំបូង Jennie គ្មានជំនឿចិត្តថា នាងគួរតែទទួលយកតួនាទីជាអ្នករ៉េប ខណៈពេលដែលនាងគឺជាសិក្ខាកាមតែមួយគត់ដែលស្ទាត់ជំនាញភាសាអង់គ្លេស  ជប៉ុន និងភាសាបារាំងថែមទៀតនោះ វាក៏បានអង្រួនបេះដូងអ្នកគាំទ្រជាច្រើន ឲ្យស្រលាញ់ និងពេញចិត្តនូវសមត្ថភាពរបស់នាង។

The post Jennie សមាជិកក្រុម BLACKPINK បានបង្កើតស្លាកផ្ទាល់ខ្លួន សម្រាប់ការច្រៀងទោល appeared first on Cambodia Peaceful News.

តារាភាពយន្ត “Fast & Furious” លោក  Vin Diesel ត្រូវបានគេចោទប្រកាន់ពីបទបៀតបៀនផ្លូវភេទ ដែលប្តឹងដោយអតីតជំនួយការរបស់លោកដោយផ្ទាល់តែម្តង។

បណ្តឹងរដ្ឋប្បវេណីដែលអតីតជំនួយការស្រីរបស់លោក Vin Diesel បានប្តឹងកាលពីថ្ងៃព្រហស្បតិ៍នៅក្នុងតុលាការជាន់ខ្ពស់ទីក្រុង Los Angeles គឺត្រូវបានទីភ្នាក់ងាររបស់ CNN ដឹងថា រឿងនោះគឺបានកើតឡើងចាប់តាំងពីឆ្នាំ 2010 មកម្ល៉េះ ដោយកាលនោះអតីតជំនួយការរបស់ Diesel គឺអ្នកនាង Asta Jonasson បានចោទប្រកាន់ថា លោក Diesel បានបង្ខំនាងក្នុងបន្ទប់សណ្ឋាគារមួយក្នុងទីក្រុង Atlanta ដោយជាដោះសម្លៀកបំពាក់របស់លោកនៅចំពោះមុខនាង។

ពាក្យបណ្តឹងបាននិយាយថា Diesel មិនបានអើពើនឹង ចំពោះការបដិសេដន៍របស់នាងនោះទេ បើទោះបីជាអ្នកនាង  Asta Jonasson  បានស្រែក និងរត់ទៅបន្ទប់ទឹកក្បែរនោះយ៉ាងណាក៏ដោយ ។

ចំពោះករណីមួយនេះផងដែរ ទីភ្នាក់ងាររបស់ CNN បានធ្វើការទាក់ទងទៅកាន់តំណាង និងមេធាវីរបស់ Diesel ដើម្បីសុំការអត្ថាធិប្បាយ ប៉ុន្តែពួកយើងនៅតែមិនទាន់ទទួលបានចម្លើយនៅឡើយ។

គួរបញ្ជាក់ថា បច្ចុប្បន្នអ្នកនាង Asta Jonasson កំពុងតែបន្តប្តឹងទៅលើក្រុមហ៊ុនរបស់លោក Diesel ដែលធ្វើការងាររួមជាមួយនឹងក្រុមហ៊ុន One Race Productions ដែលគ្រប់គ្រងដោយប្អូនស្រីរបស់ Diesel គឺ អ្នកនាង Samantha Vincent ពីបទផ្សំគំនិតថែមទៀតផង។

អ្នកនាង Asta Jonasson បានអះអាងទៀតថា Samantha Vincent ដែលជាប្រធានក្រុមហ៊ុន One Race របស់ក្រុមហ៊ុន Diesel នៅពេលនោះ បានហៅនាង “នៅមុនពេលកើតហេតុមុនប៉ុន្មានម៉ោងប៉ុណ្ណោះ” តែបន្ទាប់ពីមានការចោទប្រកាន់នេះរួចមក ក្រុមហ៊ុនក៏បាន “បញ្ឈប់ការងាររបស់នាងភ្លាមៗតែម្តង”។

បើយោងតាមការរៀបរាប់ពីមេធាវីរបស់ Asta Jonasson បានសរសេរនៅក្នុងសេចក្តីថ្លែងការណ៍មួយដែលបានចែករំលែកជាមួយ CNN ថា “គ្មាននរណាម្នាក់​ដែលទទួលបាននូវល្បីល្បាញរហូតដល់អាចគេចពីយុត្តិធម៌នោះទេ” ។ “យើងសង្ឃឹមថាការសម្រេចចិត្តដ៏ក្លាហានរបស់នាងក្នុងការចេញមុខជួយបង្កើតការផ្លាស់ប្តូរយូរអង្វែង និងផ្តល់សិទ្ធិអំណាចដល់អ្នកគ្រប់គ្រាន់ក្នុងការរស់រានមានជីវិត និងជៀសផុតពីការកៀបសង្កត់មកលើកូនក្តីរបស់គាត់ផងដែរ”។

បើទោះជា លោក Vin Diesel បាន​បង្ហាញ​ខ្លួន​ក្នុង​ទូរទស្សន៍ និង​ភាពយន្ត​ជាង 60 រឿង ហើយសុទ្ធតែទទួលបាននៅការគាំទ្រយ៉ាងណាក៏ដោយ តែប្រសិនបើរឿងមួយនេះវាជាការពិតនោះ លោកមិនអាចរួចខ្លួនពីសំណាញ់ច្បាប់នោះឡើយ។ 

The post តារាហូលីវូដ Vin Diesel ត្រូវបានគេ​ចោទ​ប្រកាន់​ពីបទ បង្ខំជំនួយការរបស់ខ្លួនឲ្យ​រួមភេទ appeared first on Cambodia Peaceful News.

តារា K-Pop លោក G-Dragon នឹងបង្កើតមូលនិធិមួយ ដើម្បីប្រយុទ្ធប្រឆាំងនឹង ការប្រើប្រាស់គ្រឿងញៀននៅក្នុងប្រទេសរបស់លោកនាពេលឆាប់ៗនេះ នេះបើយោងតាមការចុះផ្សាយរបស់ យ៉ុនហាប់ កាលពីថ្ងៃទី ២១ ខែធ្នូ ឆ្នាំ២០២៣។

ដើម្បីជម្រះការចោទប្រកាន់ចំពោះលោកពីបទពាក់ព័ន្ធនឹងការប្រើប្រាស់គ្រឿងញៀន កាលពីនៅចុងខែតុលា ឆ្នាំ២០២៣ លោក G-Dragon ដែលមានឈ្មោះពិតថា Kwon Ji-yong បានធ្វើសន្និសិតសារព័ត៌មានមួយនៅទីក្រុងសេអ៊ូលដែលរៀបចំដោយ Galaxy Corp. ហើយក៏ជាភ្នាក់ងារថ្មីមួយទៀត ដែលតំណាងឱ្យសិល្បករកាលពីព្រឹកថ្ងៃព្រហស្បតិ៍នេះ។

គួរបញ្ជាក់ថា កម្មវិធីខាងលើនេះគឺបានធ្វើឡើង បន្ទាប់ពីតារាចម្រៀងរ៉េប G-Dragon ដែលយើងស្គាល់ថា ជសមាជិកនៃ K-pop BIGBANG បានចាកចេញពីផលិតកម្ម YG Entertainment អស់រយៈពេលជាងពីរទសវត្សរ៍កន្លងមកនេះ លោក G-Dragon បាននិយាយនៅក្នុងសារថា “បន្ទាប់ពីពេលវេលាដ៏លំបាកបានកើតឡើងមកលើរូបលោកនាពេលថ្មីៗនេះ ខ្ញុំក៏អាចចាប់ផ្តើមមើលឃើញនូវអ្វីដែលខ្ញុំមើលមិនឃើញកាលពីមុន។ តាមពិតមានមនុស្សជាច្រើន ប្រមាណជិត 20,000 នាក់ ត្រូវបានកាត់ទោសពីបទឧក្រិដ្ឋកម្មគ្រឿងញៀនក្នុងមួយឆ្នាំ ហើយក្នុងចំណោមពួកគេទាំងនោះ គឺសុទ្ធសឹងតែជាយុវវ័យដែលកំពុងតែពោពេញទៅដោយការសប្បាយ” ប៉ុន្តែរឿងនេះវាក៏អ្វីដែលខ្ញុំនិង មនុស្សដទៃទៀតបានមើលរំលងដូចគ្នាដែរ។

លោកបាននិយាយបន្តថា “ខ្ញុំបានដឹងពីព័ត៌មានដ៏គួរឱ្យសោកស្ដាយមួយនេះ គឺនៅពេលដែលមានមនុស្សតិចជាង 500 នាក់ មិនអាចទទួលបានការព្យាបាលត្រឹមត្រូវនៅក្នុងស្ថាប័នវេជ្ជសាស្ត្រ” ហើយក្នុងស្ថានភាពនោះវាគឺជារឿងដ៏គួរឱ្យសោកសៅជាខ្លាំងក្នុងនាមយើងជាជនរួមជាតិ។ ជុំវិញបញ្ហានេះផងដែរ វាក៏បានជម្រុញឱ្យខ្ញុំ មានឆន្ទៈមួយថា ពេលវេលានេះ វាដល់ពេលដែលត្រូវធ្វើសកម្មភាពលើបញ្ហាទាំអស់នេះហើយ ក្នុងនាមជាពលរដ្ឋនៃប្រទេសកូរ៉េ ខ្ញុំគួរតែមាននទំនួលខុសត្រូវក្នុងសង្គម។

បើទោះជាយ៉ាងណាក៏ដោយសម្រាប់ព័ត៌មានលម្អិតអំពីមូលនិធិរបស់តារាចម្រៀង K-Pop រូបនេះ វាជាការបង្ហាញបែបជារូបភាពនៅឡើយ។ យ៉ាងណាមិញ ចំពោះសិល្បករផ្សេងទៀតដែលនៅរួមផលិតកម្មបាននិយាយថា ពួកគេនឹងសហការជាមួយនឹងលោក ដើម្បីជួយកសាងប្រព័ន្ធសង្គមសម្រាប់អ្នកខ្វះខាត គឺដើម្បីបំពេញនូវធនធានដែលបាត់បង់ ក៏ដូចជាជួយដល់សិល្បករវ័យក្មេងដទៃទៀតកំឲ្យជួបរឿងមួយនះផងដែរ។

គួរបញ្ជាក់សារជាថ្មីថា ក្នុងកំឡុងពេលដែលលោក G-Dragon បានប្រកាសពីការបង្កើតមូនិធិសម្រាប់ជួយដល់ជនរងគ្រោះដោយការប្រើប្រាស់គ្រឿងញៀននោះ វាក៏មានក្រុមអ្នកសារព័ត៌មានមួយចំនួនបានលើកឡើងពីពាក្យចចាមអារ៉ាម និងព័ត៌មានដែលពាក់ព័ន្ធនឹងការចោទប្រកាន់ថា លោក G-Dragon ត្រូវបានប៉ូលីសរបស់ទីក្រុងសេអ៊ូកោះហៅ ជុំវិញការប្រើប្រាស់គ្រឿងញៀន។

ចំពោះសំនួរមួយនេះ វាត្រូវបាន លោក Cho Seong-hae ដែលជានាយកប្រតិបត្តិនៅក្រុមហ៊ុនបាននិយាយថា “យើងនឹងផ្តល់ឱ្យអ្នកមួយសប្តាហ៍នៅពាក់កណ្តាលអធ្រាត្រនៅថ្ងៃទី 28 ខែធ្នូ ដើម្បីកែតម្រូវអំពីការចុះផ្សាយរបស់ពួកគេ។

លោកបាននិយាយបន្តថា “បន្ទាប់ពីកាលបរិច្ឆេទខាងលើ បានៅតែមានលេចឭព័ត៌មានមិនពិតនេះបន្តទៀត នោះ យើងនឹងឆ្លើយតបយ៉ាងខ្លាំងខ្លាជាមួយនឹងនីតិវិធីច្បាប់”។

លោក Cho បានសង្កត់ធ្ងន់ថា ខ្លួននឹងបង្កើតភាពជាដៃគូដ៏រឹងមាំជាមួយរូបតំណាង K-pop ដើម្បីសាកល្បងអ្វីដែលថ្មី និងចាប់ផ្តើមគម្រោង “មិនធ្លាប់មានពីមុនមក”។

លោក Cho  បាននិយាយថា “យើងនឹងបំពេញគ្នាទៅវិញទៅមក ដើម្បីលុបបំបាត់នៅផ្លូវដែលត្រូវបង្ហោះបំភ្លៃពី បុគ្គលិករបស់ក្រុមហ៊ុនយើងខ្ញុំ គឺ Kwon Ji-yong (G-Dragon) ឲ្យទទួលបាននូវភាពស្អាតស្អំរបស់ខ្លួន” ។

លោក Cho  ក៏បានសម្តែងការដឹងគុណចំពោះ YG Entertainment ដែលវាបាននិយាយថា ពួកគេសូមជូនពរដល់ការចាប់ផ្តើមជាថ្មីរបស់ G-Dragon នៅក្នុង Galaxy Corp ។

លោក Cho  គាត់បាននិយាយទៀតថា “Kwon Ji-yong នឹងមិនមាននៅទីនេះទេ ប្រសិនបើវាមិនមានវត្តមាន YG Entertainment” ។”យើងនឹងមិនភ្លេចការខិតខំប្រឹងប្រែងរបស់អ្នកនោះឡើយ ហើយក្នុងនាមខ្ញុំគឺជាអ្នកដឹកនាំបន្ទាប់ ខ្ញុំនឹងបន្តពេលវេលាដ៏រុងរឿងមួយនេះ (មកកែលំអរ G-Dragon)” ឲ្យបានល្អបំផុត។

The post G-Dragon បង្កើតមូលដ្ឋានគ្រឹះដើម្បីប្រយុទ្ធប្រឆាំងនឹងគ្រឿងញៀន បន្ទាប់ពីរងការចោទប្រកាន់ជុំវិញការប្រើប្រាស់គ្រឿងញៀន appeared first on Cambodia Peaceful News.